............. .............. .......................
"لله در هشاشة روحنا وانكساراتنا لله در شبابا لم نعشه💜 "
الشركة فاضية وهم الاتنين في مكتبهم بيراجعو في الملفات وقدامهم فناجين القهوة قاطع صمتهم صوت تلفون وائل ايهم رفع راسو من الملفات ووائل رد جاهو صوت:شنوو ي دفعة يخ
وائل:اهلين ي حسام كيفك؟!
حسام:تمام والله الحمد لله كيفك انت وايهم؟!
وائل:بخير وعافية والله
حسام:اها م ناوين تجو علينا؟!
وائل:والله ي ابو الشباب مشغولين شوية للان م طلعنا من الشركة
حسام: اللمة حتكون زي الساعة 10 كدة وحاليا الساعة 8 قدامكم ساعتين وبعدين معظم الدفعة جايين فحاولو تجو
وائل: طيب ان شاء الله بينا التلفون
وقفل ع كدة
وائل :هااا نمشي؟!
ايهم:والله انا زاتي زهجت من الشغل الكتير د نمشي
وائل:خلاص يباشا نص ساعة تاني ونكمل الملفات القدامنا دي ونتحرك نجهز
ايهم:خلاص تمام
....... ............... ..........................................
"بدأ الالم يزداد شيئا فشئ وكانه يتسلل لاعماق روحي ،،هذا الالم مميت حقا💔!"
انتهت من صلاتها ورفعت يدينها وبقت تدعي بصوت مبحوح 'ي رب انت اعلم بحالي سهل لي اموري ي رب" ورقدت في المصلاية وهي بتحاول تكتم صوت بكاها لحد م نامت ❤️
نامت لمدة قصيرة وصحت ع صوت امها:لين ي بتي نايمة ع الارض ليه؟!
لين بعد م فتحت عيونا:اااا ولا شي ي امي غفيت بس من التعب
سوسن:طيب ي بتي اطلعي ارتاحي في سريرك
لين:حاضر
طفت النور وقفلت الباب وطلعت وقلبها م كان مرتاح لتصرفات بتها في الفترة الاخيرة
.............. ................... ............................
سئمت من شكل الحياة الروتيني الذي امر به كل يوم اصبحت هذه الحياة لا تطاق🚶🏻♀️💔"
فتحت عيونها ورفعت تلفونها وعاينت للساعة كانت ماشة ع 5 م طلعت ع البلكونة واتفرجت ع الناس الماشة وجاية اتنهدت بي ملل وفي النهاية قررت تطلع وتغير جو دخلت الحمام اخدت دش ولبست فستان ابيض لحد نهاية قدمها وفوق ليهو جاكيت جينز وشعرها كان كعكة فوضوية وطلعت بي شبشب البيت شالت تلفونها واتوجهت ع عربيتها
بعد مسافة وقفت قدام كافيه فاتح ع شاطئ كان ظريف شديد❤️
نزلت من العربية واتوجهت لواحد من الكراسي الخشبية،،شوية وجاتها بت بابتسامة ع وشها ولابسة ملابس بتدل ع انها من النادلات بتاعين الكافيه :ما هو طلبك انستي؟!
اسيل بابتسامة:عصير برتقال💕
بعد دقايق البت جات وهي شايلة العصير اسيل ابتسمت وشكرتها كانت بتشرب في العصير وبتتصفح في الميديا لقت كومنت من ايمن ومحمد في البوست الي نشرتو "تجبرنا الظروف ع ان نكبر ...الخ"
كان ايمن كاتب ليها سولا السمحة الواعية حقتنا❤️🌹
ومحمد كاتب ليها فعلا انتي اكبر من عمرك بكتير ربنا يحفظك لينا❤️
اتفاعلت معاهم بي احببته وكتبت ليهم اخواني الحلوين ويحفظكم لي💜
قفلت الداتا واتوجهت بنظرها للشاطئ والرمل القدامو ابتسمت بطفولية وطلعت بره الكافيه وبعد مسافة كانت مغمضة عيونها وبتتمشى ع الرمل وهي حافية❤️
........... ........ ................................
كانت قاعدة وماسكة الاسكتش بتاع الرسم وبترسم شكل جبل والقمر طالع بفوق ليهو قاطع رسمها وتاملها صوت التلفون وهو بضرب
فتحت الخط وجاها صوتو
ميجو:شادو ي شادو
شادن:ي هلا
فجاة جاها صوت مزن:مختفية وين من قبيل قافلة الداتا شايفاك؟!
شادن:كالعادة برسم💘
زياد:اها ي حلوين مخططاتكم لبكرة شنو؟!
ميجو:والله م عارف فكرو بس تكون حاجة غير الروتين اليومي والعجلات🌚
شادن:امممم رايكم شنو نمشي المنتجع الجديد وواحد منكم يحنك ابوهو يديهو عربية من غير سواق🌚😂
ماجد:دايما انتي افكارك ظابطة 😂❤️موضوع العربية خلوهو علي بس انتو اجهزو😉🤙🏻
زياد:تمام كدة
قفلت منهم واتحركت ع المطبخ وهي خاتة اقلام التلوين في شعرها وشايلة الاسكتش في يدها لاقاها ايهم داخل ع البيت
ايهم:دافنشي بتاعنا ازيك 😂
شادن:اننن اسكت مني😒
ايهم وهو بقرصها من خدودها:لسه زعلانة مني يحلوة انتي😂
شادن:اااييييي
ايهم:طيب عندي لمة مع الشباب الليلة تطلعي معاي؟!
شادن باشمئزاز: ابدا عارفني م بريد شلتك دي 🙄
ايهم:انتي ليه بتكرهي روان للدرجة دي😂
شادن:كدة بس مايعة وعواليقة🌚
هز راسو وهو بيضحك واتوجه ع غرفتو
اما هي دخلت المطبخ عملت ساندوتش جبنة وشالت ليها بيبيسي وطلعت تكمل رسم ❤️🌹
................ .......................... ................. ............... ..........
نزلت من العربية ودخلت الشقة اتوجهت ع غرفتها كانت تعبانة شديد وخصوصا ليها فترة م طلعت فهي بعد م اتمشت ع الرمل اتحركت ع مطعم شعبي وطلبت بيتزا شالتها وركبت في عربيتها واتحركت لمنتزه عام قعدت في الارض الكانت كلها زراعة خضراء💚وبدت تاكل وهي بتعاين للمارة مرة ومرة تسرح في الارض، ،ختمت جولتها بي انها مشت محل ايسكريم وطلبت نكهة كاكاو🤎 واخيرا رجعت البيت اتنهدت بي تعب بعد م اتذكرت الجولة الطويلة القامت بيها ومن غير اي شعور منها غطت في نوم عميق❤️!
................. ............................... ..................................
واقف قدام المراية بيظبط في لحيتو وهو لابس بنطلون اسود وقميص اسود واسبورت ع رمادي اتعطر وشال مفاتيح عربيتو ونزل🖤
اتحرك ع بيت صحبو واتصل عليهو دقايق وجا نازل وهو لابس بنطلون جينز وقميص كبدي واسبورت اسود❤️
ايهم نزل قزاز العربية :ي مدمرهم😉
وائل. من بعدك ي حبيبنا😂
ضحكو الاتنين وكل واحد ركب عربيتو واتحركو ع مكان تجمع شلتهم جنب النيل🖤
وصلو ونزلو وفعلا كمية كبيرة من الدفعة كانت موجودة سلمو عليهم وابتدو يتونسو ويشربو في مشروبات غازية واثناء م بيتونسو كالعادة روان جات قعدت جنب ايهم
روان:شنو ي ايهم م بترد علي ليه؟!
ايهم:كنت مشغول والله ي روان م انتبهت
روان:اممم طيب اخبارك شنو؟!
ايهم:بخير والله وانتي؟!
روان: بخير بشوفتك
ايهم اكتفى بي انو يبتسم ليها بس ووائل كان متابع الحوار وابتدا يشاغل ايهم بعيونو وايهم يحمر ليهو 😂
حسام:ايهم م جيت الجيتار ليه يخ كان هسة غنيت لينا
ايهم:م ركزت والله ي حسام افتكرت حالقى واحد معاكم زي المرة الفاتت
روان:م مشكلة المرة الجاية تغني لينا
وائل:م اظن في مرة جاية نحنا كاتمة فينا شديد الايام دي😆
حسام:براكم م صدقتو اتخرجتو جري ع الشغل
ايهم: ي زول دي السنة التانية من اتخرجنا كفاكم عطالة
حسام:اي نزلت فترة مؤقتة مع الحاج عشان اتعود ع الشغل وكدة
واصلو ونستهم لحد م كل واحد منهم استاذن ومشى
ايهم ووائل وهم متحركين ع عرباتهم
وائل:في ناس كدة واقعين فيك غايتو😆
ايهم:وائل بطل تستظرف
وائل: ظاهر عليها والله بس يلا الزمن اتاخر نتفاهم بكرة
ايهم:طيب يلا
وكل واحد اتحرك ع عربيتو
................ ................................. ..................... ..................
سوسن:عبد الله لين دي م طبيعية والله وشها بقى باهت شديد وصحتها ماشه في النازل
عبد الله:والله ي سوسن انا زاتي ملاحظ ليها وكل م اسالا بتقول ضغط الشغل
سوسن:شغل شنو البعمل كدة
عبد الله:والله ي سوسن انا زاتي م عارف
"كانت طالعة من غرفتها بعد م رقدت في السرير من غير م يجيها نوم سمعت الحوار بين امها وابوها ختت ايدها ع وشها ودموعا جات نازلة جرت ع الحمام وغسلت وشها واتوجهت ع امها وابوها بي ابتسامة عريضة ❤️
سوسن:لين حبيبتي م نمتي انتي؟!
لين:غفيت شوية وصحيت تاني قلت اتونس معاكم
عبد الله:تعالي اقعدي جنبي
مشت قعدت جنب ابوها ضماها عليهو وبقى بيمسح ع شعرا❤️:انتي كويسة ي بتي؟!
لين:اي ي ابوي💕
وبقت تتونس معاهم وتضحك وبتحاول تخفي الالم الحاسة بيهو💔🌹
"مؤلم عندما لا تستطيع مشاركة تفاصيلك الحزينة مع من تحب.. ان تحارب المك لوحدك ..مؤلم حقا الصمود بمفردك في وجه كل تلك الصعاب💔" ليـن
لهـا بقيـة 💕
