.....................................................................................................................
قاعدة في المطبخ والشغالة كانت بترص في الاكل ،،اخوانا وابوها قاعدين في طاولة الاكل برة ،،ايمن واحمد بعاينو لي بعض ويتبسمو
عبد الحميد:انتو العمل الاكل الليلة منو؟
ايمن:حيكون منو يعني ي ابوي الشغالة
عبد الحميد:م نفس الطعم بتاع كل يوم
محمد:بتخيل ليك بس ي ابوي
اسيل كانت في المطبخ وبتسمع كلامهم وبتضحك قامت ع حيلها وطلعت ليهم برة محمد وايمن كانو شايفنها وابوها على عكس اتجاها وقفت مسافة من ابوها وقالت :م في مكان لي؟!!
عبد الحميد اتلفت ع صوتها:اسيل ؟!😳
وقف ع حيلو وكانو م مصدق انها قدامو
مشت ع ابوها وحضنتو وهي بتبكي
عبدالحميد:اشتقت ليك جدا يبتي❤️
اسيل:وانا بالاكتر❤️
زحاها منو شوية:ليه الدموع بس؟!
ايمن:اسيل والدراما خليها ي ابوي الاكل حيبرد😂
اسيل :طول عمرك عواليق
عبد الحميد:انتو عارفين انها جاية؟
محمد;والجابا من المطار منو يعني ي حاج😂
عبد الحميد:وليه م وريتوني؟
اسيل:لاني طلبت منهم😂💔
عبد الحميد وهو بقرصا من خدودها :تموتي في الحركات دي😂
اتلمو حول الطاولة وبقو يتونسو ويضحكو❤️..ليها فترة م ضحكت من قلبها زي م بتضحك معاهم هسة ❤️✔️
.............................................................................................................
راكبين في العربية وكل واحد فيهم ساكت
شادن:شباب م نفسكم نبطل الدراما دي؟!
مزن:جد كدة يعني🙂
زياد:اي دراما؟!
شادن:م تستهبل ي زياد عاملين فيها زعلانين وبتاع😃
زياد:ميجو نحنا زعلانين؟!
ماجد:ابدا🌚
زياد:شفتو ماف اي حاجة
شادن بغيظ:لالا تمام 🙂
وصلو وكل واحد اتحرك ع فصلو ماجد وزياد كان بضحكو ومزن وشادن حيموتو من الغيظ😂
زياد:كانو كترناها كفاية خلاص😂
ماجد:لا استنى شوية كمان مستمتع انا😂
زياد:م قادر ع حركاتك دي🌚
ماجد:م حنطول يخ منو نرتاح من نقتهم دي😂
زياد:اتفق والله😂✔️
دخلو وقعدو في مقاعدهم وهم بضحكو،،اما مزن وشادن كانو متغايظين جدا
مزن:الموضوع م مستاهل ع فكرة هم براهم مزودنها🌚
شادن:قاعدين يتغلو بس مع نفسهم😃
مزن:ورح ركزي في الحصة الحتبدا دي مصيرهم يرضو يعني😂❤️
بدت الحصة وكانو مركزين فيها شديد لانهم ايام العرس وكدة م حيقدرو يجو فقررو يجتهدو في الايام دي،،الحصة كانت عبارة عن ساعة وفي اليوم دة كان عندهم 4 حصص بعد ساعتين طلعو استراحة ،،مزن وشادن اتوجهو ع الكافتريا وقعدو في طاولة
مزن:وديل وينهم كنا بنجي نلقاهم قاعدين قبلنا
شادن:م عارفة م ظاهرين
اثناء م هم بيتكلمو جو زياد وماجد داخلين مشو طلبو وجو قعدو وكالعادة ساكتين🌚مزن اشرت لشادن بعيونها نظام م تتكلمي ،،خلصو اكل وكل واحد قام شادن مشت ع محل الطلبيات ومزن لحقتها ،،شالت شيبس وبيبسي ليها ولي مزن واتحركو ع الفصل من غير م يتكلمو معاهم
شادن وهي بتاكل في الشيبس وبتشرب البيبسي بانفعال:سكتيني ليه؟كنت ناوية اردح ليهم😐
مزن :اشربي براحة ي بت 😂بعدين لاحظت ليك وقلت اوقفك م في داعي تهيجي وتحرقي دمك 😂
شادن:اووووف متغايظة منهم جدا🙄
مزن:وانا كمان والله بس روقي😃
عدت الساعتين ومزن وشادن طلعو اتلاقو مع ماجد وزياد واتوجهو ع العربية ..ركبو وماجد وزياد كل واحد فيهم بيضحك😂
شادن:م نفسكم تضحكونا معاكم؟
مزن:خليهم يتكلمو معانا اول الضحك هين😂
زياد:متغايظين جدا يخ😂
ماجد:وخصوصا شادن 😂😭
شادن:جد كدة انتو عواليق😃💦
مزن:يعني م زعلانين وبتتاقلو فينا🌞
ماجد:قلنا نستمتع شوية😉
زياد:ونرتاح من نقتكم الكتيرة دي😂
فضلو يتناقرو كتير لحد م كل واحد وصل بيتو😂😭❤️
"اعتقد ان تلك المهاترات بين الاصدقاء هي التي تزرع الابتسامة ع وجوههم ..لطالما نتعافى بتلك اللحظات التي نقضيها بجانبهم❤️لم يخطئ من قال جالس جميل الروح تصبك عدوى جماله❤️✨"
............................................................................
قاعدة في غرفتها وماسكة تلفونها.بتحاول تقنع في صحبتها انو م في داعي يمشو لي الدكتور
صفاء:لين بطلي الهبل البتعملي فيهو دا ..انا جاية عليك ع فكرة البسي واطلعي لي قبل اصل بيتكم واحكي لي امك اي حاجة
لين:طيب ي صفاء خلاص طالعة
قامت بسرعة لبست ليها عباية وكوزت طرحتها ونزلت
لين:ي امي صفاء دي جاياني حاطلع معاها اغير جو زهجت
سوسن:كويس بس م تتاخرو لحد المغرب كدة تعالو
لين:كويس
طلعت لقت صفاء واقفة ليها بالعربية ركبو واتحركو ع المستشفى
لين:قلت ليك م في داعي
صفاء:عايزاني اتفرج عليك وانتي بتموتي جنيتي انتي؟!
اتنهدت بالم ودخلو ع الدكتور ..بعد مسافة من الاسئلة قام كشف عليها قعد وقلع نضارتو:ي بتي ليه كدة؟عضلات قلبك تعبانة جدا ليه قاعدة الفترة دي كلها ..انتي صغيرة وقدامك حياة طويلة عارفة انك في اخر مرحلة ممكن يغمى عليك وم تصحي؟
لين:معليش ظروف بس
....:طيب حاكتب ليك مسكنات وعلاجات تانية بس دي لفترة مؤقتة العملية هي الحل الوحيد
كتب ليها العلاجات شالت الورقة منو و
صفاء طلعت وهي بتبكي ولين استاذنت من الدكتور ولحقتا
لين:صفاء ي صفاء
صفاء وقفت وهي بتتنهد :لين الله يرضى عليك خلينا نكلم اهلك واهلي ونتصرف كلنا اكيد حنلقى حل
لين:صفاء انا م عايزة زول يشفق علي فاهمة؟م عايزة احس اني عاجزة والناس بتحاول تساعدني م عايزة🙂
حضنت صحبتها الكانت بتبكي وهي بتحاول تسكت فيها:ي بت اهدي انا معاك لسه م مت ع فكرة😂
صفاء:زحي مني اصلا انتي وحدة متخلفة
ركبو العربية،واتحركو وسط دموع صفاء وشقاوة لين الكانت بتتعمد انو تخلي صحبتها تضحك❤️✨
"كنت أنت ي صديقتي من اتكل عليها عند سقوطي،،كنت انت ذلك الحصن الثابت الذي يستطيع حمايتي في كل مرة انهار فيها💛🌻"ليـن
...................................................................................................
الفرحة مالية البيت ..الكل بيتجارى ويجهز ..واخيرا ولدهم راجع بعد سنين من الغربة ..والفرحة حتبقى فرحتين بزواجو❤️
شادن:يااا مزن جيبي البخور وتعالي وراي الصالون
مزن:جاية جاية
اميرة كانت في المطبخ بتجهز الاكل والحلويات
اميرة :شادن نادي لي ماجد وزياد يمشو لي السوق
شادن طلعت الشارع لقت ماجد وزياد مع وائل ايهم
شادن:ماجد وزياد تعالو امي عايزة ترسلكم السوق
ايهم:طيب انتو امشو السوق نحنا حنجيب ادم من المطار
ماجد:طيب حلو
مزن وشادن جهزو البيت وبخروهو❤️وماجد وزياد طلعو ع السوق ..وائل وايهم مشو الشركة وحوالي الساعة وحدة اتحركو ع المطار..بعد مسافة شافو ادم وهو طالع ايهم اتحرك عليهو
ايهم :ي حبيبنا الشوق ليك والله😂❤️
ادم:كتير والله
سلمو ع بعض وسلم ع وائل
ادم:كبرتو وبقيتو رجال😂
وائل:كلها 3 سنين ي باشا م تكبر الموضوع😂
اتحركو ع بيت ناس ايهم ومن قدام الباب اميرة تزغرد 😂❤️سلمت ع ولدا باالاحضان وهي بتبكي وتضحك
ايهم:هسة الدموع لزومها شنو😂
وائل:لزوم الفرحة وكدة ي الاخو😂✔️
حسن جا وسلم ع ولدو :العريس نورت والله
ادم:بنورك ي ابوي😂❤️
اتلفت ع شادن:شادو المجنونة😂😂
جرت واتعلقت في اخوها وهي بتضحك :اشتقت ليك يخ..3 سنين مستحملة ايهم الغياظ دة🤣
ايهم:كويس كويس🌚
ادم:كبرتي والله واحلويتي❤️
سلم ع مزن وماجد وزياد وهو شغال ليهم:العيال كبرت😂❤️❤️✔️
جهزو الغدا واتلمو كلهم وهو بيتونسو ويضحكو💕
...........................................................................................
جهزت القعدة في الحديقة ..وعملت القهوة وقطعت كيكة الشوكلاتة ..شالت القهوة وايمن شال الكيكة وطلعو الحديقة برة❤️✨
محمد:زمن من اللمة في الحديقة ومن كيكة الشوكلاتة البتعمليها❤️
عبد الحميد :واهم حاجة القهوة المظبوطة بتاعتك😂
اسيل:اطلبو بس وانا اعمل ليكم اي حاجة😂❤️
ايمن:وهو بضمها لحد م خنقا اساسا نحنا بنحبك جدا❤️
اسيل:خنقتني معولق دة🙂💦
فضلو يتونسو مسافة 🌹
محمد:كان احساسك شنو لم لقيتي الجرايد والميديا بيتكلمو عنك؟!
اسيل:فرحت جدا والله😂❤️
عبد الحميد:تستاهلي انك تفرحي دايما😉❤️
اسيل: اصلا فرحانة بيكم😘
ايمن:اليشوفك بتتعولقي هنا م يقول دي اسيل العاقلة الكلامها كل الميديا كان بتتحاكى بيهو😂
اسيل:لكل مقام مقال يباشا😂✔️
ايمن: انتي عميقة جدا يبت😂❤️
فضلو يتونسو ويضحكو ،،هي كانت مبسوطة لانها وسط اهلها،،وهم كانو مبسوطين بيها جدا❤️🔥
لها بقيـة💕
