.................................................................................
"ادمنت محادثتك ي جميلتي كادماني لقهوتي فيومي لا يمضي بدون كلاكما❤️🌹"ايهم
القروب كان سبب في قربي منها بالطريقة دي،،كنا بنتونس فيهو دايما بعدها بقينا بنعلق ع الاستوريهات ونفتح مواضيع❤️عرفت انها بتحب الطبيعة وقراية الروايات ،،بتحب تسمع كلمات مصطفى سيد احمد وبتقول انو فنان عميق وكلامو بلامس قلبها❤️كانت عميقة وعاقلة في نفس الوقت ..بنجذب في الكلام معاها وبكون مستمتع جدا ..في مرة كانت رافعة في الاستوري اقتباس "م زلت اؤمن ان اظهار الاهتمام هو اظهار للحب ،،لا حب بلا اهتمام او بالاحرى لا تخبرني انك تحبني اهتم بي وساعرف لوحدي انك تحبني ❤️"وتحت مكتوب ليطمئن قلبي -ادهم الشرقاوي ..رديت ليها بي حقيقة الواحد لم يحب بهتم بتفاصيل البحبو ❤️ردت علي وقالت وهو كذلك ❤️❤️فضلنا نتونس حول الكتاب لحد م حبيتو وقررت اني اقراهو زيها❤️علاقتي مع الكتب م سيئة جدا بس الواضح اني حاحبها الايام الجاية ❤️✔️
شادن كانت مشغلاها لي لو شافتني بضحك ساي بتقول لي ايامك والله استمتع 😂❤️وائل قال لي لو الحب بيخلي الزول فرحان ومبسوط زيك كدة حبابو الف والله😂✔️مرة وانا قاعد جاتني شادن وقالت لي قبل المدرسة تفتح لازم نطلع كلنا انا زهجانة ..م كان عندي مانع وقالت حتكلم الباقين
...............................................................................
"كانت القهوة وقراءة الكتب هي اولوياتي الى ان اتيت انت واصبحت ثالثهما ❤️✔️"اسيل
ايهم بقى جزء من الروتين اليومي بتاعي ..وانا في الشغل مرات بتواصل معاهو لو احتجت لي رايو في حاجة ..وبعد ارجع البيت كالعادة بعمل قهوة وبقعد اقرا كتب او روايات وبالليل بتواصل معاهو ..كان مرح وبحب الهظار ع عكس الشخصية الجامدة الاتعرفت عليها واخدت طابع سئ عنها..كان عميق وبحب يسمع لمصطفى سيد احمد برضو ومحمد وردي❤️دايما بقول لي الاغاني والفنانين القدام مافي زيهم❤️❤️وحقيقة يعني كلماتهم كانت عميقة ومعبرة جدا .. مرة قال لي انو عندو مكتبة برضو وبقرا مرات لم يحس انو فاضي ومن خلال كلامي عن ادهم الشرقاوي وكتابو قال لي انا حابدا اقرا فيهو 📌❤️علاقتي معاهو اتغيرت وبقينا اصحاب شديد ❤️رغم انو انا م عارفة هل انا معتبراهو صديق بس؟ع قدر التناقض الحاصل جواي بس كنت مبسوطة بيهو وبي الكلام معاهو ايا كان مسمى العلاقة ..في يوم وانا في الشغل اتصلت علي شادن
شادن:اسيل الحلوة ❤️
اسيل:شادو اشتقنا يجميل
شادن:جدا ياخ ،،عايني عايزاك تساعديني لو فاضية
اسيل:احكي وافضى عشانك 😂❤️
شادن:اساسا انا بحبك يخ ❤️عايزنك تمشي معانا انا ومزن نختار حاجات للمدرسة وكدة يعني اصلا زهجنا من قعاد البيت وبعدين عايزين نظبط طلعة لينا كلنا😂❤️
اسيل:اعتبريهو حصل ارجع البيت واتفاهم معاك
شادن:طيب يحلوة باي
وفعلا بعد خلصت شغل رجعت البيت ونمت ..صحيت العصر كدة واتصلت لي شادن وقلت ليها انا شوية وحاطلع اجيكم في البيت؟قالت لي اي تعالي اصلا امي مشتاقة ليك❤️قلت ليها طيب اساسا انا زاتي اشتقت ليها ..جهزت ونزلت كلمت ناس ابوي وطلعت عليهم❤️
................................................................
شادن:ي امي بتك السمحة زي م بتقولو انتي وابوي جاية😂❤️
اميرة:اسيل جاية؟
شادن:اي حتمشي معاي انا ومزن السوق
اميرة: تنور والله اشتقنا ليها زاتو❤️
جاتهم داخلة مزن :دي اسيل صح؟😂
شادن:لالا روان🙂
مزن:اتلهي يختي خالتو اميرة م بتشتاق للبنات الزي ديل😂
اميرة:غايتو انتو بري منكم😂
مزن:اها اسيل وين؟
شادن:قالت جاية
مزن:وم تقومي تلبسي
شادن:لحد م تصل بقوم
قاطعم صوت ايهم :ماشين وين ودي منو الجاية؟
شادن وهي بتضحك :ماشين السوق والجاية دي اسيل
ايهم:والله!!لالا حلو
مزن:اي حلو شديد😂
شادن:ي امي رايك شنو نعرس روان لي ايهم شكلو صحبتو شديد وم قاعد يرضى فيها🌚
اميرة عاينت لايهم وقالت ليهو :روان شنو كمان م جاية معاهو ولا شي
ايهم كان بضحك وقال ليها:اساسا هي صحبتي ساي ي امي
بعدها اسيل جات داخلة
اميرة:نورتي والله ي بتي❤️
اسيل:بنورك ي خالتو
وسلمت علي مزن وشادن وايهم برضو كان قاعد سلمت عليهو ،،شادن مشت تغير وفي المسافة دي اميرة جابت لي اسيل عصير وفضلو يتونسو وحسن جا وقعد معاهم
حسن:اها ي بتي الشغل ماشي معاك كيف؟
اسيل:والله الحمد لله
اميرة: حسن كان حكى لي انك اشتغلتي هنا احسن ي بتي خليك وسطنا بدل الغربة ديك
اسيل: ان شاء الله ❤️
حسن:ابوك كان خايف من ردة فعلك بس فعلا عرف يربي احترمتي قرارو وم كسرتي كلمتو ❤️
اسيل: ولا حاقدر اكسرا في يوم ي عمي اصلا عارفة هو خايف علي ومن زمان كان عايزني ارجع
ايهم:الغربة صعبة شوية وخصوصا لانك بت بكون مشغول بيك
اسيل:ممم فعلا
فضلو يتكلمو لحد م شادن طلعت واستاذنو منهم واتحركو 💕
وهم في الطريق تلفون اسيل ضرب وكان ماجد
ماجد:سولا المزة
اسيل:ماجد الحلو😂❤️
ماجد:اها طلعتو انتي والبنات ؟
اسيل:اي في الطريق
ماجد:لالا تمام سلمي عليهم 😂
جاها صوت زياد وقال ليها افتحي الاسبيكر
فتحتو وكان في صوت غنا
زياد:مستمتعين نحنا😆
اسيل:غياظين ياخ حرام عليكم😂
مزن:اصبرو يمعولقين انتو🥲
شادن:لم نطلع م حتطلعو معانا منتهي🙂
ماجد:ولا ع كيفكم 😂
زياد:اصلا اصلا😂
اسيل قفلت وقعدت تضحك ع نقة شادن ومزن
اسيل:نحنا زاتنا حنستمتع م تزعلو😂
وصلو السوق ونزلو دخلو كذا محل وطقمو كذا شنطة مع الاسبورتات بعدها مشو المكتبة واشترو الدفاتر فجاة اسيل بقت تعاين في الكتب لفت انتباها كتاب "في قلبي انثى عبرية 💕" اشترت منو 2 واشترت ليطمئن قلبي واشترت كذا حاجة ودخلتهم في كيس هدايا ..وادتهم لشادن وقالت ليها ادي ديل لايهم❤️شادن ابتسمت ومسكتو منها ،،فضلو لافين واخر حاجة اسيل عزمتهم بيتزا ..اتصورو مع بعض كتير بعدها وصلتهم البيت ورجعت ع بيتهم❤️
................................................................................
"كانت خجولة جدا وكان ذلك الخجل يزيدها جمالا❤️كل تفاصيلها جميلة وكانها لا تنتمي لعالمنا ابدا❤️"ايمن
علاقتي مع لين اتطورت شديد ،،اتخطينا مرحلة الطبيب والمريضة وبقينا نتونس في مواضيع تانية ،،اتعودت عليها سرعة وكنت بتكلم معاها من غير م ازهج منها❤️كانت انسانة ايجابية وبتعاين للامور بطريقة بسيطة..سالتها وقلت ليها انتي ي لين كيف قدرتي تصبري 5 شهور مع انو الم المرض دة م ساهل..قالت لي كنت واثقة في ربنا اصلا هو بيختبرنا ليه،،عشان نصبر صح؟قلت ليها ايوة قالت لي بس انا صبرت وزي م بقولو صبرت ونلت❤️اسيل كانت العوض الحلو بالنسبة لي لاقيت صحبتي بعد زمن وقدرت انها تساعدني بالاضافة لي انها خلتني اتعرف عليك❤️ابتسمت وانا بقرا كلامها وقلت ليها ونعم بالله حقيقة يعني ربنا م بيخذل زول وبعدين انا مبسوط من اسيل جدا لانها خلتني الاقيك ❤️كنت ناوي اعترف ليها بس كنت خايف اخسرها ففضلت اني اتواصل معاها عادي واخليها تتعود علي بالاول❤️
............................................................................
"نتعافى بمن نحب حقا ❤️وكانهم بلسم شافي لكل الجروح التي بداخلنا❤️🌹"ليـن
حقيقي يعني اسيل هي الصحبة السند وهي عوضي الحلو❤️في كل مرة بحتاج ليها كانت بتقيف معاي ،،كنت متاكدة انها عملت القروب عشان تقربني من ايمن،،وفعلا نجحت في كدة بقيت متواصلة معاهو دايما وكنت مبسوطة من الحاجة دي❤️
في يوم كنت مساكة تلفوني وبضحك براي امي نادتني ختيت التلفون ومشيت ليها
سوسن:اها م عايزة تحكي لي امك ؟
لين:احكي شنو؟
سوسن:المفرحك وخاليك تابي العرس دة
لين:ي امي لو في حاجة انا كنت وريتك
سوسن:يعني م في زول في حياتك؟
لين:لا ي امي بعدين انا مبسوطة ساي والحمد لله
سوسن:دايما ي رب❤️
رجعت غرفتي وانا بتبسم براي معقولة يعني الحب وتاثيرو بيظهرو ع ملامحنا للدرجة دي؟❤️ وانا قاعدة فجاة تلفوني ضرب كانت اسيل وفجاة جاني صوت صفاء كانو عاملين مكالمة جماعية ❤️
صفاء:شنو لكن الجفا دة؟
اسيل:بقت كعبة شديد البت دي😂
لين:معقولة ياخ 😂
صفاء:سافهانا في الواتس وبتردي بعد سنة
اسيل: ايمن خلاك تنسينا خلاص؟
لين:بطلو اموركم دي اصلا مافي شي حصل😂
صفاء:وبعد يحصل حتحظرينا يعني ولا كيف؟
اسيل:الظاهر كدة ي صفو والله😂بعدين كيف م حصل شي م متواصلين ؟
لين:لا متواصلين بس يعني عادي كاصحاب وكدة
اسيل:ممم خطوة كويسة وقريبا حيحصل العايزنو ❤️
صفاء:بحب ثقتك دي😂❤️
لين:اها م نفسكم نطلع؟
اسيل:انا الليلة كنت لافة ورجعت قبل شوية بعدين اكيد حنطلع حددو يوم بس
لين:كنتي وين ؟
اسيل:مع شادن ومزن
صفاء:الناس ديل ظريفين ياخ ❤️
لين:شديد شديد🌹
صفاء:طيب خلاص نطلع بكرة لو قدرنا
اسيل:خلاص تمام
...............
.............................................................................
........................................................................
كنت قاعد في غرفتي لم شادن جاتني داخلة وماسكة كيس هدايا في ايدها وقالت لي دة من اسيل ❤️فتحتو وكانو كتابين ليطمئن قلبي والتاني في قلبي انثى عبرية ❤️ومعاهم قلم تخطيط لونو بنفسج💜 وقلم ملون بنفسج برضو ودفتر صغير لونو اسود 🖤ونوتات ملونة كانت كاتبة في وحدة من النوتس "بتمنى يعجبوك وملصقاها في الدفتر من برة ❤️ابتسمت وانا بعاين للكيس وشلت تلفوني واتصلت ليها اساسا مشتاق لصوتها❤️جاني صوتها :ايهم ازيك!!
ايهم:حمد لله وانتي؟
اسيل:الحمد لله بخير
ايهم:الهدية حلوة ع فكرة ❤️
اسيل:بالجد عجبتك؟
ايهم:شديد❤️اصلا كنت حانزل ليطمئن قلبي pdf وكويس انك جبتيهو لي كتاب شكرا ليك❤️
اسيل:م في داعي للحركات دي بيناتنا😂❤️ بعدين قراية الكتاب احلى من ال pdf كتير لو في اقتباس عجبك ممكن تلونو بقلم التخطيط 💜والدفتر اذا عايز تكتب حاجة من الرواية او حاجة حتى لو برة الكتاب والنوت ممكن الحاجة العجبتك وكتبتها تلصقها في الدفتر او في الغرفة ❤️ولاحظت انك برضو بتحب الاسود فجذبني الدفتر وحسيتو معمول علشانك🖤
ايهم:مفروض اول هدية تكون مني ي ستي بس م مشكلة حتتعوض❤️
اسيل:عادي ع فكرة م تركز في الحاجات دي استمتع بالكتاب ❤️✨
ايهم:عارفة الحيكون ناقص شنو؟
اسيل:شنو؟
ايهم:قهوة من ايدك علشان الواحد يقدر يقرا بي مزاج🖤✨
اسيل :م مشكلة في اقرب فرصة تلقاني عملت ليك القهوة ❤️
ايهم :ان شاء الله يلا م اطول عليك تصبحي ع خير ❤️
اسيل:وانت من اهله✨
قاعدين في الكافيه ومنتظرين شادن ومزن يجو ،،بعد مسافة دخلو وهم صارين وشهم
ماجد:وشكم دة بقع منكم😂
زياد:زعلانين للدرجة دي؟🌚
شادن:عان م تتعولقو كتير 🙂
مزن:من يومهم معولقين خليهم 🥲
شادن:اصلا اصلا..اطلبو لينا نسكافيه وم تتكلمو معانا
زياد:مصالح بس🌚
مزن:انتو البديتو وم سقتونا معاكم
زياد;اللمة كلها شباب تمشو كيف يعني؟
شادن:ي زول م علينا كنتو تكنسلوها وتطلعو معانا
ماجد:لا حولا خلاص بطلو عوارة بنطلع معاكم
مزن:اصلا بيكم وبلاكم طالعين😌
شادن:اي اي😂
زياد:متين؟
مزن:وانتو مالكم
ماجد:بطلو حركاتكم دي
شادن:والله لسه م اتفقت مع اسيل امس مشينا ولفينا ونسيت اسالا بس يعني المهم حنظبط طلعة ظابطة
ماجد:اها طيب اسيل وايهم ماشين كيف؟
شادن :ممم والله واضح انهم اتصاحبو لانو امس اسيل اشترت ليهو كتب وحاجات كهدية ورسلتهم معاي🌚❤️
زياد;تطورات والله
مزن:اي احسن بكتير من زمان بس فاضل ايهم يعترف
ماجد:واضح انو م حابي يستعجل
شادن:اي بقول عايز يديها زمن تتعرف عليهو اكتر
زياد:احسن ياخدو وقت كافي علشان يتاكد اذا هي م في انسان في حياتا
مزن:معاك حق ولو اني حاسة انو م في زول
شادن:حيعترف ليها كيف؟انا عايزة الطريقة تكون م اعتيادية
مزن:ايوة اسيل دي من النوع العميق جدا فعايزين طريقة تخليها تنبهر م تكون سطحية وعادية كدة
شادن:تمام بعدين نخلي وائل وايهم يجو البيت،ونتفاهم
ماجد:طيب حلو
...........................................................................
اسيل بتحكي:
اتعودت ع جو الشغل بسرعة وم كنت حاسة باني متضايقة ابدا ،،كل مرة امشي فيها لي وائل وايهم بخلوني اعمل ليهم قهوة 😂❤️لين وايمن كانو ماشين كويس قالت حاسة انو بحبها بس لسه م قالا ليها بالحرف❤️اما انا وايهم كنا متصاحبين جدا اول مرة اتونس معاهو وش لوش لم طلعنا كلنا سوا زي م شادن كانت عايزة كنا في حديقة عامة وقاعدين كلنا،،وائل قال لي لقيتي الزول دة كيف؟ضحكت وقلت ليهو طريف ياخ😂❤️ايهم قال لي كنتي ظالماني ساي🌚قلت ليهو انت الخليتني اخد انطباع م حلو عنك😂قضينا يوم ظريف وايمن ولين كانو بتونسو مع بعضهم ❤️ ،،بعدها بكذا يوم ادم وهبة جو راجعين وكنا معزومين يوم الجمعة عندهم ❤️صحيت من الصباح جهزت الشاي بالكيك وبخرت البيت بعد م شربنا دخلت كويت ليهم جلاليبهم وجهزت فستاني كان اسود وفيهو ورود باللون اللحمي💕جهزنا وطلعنا ع بيت ناس ايهم ،،وصلنا وسلمنا عليهم وهبة كانت عسولة وظريفة وبتدخل القلب سرعة ❤️جهزنا الفطور مع بعض بعدها ايهم كان بنق في شادن عشان تكوي ليهو جلابيتو عشان يلحق الصلاة قلت ليهو جيبها انا بكويها ليك ابتسم ومداها لي قال لي كان نفسي اقول ليك م تتعبي نفسك بس م بيناتنا صح؟ضحكت وقلت ليهو وهو كذلك😂❤️فعلا كويتها ليهو وكلهم طلعو الصلاة،،قعدنا معاهم لحد العصر كدة وقبل م نطلع عمو حسن قال لينا بم انو كلكم ملمومين انا وعبد الحميد عندنا حاجة عايزين نقولا كلنا استغربنا وابوي قال ليهو اتكلم انت ي حسن فجاة عمو حسن قال نحنا عايزين ايهم واسيل يتزوجو 💔✨
لها بقية 💕
