................................................
كانت قاعدة في مكتبا لحد م هاندا جات قالت ليها:انسة اسيل تيم العمل مجتمع بالخارج
قامت من كرسيها وطلعت برا كل الموظفين كانو متلمين قالت بي ملامح حازمة وجادة: اردت فقط ان اخبركم انه لن يتم التعامل مع اي شركة قبل الحصول ع معلومات كافية عنها كدنا ان نخسر اليوم لنكون اكثر حذرا
كل التيم اومأ ليها بالموافقة ابتسمت وبعدها رجعت المكتب💕
.....................................................
"السودان"
في غرفة الاجتماعات كانو ايهم ووائل بيعقدو صفقة مع شركة اجنبية وبي سبب سمعتهم المعروفة والنجاح الوصلو ليهو الشركة وافقت ع الاتفاق معاهم وطلعو من الاجتماع مبسوطين 🖤
...................................................
قاعدة في غرفتها وبتبكي بي صوت خافت مسحت دموعا لم سمعت امها بتناديها وقبل تطلع امها فتحت الباب وجات داخلة
......:ي بتي مالك وشك عامل كدة؟!
...:لا ي ماما مافي حاجة
...:كيف م في حاجة يعني ليك كم يوم م عاجباني في شنو م تخوفيني عليك؟
حضنت امها شديد وبقت تبكي:تعبانة شوية بس ي ماما م في حاجة 💔
اقنعت امها بي كلاما واول م امها طلعت دموعا نزلت بي غزارة وبقت تقول لي نفسها:م ينفع اكلم اهلي وازيد الحمل عليهم حندخل في موضوع عملية وتكاليف احسن حاجة اني اسكت بس😭💔
.............................................
كانت نايمة بي عمق فجاة تلفونا بقى يضرب ردت وهي مغمضة عيونا:هممممم😴
جاها صوت صحبتا وهي بتصرخ : شاااااااادن انتي لسه نايمة ي فقر اصحي ياخ
شادن:مالك ي عارض انتي حتى في الاجازة م انوم بيك
مزن:وتتتتت انتي جادة نوم شنو العليك يبت الليلة ميجو حيقتلك🙄
شادن مع اسم ميجو دا قامت ع حيلها وفركت عيونا:اللييييييلة نسيت موضوع ميجو مرة وحدة خمسة دقايق بس واجي
مزن:يلا سريع
شادن قامت جارية دخلت الحمام استحمت ر اتسوكت وصلت وخشت في اقرب بنطلون وتي شيرت مع اسبورت ورفعت شعرها كعكة لي فوق وشالت تلفونا ونزلت لقت امها قاعدة بتشرب في الشاي
اميرة:بسم الله مالك مستعجلة كدة
شادن:قعدت وكبت لي نفسها شاي وبقت بتشرب سريع
اميرة:يبت مالك اشربي براحة 😤
شادن:مستعجلة ي ماما اتاخرت شديد ع ناس ميجو حيقتلوني لو اتاخرت اكتر
اميرة:غايتو انتو جنكم دا اصلا م بتخلوهو ربنا يهديكم
شادن وهي بتضحك يلا باااي يمزة😂
جرت وركبت العجلة بتاعتها الكانت في حديقة بيتهم واتحركت ع المكان البتلمو فيهو هي واصحابا كان عبارة عن حديقة كبيرة شديد نزلت من العجلة ومشت ع اصحابا:هاي يحلوين😘
مزن: لسه بدري كنتي تواصلي نوم
ماجد "ميجو":خليها بتكون خايفة اني اغلبها زي المرة الفاتت😂
شادن وهي بترفع حواجبها بي ملل:انا اخاف منك انت؟!
زياد:خلاص بطلو ارح
ميجو:ارح خلاص😹
شادن:ها ي مجيو التحدي بتاعك المرة دي شنو؟!🌚
ميجو:مممممم تعالي اشرح ليك
شادن:هاااااااااا
ميجو:حنمشي لحد نهاية الحديقة وبعدها حنتسابق جري وحنرجع نركب عجلاتنا ونشوف منو الحيصل الشارع الرئيسي اول😉
شادن:مممم حلو
شادن وماجد مشو لحد نهاية الحديقة وزياد ومزن انتظروهم جنب العجلات
وصلو نهاية الحديقة وكل واحد كان بعاين للساعة الفي يدو لحد م الساعة بدت تصفر الاتنين قامو جاريين ومزن وزياد بتابعوهم من بعيد ميجو من البداية انطلق بي كل قوتو عكس شادن الكانت بتجري ع مهلها قطعو نص المسافة وميجو كان في المقدمة بس فجاة شادن زادت سرعتها واتجاوزت ميجو لحد م وصلت العجلة وساقتها طلعت بعدها ميجو وصل للعجلة واتحرك ومزن وزياد كل واحد ركب عجلتو واتحركو وراهم
ميجو:م حاخليك تغلبيني ي شادو 😤
شادن:م سامعاك😂😂
فضلو ماشين مسافة وامجد قرب يلحق شادن بس شادن زادت سرعة ووصلت الشارع الرئيسي قبلو
شادن بي ابتسامة:yes😌
ميجو;م تفرحي كتير😏
شادن:انت انسان حاقد بس
قاطعم صوت مزن من وراهم;ممكن تبطلو مناقرة يجوز اللوز🙄
زياد:حيموتو لو م اتشاكلو في يوم
ميجو مد يدو لشادن وهو بضحك:مبروك ي عواليق😂
شادن سلمت عليهو وقالت:مبروك م بتكفي اعزمني اصلا جعت من الجري 🌚
ميجو: بس كدة انتي تامري😉
فعلا اتحركو لي مطعم ظريف وميجو عزمهم قعدو ياكلو ويتونسو💕
..................................................
عند ايهم
دخل البيت وهو بصفر لاقتو امو سلم عليها وطلع ع غرفتو طوالي اخد دش وغير بي شورت كحلي رتشيرت ابيض ورقد نام
بعد مسافة صحى بي صوت اختو البتصرخ في عضانو:ايييييييهههههههمم
قام مخلوع وهي بقت تضحك فيهو
ايهم:شاااادن يعواليق الليلة اصبري لي😤
قام جاري وراها لقاها نزلت السلم وقعدت في الصفرة مع اهلها
اميرة:مالك ي ايهم جاري ورا اختك دي
شادن:بس عشان صحيتو للغدا ي امي
ايهم وهو بحمر ليها:شافعة كذابة😏
شادن:اول حاجة انا م شافعة🙄
حسن:بطلو خلاص وابدو اكلو
بعد خلصو اكل اتلمو في الصالة عشان يشربو الشاي
اميرة:ايهم ي ولدي انت ماشاء الله عليك اسست شغلك براك وشغلك ماشي كويس اها م ناوي تعرس ولا حتى تخطب ساي
ايهم:ي امي عرس شنو بس لسه بدري ع الكلام دة
حسن:بدري شنو هسة اخوك ادم جاي عشان عرسو خلاص قرب وانت ابيت تعرس معاهو طيب وافق ع الخطوبة بس
شادن:ودي منو المجنونة الحتوافق بيهو 😂
اميرة وهي بتضرب شادن في يدها:اسكتي ي ام لسان طويل انتي ولدي الف من تتمناهو
ايهم:كفاك ولا ازيدك؟!😂
شادن بغيظ: انننن😏
حسن:اها قلت شنو ي ايهم
ايهم:ان شا الله ي ابوي
"نتعرف ع عيلة ايهم اكتر ابوهو حسن مدير اعمال امو اميرة ربة منزل م بتشتغل اخوهو الكبير ادم 28 سنة مغترب في ماليزيا وخاطب وحيتزوج قريب اختو واخر العنقود شادن 16 سنة ماشة 3 ثانوي زولة مشاغبة شديد وشلتها هم(مزن-ميجو-زياد) كلهم ساكنين في حي واحد ودايما بطلعو سوا وميجو وشادن دايما بتحدو بعض وكل واحد بيحب يغيظ التاني"
...............................................
عند اسيل
خلصت من الشغل ورجعت لي شقتها بمجرد م دخلت الغرفة قلعت جاكيت الجينز واترمت في السرير ..فضلت راقدة مسافة بعدها دخلت استحمت ولبست جينز قصير فوق للركبة ومعاهو تي شيرت وردي كانت تعبانة رقدت في السرير واستسلمت للنوم صحت بعد ساعة كانت جعانة شديد دخلت المطبخ عملت فطيرة محشية بالجبنة والخضار وشالت مشروب غازي من التلاجة وطلعت البلكونة كانت بتاكل وبتعاين للمنظر حوالينها مباني ضخمة والانوار حوالينها والجو شبه مغيم وفي نسمة،هواء باردة كانت بتلعب بي شعرها الفاكاهو ،،ابتسمت لمن اتذكرت ابوها واخوانها كانت حاسة بالوحدة واشتاقت ليهم شديد💔بعد خلصت اكل رجعت الحاجات المطبخ ومشت ع غرفتها طلعت دفتر متوسط باللون الاسود فيهو لمعة خفيفة باللون البنفسج 💜ومعاهو قلم ملون شالتو وطلعت قعدت في نفس المكان فتحت الدفتر وبدت تكتب(اعتدت العزلة بعدك ي امي وكانك كنت وطن لي والان ها انا مشردة بلا وطن💔كنت النور في ظلمتي فمن ينيرني الان!!رحمك الله بقدر اشتياقي وفقدي لك💔) قفلت الدفتر ومسحت دموعا وبعدها قامت صلت العشا ومن التعب نامت بي عمق😴
...............................................
شلة من الشباب اولاد وبنات متلمين في شارع النيل جايبين مشروبات غازية واكلات خفيفة واخر ونسة وضحك
حسام:ي ابو الشباب شنو ياخ م تبدا تغني
رائد:هاك الجيتار وبطل تتعزز
وائل وهو بسحب البيبسي من ايهم:كفاك يلا ابدا
روان بي مياعة:يي اخيرا حيغني زمن من ايهم وغناهو
ايهم :اها اغني شنو؟!!
روان :غني الليلة مسافر
ايهم مسك الجيتار وبقى يعزف ويغني في وقت واحد:الليلة مسافر انا انا م جبر الخاطر لي انا..الليلة مسافر انا انا م جبر الخاطر لي انا ..الساعة خمسة ي حبيب م تنسى الساعة خمسة ي حبيب م تنسى في محطة خمسة مواعيدنا *****السيسبانة خضرا ورويانة السيسبااااانة خضرا ورويانة ي حبيب بي امانة انا انا الظروف خاذلانا صلحا ....الخ
اول م انتهى وخت الجيتار الصفافير اشتغلت واصحابو بقو يكوركو ليهو تاني تاني😂💛
ايهم:اخر اغنية 🙄
كلهم بقو يضحكو :خلاص طيب
ايهم بدا يغني:من حور الجنان ام انت انسان الكمال ام انت الملاك جيت توري الناس الجمال سبحان من نشاك حسنة وفي غاية الجمال يهواك الجنوب واليك ينقاد الشمااااال....الخ
بعد ايهم خلص غنا قعدو اتونسو مسافة وبعدها كل واحد رجع بيتو
لها بقيــة💕
