.............................................................................................
"يغزونا الحب احيانا دون ان شعر..بلا وعي تجد ان الحب استعمر دواخلك واستوطن فيها💓الحب شعور جميل ي عزيزي لابد ان تستولي عليك جنوده يوما ما ♡..لا مفر من ان تشاهد انهيار حصونك معلنة استسلامها لذلك الاقتحام الجميل ❤️"
طلعت من البيت وانا مشتتة جدا ..كنت متضايقة وم عارفة السبب اتمنيت لو امي كانت عايشة عشان اقدر احكي ليها اني م كويسة ابدا💔كانت هي الوحيدة الحتفهمني وحتقدر تعرف انا مالي،،بركنت العربية في نص الطريق م قدرت اكمل او اساسا انا م كنت عارفة انا ماشة وين!!شلت تلفوني واتصلت لي لين وقلت ليها اني حاجيهم في الشركة،،اتحركت ع الشركة وكالعادة كنت بارعة جدا في اني اخفي ملامحي المنهارة وابتسم بس❤️✔️
وصلت الشركة ودخلت لابوي في مكتبو
عبد الحميد: بتي الحلوة منورانا الليلة❤️
اسيل: شفت كيف😂❤️
عبد الحميد: كنا نجيب صحباتك من زمان يعني
اسيل: مم حاجة بالشكل دة😂
عبد الحميد:طيب ي ستي امشي ليهم وانا عايزك في موضوع لم اتصل ليك تعالي
اسيل:طيب تمام
طلعت من مكتب ابوي ومشيت لي صفاء ولين
اسيل:الشركة نورت❤️
لين:منورة بيك انتي والله🌹❤️
صفاء:واشتقنا يهناية😂
اسيل:جدا جدا❤️
قعدت معاهم وساعدتهم في شوية حاجات بعدها نزلنا الكافتريا فطرنا بعدها هم رجعو وانا ابوي كان اتصل لي مشيت ليهو في مكتبو ولقيت معاهو عمو حسن
........................ ...............................................
قاعد في مكتبو وبين ايديهو اوراق مهمة قاطع اندماجو صوت تلفونو وهو بضرب
رفعو وعاين للاسم كانت روان اتنهد بي ملل دي المرة العاشرة تتصل ليهو
وائل:روان كالعادة؟
ايهم:ممم اي
وائل:البت دي جارية وراك جدا
ايهم: هي عاملاني صديقها المقرب بس للاسف انا م عندي زمن ليها
وائل:م صديق ي ايهم هي بتحبك🌚
ايهم:والله في الحالتين م عندي ليها زمن
وائل: ولو كانت اسيل م كنت حتلقى ليها زمن؟
ايهم: اسيل الدخلا شنو ؟
وائل:الحركات دي م علي انا ي ايهم من متين بتخبي عني حاجة؟
ايهم خت الورق من ايدو ورجع اتكا ع الكرسي اتنهد بي الم وقال: المشكلة انا م عارف انا مالي ي وائل الامور جايطة جدا
وائل:احكي وانا برتبها معاك❤️
ايهم:م عارف الانا فيهو دة شنو بس من م هي مشت وانا م كويس،،البيت بقا فاضي جدا من غيرها م البيت وبس حتى قلبي وكانو م معاي!!اتعودت اني اشرب القهوة من ايدها وحبيت القهوة اكتر من زمان لانو هي كانت بتعملا🖤كنت متمني اني اكون قريب ليها زي م انت بقيت قريب ليها في وقت وجيز بس م قدرت م عارف ليه كنت هادي جدا قدامها م كنت بقدر اعمل حاجة غير اني اسرح في عيونها وتفاصيلها م عارف ي وائل م عارف💔
وائل:وبقيت حساس وبتحب ي صحبي❤️❤️الموضوع واضح انت بتحبها ي ايهم اعترف لي نفسك وعيش حلاوة الشعور بدل الجوطة العاملا لي روحك دي
ايهم;هل هي حتحبني؟
وائل:كلو بيوضح مع الايام ي صحبي وانا شاكي انها بتحبك برضو😂❤️
ايهم: وشاكي ليه؟
وائل:ع حسب كلام شادن وباقي الشلة انها بتغير من روان وم بتحبها😂
ايهم: وديل متين لحقو يركزو😂
وائل:اسكت بس حتى عارفين انك بتحبها😂❤️
ايهم:انتو مصايب والله😂
وائل:ركز في اوراقك انا عندي كلام مع شادن والباقين😂
.......................................................................................................
راكبين العربية وراجعين من الكورس
ماجد: ونقول الحمد لله اخر مرة نمشي فيها كورس😂
زياد:اخر اسبوع د حنصيع فيهو 😂
مزن:م تقول لي طلعة شباب وبتاع حتطلعونا معاكم🙂
اثناء م بيتكلمو تلفون شادن ضرب وكان وائل
شادن بقت تصرخ واااي كذاب قول والله😂😭❤️
وائل:عويرة دي اكذب ليه😂بس هو خايف انها تطلع م بتحبو
شادن:ممم لالا حتحبو باذن الله😂❤️
زياد:فهمينا حاجة🌚
شادن: وائل قال انو ايهم اعترف انو بيحب اسيل😘❤️
مزن:اساسا كان باين 😂❤️✔️
ماجد:حيكونو حلوين مع بعضهم❤️
شادن:بس اسيل لو طلعت م بتحبو"!
مزن:بطلي نكد هسة اتفائلي💕
....................................................
...........................
طلعت من مكتب ابوي وانا زعلانة جدا كيف يعني يختني في موقف زي دة؟اخر حاجة اتوقعتها انو حيعمل فرع جديد مع عمو حسن وحيسلمني الادارة وم حارجع كندا تاني.حاولت اعترض بس قال لي انا م حاخليك في الغربة براك تاني كندا لو عايزة ترجعيها حترجعي مع راجلك
هل ابوي كان جادي في كلامو؟ياتو راجل الحارجع معاهو وهو عارف اني رافضة فكرة العرس ومن زمان ،،م قدرت اكسر كلمتو قدام عمو حسن قلت ليهو خير واستاذنت منو وطلعت ،،طلعت من الشركة وانا زهجانة اكتر من الاول م كان عندي خيار غير ايمن فاتوجهت للعيادة بتاعتو مشيت ولقيتو معاهو مريض انتظرتو لحد م طلع ودخلت انا
ايمن:اسيل في شنو؟
كان واضح اني مكتئبة والمرة دي فشلت في اني اغير ملامحي الباهتة قعدت وقلت ليهو:قلبي ي دكتور ايمن
ايمن:سلامة قلبك حبيبتي في شنو؟
م كان نفسي ابكي بس بكيت غصبا عني💔هل انا ببكي بس عشان قرار ابوي اني م ارجع كندا؟واضح اني ببكي لاني م عارفة انا عايزة شنو لاني ضايعة وكنت مخططة اني حاطلع من الضياع دة بي اني اسافر وارجع لحياتي القديمة بس كل حاجة بقت عكس الانا متمنياهو💔ايمن فضل يهدي فيني لحد م بطلت بكا قعدت وحكيت ليهو الحصل ابتسم وقال لي انتي اقوى من كدة دي حاجة بسيطة وم مفروض تكسرك❤️ابوي بحبك جدا ي اسيل وم نفسو تبعدي عنو هو شايف انك م مرتاحة هناك م عايز يخليك تحسي بالوحدة فاهماني؟هزيت ليهو راسي قال لي وبعدين تزعلي ليه وانتي حتفضلي معانا لاقيانا وين؟😂ضحكت وقلت ليهو م قصدي بس انا عايزة ارجع كندا المحل د م بشهني 💔قال لي اسيل بطلي تخافي من اللمة والناس بطلي تحسي بانك حتفقدي الناس البتحبيهم دايما ،،قايلاني م فاهمك؟انا حافظك اكتر من نفسك ي اسيل امي الله يرحمها م حتكون مبسوطة وانتي كئيبة ووحيدة كدة حاولي اتأقلمي وعيشي حياتك❤️✔️ابتسمت ومسحت دموعي قال لي قومي ارح نطلع قلت ليهو والعيادة ؟قال لي حاحول اي حالة للدكتور التاني قومي يلا ،،طلعنا ووصلنا مطعم وايمن اتصل لمحمد وقال ليهو تعال شوف الاميرة بتاعتنا بتتدلع كيف😂❤️ومحمد تقريبا ابوي حيكون حكى ليهو لانو خلى شغلو وجانا في المطعم❤️بمجرد م قعد مسك يدي وقال لي السميحة..بقيت اضحك قال لي ابوي حكى لي وبعدين ابوي عايز مصلحتك ونحنا كلنا عايزنك وسطنا ❤️فضل يتكلم معاي مسافة لحد م حسيت اني مرتاحة ❤️اتغدينا في المطعم وطلبو لي ايسكريم واشترو لي شكولاتات ورجعو البيت معاي❤️انا حقيقي محظوظة بيهم جدا ومبسوطة من وجودهم في حياتي ❤️هم م اخواني وبس كانو حنينين علي دايما وكانهم بحاولو يعوضوني فقدان امي ..كل مرة بيراضوني وبيجبرو بخاطري..بعد كلامهم فكرت في الموضوع من ناحية ايجابية وحسيت انو ابوي بحبني شديد❤️رجعنا البيت محمد قال لي نجهز غدا لابوي ولا زعلانة؟😂ضحكت وقلت ليهو وانا اقدر نجهز ليهو طبعا❤️ايمن قرصني من خدودي وقال لي طول عمرك حنينة😂❤️دخلنا المطبخ ال 3 عملت مكرونة باللحمة وسلطة اسود وكانو بساعدوني ❤️اخر حاجة خلطنا عصير..دخلت غرفتي وغيرت لم نزلت لقيت ابوي جا عاين لي ضحكت ومشيت حضنتو❤️قال لي افهم انك م زعلانة؟قلت ليهو معقولة ي عبدو ياخ؟جراني من عضاني وقال لي لميضة بس بريدك😂 ❤️قلت ليهو بطل تسرق كلامي ي حاج😂قال لي انت وم تملك لابيك😂❤️ وبعدين انا جعان م عملتو لي غدا؟ايمن قال ليهو عملنا ليك بس نحنا اتغدينا في المطعم😂💔رصيت الصفرة وبعد ابوي اكل شربنا العصير مع بعض❤️كنت مرتاحة رغم الصراعات الكانت جواي بس كنت واثقة انو الجاي خير ❤️🌹
.............................................................................
كنت مبسوط جدا بعد م ابوي قال انهم عملو فرع تاني وحيكون تحت ادارة اسيل ..يعني حاشوفا تاني وحالاقيها❤️حاقعد اتامل في عيونها الخاطفاني!وملامحا الدايما بكون تايه فيها❤️ بس هل حاتحمل فكرة انو غيري يعاين ليها؟ حتكون طريقة لبسها كيف وحتلبس شنو؟وشعرها حيكون كاشف كالعادة،،حسيت بالضيق من الاسئلة الجات في بالي وحقيقي بقيت رجل شرقي وشرقي جدا📌❤️كنت قاعد في الحديقة وسرحان لحد م سمعت صوت شادن وهي بتقول لي الحلو سرحان وين😂ضحكت وقلت ليها ولا شي تعالي..جات قعدت جنبي وماسكة الاسكتش بتاعا واضح انها كانت بترسم..قلت ليها اها ي دافينشي رسمتي شنو؟ابتسمت وقالت لي حاجة حلوة🌚❤️قلت ليها زي شنو؟مدت لي الاسكتش كانت راسمة ايدين ماسكين بعض وجنبهم قلب الرسمة كانت حلوة جدا.. قلت ليها حلوة شديد قالت لي ركز كدة رجعت وعاينت كان مكتوب تحت A2 قلت ليها ودة شنو ؟قالت لي ايهم و اسيل وغمزت لي❤️ضحكت وقلت ليها وائل حكى ليكم صح قالت لي من غير م يحكي عيونك فاضحاك❤️نظراتك ليها ،،انتظارك للقهوة كل يوم من يدها وزعلك ونفسنتك بعد م مشت سرحانك الدائم وفرحتك بعد م عرفت انها حتشتغل معاكم ..❤️واضح جدا حبك ليها،،ابتسمت وقلت ليها ولو هي طلعت م بتحبني؟قالت لي م بقدر اجزم ليك بحبها ليك بس انا حاسة انها بتحبك ولو م حبتك تحبك غصب عادي عندنا كم ايهم نحنا😂❤️بقيت اضحك وقرصتها من خدودا ،،بعدها شلت الرسمة منها وختيتا في غرفتي💕
...........................................................................
لين:
كنت قاعدة في غرفتي لم ابوي ناداني ،،طلعت ولقيتو قاعد مع امي وقال لي اقعدي ي بتي ..اول م قعدت قال لي قدرت افهم سبب رفضك للعرس زمان كان بي سبب مرضك بس هسة الحمد لله بقيتي كويسة احمد ود عمتك دة من زمان طالب ايدك ،،اتلخبطت شديد وم عرفت ارد المرة دي حارفض بياتو حجة ؟كل القلتو اني م مفكرة في موضوع العرس هسة ودخلت غرفتي،،اتضايقت جدا من الموضوع وايمن جا في بالي،،ليه اتذكرتو في الوقت الحالي وليه سيرة العرس خنقتني بالطريقة دي كلها اسئلة م عارفة ليها جواب ،،اصلا اخر فترة ايمن بقى ماخد حيز كبير من تفكيري ،،وواضح انو كل م ليهو حيكبر.. رفعت تلفوني واتصلت بي صفاء وحكيت ليها قالت لي :بتحبيهو ي لين اصلا من زمان انا قلت ليك بتحبيهو❤️
"مصيدة الحب لا مفر من شباكها❤️🌹"
لها بقيـة💕
