ايهم وصل البيت وهو زعلان واتلاقى مع شادن قدام الباب
شادن:وشك حيقع مالك مكشر كدة ؟
ايهم:مافي حاجة
واتحرك ودخل ع غرفتو شادن وقفت مسافة وهي بتعاين ليهو بعدها دخلت غرفتها وهي مستغربة من زعل ايهم وانو اسيل م معاهو تاني قالت احتمال اسيل جات قبلو فغيرت ورقدت طوالي
بعد مسافة امها صحتها للغدا نزلت ولقتهم كلهم موجودين م عدا ايهم واسيل اول م قعدت ايهم جا نازل براهو
اميرة:اسيل وينا ي ايهم؟
ايهم: مشت بيتهم وحتجي معاهم المزرعة بهناك
حسن: يكون عايزنها في موضوع عرس الاولاد وكدة
اميرة: اي بكون
ايهم اكل شوية وقام وشادن كانت متابعة الموضوع
بعد قامت من الصفرة دخلت ورا ايهم غرفتو لقتو راقد وماسك التلفون في ايدو
شادن :ايهم في شنو؟
رفع راسو وعاين ليها;لسه مصرة؟مافي حاجة
شادن;انت عارف انو الحركات دي م علي جيت براك وزعلان وفوقها اسيل مشت بيتهم لو اصلا من البداية كانت مقررة تمشي كانت قالت لينا الصباح قبل م تطلع
ايهم:م في زول قاعد يحلل الاحداث غيرك طيب تعالي
شادن قعدت جنب ايهم في السرير وهو حكى ليها بالحصل
شادن:واااي انتو اعترفتو يعني❤️
ايهم:ممم اي
شادن ;حلو جدا بس البت الاسمها روان دي كريهة شديد ي ايهم انت كنت توقفا عن حدها
ايهم:انا اصلا كنت مخلوع بي موضوع الحادث وهي جات مسكت يدي وقعدت تحكي لي وكانت بتبكي زحيت ايدي منها في نفس اللحظة وفضلت واقف وبتكلم مع الباقين وم ركزت م حركاتا واخر حاجة لم قالت ماشة معاي البقالة قبل م اتكلم اسيل طوالي طلعت مع وائل
شادن:اسيل برضو م كان تمشي طوالي بس اعذرا حتكون اتضايقت برضو
ايهم:تمام م قلت حاجة بس كونها تمشي بيتهم من غير م تكلمني ولم اتصل ليها تتكلم معاي باسلوب مستفز دي برضو حاجة تزعلني 🙂
شادن:طيب م تمشي ليها وتتفاهمو
ايهم:لو هي اتكلمت بطريقة احسن كنت مشيت
شادن:م قادرة عليكم كل واحد اعند من التاني طيب خلاص لحد بكرة حتتفاهمو
طلعت من غرفة ايهم وهي بتشتم روان بي جواها دخلت غرفتها وشالت تلفونا وضربت لمزن وحكت ليها
مزن:لا البت دي عواليقة شديد وعمرها م حتتغير
شادن:وتقريبا بكرة حتكون معانا بم انو وائل عازم اصحاب الجامعة اكيد حتجي
مزن:واحسن حاجة خلينا نتسلى😉
شادن:حتى انا قلت كدة 😂❤️
ــــــــــــــــــــــــــــــــــــــــــــــــــــــــــــــــــــــــ
قاعدين في الصالة وبيشربو الشاي
عبد الحميد:عودتينا على اكلك تاني
ايمن:اي والله عودتنا وتاني تمشي لي ايهم 😂
محمد:ي بختو بيها والله😂
اسيل:بطلو حركات محسسني اني حامشي اخر الدنيا اكيد حاجيكم 😂
عبد الحميد:تنوري ونحنا لاقنك وين ❤️
محمد:عاينو رايكم شنو بعد نجي من المزرعة نمشي لاهل لين وصفاء ونحدد العرس؟
عبد الحميد:ابشر ي ولدي م عندكم اي مشكلة
اسيل:حلو جدا ربنا يسهل ❤️
اخدو مسافة وهم بتونسو بعدها اسيل دخلت غرفتها وبقت تجهز ملابسا الحتشيلا معاها والحتلبسا بكرة وطقمت كل لبسة مع حجاب ❤️بعدها مسكت تلفونا ودخلت الواتس لقت ايهم اون لاين م اشتغلت بيهو وصورت الملابس للبنات واخدت رايهم في الالوان
فجاة تلفونا ضرب وكانت شادن
اسيل:شادو
شادن:سولا ي سولا شنو لكن مشيتي فجأة كدة
اسيل:مم اشتقت لناس البيت وقلت اقعد معاهم شوية
شادن:لو م كنت عارفة القصة كنت ممكن اصدقك
اسيل:مم ايهم حكى ليك؟
شادن:جا البيت زعلان وانتي م معاهو بعد زهجتو بالاسئلة حكى لي
اسيل:طيب بم انك عارفة كنت زهجانة وم كان نفسي ارجع ونتناقش ساي علشان كدة خليني هنا احسن
شادن:بكرة حتتلاقو وروان كمان حتكون هناك🌚
اسيل:لا م هو بكرة م حاخليها ع راحتا بس برضو لسه زعلانة من ايهم 🙂
شادن:انتو ال 2 غلطانين بس المهم نتفاهم بكرة بعد الدوام تعالي سوقينا انتي بي عربيتك حنمشي المزرعة معاك
اسيل:طيب حلو جدا بتخلصو كم انتو؟
شادن:حوالي 11 كدة
اسيل:طيب تمام
ــــــــــــــــــــــــــــــــــــــــــــــــــــــ
تاني يوم الصباح:
اسيل صحت بدري وعملت الروتين اليومي بعد م شربت الشاي اهلها طلعو ومحمد وايمن كل واحد شال شنطة ضهر فيها حاجاتو وطلعو واسيل قالت ليهم انها حتسوق معاها ناس شادن بعد الدوام يخلص واصلا هم متفقين يتحركو بعد الفطور ..دخلت غرفتها ولمت باقي احتياجاتها في الشنطة وجهزت فستانها الحتلبسو ورقدت مسكت ليها كتاب وبقت تقرا ..بس التفكير الزايد م خلاها تقرا زي الناس حيكون وين ؟وبعمل شنو اتكلم مع روان تاني ولا لا؟كانت عارفة انو كلامها حيكون زعلو بس برضو قرب روان بالطريقة ديك زعلها والموضوع م بيدها ..قفلت الكتاب وقررت تتصور وم تفكر كتير 😂فكت شعرها وعملت فل ميك اب وبقت تتصور وتعمل فيديوهات ..دخلت قروب البنات ورسلت ليهم :اخر صور قبل الحجاب❤️
لين ردت عليها:انتي اصلا قمر وبالحجاب حتطلعي احلى انا واثقة 💕
بعد مسافة صفاء دخلت ورسلت ليها:عسل مخلوط بالقشطة😂❤️وبعدين منتظرين اللوك الجديد
اسيل:انتظرو قربنا قربنا😂حاغشى معاي ناس شادن واجيبهم من المدرسة معاي
لين:ايهم حينصدم فيك😂
صفاء:والزعلة حتطير منو😉
اسيل:هوي انا الزعلانة ع فكرة 🙂
لين: غايتو ي اسيل الله يعقلك
اسيل:طيب يلا لي بعدين😂
ــــــــــــــــــــــــــــــــــــــــــــــــــــــــــــــــــــــــ
عند ايهم طلع من البيت بدري واتحرك ع الشركة ودخل لي وائل في مكتبو
وائل:ايهم الجابك شنو؟
ايهم:ولا شي زهجان وقلت اتحرك معاك ع المزرعة من هنا
وائل:واسيل ؟
ايهم اتنهد ومسح ع وشو بايدو:اسيل في بيتهم وشادن قالت اسيل حتجيبهم معاها بعربيتا
وائل:زعلت من موقف امس؟
ايهم:اي زعلت بس برضو م مبرر لي عمايلا دي
وائل:ي ابني وحدة بتمسك يد راجلا قداما عايزة تعمل شنو يعني
ايهم:انا م اتنيلت ومسكت ايدا وزحيت ايدي منها يعني م لي دخل في الحصل علشان هي تقفلا معاي كدة وكمان تمشي بيتهم
وائل:روق ياخ بتكون اتضايقت وكدة اتفاهمو بعدين خلاص
ايهم: طيب تمام
وائل:وبعدين روان تقريبا حتجي مع الشلة🌚
ايهم:م عندي بيها شغلة صح المكان الشباب في محل والبنات في محل براهم؟
وائل:اي الغرف وكذا بس حنتلم في الاكل والحوامة وكدة
ايهم:بس ظابط م عايز احوم زاتو حاكل وانوم
وائل:بطل حركات حترضى بعد م تشوف اسيل قدامك😂
قعدو مسافة بعدها وائل مشى جاب ريم من الجامعة واتحركو كلهم ع المزرعة واتصلو ع محمد الطلعت معاهو صفاء وايمن جا وساق لين ..
ــــــــــــــــــــــــــــــــــــــــــــــــــــــ
اسيل كانت واقفة قدام المرايا وهي لابسة فستان اسود بي رمادي وحجاب اسود وكوزت من فوق ليهو طرحة عنابية عملت ميك اب هادي وفضلت تعاين لي نفسها في المرايا وهي مبسوطة❤️اخدت كذا صورة بعدها شالت شنطتها وطلعت اتحركت ع ناس شادن ..وصلت قدام المدرسة لقت البنات ومعاهم ماجد وزياد منتظرنها اول م ركبو كلهم كانو بعاينو ليها باستغراب
ماجد:الحجاب حلو جدا
زياد:شديد ي بت وشك نور
مزن:درعة درعة ي اسيل
شادن:واي ي اسيل رهيب ياخ الف مبروك
اسيل:تسلمو ي حلويين❤️
اتحركو والطريق كلو مزن وشادن بيشتمو في روان 😂
اسيل:هي واخوك خليهم ينتطرو🙂
شادن:اخوي عمل شنو هسة ياخ😂
اسيل;م بعرف بس
مزن:اسيل خلي زعلك من ايهم حاليا المهم البت العواليق دي تقيف عن حدها
ماجد:عينها قوية جدا
زياد:اي اصلا بتاعت حركات م تركزو معاها ياخ وايهم اصلا م حيشتغل بيها
اسيل:طيب تمام
اثناء م هم في الطريق ايمن اتصل لاسيل
ايمن:ها قربتو؟
اسيل:اي انتو وصلتو؟
ايمن :اي دخلنا هسة
اسيل:طيب تمام
قفلت من ايمن وبعد مسافة وصلو المزرعة ولقو العربات واقفة برة
نزلو ودخلو ولقو الكل ملمومين في الصالة وقاعدين في جلسات ارضية كل الانظار تلقائيا اتوجهت ع اسيل لين وصفاء قامو وحضنوها وهم بشكرو في مظهرا هبة برضو جات سلمت عليها وقالت ليها خطيرة جدا❤️
ايمن:اسيل السمحة حلو شديد❤️
محمد:حلوة شديد الحجاب جايي عليك❤️
ابتسمت وسلمت ع الباقين وباركت لي ريم الخطوبة ❤️ عينا وقعت ع ايهم كان مبتسم ولم عاينت ليهو قبل بوشو منها علشان م تحسس الباقين مشت وسلمت عليهو ورجعت قعدت جنب البنات
شادن:شنو ي ايهم م علقت ع حجاب اسيل؟
مزن:م على الملأ كدة لكن حيعلق لم يكونو براهم😂
ماجد:هسة في داعي؟😂
ايهم:بطلو حركاتكم دي
زياد:م تركز معاهم ي ابو الشباب ياخ😂
اثناء م هم قاعدين شلتهم بتاعت الجامعة وصلت وروان في نصهم سلمت عليهم والبنات كانو بي جهة والاولاد بالجهة،التانية
وائل:ي شباب ارح جيبو معاي العصاير من التلاجة والاكياس دي فيها شيبس وحاجات طلعوهم
ايهم;ارح
الشباب قامو يجيبو الحاجات ولين لكزت اسيل:حرام عليك صالحيهو
اسيل:ي بت ابيت 🙂
الشباب جو راجعين وختو الحاجات وبقو يتونسو وطول القعدة ايهم واسيل م اتكلمو مع بعض وروان تتظارف وتتضاحك مع الكل اسيل وقفت ع حيلها وقالت: عن اذنكم انا نعسانة جدا وعايزة انوم
ايمن:كويسة انتي في حاجة؟
اسيل:اي ي ايمن نعسانة بس
شالت شنطتها ولين مشت معاها للمحل الحيكونو فيهو البنات كان غرفتين فاتحين في بعض اسيل ولين وصفاء في غرفة وهبة وريم وشادن ومزن في غرفة ع مسافة كان في غرفة تانية فيها روان وبتين من بنات الجامعة المعاها والشباب كانو بي الاتجاه التاني،،اسيل ختت شنطتا وفكت شعرها ورقدت
لين:كانك قلتي حسابهم عندك وينو وهسة جاية نايمة هنا
اسيل:عايني انا تعبانة ونعسانة جدا وع موضوع الحساب بعدين نتفاهم
رقدت ونامت طوالي والباقين جو برضو وكل واحد نام
صحو بعد العصر واتلمو برا كانو جايبين مفارش واكل جاهز اسيل طوالي قعدت جنب ايهم وهمست ليهو:علشان م تفكر انك لسه ايهم بتاع الجامعة وتقعد البنات جنبك
ايهم ابتسم وعاين ليها:البنات هم البجوني م انا
اسيل حمرت ليهو واتلفتت منو
روان:ايهم م حتغني لينا؟
ايهم عاين لاسيل وقال :م معاي جيتار
روان:ااا للاسف
وائل:نحنا جايين نستمتع ونحوم الغنا ملحوق 🙂
خلصو من الاكل وقالو طالعين يلفو مسافة وكلهم دخلو يجهزو اسيل لبست بنطلون اسود وطونك طويل اسود وكوزت طرحة كبدية ولبست اسبورت كبدي ونزلت مع البنات ،،كل واحد ساق حبيبتو ومشى وايهم كان واقف مع شلة الجامعة منتظر اسيل ،،اسيل جات ومسكت ايهم من ايدو وعاينت لي روان وقالت ليهو:مشينا حبيبي؟
ايهم :ارح ي قلبي🙂❤️
اسيل دقيقة خلينا نتصور الباقين فاتوهم وهم وقفو يتصورو
ايهم:انتي م عايزة تتصوري م عايزاهم يمشو معانا بس😂
اسيل:وانت كانك حتموت وتمشي معاهم؟بس في احلامك م اسيل البتقبل بوحدة تشاركا في راجلا ومشت منو
ايهم لحقها ولفاها عليهو:اولا م عايز امشي مع غيرك انا ،،وثانيا م في وحدة حتقدر تشاركك فيني لاني اساسا م شايف غيرك❤️
اسيل عاينت ليهو وقالت:زعلانة انا م تحاول تراضيني
ايهم:وانا زعلان ليه تمشي من غير م تكلميني وكانو رايي م مهم عندك ؟
اسيل:م كدة بس انا اتضايقت
ايهم:وليه تخبي ضيقك عني؟اسيل والله م مسكت يدها انا بطلي تتصرفي وكانك م واثقة فيني
اسيل:ايهم م كدة بس انا غرت عليك
ايهم:تمام تعالي وزحيها واقيفي محلها ليه تمشي وتخليني؟
اسيل:حاليا انا هنا علشان ازحها وخليها تشوف واحد غيرك تتلصق فيهو
ايهم بقا يضحك وضماها عليهو :بحبك ي زفتة ❤️
اسيل وهي بتضربو في صدرو:زح مني
ايهم:ابيتت،،وبعدين الحجاب حلو فيك❤️
اسيل:يداب تلاحظ ؟
ايهم:ابدا بس م قدرت اعلق علشان كنت زعلان 🌚
اسيل:وهسة م زعلان؟
ايهم:انا اول م اشوفك قدامي بنسى اي حاجة حتى زعلي منك❤️
اسيل:مم طيب يلا اتاخرنا ع الباقين🙂
ايهم مسكا من ايدا واتحركو ورا الباقين بعد مسافة لقوهم بتصورو تحت الاشجار
وائل:م بدري ؟
ايهم:انت اطلع منها😂
شادن:حينا حلوين حلوين تهبلو🥲❤️
مزن:استنو اصوركم🌻💛
اتصورو مع بعض كلهم وقضو يوم ظريف
بعدها رجعو المزرعة ،،بالليل كانو عاملين قعدة ظريفة وكل اتنين قاعدين جنب بعض
ريم ووائل كانو بتونسو ويضحكو
ماجد:شنو يا غانجين كدة نحنا هنا😂
وائل:واحد وخطيبتو انتو مالكم؟
زياد:حركات والله الله يوعدنا
ادم:انتو كدة خلصو قراية اول😂
فضلو يتونسو مسافة لحد م كلهم استاذنو انو ينومو وفضلو اسيل وايهم
ايهم:جيبي لي بيبسي من التلاجة 🌚
اسيل:وم تقوم انت؟
ايهم:لا مرتي الحلوة هي الحتمشي وتجيبو لي
اسيل:م تفتكر انك حنكتني بس قايمة
قامت ودخلت المطبخ لم جات طالعة لقت روان قاعدة جنب ايهم وبتسالو:انت واسيل بتحبو بعض؟م عارفة حاسة انكم كنتو باردين قبيل
وقبل م ترد اسيل فنت فيها باقة البيبسي لحد م ضربتا في راسا😂روان بقت تقول اااي راسي وايهم اتلفت وراهو لقا اسيل بتحمر ليهم
اسيل اتوجهت لقدام روان وقالت ليها:اي بنحب بعض وانتي اساسا م ليك دخل سكتت ليك كتير وكل مرة بتتجاوزي حدودك ايهم لا ي فالحة شوفي زول غيرو واتلصقي فيهو لانو لو متي م حيكون ليك وخلي عندك كرامة ولو شوية وبطلي حركاتك البتعملي فيهادي
روان: !بتقولي في شنو انتي؟
اسيل:كلامي واضح وم محتاجة افسر ليك ايهم ابعدي منو مافي وحدة حتقدر تشاركني فيهو تمام؟لانو المرة الجاية اسلوبي م حيعجبك
وعاينت لايهم ومسكت يدو وختت فيها باقة البارد التانية وقالت ليهو :بالهنا🙂
اسيل جات تمشي بس ايهم مسك ايدها
روان:ايهم انا
ايهم:خلاص ي روان م في حاجة نتكلم فيها ومسك ايد اسيل ودخلو المطبخ
اسيل:جايبني هنا ليه؟
ايهم:اعصابك بعد الردح دة كلو بكون جاك وجع حلق 😂
اسيل:م تضحك لي ي ايهم وصحبتك دي لو م اتلمت المرة الجاية بلمها بي طريقتي
ايهم:حبيبتي العنيفة😂❤️
اسيل:ايهههم م ناقصاك انا تمام؟
ايهم قام وطلع ليها باقة بيبيسي معاهو :خلاص بطلي ياخ انتي عارفة قلبي دة م فيهو غيرك ي السمحة ❤️
اسيل عاينت ليهو ومسكت البيبسي وبقت تشرب منو
ايهم:قلتي لي مافي وحدة بتقدر تشاركك فيني؟🙈
اسيل:مافي ولا حيكون في اساسا
ايهم:متملكة جدا انتي ياخ
اسيل:وليه م عاجبك؟
ايهم:عاجبني جدا😉❤️
اسيل:انا نعست زح لي كدة
لزتو وطلعت من المطبخ وهو بضحك وكل واحد دخل علشان ينوم
"انا هي تلك الانثى ي عزيزي التي ان احبت تملكت وان تملكت غارت ع ممتلكاتها حد الجنون وان غارت لم تعد ترى شيئا سوى الظلام ،،انا انثى شرسة جدا تجاه ممتلكاتي ولا اؤمن بفكرة المشاركة❤️🔥"
لهــا بقـية
