.................................................................................................
"احيانا لا بأس من النهايات ..لا بأس بان ننهي طرق ونسلك طرقا اخرى قد تقودنا للنجاة من معاناتنا💕فمرحبا بالبدايات اتمنى ان يكون اثرك لطيفا❤️🌹"اسيل
كنت مستعدة عشان ابدا من جديد مع انو الفكرة م كانت واقعة لي شديد ،،طريقة لبسي واسلوبي احتمال م ينفعو مع المكان د بس حاحاول اني اتاقلم قدر الامكان💕اول يوم كان عندي اجتماع مع وائل وايهم في شركتهم ..نسبة لانو القسم الحيكون تحت ادارتي شراكة بين ابوي وعمو حسن فانا حاتلاقى كتير جدا مع ايهم ووائل بس اخترت انو مكان شغلي ومكتبي حيكون في شركة ابوي..طلعت من البيت واتوجهت لشركة ناس ايهم وانا بحاول اني اكون طبيعية وعادية جدا❤️وصلت الشركة وانا متوترة جدا ..متوترة من شوفتو ومن اللخبطة الحاصلة جواي ..دخلت الشركة وباين ع ملامحي الاتزان بس انا من جوة شوية وحانهار،،لاقتني السكرتيرة بتاعتهم ودخلتني مكتب ايهم ..فتحت الباب لقيتو هو ومعاهو وائل ابتسمت وسلمت عليهم❤️ايهم قال لي تشربي شنو؟قلت ليهو قهوة🖤وائل قال لي متشوق عشان اشوف اسيل سيدة الاعمال الرسمية😂❤️قلت ليهو اخلص قهوتي واوريك ليها😂،،وكالعادة ايهم كان هادي جدا اكتفى بي انو يبتسم بس💕وصلت القهوة وكنا بندردش وايهم بيشاركنا مرة مرة ..م عارفة هل هو اصلا م بميل للونسة والهظار ولا بكون رسمي معاي انا بس..خلصنا من القهوة وبدينا في الرسمية ..اتكلمنا عن الشغل والاتفاقيات والنسب والارباح البين ابوي وعمو حسن ،،الاجتماع كان قرابة الساعة وشوية ،،اخر حاجة وائل قال لي يعني م حترجعي كندا تاني؟سكت شوية وقلت ليهو في الوقت الحالي لا بس مع الايام م معروف احتمال ارجع..قال لي حلو خليك قاعدة معانا ❤️ ضحكت واستاذنت منهم وطلعت لشركة ابوي ..الطابق الرابع كان مخصص لي فيهو مكتبي والسكرتيرة الحتتواصل معاي ومع ايهم ووائل في نفس الوقت..وصلت مكتبي وكل حاجة كانت جاهزة اتنهدت وقعدت في الكرسي فجاة تلفوني ضرب رفعتو وكان ايمن
ايمن:سولا 💕
اسيل:عيونها 🌹
ايمن:اول يوم كيف؟
اسيل:حلو طلعت من مكتب ايهم ووائل قبل شوية واتحركت ع شركة ابوي
ايمن:طيب حلو ❤️
قفلت من ايمن ونزلت لي لين وصفاء❤️🖇️
...........................................................................................
"هل يمكن ان يكون الانسان تائها لهذه الدرجة؟هل يمكن ان يصبح عاجزا عن معرفة م يريده ؟هل يعقل ان يحتار في اتخاذ قراراته لهذا الحد؟ لا اعلم م الذي يحدث م كل تلك الفوضى بحق السماء!!"لين
قاعدة في المكتب وسرحانة كالعادة من يوم ابوها فتح معاها موضوع العرس صفاء جات وقعدت جنبها
صفاء: ي بت الموضوع باين وريتك انك بتحبيهو
لين:حتى اذا بحبو حيتغير شنو ي صفاء هل حامشي واقول ليهو ي ايمن انا بحبك كوني واقعية شوية
صفاء: طبعا م حتمشي وتقولي ليهو كدة بس مين عارف احتمال هو بحبك ❤️
لين:ايمن معتبرني مريضتو ي صفاء عمرو م حيعاين لي ع اني حبيبتو
جاهم صوت اسيل من ورا وهي بتقول:وليه م يعاين ليك ع انك حبيبتو لاقيك وين هو؟❤️
لين اتوترت وصفاء كانت مخلوعة في البداية بس بعدها ضحكت وقالت :من زمان بحاول اقنعا تعالي اتكلمي معاها
اسيل:بطلي خجلك د ي بت انا م غريبة
صفاء:بتتعامل معاك ع انك اخت ايمن حاليا😂
اسيل:عادي م في شي يخجل ياخ😂
لين: خلاص انسو الموضوع دة
اسيل:م حننسى شي تعالي واحكي لي الحاصل
صفاء :دي لم تتخجل وبتاع خليها انا بحكي ليك ي زولة جاها عريس وهي رفضت وشابكاني م عارفة اخر فترة بفكر في ايمن وم عايزة اعرس وسيرة العرس بتضايقا وحنك كدة 😂
اسيل:ي بختك ي ايمن بقو يرفضو العرسان علشانك😂
لين:خلاص يخ بطلو
اسيل:وانتي زعلانة ليه؟ احتمال ايمن يطلع بيحبك🌚❤️
صفاء:كلمتها م سمعت مني
لين:م عارفة ي اسيل وم عارفة حاتصرف كيف ولا قادرة اقنع ابوي بي سبب رفضي لود اختو الجاني دة
اسيل:اول حاجة عمو عبد الله واضح انو انسان متفهم م اظن حيعترض او يجبرك ع حاجة انتي م عايزاها وبعدين موضوع ايمن خليهو علي❤️
صفاء:انا بحبك ي انسانة😂❤️
اسيل:مووور يقلبي😂❤️بعدين المكان د م مناسب للمواضيع دي حنرتب طلعة ونظبط امورنا فيها ❤️
لين:طيب يحلوة❤️
اسيل بتحكي:
كنت مفتكرة اني براي العايشة في استفاهمات وم عارفة البحصل لي شنو ،،بس واضح انو لين عايشة نفس الشعور ..حاجة صعبة جدا انك تصارع افكارك كل يوم ،،تكون محتار وم عارف انت عايز شنو؟كنت حاسة انو ايمن بيحب لين بس م اتوقعت انو لين تكون بتحبو واسمع اعترافها هي بالاول❤️م قدرت اجزم ليها بحب ايمن ليها لانو كل حاجة فوقتها حلوة ..وزي م بقولو حبوباتنا سمح الكلام من خشم سيدو ❤️ففضلت انو ايمن يعترف ليها وتعرف انو بيحبها منو هو ،،اساسا انا واثقة ومتاكدة انو ايمن بحبها واخوي وبعرف حركاتو❤️🖇️
ع قدر م فرحت لم عرفت حب لين لي ايمن ع قدر م اتلخبطت زيادة هل انا بحب ايهم؟ولو بحبو حيتغير شنو اساسا م بعرف عنو شي وواضح انو م مهتمي بي ولا بي وجودي حتى م حاول يتعرف علي زي الباقين وزي م صحبو وائل عمل،،قريب من اصحابو وقريب من روان شديد الا انا معاي بكون هادي وساكت وكانو م مديني اي اعتبار،،واصلا حتى لو طلعت بحبو حيكون حب من طرف واحد ودة شعور مؤذي م نفسي اعيشو..افضل حاجة اني اشيل الموضوع دة من بالي
طلعت من مكتب لين وصفاء ومشيت مكتبي ،،بعد مسافة السكرتيرة وصلت لي مكالمة من ايهم
ايهم:اسيل ازيك
اسيل:اهلين تمام حمد لله وانت
ايهم:عافية والله ،،حبيت اقول ليك انو تفاصيل العقود واي حاجة بتخص الاتفاقية بعتهم ع الاميل تبعك ياريت تراجعيهم
اسيل:طيب حلو حاشوفهم
ايهم:تمام
دة كل الحوار الدار بينا اصلا بينا مافي غير الرسمية الرسمية وبس🖤✔️
...............................................................................................
"ستظلك رؤيتك تربكني ي عزيزتي وان اعتدت ع رؤيتك كل يوم 📌❤️"ايهم
كنت مشتاق ومتلهف لي شوفتا ،،وبشكر الشغل والاجتماعات الف مرة لانها حتسمح لي اني اشوفها واكون قريب منها❤️كنت قاعد في المكتب ومتوتر جدا ومنتظر جيتها كنت كل شوية بعاين في الساعة،،ووائل شغال لي اركز ي زول خليك جامد 😂لحد م الباب اتفتح وجات داخلة ❤️كالعادة ابتسامتها الحلوة مرسومة ع وشها،،سرحت فيها وفي تفاصيلا كانت لابسة بنطلون اسود وقميص اسود واسبورت رمادي وشعرها كعكعة وخصلها متمردة ونازلة ع جبينها🖤ع قدر م هي حلوة ع قدر م انا بتضايق من حلاوتها الم نفسي زول يشوفها غيري❤️كانو هي ووائل بيتجاذبو اطراف الحديث وانا كنت مكتفي بالاستماع ومرات كنت بشارك معاهم ،،بعد م الاجتماع خلص وطلعت وائل قال لي يخرب بيت برودك ياخ ليه ساكت كدة؟قلت ليهو م عارف حاتكلم واقول شنو كفاية جدا علي شوفتها وسماع صوتها،،قال لي ي صحبي الحكاية م كدة حتوصل ليها مشاعرك كيف وانت ساكت كدة بالعكس حتفهم انك م شغال بيها..طيب المرة الجاية حاحاول،قال لي انجز ي صحبي قبل م البت تغير رايها وتمشي كندا وتخليك😂..قلت ليهو حامشي وراها عندي كم اسيل انا؟قال لي رومانسيتك دي وصلا ليها بدل كل م تشوفا تقعد وتتفصل لينا😂 ..قعدت اضحك لاني حرفيا كل م اشوفا بفصل😂❤️قعدت افكر فيها مسافة رغم اني م عارف حاصارحها كيف بس لازم اني اعترف ليها واليحصل يحصل ❤️🌹
رجعت من الشغل وانا تعبان جدا ضفط الشغل ومع ضغط التفكير كان نفسي بس انوم وارتاح قلت لشادن م في زول يصحيني لم اصحى حاكل براي ،،م عارف انا نمت قدر شنو بس واضح اني نمت كتير شديد صحيت بصوت شادن وهي بتقول لي ي انسان العشا قرب ياذن قوم صلي المغرب وتعال لينا في الحديقة الخلفية ..قلت ليها ليه الفي منو؟قالت لي صلي وتعال حتعرف ..بعد صليت مشيت الحديقة ولقيت وائل وماجد وزياد ومزن وشادن ملمومين وقدامهم نسكافيه وخاتين لي صحن بيتزا ..قلت ليهم اشتقتو لي لمات العرس شكلكم؟رد لي وائل جدا والله وياريت لو اسيل معانا😉شادن قالت لي تعال اقعد اصلا ملمومين عشانك قلت ليها عشاني انا؟
مزن :اي عشانك ي انسان ي فاشل ي مبتعرف تعبر😂
قعدت وانا بضحك وقلت ليهم اها هسة الحنك شنو
زياد:الحل في انك لازم تنجز وتبادر باي طريقة لانو صراحة زي بتك البتحبها دي خطفها منك ساهل والبحبوها حيكونو كتار😂
وائل:قال ليهم فهموهو السان دة انا تعبت منو😂
شلت الصحن وابتديت اكل وقلت ليهم احكو انا سامعكم
ماجد;الحاجة الملحوظة انك لم تشوفا م بتتكلم نهاي بس بتفضل ساكت وتقعد تتبسم براك ودة اكبر غلط ومفروض انو يتغير اديها فرصة انها تتعرف عليك اكتر
مزن:يعني ي ايهم انت شخصيتك معانا مرحة وبتاع هظار بس معاها بتفضل ساكت وبارد جدا دة حيديها انطباع انك م مديها اهتمام خليها من انها تفكر انك بتحبها
شادن :ابعد عن الرسمية الانت فيها دي وحاول خليك ظريف معاها حبتين قبل تخسرها وتغني ظلموني🌚💔
كلنا قعدنا نضحك ع كلام شادن قلت ليها لا م حيحصل باذن الله❤️✔️
فضلنا نتكلم مسافة وشجعوني اني اعترف ليها ❤️🖇️بس قبل الاعتراف لازم اكون قريب ليها واحاول اتخطى الحاجز الانا عاملو بيناتنا💕
.........................................................................................
ايمن بيحكي :
في يوم رجعت من العيادة تعبان جدا دخلت غرفتي ع طول ونمت ..العصر كدة جاتني اسيل وقالت لي م نفسك نطلع؟قلت ليها نطلع طوالي مافي شي يمنع..وفعلا طلعنا قالت نفسها تمشي البحر ،،مشينا وقعدنا في المقاعد المطلة ع البحر ❤️وطالما اسيل قالت ماشة البحر ي اما عندها موضوع مهم جدا او زهجانة وعايزة تغير جو وم باين عليها انها متضايقة..قعدنا وبعد مسافة قالت لي عايزاك في موضوع..ضحكت وقلت ليها اساسا عرفتك يلا احكي ..قالت لي انت الحتحكي م انا..قلت ليها انا؟قالت لي ايوة انت احكي لي من متين وانت بتحب؟بقيت اضحك لاني متاكد انها فاهماني من البداية طول عمرها ذكية وبتاعت ملاحظات😂❤️قلت ليها واضح علي اني بحب للدرجة دي؟ابتسمت وقالت لي من اول يوم وحياتك😂❤️قلت ليها لا نياشة يبت عبد الحميد والله ،،قالت لي بسم الله كمان من يومنا😂قلت ليها اي فعلا انا بحب صحبتك لين وشديد❤️قالت لي طوالي تصارحها لين طيبة وتستاهل كل خير ❤️قلت ليها م عارف بس متردد،،قالت لي ابدا م تتردد حلوين جدا ولايقين ع بعض❤️قلت ليها طيب وابدا كيف؟قالت لي الحل السليم انكم تتعرفو ع بعض قبل الاعتراف اساسا تلميحات م قبل الحب احلى من الاعتراف بكتير😂❤️قلت ليها وطيب ي فهيمة انتي الطريقة شنو؟قالت لي طالما معاك اسيل م تشيل هم😉رجعنا البيت بالليل كدة لقيتها عملت قروب واتساب فيهو محمد وايهم ووائل وشادن وشلتها وصفاء ولين ،،قالت ممكن تونسوني باقي الليل دة؟عرفت انها عملت كدة عشان توصلني لي لين بطريقة ظريفة ❤️مشيت غرفتها لقيتها راقدة وبتضحك ،،قلت ليها عارفة اني بحبك قالت لي من زمان😂❤️ويلا بعد كدة الموضوع في يدك اتصرف وادخل ليها خاص بي حنك انك دكتورها وبتطمن عليها😂❤️رجعت غرفتي وانا فعلا مخطط اعمل بكلام اسيل ❤️✔️
اسيل:
م عرفت حاساعد ايمن كيف بس فكرت اعمل قروب نتونس فيهو ومنو ايمن يدخل لي لين ،،دخلت لي وائل وقلت ليهو عايزة اعمل قروب واصلا هو واقف ع الهبشة قال لي طوالي❤️😂بعدها قال لي اضيف ايهم وناس شادن،،وفعلا دخلتهم وفضلنا نتونس لحد نص الليل ،،ايهم قال لينا م نفسكم تنومو وراكم شغل قلت ليهو م نفسك تبطل رسمية شوية؟!قال لي انا م رسمي ياخ م تظلميني ساي😂قلت ليهو لحد الان غير الرسمية ماشفت شي😂،،شادن قالت لي م لقيتي فرصة تتعرفي عليهو من قريب وم عرفتي قدر شنو هو غياظ وبتاعت حركات😂مزن قالت لي احسن ليك الرسمية غايتو 😂😭ايهم قال ليهم طول عمركم ظالمني بس م مشكلة الله في😂تقريبا القروب دة كان بداية لاني اتعرف ع ايهم من قريب واتواصل معاهو من غير حواجز ❤️✔️
"سنزهر من جديد ع ايدي من نحب يكفينا م عشناه من عناء🌹❤️"
لها بقيـة💕
