Mero Ahmed💕 .... .... .... .... .... ..... ..... .... .... .... .... .... "م بال الايام السعيدة تأتي تباعا،،اظن اننا عشنا كفايتنا من الالم ❤️!" اسيـل كانت جميلة شديد وهي مبتسمة وملامحا رايقة بتعاين في المحلات قداما وهي بتفكر تشتري لاهلها شنو؟! دخلت محل بتاع عطور وساعات اختارت كذا نوع وتاني دخلت محل بتاع ملابس ،،كانت متحمسة جدا وبعد 3 ساعات متواصلة من اللف قررت انها تكتفي بالحاجات الاشترتهم ورجعت ع شقتها.. دخلت وختت الحاجات في الغرفة ونزلت شنطة رصت فيها الهدايا الاشترتهم ..طلعت تلفونا حجزت في الرحلة المتوجهة للسودان في اليوم التاني حوالي الساعة 3 صباحا بعدها اتصلت لمحمد اسيل:حمادة ي حمادة محمد:سولا اخبارك اسيل: حمد لله اسمعني انا جاية بكرة لاقوني انت وايمن في المطار بس م تكلمو ابوي محمد: طول عمرك بتاعت حركات 😂طيب تصلي بالسلامة ❤️ اسيل:الله يسلمك💕 ............................................................................. طالعة من غرفتها وهي لابسة بنطلون جينز وطونك واسبورت رمادي وخاتة طرحة مشكلة في نص راسا ومركبة الهاند فري وبتتكلم بي صوت عالي :مزن بطلي امورك دي وصحصحي ماجد وزياد جايين عليك اتنفضي قومي هسة ي اما حنفوتك 🙄 فصلت الخط ولقت امها بتعاين ليها اميرة:م بتعرفي توطي صوتك انتي؟ شادن: دي مزن دي يخ م عايزة تصحى🌚 اميرة:برضو خلي عندك اسلوب شوية وابقي زي البنات شادن:ممم طيب طيب😂 قعدت تتصفح بي تلفونا وبعد مسافة ماجد اتصل ليها وطلعت ليهم برا اول م ركبت حدرت لي مزن 😒 مزن:الواحد بسلم اول 😏 شادن: اختيني ي بت هوي زياد: اصبحنا خلاص😃 ماجد:البنات وامورهم تلقاهم زعلانين فحاجة تافهة😂 مزن:تخيل بس ي ميجو عشان م صحيت ليها بدري وقعدت تهيج في التلفون 😂 ماجد:مش قلت ليكم تموتو في العوارة شادن: م دخلك انت ودينا السوق وانت ساكت🙂 ماجد:ليه سواق ابوك انا؟ شادن:اي 😃 زياد:لو استمريتو لي بكرة م حنتحرك من هنا انجزو ياخ🤓 ماجد:خلاص فصلنا ارح😂😂 ............ ...................... ..................... ..................... ........................ "كنت ع حافة الانهيار لكنني لم اسقط انا الان اقوى بكثير❤️"لين اخر فترة كانت متغيرة جدا بقت مرحة وجنها هظار وضحك الكل لاحظ تغيرا ناس البيت وحتى زملاء الشغل م كانت بتحب تمشي السوق الا نادرا بس اخر فترة كانت كل م تلقى فرصة بتنزل السوق مع زميلتا صفاء الم كانت عارفة انها تفرح لانو شايفة صحبتها قوية ولا تبكي عليها وع الالم البتحاول تخبيهو 💔 كانت في غرفتها لم امها نادتا سوسن:لين تعالي العشاء طلعت وقعدت مع امها وابوها عبد الله:لين ي بتي عايزك في موضوع لين: اتفضل ي ابوي عبد الله:جاك عريس لين:لا ي ابوي عريس شنو عبد الله:انتي هسة عرفتي هو منو؟! لين:ومن غير م اعرف ي ابوي م تجيب سيرة الموضوع دة تاني وقامت اتوجهت ع غرفتا عبد الله:بسم الله حصل ليها شنو؟ سوسن:خليها ع راحتا هسة انا بتفاهم معاها دخلت غرفتها ورقدت في السرير والدموع كانت في طرف عيونها بس م بكت رفعت التلفون واتصلت علي صفاء وحكت ليها صفااء:طيب ي لين انتي احكي ليهم كدة م حل اهلك لازم يعرفو عشان م ياخدو منك موقف ساي لين:لا ي صفاء م ينفع صفاء:لين البتعملي فيهو دا م حل للموضوع ليه م عايزة تفهمي؟ لين:الكاتبو ربنا ببقى😊❤️ صفاء;ونعم بالله💕 قفلت من صفاء وقعدت قرت شوية قران بعدها نامت براحة❤️ ............................................................................................................ قاعد في مكتبو وبتكلم بالتلفون:م تخاف ي باشا كل الامور ظابطة انت تعال بس م عليك بحاجة تاني ادم:عارفكم م بتقصرو ياخ 😂❤️ وائل جا داخل ومسك التلفون من ايهم:والله ي ابو الشباب تعبتنا عديل في عرسك دة ديونك قعد تكتر وي ريت تبقى سداد بعدين😂 ادم:عرسو انتو بس والباقي علي😂 وائل :اها الجية متين؟! ادم:يومين تلاتة بالكتير وائل:لالا ظابط جدا يلا في رعاية الله وائل: الليلة م في اجتماعات صح؟! ايهم: لالا م حنلقى زمن تاني الا بعد العرس م يخلص بس في اوراق في مكتبك راجعا ووقع عليها وبعدين رسلا لي وائل :طيب تمام .................................................................................. ماجد:كيف يعني لسه م خلصتو؟قريب ال 4 ساعات ونحنا لافين شادن:ماجد م تنق كتير م حنخلص هسة زاتو ممكن تمشو عادي ماجد;وحترجعو كيف يعني؟! شادن:ممشكلة بنتصرف ماجد;تتصرفو كيف يعني بنديكم نص ساعة تاني تخلصو فيها مزن:هيييي نص ساعة دي شوية عديل زياد;طيب ي ماجد ارح نطلع على اي كافتريا لحد م يخلصو يتصلو لينا نجيهم ماجد :طيب تمام ماجد وزياد اتحركو ومزن وشادن فضلو لافين مسافة لحد م يطقمو كل حاجة اخدو قريب الساعة وشوية ولم زهجو قررو يرجعو اتصلو لزياد وبعد مسافة جوهم زياد:اها خلصتو؟ مزن وهي بتعاين لي شادن وفجاة بقو يضحكو الاتنين ماجد:واضح انهم م خلصو واننا حنرجع لموال السوق دا تاني🙄 شادن:للاسف يعني😀 ماجد:الله يصبرنا شادن:امييين😂 مزن: هوي انا جعانة ارح نفطر في اي محل زياد:تموتو في الحوامة 😒 مزن:ي زول م عايز تمشي اسكت بس شادن:نزلونا ونحنا بنمشي برانا بدل الذلة دي🙄 ماجد:من قبيل بس فلاحتك نزلونا وبتاع هسة لو نزلناكم تقعدو تتبكو😂 مزن: هييي ديل منو اليتبكو ديل😒 زياد: الواحد يشتبك مع وحدة فيهم التانية تدخل خشمها 😂 ماجد:دفاع تقيل يصحبي😂 زياد: لاحظت والله😂💔 شادن:ظريفين جدا غلطانين نحنا البنطلع معاكم🙂 مزن:معلش اخر مرة😏 ماجد:اها هسة عايزين تفطرو وين؟! شادن:انا عن نفسي م عايزة مزن:وانا نفسي اتسدت 🙂 زياد: طلعتو بتعرفو تزعلو كلام والله😂 ماجد:خلاص البنات ديل شكلهم قفلو قفلة كعبة😂 فجاة ماجد وزياد وقفو قدام مطعم وطلبو بيتزا ومشروبات غازية دليفري وجو راجعين زياد: امسكو بطلو حركات البنات دي شادن:الواحد م يتانث حبتين؟! ماجد:الانوثة م شبهكم اكلو وانتو ساكتين😂 مزن:حابلع الاهانة دي حاليا لاني جعانة نتفاهم بعدين🙂😂💦 .......................................................... ختت كباية القهوة من يدها واتلفتت ع صحبتها وهي مبتسمة عشان ترد ع سؤالها صفاء:ها عملتي شنو؟! لين: ولا شي ي صفاء حاعيش كدة بس لحد م يومي يتم صفاء:انتي كدة بتقتلي في نفسك بنفسك فاهمة؟! لين:وريني انتي الحل طيب اكلم اهلي ليه؟ وانا عارفة انهم م قدر الحمل دة يمكن من الهم واحد فيهم يموت تبقى خسارتين بدل وحدة ربنا كريم ي صفاء م بينسى زول❤️ ........................................................................ الساعة 2:30 ص قاعدة في صالة الانتظار لابسة بنطلون اسكيني ابيض وتي شيرت ابيض طويل فوق ليهو جاكيت لحمي وجزمة كعب باللون اللحمي💕 ..رافعة شعرها بشكل عشوائي رغم تناقض شخصيتا وطريقة لبسها بس كانت ماسكة تلفونا وبتسمع قران بصوت هزاع البلوشي❤️🌹،،وبعد مسافة سمعت النداء ع الرحلة اتوجهت ع الطائرة ،،وبدت رحلتها وهي مبسوطة جدا💛🌻 فتحت الاكاونت بتاع الفيس وكتبت "وداعا ايتها العزلة ومرحبا بـ سعادة لا نهاية لها💜"
لها بقيـة 💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
