..... ............. .................... ........................ . ...... ........
واقفين قدام الكوافير وبتصورو ❤️كانو حلوين شديد ومطقمين فساتينهم باللون النود الغامق💕اسيل كالعادة مكياجها كان هادي بس حلو شديد❤️شعرها كان مموج ونازل ع اكتافها،،جو ماجد وزياد ساقو شادن ومزن وريم اما اسيل ركبت مع ايمن❤️اتحركو ع الكوافير المشا ادم يجيب منو هبة❤️وصلو والعربات كانت كتيرة شديد ،،ادم جا طالع وهو ماسك يد هبة❤️الشباب بقو يضربو بوري ويصفرو وجزء منهم كان واقف جنب العربات وكانو كلهم لابسين طقم باللون الكحلي💙ساقها وركب في العربية الكان سايقها ايهم وكلهم اتحركو ورا بعض ومشغلين اغاني باصوات عالية❤️وصلو الصالة دخلو قبل العرسان ،،بعدها العرسان دخلو بي اغنية"الليلة عيد ميلاد فرحنا 💕"كانو حلوين جدا وواضح حبهم لي بعض❤️ابتدت الحفلة والكل كانو مبسوطين جدا،،اسيل مشت قعدت في وحدة من الطاولات وكان معاها البنات ،،روان كانت واقفة جنب ايهم وبتتصور معاهو،،شادن كانت مغيوظة وبتلوي في خشمها مزن قالت ليها الخفة يخلوها ليها😑شادن قالت ليها من يومها الخفة دي حقتها🙂اسيل بقت تضحك وقالت ليهم بطلو تحرقو دمكم ساي م تركزو معاها البت م عملت شي هسة😂ريم قالت ليها م بطيقوها اصلا البنات ديل،،اثناء م هم قاعدين جوهم زياد وماجد ،،ماجد قال ليها اسيل الحلوة😂❤️❤️بقت تضحك وقالت ليهو ماجد الظابط اشتقنا والله ❤️زياد قال ليهم قالو ليكم تعالو نتصور ..مزن قالت ليهو القال منو؟ضحك وقال ليها ايهم م روان😂بقو يضحكو واتحركو عليهم اسيل كانت بالطرف ايهم مسك التلفون من روان وقال ليها حاصور انا،،مشى ووقف جنب اسيل وبقى يصور❤️تاني اسيل بقيت تصور بتلفونا،،اخر حاجة مشو اتصورو مع ادم وهبة ورجعو يرقصو لحد م الحفلة خلصت❤️بعد الحفلة م انتهت رجعو والجيرتق كان في البيت ❤️وصلو والبنات طلعو مع هبة شقتها فوق كانو جعانين جدا جابو اكل بعد م اكلو غيرو لهبة بتوب احمر مع دهبي ❤️وهم غيرو بفاستين حمرا وجزم كعب دهبية فساتين البنات م كانت طويلة كانت تحت الركبة بشوية وايدينها كانت قصيرة وشبه 3/4 فكو شعرهم ونزلو مع هبة تحت ❤️والشباب كانو غيرو بالجلاليب،،ابتدت مراسم الجيرتق من الضريرة ورشة اللبن وغنا الدلوكة ❤️الكل كانو مبسوطين وبيضحكو الا ايهم كان بعاين لي اسيل وم باين عليهو انو مبسوط ابدا
ايهم بيحكي:
في الصالة م كنت قادر احرك عيوني منها،،حتى وانا بتصور مع روان كنت مركز معاها ،،م لقيت طريقة اصل ليها بيها الا موضوع الصور رسلت زياد وناداهم ،،عملت فيها اني حاصور بس عشان اقيف جنبها❤️كالعادة كانت جميلة وجذابة جدا❤️كلهم كانو لابسين فساتين نفس اللون بس كان حلو فيها هي اكتر من الكل دا في نظري انا❤️رجعنا البيت والجيرتق كان هناك مختصر ع الاسرة بس والحمد لله انو م كان في الصالة ،،طول عمري بيوصفوني ع اني اوبن مايند وم بهتم بشكل اللبس ابدا بس شوفة اسيل بالفستان الاحمر م عجبتني ابدا ،كان نفسي اغطيها من العالم وم في زول يشوفها غيري ..رغم اني م متشدد من ناحية الملابس ابدا بس حاسي اني معاها رجل شرقي ومتعصب جدا❤️رغم غضبي من لبسها الم عارف ليهو اي مبرر ولا انا زعلان بصفتي شنو ؟بس م قدرت اخبي اعجابي بيها كانت حلوة وهي شعرها نازل ع اكتافها 💛والحنة البسيطة المرسومة ع ايدها،،كانت مختلفة بطريقة حلوة جدا ❤️🌹
خلص الجيرتق والعرسان طلعو شقتهم علشان حيسافرو تاني يوم بدري..والباقين دخلو نامو..تاني يوم الصباح كلهم صحو ودعو ادم وهبة وايهم ساقهم المطار 🌹كان خلاص اخر يوم لي اللمة ولي الاجواء الحلوة🙇🏻♀️❤️الشباب كانو مخططين انهم يطلعو كلهم ويعملو جو ظريف ..ماجد قال ليهم نمشي المنتجع الفتح قبل فترة وكلهم وافقو ❤️اسيل اتصلت لي لين وصفاء وعزمتهم وقالو حيجو واكتر انسان فرح بالموضوع هو ايمن😂❤️بعد الغدا كلهم جهزو واتوزعو في العرباات..وصلو المنتجع والجو كان رهيب اساسا❤️الغيم ومع نسمة الهوا الباردة وخضرة الارض💚اتلمو كلهم وحتى شلة الجامعة بتاعت ايهم كانت موجودة ،،بعد مسافة اسيل طلعت وجات راجعة معاها لين وصفاء سلمو ع الباقين وقعدو ❤️الشباب جهزو القعدة وطلبو اكلات خفيفة ومشروبات غازية وفضلو يتونسو❤️وائل كان قاعد جنب اسيل وبيضحك معاها قال ليها انا عامل ليك فلو ع الانستا من زمان ي زولة ،،بقت تضحك قالت ليهو اعتبرو مردود انا زاتي حاعمل ليك فلو😂❤️شادن قالت ليها ي زولة تعملي لينا كلنا😂ايهم قال ليها انتي اسكتي مدرستك قربت انستا شنو تاني😂قالت ليهو عشان ادم مشى صح؟ كويس بس ،،فضلو يتونسو ويضحكو مسافة وروان متحكرة جنب ايهم وبتوريهو الصور بتاعت يوم العرس الفي تلفونا وشالت تلفونو تحول الصور الفيهو،،وائل وقف ع حيلو وقال لاسيل اصلا مافي زول حيفهمني غيرك ارح نلعب😂قالت ليهو نلعب شنو؟قال ليها اي حاجة بس ارح مشت معاهو والباقين لحقوهم واثناء م ماشين ايمن قال لين بقيتي كيف؟قالت ليهو كويسة جدا حمد لله❤️فضلو يتكلمو وهم ماشين وايمن كان بيسال فيها لو حاسة باي مضاعفات❤️وصلو واسيل ووائل كانو بلعبو لعبة بتاعت اصابة هدف اسيل كانت ماسكة مسدس اللعب وبتلعب وهي بتضحك وائل قال ليها نياشة ي بت كندا😂قالت ليهو من يومي والله😂❤️✔️ كلهم كانو بضحكو ومبسوطين جدا ❤️
بعدها اسيل ساقت لين وصفاء وقعدت تتكلم معاهم وقالت:عايزاكم في موضوع وبدت تتكلم: تقريبا عمو عبد الله بكون اتكلم معاك ي اسيل انتي وصفاء الاتنين حتشتغلو في شركة ناس ابوي
لين:اي حكى لي
صفاء: بس انا معاها برضو؟
اسيل:عارفاكم م بتتفارقو وبعدين حيكون موضوع وانا حاجيكم كل فترة😂❤️✔️
بعدها رجعو للباقين وكملو ونسة ،،اخر حاجة رجعو بيت ناس ايهم واسيل لمت حاجاتها وسط زعل شادن ومزن 😂ودعت اميرة الكانت بتقول ليها م تنقطعي مننا تعالي لينا دايما❤️وحسن الكان بقول ليها بتي السمحة حنشتاق ليك❤️🌹اخر حاجة ودعت مزن وشادن وقالت ليهم حاجيكم بطلو تكشيرتكم دي انا م روان😂بقو يضحكو وودعوها❤️اخر حاجة سلمت ع ايهم وطلعت ركبت عربيتها واتحركت ورا محمد وايمن❤️🌹
وصلت البيت ولقت ابوها كان رجع بعد بداية الحفلة طوالي
عبد الحميد:غيرتي جو صح؟
اسيل:شديد وكان موضوع حلو جدا❤️
بعدها دخلت غرفتها وغيرت بي بجامة مريحة وطلعت تجهز حاجة للعشا❤️
......................................................................
ايهم:
اللمة كانت ظريفة جدا ..وسط حركات اسيل ووائل واتمنيت اني اكون مكان وائل❤️كانت مبسوطة وبتضحك معاهو من قلبها واتصاحبو بسرعة 💕كان نفسي اكون قريب ليها للدرجة دي قبل م يجي اخر يوم بس للاسف م قدرت ،،فكرة انو اخر يوم دي كانت صعبة جدا اخر يوم لوجودها معاي فمكان واحد واخر يوم حاقدر اشبع عيوني من شوفتها❤️اخر يوم اشرب فيهو القهوة من ايدها ،،حاسي انو فراقها م صعب علي انا بس البيت بقى كئيب جدا بعد هي م مشت شادن قاعدة زعلانة وحتى مزن..وامي باين من ملامحا انها حبتها وكان نفسها تقعد معاها❤️كانو البيت كان مليان بيها هي وبي وجودها..حسيت بفراغ وم عارف انا ليه بحس كدة اصلا 🌻💛
.........................................................
اسيل:
تقريبا انا كنت مفتقدة للمات الحلوة دي وعشان كدة اتعلقت بالناس الحلوة دي بسرعة❤️اللمة كانت ظريفة وعجبتني بس وجود روان كان شوية مضايقني كانت بتتصرف بحرية شديدة مع ايهم وشالت تلفونو منو وسط مراقبتي للوضع م حبيتها نهائي ولا حاقدر احبها🙂فرقت معاي خالتو اميرة جدا وعمو حسن الدايما بقول لي بتي السمحة❤️حافقد البنات وماجد وزياد جدا❤️وحركات وائل😂وتقريبا حافقد ايهم حافقد شوفتو وهو بغني وشوفة غمازتو الحلوة والعاجباني جدا❤️❤️كانت احلى لمة في حياتي وم كان نفسي تخلص ابدا بس للاسف لازم نمر بقساوة النهايات دة امر مفروغ منو💔✔️
.............................................. ..................
ايمن :
من لم عرفت انها حتجي معانا اتحمست للطلعة زيادة❤️اشتقت لشوفتها وشوفة خجلها البعجبني جدا❤️انا شخص مرح جدا وبتاع هظار بس معاها كل حاجة بتروح وكل البقدر اقولو اني اسالا من حالتها كدكتور ويكون الكلام رسمي جدا بينا❤️بالرغم من الرسمية الكانت حاصلة الا اني كنت مبسوط بيها جدا ،،مبسوط بوقفتها جنبي وشوفة ملامحها البقت م بتفارقني اخر فترة❤️كنت مبسوط،بيها جدا وكفاية علي انها قدامي❤️✔️
.............................................................................
قاعدين في الكافيه الفي اخر الشارع بيتذكرو في تفاصيل العرس ❤️
شادن:العرس كان حيكون حلو جدا لو م روان كانت موجودة🙂
مزن:اتفق 😂✔️
ماجد: بالعكس وجودها كان مخلي الجو ظريف ومضحك وسط حركاتك انتي ومزن وتعاملا مع اسيل😂
زياد:هي ليه م حبت اسيل يعني البت دي؟
شادن: لانها عايزة ايهم ولاحظت انو كلنا حبينا اسيل 🌚
مزن:تقريبا هي مفتكرة انو اسيل حتسرق ايهم منها
شادن:ايهم اصلا م كان حقها عشان يتسرق 🙄بعدين م عارفة انا حاسة انو ناس بيتنا ديل عايزين اسيل لايهم
ماجد:ناس بيتكم بس حتى ايهم عايزها🌚
زياد:لاحظت انو في الحفلة كان مركز معاها وحتى في التصوير وقف جنبها😂❤️
شادن:وانا برضو لاحظت وامس حسيت بيهو متضايق م عارفة
مزن:محققين جامدين والله😂❤️بعدين حاسة انهم حيكونو من نصيب بعض لايقين ع بعضهم❤️🌹
...............................................................................
طلعو من الاجتماع بعد اكتر من ساعتين رجعو المكتب وايهم كان هادي جدا ع غير العادة
وائل:ايهم في شنو؟
ايهم:كيف؟
وائل:م عارف حاسي انك م تمام م ايهم الانا بعرفو
ايهم: تعب العرس بس مافي شي
وائل: طيب يلا الكافتريا
اتحركو ع الكافتريا وطلبو قهوتهم المتعودين عليها
ايهم:
رجعت الشغل وانا فاقد الشغف تماما..اشتقت ليها جدا والزاعجني في الموضوع اني م قادر افهم اللخبطة الحاصلة دي،،م قادر افهم هي بالنسبة لي شنو وهل حيكون عندي مساحة في حياتا؟الكل ملاحظ اني م تمام ناس البيت وحتى وائل وانا فعلا م تمام ..حتى طعم القهوة اختلف لانو م هي العاملاها🖤هل انا بحبها؟ ولو رضيت بواقع اني حبيتها هل هي حتحبني؟م عارف انا حافضل محتار كدة لمتين وم عارف لمتين حافضل غرقان فيها وفي تفاصيلا🌹🖤
........................................................................
صحت الصباح متاخرة لقت اخوانها وابوها طلعو ع شغلهم والشاي جاهز في المطبخ دخلت اتدوشت وطلعت شربت الشاي بي ملل ..بعدها اتصلت لي لين وعرفت انهم استلمو شغلهم الجديد❤️بعدها دخلت غرفتها وطلعت الكتاب ورجعت تواصل قراية..
اسيل:
صحيت من النوم زهجانة جدا ،،او بالاحرى من امس زهجانة اتعودت انوم ع جوطة البنات ..واتعودت اصحى القى ايهم ووائل منتظرين عايزين القهوة ..رغم انها كانت ايام قليلة الا اني حسيت بي الراحة وسطهم❤️حاولت ارجع واقرا الكتاب بس م قدرت ومزاجي م كان رايق ..فجاة اتذكرت ايهم وهو بغني وسط كل الزهج د ابتسمت غصبا عني💕
م من عوايدي اني اركز في التفاصيل وم من عوايدي اني اهتم بي انسان انا م عارفة انا بالنسبة ليهو شنو..كنت زهجانة جدا وحتى القراية م حتقدر تعدل لي مزاجي ففضلت اني اطلع وكان هو الخيار الافضل🌹❤️
لها بقيـة💕
