.......................................................................................................
"قيل في الحب :هو ملاذ الامان في وسط قسوة هذا العالم♡!.. هو النور بعد حياة كاملة مليئة بالعتمة♡هو الفرح بعد كل ذلك البؤس♡📌❤️"
انتهى جزء عزف الجيتار وشغلو اغاني بالسماعات والكل وقفو يرقصو الا اسيل كانت قاعدة وبتتفرج عليهم ..شادن ومزن جوها راجعين واصرو عليها انها ترقص بس رفضت وطلبت من شادن توديها لاميرة جوة البيت ،،شادن ساقتها معاها ودخلتها لاميرة في البيت..وسط نظرات النسوان المستغربة لاسيل في شكلها ولانها م كانت محجبة كلهم كانو بيتساءلو دي منو؟!اميرة قالت ليها;تعالي ي بتي❤️ اسيل ابتسمت ومشت ليها بعد م سلمت ع النسوان من بعيد ،،قعدت جنب اميرة القالت ليها:الحفلة م عجبتك ولا شنو؟!
اسيل: بالعكس ظريفة شديد بس حبيت اقعد معاك 💕فضلت تتونس معاها مسافة وسالتها من شغلها واذا حترجع كندا ولا لا ..اسيل قالت ليها فترة وحارجع ..اثناء م بيتونسو ايهم جا داخل لاحظ ليهم بتونسو طلع غرفتو وشال تلفونو لم جا راجع اميرة نادتو وقالت ليهو يسوق اسيل معاهو ،،وقف انتظرها جات عليهو ساقها وطلع اثناء م ماشين قال ليها :شكلك م بتحبي الحفلات
قالت ليهو:م قصة اني م بحب قصة انو الجو جديد علي
وصلو الحديقة وايهم مشا للشباب واسيل رجعت لناس شادن ..نهاية الحفلة كانت بموسيقى عالية جدا كلهم وقفو وبقو يرقصو ايمن اشر لي اسيل نظام تعالي هزت ليهو براسا وفضلت قاعدة..الحفلة خلصت وايمن ومحمد ودعو الشباب ونادو اسيل مشت عليهم لم جو يطلعو اميرة اصرت علي اسيل انها تبيت وشادن كانت بتقول ليها اقعدي ياخ .. اسيل اعتذرت انها م جاهزة بس حتجيهم بكرة ..حسن قال ليها بكرة كلكم حتجو تبيتو انا متفق مع عبد الحميد ..ودعوهم وطلعو ..اول م وصلو البيت سلمو ع ابوهم وسال اسيل الجو كيف؟!
اسيل:حلو وظريف جدا❤️
عبد الحميد:طيب الحمد لله اصلا حسن دة مصر انو بكرة نبيت معاهم
اسيل:طيب م مشكلة
دخلت غرفتها وغيرت وشالت تلفونها اتصلت لصفاء واطمنت ع لين❤️✔️
..............................................................................
قاعدين في الصالة وبيتونسو شادن قالت ليهم حبيت اسيل دي جدا يخ ياريت لو باتت معانا❤️ايهم قال ليها ايه سبب الحب الفجأة دة من متين بتدخلي في الناس بالسرعة دي ؟!ردت عليهو مزن م كل الناس زي صحبتك في ناس بتدخل القلب سرعة..ايهم بقى يضحك وقال ليها قاسين شديد انتو والله😂وائل قال ليهو ابدا والله معاهم حق🤣ادم قال ليهم دي منو صحبة ايهم دي؟!ماجد قال ليهو روان المايعة😆زياد قال ليهم بس اسيل قبيل عجبتني قدرت ليها😂وائل قال ليهو اقيف اقيف اسيل وروان؟!اللماهم شنو؟!شادن ومزن حكو ليهم الموقف وكلهم قعدو يضحكو .. وائل قال ليهم عفيت من اسيل دي والله 😂مزن قالت ليهو والله انا قبيل حبيتها حب 😂😭ايهم قال ليهم باين عليها انها م من الناس البتسكت عن حقها😂✔️شادن قالت ليهو واضح انو شخصيتا قوية ودي اكتر حاجة عاجباني فيها من لم شفت اخبارها في الميديا🌞❤️فضلو يتونسو مسافة بعدها كلمهم طلعو ينومو الا وائل وايهم فضلو قاعدين
وائل :شنو ي باشا قبيل في الحفلة بتتبسم براك زي الاهبل؟!
ايهم:متين دة م متذكر؟
وائل: والله؟!
ايهم: وائل انت بتلمح لشنو؟!
وائل: م عارف شامي ريحة اسيل في الموضوع😂
ايهم وهو بفنو بالمسند:قوم نوم ي ابني شكلك نعسان وبتهلوس
وائل طلع وهو بضحك😂❤️✔️
.............................................................................
قاعدة قدام المرايا بتظبط في الايلاينر خلصت منها وعملت روج باللون النود الخفيف💕..كانت لابسة جيب شورت رمادي وقميص شك باللون الحلاوي لبست معاهو جزمة باللون الرمادي ،،عملت شعرها كعكة مرفوعة لفوق وطلعت ركبت عربيتها واتوجهت ع المستشفى..في الطريق وقفت واشترت حلاوة وشكلاتات كتيرة 💕وصلت المستشفى ودخلت غرفة لين لقت صفاء وسوسن معاها❤️
سوسن:اهلين ي بتي نورتي والله
اسيل:بنورك ي خالتو 😘
صفاء: واشتقنا والله😂❤️
اسيل:جدا ياخ😂💕
لين:سووولي الحلوة
اسيل : حبيبتي كيفك اليوم؟
لين: لالا تمام الحمد لله❤️
اسيل:الحمد لله ..اها حتطلعي الليلة صح!
لين: اي بس ايمن لسه م جا
اسيل: بكون مشغول حامشي اشوفو
طلعت واتوجهت لمكتب ايمن لقت معاهو عيان واحد استنتو يطلع ودخلت ليهو
اسيل:ايمووني😘
ايمن:حبيبة ايموني انتي😂❤️
اسيل: ها بتنا السمحة دي حتطلعها متين؟
ايمن:م عندها حاجة تاني تطلع الليلة طوالي انا كنت جايي ليهم هسة
اسيل:تطورات والله لكين ي دكتور بقو بقولو ليك ايمن ساي😉💛
ايمن:قصدك شنو ؟
اسيل قامت وهي بتضحك:ان اللبيب لبالاشارة يفهم😂✔️
طلعت وايمن جا وراها وصلو الغرفة وايمن قال ليهم انو يطلعو طوالي م عندها حاجة تاني
سوسن: الله يديك العافية ي ولدي
ايمن:الله يعافيك ي خالة❤️
وعاين لي لين وقال ليها:حمد لله ع سلامتك ❤️✔️
لين: الله يسلمك
جهزو لين واتحركو ع البيت ومعاهم اسيل.. وصلو ودخلو لين غرفتها عشان ترتاح ..وفضلو مع سوسن في المطبخ يعملو الاكل..بعد خلصو دخلو لي لين في غرفتها وفضلو يونسوها ويضحكو❤️اثناء م هم قاعدين محمد ضرب لي،اسيل
محمد:سولا مشيتي لي صحبتك؟
اسيل:اي معاها ليه!
محمد: ادم دة ضرب وشالو رقمك مني مصرين انك تمشي ليهم هسة
اسيل: مم طيب حاقعد مع لين لحد بعد الفطور كدة وحامشي اجهز حاجاتي وامشي ليهم
محمد:طيب تمام نحنا حنلحق الغداء معاكم
اسيل: طيب حلو
لين:ديل ناس العرس ؟
اسيل:اي
صفاء: بالجد امس لقيتي الوضع كيف؟
اسيل :والله حلو شكلهم ظريفين❤️✔️
فجاة تلفون اسيل ضرب وكان رقم غريب ردت جاها صوت اميرة:بتي الحلوة انا خالتك اميرة
اسيل: اهلين ي خالتو كيفك
اميرة;تمام والله وانتي
اسيل:بخير حمد لله
اميرة:عايزنك تجينا هسة وشادن دي من الصباح خشمها م سكت
اسيل:طيب بعد الفطور حاتحرك عليكم
بعدها قامو جهزو الفطور وبعد خلصو اسيل استاذنت منهم وطلعت ع بيتهم ..دخلت غرفتها وشالت شنطة صغيرة لمت فيها جزء من هدوما وحاجاتا وطلعت ع بيت ناس ايهم وصلت واول م دخلت شادن جاتها جارية سلمت عليها وساقتها سلمت ع الباقين واميرة كانت بتقول ليها بيتنا نور ي السمحة❤️شادن ساقتها غرفة ختت فيها شنطتها وغيرت الجزمة ب شبشب بيت ونزلت معاها..اول م نزلو ايهم ووائل جو داخلين سلمت عليهم بعدها قالو عايزين جبنة كالعادة.. اميرة دخلت المطبخ واسيل دخلت معاها واصرت انها تعملا وفعلا عملتها وشالتها مع شادن وودوها للاولاد .. الشباب كانو كلهم ملمومين في الصالو اولاد وبنات شادن نادت ريم ومزن وجو كلهم قعدو وبقو يشربو ويتونسو..ادم سأل العمل القهوة منو؟اسيل ردت ليهو انا ليه فيها حاجة غلط؟!قال ليها بالعكس مظبوطة شديد❤️✔️وائل قال ليها سيدة اعمال وست بيت شاطرة 😂❤️✔️بقت تضحك ووائل فضل يتونس معاها ودخلت في الناس سرعة وسط سكوت ايهم الم من عوايدو يسكت ابدا ..
ايهم بيحكي:
انا انسان بحب القهوة لحد بعيد .. بس اول مرة احس بطعم القهوة مختلف كدة.. كانت مظبوطة جدا والحمد لله انو ادم سبقني وعلق والا كنت حاقول انو انا بتوهم ساي..م عارف اخر يومين بقيت غريب جدا م من عادتي اني اسكت في اللمات او لم يكون في ونسة،،بس م عارف انا ليه م قادر اتونس معاهم ليه م قادر اتعامل معاها بسهولة زي م الكل بيعمل؟!م عارف بس حتى الكلمات خانتني وم عايزة تطلع ❤️""
قاطع سكوت ايهم وائل وهو بقول ليهو شنو ي باشا السكوت الغريب دة؟!رد عليهو بستمتع بالقهوة بس🖤وائل قال ليهو طول عمرك بتاع كيف ي صحبي😂..اثناء الونسة كدة روان ومعاها كم بت من شلة ايهم بتاعت الجامعة جو داخلين..قعدو وكلهم فضلو يتونسو والبنات اندمجو مع اسيل في الونسة الا روان كانت بتعاين ليها وساكتة ..وائل قال ليها خير ي روان زعلانة ولا حاجة؟قالت ليهو ابدا ياخ م في حاجة
فضلو يتونسو مسافة بعدها البنات قامو وخلو الشباب براهم.. لم رجعو لقو النسوان بشكرو في قهوة اسيل🖤روان قالت لي وحدة من البنات المعاها ودي بتعرف تعمل قهوة يعني؟ ردت عليها ب شكلها بتعرف اي شي ماشاء الله عليها❤️اميرة قالت للبنات امشو ارتاحو شادن ومزن وريم ساقو اسيل معاهم وطلعو الغرفة كان فيها سريرين كبار مزن وشادن رقدو في واحد واسيل وريم في واحد..نامو قرابة الساعتين بعدها اسيل صحت دخلت الحمام استحمت ولبست بنطلون جينز مع قميص منقاوي وعملت شعرها ضنب حصان ونزلت المطبخ .. لقت اميرة عايزة تجهز الغدا فبقت تعمل معاها ..عملت الكبسة ومعاها كيكة شكلاتة 🖤البنات صحو لقوها في المطبخ شادن قالت ليها واو بتعرفي تطبخي؟ضحكت وردت ليها ب ايوة.. مزن قالت ليها عايزة اضوق دخلو واكلو من الكبسة وعجبتهم كلهم ريم قالت ليها الكيكة شكلها مغري جدا بس حتصدمني حاخليها بعد الغداء😂❤️اميرة قالت ليهم خليها تعلمكم بدل م فاشلات كدة..شادن قالت ليها شنو ي حجة بعتينا خلاص😂اثناء م هم واقفين جاهم ايهم وقال ليهو نحنا جعانين ع فكرة اميرة قالت ليهو والاكل زاتو طلع😂❤️فضلو يرصو في الصواني وجو باقي البنات ساعدوهم..
اسيل بتحكي:
لي زمن من اللمات وجو العائلات المكتملة دة !فكنت مبسوطة شديد ❤️تعاليق النسوان ع القهوة والاكل العملتو بقدر الاعجاب كان فيها استغراب حسيت انهم مستغربين انو البت دي بتعرف تعمل حاجة؟ويمكن معاهم،حق احتمال شكلي م بيوحي اني بعرف اعمل حاجة وتقريبا دة عشان انا م محجبة .. بعد الغدا عمو حاسن ناداني في الصالون مشيت سلمت عليهو وعلي ناس،ابوي❤️عمو حسن قال لي يدك طاعمة جدا في الاكل ماشاء الله عليك❤️قلت ليهو بالهناء ع قلبك❤️بعدها رجعت والبنات قالو نجهز عشان الحفلة💕
ايهم بيحكي:
دخلت المطبخ ولقيتها واقفة .. كالعادة كنت هادي جدا وم اتجادلت مع شادن الكل م اشوفا لازم اشاغلا❤️رصت الصواني مع البنات ونحنا جينا عشان نشيلهم .. كانت مختلفة جدا م عارف سبب الاختلاف بس انا كنت شايف انها مختلفة❤️ع قدر م هي حلوة من غير حجاب ع قدر م انا واثق انها حتطلع احلى بيهو💛وع الرغم من انها م محجبة بس انا واثق جدا انها انسانة نضيفة جدا من جوة 💛قعدنا في الاكل وطلعت هي عاملة الاكل مع امي كل مرة بتبهرني زيادة وبكتشف انها شخصية غريبة وغريبة جدا🌻💛
لها بقيـة 💕
