" لا سعادة تفوق سعادة حصولي عليك،،ولا انجاز يضاهي وجودك بجانبي 🥀🖤"ايهم
صحيت الصباح وانا متوتر جدا ..احساس البحبها حتكون قدام عيوني ع طول وحتكون حقتي انا❤️من امس م اتكلمت معاها اشتقت لصوتها جدا،،الوقت كان ماشي بطئ جدا لحد م جا وقت الصلاة كنت واقف قدام المرايا وبظبط في العمة جاني وائل وساعدني فيها عاين لي وابتسم وقال لي ملخبط كدة مالك؟كل حاجة تمام والعمة ظابطة فيك😂❤️قلت ليهو م عارف بس متوتر شديد ،،قال لي ي صحبي خليك راكز عارفك بتحبها بس م قدر دة لكن حاول كون طبيعي😂قعدت اضحك جا ادم داخل وقال لي العريس وجاهتك تلخم والله😂طلعت معاهم وابوي وماجد وزياد لاقونا برة اتحركنا ع المسجد لاقينا ابوها واخوانا وبعد الصلاة عقدنا❤️خلاص اسيل بقت مرتي؟بقت حلالي وحتكون معاي للابد؟عن كمية المشاعر الكنت حاسي بيها والناس بتبارك لي وانا اصلا م مركز معاهم جاني ابوي وقال لي واخيرا ي ولدي فرحتنا بيك..ضحكت وحضنتو قلت ليهو واخيرا والله😂❤️جاني عم عبد الحميد قال لي كدة انا مطمن لاني اديت بتي لي راجل حيعرف كيف يسعدها❤️وائل جا قال لي والله جا اليوم الشفناك فيهو عريس ابشر والله😂❤️ادم جا وقال ليهو صبر ونال والله اسيل مافي زيها تتهنى ي اخوي❤️محمد جا قال لي لو بيدي م اخليها تفارقنا بس انت م زول يرفضوهو❤️ايمن جاني وهو بضحك قال لي م ناسي ليك حركة الخطوبة واميرتنا دي م حنوصيك عليها عارفنك قدرها وم انت البوصوك ي صحبي❤️بعدها ماجد وزياد جو باركو لي ماجد قال لي تعال نصورك لمرتك بالله سيلفي العقد وبتاع 😂كنت مبسوط وانا شايف الكل فرحانين لينا ،،طلعنا من المسجد وفي الطريق اتصلت ليها وقلت ليها "مبارك علينا ي السمحة وربنا يقدرني واسعدك ❤️"جاني صوتها وهي بتقول "انت قادر انك تسعدني دايما ربنا يقدرني انا واسعدك "قلت ليها وجودك براهو اكبر سعادة بالنسبة لي ويلا م اطول عليك لي بعدين❤️
قفلت منها لقيت وائل بشاغلني بحواجبو 😂قال لي ي زول عبرت تب والله😂❤️وصلنا البيت والزغاريد مسموعة من برا الشارع ،،من دخلت امي لاقتني وهي بتزغرد قالت لي دة اليوم الدايراهو ليك ي ولدي تتهنى يارب❤️قلت ليها بي وجودك ي الغالية❤️جوني مزن وشادن وهم بشاغلو فيني من بعيد بحركاتهم شادن قالت لي لو اسيل بتخليك تنور وتنبسط كدة كنا جبناها ليك من زمان😉مزن قالت ليها الحب وم يفعل ي بت 😂❤️باركو لي وهم بضحكو ،،بعدها كانت الوجبة بتاعت العقد وانا كنت منتظر متين بالليل يجي وامشي اشوفا كفاية اني م شفتها لحظة العقد🖤..
ـــــــــــــــــــــــــــــــــــــــــــــــــــــــــــــــــ
"بمثابة الغيث بعد اعوام عجاف بمثابة جبر الخاطر كنت انت 💛" اسيل
قفلت من ايهم وانا مبسوطة والبنات بشاغلو فيني😂لين قالت لي وجودك اكبر سعادة وبتاع 😉صفاء قالت ليها رومانتك لم مف طريقة 😂فضلو يتضاحكو لحد م صفاء جات رفعت لي التلفون وقالت لي ماجد مصور ليك راجلك😂❤️
عاينت لصورتو والتلفون في يدها العمة كانت حاجة رهيبة جدا فيهو ماشا الله بس❤️بعدها ابوي اتصل وبارك لي وقال لي اديناك لي راجل ي بتي م عليك خوف❤️ومحمد وايمن كذلك باركو لي ❤️
خلصنا من الحنة لحد م نشفت وغسلتها كانت رهيبة شديد❤️والوقت كان بدري البنات قعدو يرسمو وانا كنت تعبانة شديد قلت ليهم لو م نمت هسة حانوم ليكم في الحفلة 😂لين قالت لي لا احساس لا ضمير 😂كنا حاجزين الكوافير لينا وهبة اصلا حتجينا بعدين ف صاحبة الكوافير ساقتني لغرفة صغيرة كدة عملت لي ماسك وقالت لي نومي ،،وفعلا نمت م صحيت الا بصوت هبة وهي بتقول لي العروسة النوامة قومي خليني اشوف حنتك😂صحيت وقعدت عاينت للحنة وقالت لي ماشا الله سماحة سماحة ❤️طلعت صليت العصر وكانو جايبين الغدا اكلت شوية وبدو يجهزو في شعري والبنات برضو كانو بجهزو ،،لحد بعد المغرب كنت جاهزة ،،الفستان كان ابيض من فوق فيهو شوية لماع ومن تحت فاري كنت لسه لابسة سلسل الفضة ❤️شعري كان مرفوع بمشبك من فوق ونازل ع اكتافي ثبتو لي وردة بيضاء مع شعري فوق ومعاها زي طرحة صغيرة كدة❤️المكياج م كان اوفر شديد بس برضو اتقل من الانا بعملو في كل مرة ،،فضلت اعاين لي نفسي في المرايا وكل م اتذكر انو ايهم حيجي وحاشوفو دقات قلبي بتزيد ❤️البنات كانو رهيبين فضلو يتصورو معاي مسافة لحد م سمعنا اصوات العربات برة والشباب كانو بضربو بوري ،،في اللحظة دي قلبي كان حيطلع من محلو فضلت مغمضة لحد م سعت صوت ايمن اخوي وهو بقول لي اميرة ديزني الحلوة😉❤️ضحكت وعاينت ليهو قال لي نتلاقى هناك وساق لين وطلع😂❤️وادم كذلك ساق هبة بعد م قعد يتغزل فيها❤️وصفاء طلعت مع محمد،،فضلت واقفة لحد م شفت ايهم وهو داخل بالطقم الاسود 🖤كان رهيب رهيب قلبي مع كل خطوة دقاتو كانت بتزيد لدرجة حسيت انو ايهم في محلو حيكون سمعها ،،
نكمل بلسان ايهم:
م صدقت انو الوقت جا وحامشي اسوقا خلاص طلعنا انا ووائل وعربات الشباب ورانا وصلنا وانا كنت بحسب خطواتي علشان اصل ليها ،،وصلت ولم شفتها م قدرت ابعد عيوني منها اول م وصلتها ختيت ايديني في راسها وقعدت اقرا ليها في سري❤️كانت جميلة شديد وكالعادة بتضيعني بي سماحتا دي،،وانا بقرا ليها سمعت صوت البنات وهم بصورو بي ورانا 😂❤️مسكت وشها بين ايديني وبستها في راسها وقلت ليها خلاص ي السمحة بقيتي معاي ،،حاعمل البقدر عليهو علشان تنبسطي دايما❤️كل العملتو انها ابتسمت لي عارف انها حتكون خجلت واتلخبطت مسكت ايدا وطلعنا ،،والشباب قامو بالواجب يصفرو ساي اتحركنا ع الصالة مع وائل والعربات ورانا والشباب مشغلين اغاني وبضربو بوري طول الطريق❤️
ــــــــــــــــــــــــــــــــــــــــــــــــــــ
وصلو الصالة والشباب كانو بجهة والبنات بالجهة التانية ،،الشباب كانو لابسين طقم كبدي باسود والبنات فساتينهم كان لونها كبدي لامع ولابسين هيلز اسود 🖤كانو واقفين ع طول الممر ادم كان قصاد هبة ،،ايمن قصاد لين،،وائل قصاد ريم،،ومحمد قصاد صفاء،،ماجد قصاد شادن،،وزياد قصاد مزن،،الشباب كل واحد منهم كان شايل كمان في ايدو وبيعزف واسيل وايهم كانو ماشين في النص ❤️المنظر كان جميل وحلو جدا ،،لحد م ايهم واسيل وقفو في نص الصالة ،،الشباب دخلو بي مدخل والبنات بي مدخل تاني وبعدها كل واحد جا طالع مع الكان واقف قصادها ❤️اشتغلت اغنية حماقي "ياما حكيت عليك للناس وللايام قالولي خيال وقلت حقيقة مش اوهام قالو ملاك بتحلم بيه ومش انسان راهنت عليك واديني بقيت انا الكسبان❤️✔️"،،اثناء م الغنية شغالة وايهم برقص مع اسيل قال ليها وحقيقي يعني انا كسبتك❤️ضحكت وقالت ليهو مكسب مشترك❤️✔️بعد خلصو من الرقصة اتوجهو ع كراسيهم والناس جات تبارك ليهم ومن ضمنهم كانت روان وبعدها الحفلة بدت وهججو كويس😂❤️
البنات جرو ع اسيل وساقوها وبقت ترقص معاهم ،،والشباب كانو برقصو مع ايهم لحد م جابو ايهم بي جهة اسيل وبقو يرقصو كلهم سوا ❤️اسيل كانت متضايقة من وجود روان بس اتجاوزت الوضع وبقت تضحك لم شافت محمد باين انو بغيظ في صفاء كالعادة وبيتناقرو😂❤️وابتسمت لم شافت وائل واقف جنب ريم ،،شادن لكزت اسيل وقالت ليها امسكي في ايهم دة وم تزحي منو روان دي م مضمونة 😂بقت تضحك وايهم جا عليها قال ليها ضحكتك حلوة بسحروك م تضحكي تاني😂❤️الحفلة خلصت والكل رقص واستمتع فيها بعدها رجعو بيت ناس ايهم علشان الجيرتق طلعو شقة هبة وغيرو ليها بي توب اسود لامع وهيلز دهبي❤️هبة قالت ليها انتي وايهم عجيبين طاقيكم حب الاسود كدة ليه مش مفروض تلبسي توب جيرتق احمر ،،بقت تضحك وقالت ليها م الا احمر ي زولة وبعدين الاسود دة رهيب 🖤نزلو تحت وايهم كان لابس ع الله سوداء 🖤اسيل قعدت ووشها كان مغطة بالجدلة ،،جا وقت رش اللبن ايهم فتح وشها لقاها مغمضة عيونا فتحت عين واحدة وعاينت ليهو وقالت ايهم براحة ،،ضحك عليها وقال ليها ابيت 😂في النهاية رشاها وهي م قصرت رشتو بعدها اميرة جات وعملت ليهم الضريرة في راسهم ،،والبنات كانو بدقو في الدلوكة ويغنو ،،خلصو مراسم الجيرتق واسيل بكت وهي بتودع ابوها فضلت حاضناهو مسافة ،،جا محمد زحاها منو وضماها عليهو وقال ليها حتجي تاني وحتشوفينا بطلي بكا ،،ايمن جا قال ليها يع يع شينة وانتي بتبكي😂ضربتو في كتفو وقالت ليهو بكرة تندم ي قميل😂كلهم قعدو يضحكو عليها بعدها جو صفاء ولين وحضنوها لين قالت ليها معاك ايهم بي حالو الببكي شنو😉صفاء قالت ليها استمتعي ي بت وم تخربي ام اللحظة😂❤️بعدها جات اميرة وقالت ليها ولدي بشيلك في عيونو م تبكي❤️ودعتهم كلهم واخر حاجة هبة حضنتها وقالت ليها استمتعي بالرحلة ي بت وم تنكدي ع نفسك❤️ركبت مع ايهم واتحركو ع الفندق ،،كانت لسه بتبكي ايهم بركن العربية ع جهة وقبل عليها مسك وشها بين ايدينو وقال ليها ممكن تبطلي تبكي ؟ايهم حسن م بيحب يشوف مدامتو وهي كدة❤️بقت تضحك قال ليها كدة ممكن نقول عليك مدام ايهم انتي م بيشبهك غير الضحك ❤️
وصلو الفندق وطلعو ع الغرفة بتاعتهم ،،ايهم دخل استحمى وجا طالع بعدها اسيل دخلت استحمت ولبست بجامة طويلة عملت شعرها كعكة فوضوية وطلعت لبست اسدال الصلاة ،،صلو العشاء وايهم قال لاسيل نطلب شنو؟قالت ليهو انا م جعانة نعسانة ونفسي انوم بس قال ليها طيب نطلب عصير حتى انا م جعان طلبو العصير وبعدها اسيل قالت لايهم تصبح ع خير ،،قال ليها وانتي من اهلو هي رقدت في السرير وهو قال ليها اخدي راحتك ونام في الكنبة ،،واضح انو كان نعسان لانو نام طوالي اسيل فضلت تعاين ليهو لحد م نامت هي كمان ❤️
ــــــــــــــــــــــــــــــــــــــــــــــــــــ
رجعو البيت وكل واحد زعلان
ايمن:البيت رجع كئيب من غيرا 💔
محمد:كئيب شديد كانت محلياهو،علينا
عبد الحميد:سنة الحياة ي اولادي ومجبورين نتعود لو م عرست كانت حترجع كندا بس ع الاقل هي هنا وحنشوفا تاني❤️
ايمن:يمشو ويجو بالسلامة
وكل واحد دخل غرفتو ونامو
في بيت ناس حسن
حسن:واخيرا ولدك العنيد اتزوج
اميرة:حمد لله ي حسن حمل وانزاح افتكرتو حيفضل قاعد كدة
هبة:دي اسيل ي خالتي م في زول بيرفضها😂
ادم:ايهم زوقو كان صعب شوية واحتمال لقى مواصفاتو في اسيل
شادن: شخصيتها قوية ودي اكتر حاجة حببتو فيها اسالوني انا🌚
ادم:دافينشي بتاعتنا دي من يوما بتفهما وهي طايرة
شادن:وهي المدرسة خلت فيها دافنشي مواهبي اتدهورت😂
اتونسو مسافة بعدها كل واحد طلع غرفتو
ــــــــــــــــــــــــــــــــــــــــــــــــــــ
" وجودك بجانبي يعادل طمأنينة العالم اجمع ،،انت انتصاري الوحيد بعد كل تلك الهزائم🙇🏻♀️❤️"
صحت الصباح قبل ايهم فضلت سرحانة فيهو وفي تفاصيلو ،،بعد مسافة دخلت الحمام واتجهزت للصلاة ومشت جنبو وبقت تنادي فيهو ايهم ي ايهم اصحى م ردا عليها فضربتو بخفة ع كتفو فتح عيونو وعاين ليها ابتسم وقال ليها صباح الخير ،،ردت عليهو بي صباح النور قوم عشان تصلي ،،هز ليها بي راسو وقام دخل الحمام بعد مسافة طلع لقاها صلت صلى هو كمان وقال ليها نجهز بعد كدة مواعيدنا الساعة 8،،دخل قبلها وطلع وهو لابس بنطلون اسود وفنيلة سوداء باكمام طويلة لبس اسبورت ابيض وفضل واقف في المرايا بيصلح في شعرو،،اسيل دخلت الحمام وطلعت وهي لابسة فستان زيتي غامق باسود ولبست جزمة سودا،وقفت قدام المرايا ورفعت شعرها كعكة وفضلت تعمل شوية ميك اب ايهم كان قاعد في الكنبة وماسك تلفونو بس كان مركز معاها،،خلصت واتلفتت عليهو قال ليها مشينا ؟قالت ليهو ارح مدا ليها ايدو مسكت ايدو ونزلو تحت شربو قهوة في الكافيه واتحركو ع المطار ❤️قعدو شوية في صالة المغادرة بعدها سمعو نداء الرحلة المتوجهة لكندا اتحركو ع الطيارة وبعد مسافة من الاقلاع اسيل كانت نعسانة ومن غير م تحس غفت ع كتف ايهم❤️
"احيانا يكون احدهم ملاذك الامن الذي تهرب اليه من ضجيج هذا العالم 💜🖇️"
لها بقيـة 💕
