................................................................................................
رجعو المستشفى وبعد مسافة ايمن جاهم داخل ،،سلم عليهم وسال لين وصفاء عن احوالهم 💕بعدها وجه كلامو لي لين وسالا اذا جاهزة ولا لا وكان بيطمن فيها انو الموضوع بسيط وحيعدي ع خير باذن الله ..وسط نظرات اسيل وابتساماتها الجانبية🌻💛
بعدها اتلفت ع اسيل وقال
ايمن:الحفلة كانت جميلة ع فكرة والناس سالو منك 😂
اسيل:وبيعرفوني من وين؟!
ايمن:غبية انتي؟م بيعرفوك معرفة شخصية بس سامعين بيك مننا😂💦
فضلو يتناقرو وسط ضحكات صفاء ولين واعجابهم بشخصية الاخ واختو المتمثلة في اسيل وايمن 📌❤️
بعدها ايمن واسيل استاذنو منهم وطلعو ع بيتهم ..اسيل جهزت العشاء وشالت لي نفسها غيار ..ايمن كان عايز يرجع معاها بي حجة انو يوصلا بس هي كانت مصرة انو م في داعي معاها عربية وقالت ليهو يرتاح عشان يجهز للعملية الصباح..ركبت العربية ورجعت المستشفى وهي الطريق كلو بتضحك في اخوها وفي تصرفاتو الحتكشفو قريب جدا😂❤️
.............................................................................
الاغاني والدلوكة محتلين المكان كعادة اي بيت سوداني بكون فيهو عرس ❤️الاهل والاصحاب والجيران مالين البيت واصوات الضحكات والونسة❤️وريحة البخور مع ريحة البن❤️🔥
اميرة كانت في المطبخ ومعاها مزن وشادن وبنات الاهل بيجهزو في القهوة.. مزن وشادن شالو القهوة وطلعو للرجال برة ..وطلعت معاهم بت عمة شادن اسمها ريم ..ختو القهوة وفي نفس اللحظة شلة ايهم بتاعت الجامعة كانت وصلت ❤️الشباب دخلو وهم مشغلين اغاني باعلى صوت وشايلين mp3 وفجاة الحديقة اتقلبت رقيص وجوطة😂❤️بعد خلصو سلمو علي بعض وروان سلمت ع ايهم بمياعتا المعتادة وشادن ومزن رافعين حواجبهم باشمئزاز منها 😂😭💔الشباب قعدو برة والبنات دخلو للنسوان جوة..شادن ومزن رجعو المطبخ ورجعت معاهم ريم
ريم:اصحاب ايهم ديل ظابطين ياخ
شادن:جدا بس م عدا روان دي🙂
مزن:اتفق والله😂
ريم:دي المايعة دي صح؟!
مزن:نياشة والله ياها زاتا🙂😂
ريم: انا زاتي م حبيتا ولاحظت لنظراتكم ليها😂😂
شادن:عان ليها قاعدة جنب امي نظام تحنك فيها لكين اه وين ياااا ايهم دا لو تموت م بنعرسو ليها😂
مزن;هييي بتهظري انتي م عندنا اولاد بيعرسو اشكال زي دي 😂
قاطع كلامهم صوت ايهم :بتقولو في شنو انتو🌚
ريم:ولا شي قلنا شلتك ظريفة
شادن ومزن:ماعدا روان 😀
ايهم وهو بضحك:عيب عليكم ياخ بتكرهوها كدة ليه😂
مزن:مافيها شي يتحب اساسا 🌞💔
شادن:حقيقة يعني🙂
ايهم:خلاص عايزين زيادة قهوة
ايهم طلع لاصحابو والبنات رجعو يجهزو القهوة🖤
......................................................................................
" كان يقيني بالله اكبر من ذلك الخوف بداخلي .. كنت الجأ الى الله دوما فتتبدد مخاوفي..وما خاب من كان ملجأه الى الله ❤️"لين
قاعدة في الغرفة في المستشفى بتصلي الصبح وتدعي❤️كانت مبتسمة وكانها واثقة انو ربها م حيخذلا❤️في الغرفة التانية الجنب غرفتها كانو اسيل وصفاء بصلو برضو وكل وحدة في سجودها كانت بتدعي ليها❤️"يعني حقيقة الاصحاب هم طاقات الامان💛 وم غلط القال الاصحاب ي عزة ركائز للارواح لو جات تتهدا🌻💛".. خلصو من الصلاة ودخلو لي لين في غرفتها لقوها قاعدة في السرير وبتقرا قران❤️..العملية كانت حوالي الساعة 6 صباحا،،وقبل م الدنيا تفتح كويس جوهم داخلين سوسن وعبد الله..سلمو ع اسيل بطريقة حلوة شديد وهي سلمت عليهم بعفوية واسلوب جميل.. وابتسامتها الدايما بتكون ع وشها كانت سبب كافي انها تحبب الناس فيها❤️🔥.. بعدها سلمو ع صفاء ولين وقعدو يتطمنو ع بتهم❤️
فضلو يتونسو ويتكلمو واندمجو مع اسيل جدا ❤️.. حوالي الساعة 5 ايمن جا داخل ❤️سلم على اهل لين وطلع ومعاهو اسيل
اسيل:ايمن وضع لين كيف؟!
ايمن:لالا ابشري الموضوع م خطير شديد❤️
اسيل:حمد لله💕
ايمن:م تخافي يبت اخوك ثقة😂
اسيل:وانا اساسا المطمني شنو غير اخوي دة😂❤️
مرت الساعة وجهزو لين للعملية ودخلوها غرفة العمليات ..وسط توتر صفاء ودعوات ام لين وابوها..واسيل الكانت مطمئنة جدا لانو لو في حاجة خطيرة ايمن كان حيوريها💕..الكل كان ساكت وبيدعي في سرو مرت ساعة اسيل ساقت صفاء ونزلو الكافتيريا طلبت موية وعصير ورجعت لسوسن وعبد الله
سوسن:م كان في داعي ي بتي م عندي نفس والله
اسيل : لا يا خالة لازم تكوني قوية لين م في عليها خطر حتطلع كويسة باذن الله ❤️
عبد الله: ربنا يطمنك ويجبر بخاطرك ي بتي❤️
اسيل ابتسمت وادتهم العصير ..فضلو منتظرين زي ساعة تاني بعدها ايمن جا طالع..كلهم مشو عليهو بي لهفة وقبل م زول يسال ابتسم وقال ليهم:الحمد لله عدت ❤️
احاسيسهم كانت ملخبطة جدا وخصوصا صفاء العاشت مع لين معظم ايام مرضها دموعا نزلت غصبا عنها وكانت بتضحك في نفس الوقت مشت ع اسيل الكانت مدمعة اول م وصلتها اسيل ابتسمت وقالت ليها : قلت ليك لين قدرها❤️
صفاء حضنتها وبقت تبكي:الحمد لله ي اسيل الحمد لله😭❤️
سوسن جات حضنت اسيل:ربنا يديك الفي مرادك ي بتي ويفرحك دايما❤️
عبد الله مشى لي ايمن وشكرو بعدها قال: ي ولدي تكاليف العملية دي كم؟
ايمن:ي عمي قول بسم الله تكاليف شنو!
عبد الله: الحق حق ي ولدي قول الله يرضى عليك
قاطعهم تدخل اسيل: شنو ي عم عبد الله نحنا زي اولادك ليه بتقول كدة؟
عبد الله : زي اولادي والله ي بتي بس الحق حق
اسيل:طيب طالما الحق حق انا عندي حل عرفت من صفاء انو لين قارية محاسبة ف ابوي،في الشركة محتاج لي محاسبين لين بعد تبقى كويسة باذن الله تنزل شغل في الشركة وحتسدد العليها
ايمن:وهو كذلك ي عمي خلاص اتحلت
عبد الله عاين لي سوسن الكانت فرحانة شديد وقالو انهم م عندهم مانع.. نقلو لين لي غرفة عادية وعشان البنج م فاقت سريع عبد الله نزل مع ايمن وجاب حلاوة وزعها في المستشفى ،،بعد نص ساعة لين فتحت عيونها لقتهم كلهم جنبها❤️حمدلو ليها السلامة وطلعو خلوها عشان ترتاح فضل ايمن معاها وكان بسالا اذا حاسة باي مضاعفات ابتسمت وقالت ليهو :شكرا ي دكتور ايمن
ايمن: ايمن بس من غير دكتور وبعدين عيب عليك ياخ دا واجبي❤️
فضلت في المستشفى وكان مفروض تبقى تحت المراقبة يومين اسيل كانت عايزة تقعد معاها بس لين اصرت عليها انو تمشي الحفلة ..بعد اصرار لين وافقت واتحركت ع السوق عشان تختار ليها فساتين ع حسب رغبة ابوها💕،،لفة مسافة واشترت فستان واحد ورجعت ع بيتهم ..دخلت استحمت ورقدت نامت 🖤
صحت للغداء ولقتهم كلهم جو محمد وابوها سالوها هي وايمن عن لين
اسيل: الحمد لله عدت ع خير ايمن اصلا شاطر يعني😂
ايمن :شفتي كيف 😂
عبد الحميد : الحمد لله..اها ي اسيل جاهزة عشان تمشي للناس ديل الليلة؟!
اسيل:اي ي ابوي
عبد الحميد:الحفلة بتاعت الليلة دي اصلا شبابية حتكون انا م حامشي امشي مع اخوانك
اسيل:طيب تمام
خلصو من الغدا وكل واحد دخل عشان يجهز نفسو ..محمد وايمن طلعو وهم لابسين على الله وكانو الشباب كلهم متفقين ع اللبسة دي لانو حفلة الليلة عبارة عن mp3 وغنا الشباب براهم ..بعد مسافة اسيل جات نازلة وهي لابسة فستان بنفسج غامق وفيهو حزام من النص بلون مايل ع البني الغامق وجزمة كعب نفس لون الحزام💜،،وكانت عاملة شعرها كعكعة مرخية لتحت اكتفت ب ايلاينر بسيط في عيونها وروج باللون الموڤ الغامق ،،ومع لون بشرتا كان رهيب عليها💜نزلت ولقت اخوانا جاهزين فضلو يشاغلو فيها واتحركو ع الحفلة📌 ❤️
................................................................................................
الشباب ملمومين في الحديقة الخلفية بتاعت البيت وجزء من الاهل معاهم ،،شادن ومزن قاعدين بي زهج وبعاينو لي روان البتحاول تتظارف مع الكل 😂
ماجد:افردو وشكم دا مالكم زعلانين😂
شادن: البت العواليق دي يخ م بريدا نهاي قلت لايهم م يعزما
زياد:دي روان صح؟😂😭
مزن:سبحان الله الكل عارف انو البت دي م بتتحبا😂😂
ماجد : غايتو،مايعة وبتاعت حركات😂💔
مزن:شديد ياخ
ماجد:م عليكم بيها ياخ ارح شوية وحيبدو يغنو
اتحركو ع الشباب وادم استاذن منهم وطلع لقى محمد وايمن وصلو ومعاهم اسيل
ادم: شنو ي شباب متاخرين كدة؟
ايمن:والله ي عريس معانا السنيورة دي وانت عارف البنات وامورهم😂
ادم:اووو اسيل صح؟!
اسيل:صح
ادم:تشرفنا والله
اسيل:الشرف لي ❤️
محمد:كفاية رسميات خلونا ندخل😂
ادم:عواليق شديد انتو نهاي م زي اختكم الحلوة دي😂
ايمن :هوي انت عريس الكلام دا بجيب ليك مشاكل وبعدين م تشاغل اختي😂
ادم; لالا خلاص سكتت يلا ارح
دخلو الحديقة وادم رسل ريم نادت اميرة وحسن سلمو ع ناس محمد واسيل
حسن:الغالية بت الغالي نورتي والله❤️
اسيل:بنورك ي عمو💕
بعدها اميرة حضنتها وسلمت عليها بطريقة حلوة: انتي احلى بكتير من الصور الشفتك فيها زمان +كبرتي والله ي بتي❤️
اسيل:من زوقك ي خالتو❤️
ادم ساق ناس محمد واسيل وعرفهم ع الشباب..كل النظرات كانت بتوحي انها معجبة باسيل طريقة لبسها ومكياجها البسيطة وتسريحة شعرها🌻💛
وائل دنقر ع ايهم وقال ليهو:اسيل دي قنبلة والله😂❤️ايهم رفع حواجبو وحدر لي وائل وسلم ع محمد وايمن وسلم على اسيل:اتشرفنا
اسيل :لي الشرف والله
ادم نادى ريم عشان تسوق اسيل ع جهة البنات
ريم:اسيل عبد الحميد ؟
اسيل :ايوة
ريم:كنت وحدة من الناس المتابعين اخبارك في الميديا وصراحة عجبتيني جدا❤️
اسيل:من زوقك يحلوة
ساقتها ع ناس شادن ومزن
شادن اول م شافتها :اوووو اسيل؟ي انسانة انا منتظراك من زمان
اسيل وهي بتضحك:حبيتك ع فكرة بس عرفيني عليك😂❤️
شادن:شتتتت معليش انفعلت انا شادن اخت العريس
مزن;وانا مزن صحبتها عرفناك من الميديا ايام اخبارك كانت منتشرة ومتابعنك ع الانستا😂🌚❤️
اسيل:اتشرفت بيكم ي حلوات😂❤️
فضلو مسافة يتونسو ويضحكو وسط نظرات ايهم المستغربة انو كيف قدرت تدخل في اختو سريع كدة علما بانو شادن صعب جدا تعجب بزول سريع😂اما روان كانت بتعاين لي اسيل بغيظ لاحظت سلام اميرة وحسن الحلو ليها وونسة شادن معاها وتعليق البنات واعجابهم بي جمالها اتحركت ع ناس شادن وقالت باستفزاز:شادن م عرفتيني ع الحلوة دي؟
اسيل عاينت ليها ورفعت حاجب واحد وردت قبل م شادن ترد : اسيل اسمي اسيل عبد الحميد حلوة دي بتتقال للاطفال على م اعتقد 🙂
روان:معليش حبيبتي لو زعلتي م قصدي حاجة
اسيل ردت بنفس طريقتا :م في حاجة تزعل ي قلبي اتشرفت بيك
وخلتهم واقفين واتحركت وقعدت في وحدة من المقاعد
مزن وشادن مسكو ضحكاتهم بالغصب وماجد وزياد تابعو الموقف وماتو بالضحك😂😭مشو واتعرفو ع اسيل وفضلو يتونسو لحد م ايهم شال الجيتار وبدا يعزف❤️كان بغني "ليه ياحب بتدق على بابي حرام يا ةحب ضيعت شبابي ..انا من يوم في دربك سرت ياما بكيت ياما اتعذبت ..الخ
اسيل بتحكي
حبيت خالتو اميرة وعمو حسن من اول مرة لانو طريقة سلامهم بتوضح قدر شنو هم حنينين❤️ اتوقعت اتعرف ع زول او ادخل في زول بس شادن وشلتا وريم حبيتهم جدا❤️❤️!!وخصوصا لانهم طلعو شامين البت الاسمها روان..انا م من الشخصيات البتحكم ع الانسان من اول موقف بس روان وطريقتا الاستفزازية في الكلام بتوحي بانها انسان مستفزة وشخصية لا تطاق ،،وواضح من نظرة الباقين ليها انها كدة فعلا😂✔️..فضلنا نتونس مسافة لحد م ايهم شال الجيتار وبدا يعزف ،،انا انسانة بحب الجيتار جدا لدرجة اني نزلت معهد عشان اتعلم العزف عليهو وكنت بغني مرة مرة فانتبهت جدا مع ايهم وهو بغني صوتو كان جميل جدا وفيهو بحة حلوة شديد❤️ بعد م خلص ابتدت تشغيلات اصحابو ..الكان بقول ليهو حب لكن والبقول حبيت من ورانا ..ايمن قال ليهو دي منو الدقت باب قلبك ي باشا،،رد ليهو بطل امورك دي ي حبيبنا 😂،،ابتسمت وانا مراغبة الوضع لحد م ايمن قال لي اسيل رفعت ليهو حواجبي نظام في شنو؟ قعد يضحك وايهم عاين لي وابتسم ايمن قال لي كانك بتحبي تعزفي ع الجيتار ،،قلت ليهو اها وبعدين؟قال لي حركاتك دي بطليها و غني😂كلهم بقو يضحكو ويصرخو اسيل اسيل شادن ضربتني في كتفي وقالت لي غني ي بت ..ايهم جاب لي الجيتار وبديت اعزف❤️✔️
عند ايهم:
خلصت الغنا وبدت تشغيلات الشباب عيني وقعت عليها بتضحك ..م عارف هل هي ابتسامتها حلوة للدرجة دي ولا انا بكبر المواضيع ساي❤️فجاة ايمن قال انها بتحب تعزف قمت واديتا الجيتار وبدت تغني كنت مركز معاها وكان نفسي اسمع صوتها بدت تغني من حور الجنان ام انت انسان الكمال❤️صوتها حلو ورقيق وشخصيتها باين عليها الرقة والانوثة م يظهر عليها انها سيدة الاعمال القوية الكانت عاملة ضجة بي كلامها❤️واضح انو شخصيتها مؤثرة جدا لانو الكل باين عليهم معجبين بيها وشديد كمان💛✔️
لها بقية...💕
