... . ..................................................
بعد جري دام لاكتر من ساعتين رجع البيت واخد حمام دافي لبس بنطلون جينز وقميص كبدي واسبورت اسود رفع اكمام القميص ولبس الساعة،،طلع لقى اهلو ملمومين في الصالة
اميرة:ايهم تعال اشرب الشاي
ايهم: حاضر جاي
قعد شرب الشاي واتونس معاهم
شادن:حتبدو حفلات الحنة من متين؟!
ايهم:تموتي في الحفلات 😂
شادن:د كلامك الهجيج دا اهم حاجة😉
ادم:انتي عايزاها متين؟
شادن:لو لقيت من الليلة 😂
ايهم:حيكون في 3 حفلات حنبدا من بعد بكرة تقريبا
شادن:حلوو😂❤️
بعدها ايهم اتحرك ع الشركة وشادن طلعت ع الكورس مع ماجد والشلة ❤️✨
.............................................................................................................
صحت الصباح بدري صلت الصبح حاضر وقرت شوية قران❤️دخلت استحمت ولبست قميص وردي مرسوم فيهو لولوكاتي تحت من ركبتها بشوية..وعملت شعرها كعكعتين😂❤️..نزلت المطبخ جهزت الشاي وعملت الكيك ❤️ابوها واخوانا صحو للصلاة لقوها جهزت الشاي
ايمن:ليك اسبوع بتعزي فينا اتعودنا ع الدلع😂
محمد:خربتينا ياخ😁
اسيل:وانا عندي منو غيركم عشان ادلعو اتدلعو ساي😂
عبد الحميد :يلا ارح جيبو الشاي د برة
اسيل :في الحديقة ي ابوي🌚❤️
محمد:بتحبي الطبيعة جدا
اسيل:جدا جدا🌹
طلعو وشربو الشاي في الحديقة
عبد الحميد:ليك اسبوع قاعدة في البيت م زهجتي؟!
اسيل: م عندي وقت ازهج ي اما بقرا روايات ي اما نايمة😂
عبد الحميد:م نفسك تنزلي معانا الشركة؟
اسيل:م عندي نفس اشتغل حاليا عايزة ارتاح شوية🌚❤️
ابوها ومحمد طلعو ع الشركة وايمن اتحرك ع المستشفى ،،دخلت غرفتها وشالت كتاب ليطمئن قلبي "لادهم الشرقاوي"كانت بتقرا بتركيز جدا،،بداية الرواية كان الكاتب فيها بعاتب حبيبتو وواضح جدا انهم انفصلو ..اثناء م بتقرا وقفت في كلام قالو الكاتب لي حبيبتو"كلانا نعرف ان معارك الحب ليس فيها منتصر و مهزوم اما ان ينتصر الاثنان معا او يهزمان معا وانا مهزوم بك تماما كما انت مهزومة بي ..💕"فضلت ثواني بتفكر في الكلام دة بينا وبين نفسها كانت بتقول هل ممكن احب في يوم؟!وهل لو حبيت حتكون نهايتنا نصر ولا هزيمة؟!🌹
قرت قرابة الساعتين حست بنفسها جعانة ..عاينت للساعة كانت 9 الا زهجت من القعدة فقررت تطلع تفطر برة ،،غيرت ملابسها ب بنطلون جينز وطونك واسبورت اسود 🖤ورفعت شعرها بشكل عشوائي زي كل مرة ،،وطلعت ركبت العربية الخلاها ليها ابوها
ساقت مسافة ووقفت قدام اول مطعم لاقاها،،دخلت وطلبت شاورما وعصير وقعدت في واحدة من الطاولات ..فتحت الواتباد ع تلفونها وبدت تقرا رواية سودانية من الضايفاهم في المكتبة❤️🌹
.......................................................................................
طلعو من الكورس واتوجهو ع السوق مزن وشادن نزلو محل التفصيل استلمو الفساتين ومشو يشترو فساتين تاني لحنة اليوم التالت لانهم م كانو عاملين ليها حساب ..دخلو اول محل لاقاهم وفجاة غيرو رايهم انو م يشترو فستان وقررو يلبسو طونك مع بنطلون😂❤️طقمو لي ماجد وزياد معاهم واتحركو ع كافيه ظريف جدا لانهم اخر مرة يمشو الكورس ومع جوطة العرس يمكن م يلقو زمن يطلعو❤️🌹
........................................................................... ....................
قاعد في المكتب فجأة جاهو اتصال
ايهم:اي ي ادم في شنو؟!
ادم:تعالو لي في السوق عاوز رايكم في حاجات
ايهم:تمام مسافة السكة بس
طلع من مكتبو واتوجه لمكتب وائل واتحركو ع ادم ايهم اتصل ليهو وصف ليهم محلو بعد مسافة كانو واقفين وبيختارو في اثاثات لبيت ادم الي هو عبارة عن شقة في الجزء الفوق من بيت ابوهو❤️لفو مسافة وفي النهاية اختارو اثاث ظريف من اختيار ايهم الكان بيحب اللون الاسود جدا🖤✔️
ادم:تعبتو معاي والله عازمكم غدا ع حسابي😂
وائل:اساسا مفروض تبتدي تسد ديونك😂
خلصو من موضوع الاثاث واتحركو مع بعض ع الشركة✨
..............................................................................
قاعدة بتعاين لي صحبتها الباين عليها الزهج من الصباح ..كل م تحاول تتكلم معاها بتردها ع قدر الكلام
لين:صفاء ارح نفطر برة
صفاء:م عندي نفس
لين:صفاء يخ انا جعانة قومي يلا
بعد اصرار من لين صفاء وافقت ركبو العربية واتحركو لمطعم قريب من الشركة ..دخلو المطعم وطلبو وصفاء لسه ساكتة
لين:صفاء بطلي الكآبة الانتي فيها دي🙂
صفاء:ممم طيب
كانو بياكلو وبيتونسو لحد م فجاة لين حست بالم شديد في صدرها غمضت عيونا وختت يدها ع قلبها الالم كان قوي جدا 💔..صفاء قامت من مقعدا ووقفت جنبها كانت مساكة يدها وم قادرة تتكلم والدموع جارية من عيونها💔
صفاء بتمتمة :ل ل ليين لييين ردي
لين كانت بتاخد نفسها بصعوبة ومن بين شهقاتها كانت بتحاول تهدي في صفاء:م تخافي❤️
صفاء كانت بتبكي بي صوت والكل كان مركز معاهم ..قاطع لحظة البكاء الحصلت تدخل بت وهي بتقول :اسفة ع التدخل بس في شنو؟!
لين كانت هدت شوية وكانت بتعاين ليها قالت بصوت تعبان :انتي اسيل ؟!اسيل عبد الحميد صح
اسيل وهي بتعاين فيها مسافة:لين؟
لين بابتسامة: اي
اسيل اتجهت عليها وحضنتها:اشتقت ليك جدا ❤️
لين:وانا كمان والله❤️
صفاء:بتعرفو بعض؟
اسيل:ايوا كانت دفعتي في المدرسة وكنا اصحاب شديد❤️
لين:لحد م قررتي تسافري كندا وانقطعت منك
اسيل:انسينا من د كلو الحاصل شنو بتبكو ليه ؟!والتفتت ع صفاء:اسفة م اتعرفت عليك
صفاء:ولا يهمك انا صفاء زميلة اسيل في الشغل ..بعدين اخيرا لقيت زول احكي ليهو
لين كانت بتعاين لي صفاء نظام م تحكي بس م اشتغلت بيها
اسيل:اتفضلي تحكي شنو؟!
صفاء:اقعدي معانا وافهمك
صفااء حكت لاسيل اي حاجة واسيل كانت متفاجأة جدا من غير م تحس لقت دموعا بتنزل💔
لين:كانت صفاء بس هسه حافضل اسكتكم ال 2؟!
اسيل :بتهظري ي لين صح؟م ممكن البتعملي فيهو د
لين:م بعمل في حاجة انا ي اسيل انا واثقة في ربنا بس❤️
اسيل:ونعم بالله..طيب ي ستي الحل عندي
لين:كيف؟!
اسيل:اخوي ايمن لو متذكراهو دكتور ومتخصص جراحة قلب حيقدر يساعدك باذن الله❤️
صفاء:بالجد؟الحمد لله😭❤️
لين:بس
اسيل :من غير بس صح قلتي واثقة في ربنا؟طيب اعتبري ربنا رسلني ليك❤️ وبعدين تفتكري بعد م لقيتك بعد السنين دي كلها حاخليك تمشي بالساهل كدة؟❤️
لين وهي مبتسمة :ونعم بالله ❤️
اسيل:ثواني بس
شالت تلفونا وزحت منهم واتصلت لايمن وحكت ليهو: لا حوولا تعالو لي هسة طيب انا فاضي
اسيل:كويس
اسيل رجعت ليهم وقالت ليهم انو حيمشو لايمن هسة ركبت عربيتا ولحقوها صفاء ولين🌹
