........................................................................................................
واقفة قدام المرايا وهي لابسة بنطلون جينز بحزام من قدام وبودي ابيض شگ وفوق ليهو جاكيت جينز واسبورت ابيض💕 طلعت خصل بشكل عشوائي من قدام ورفعت الباقي كعكعة مرخية لفوق،،وقفت ومسكت تلفونا اخدت كذا صورة وبعدها نزلت صورتا ع الاكاونت بتاعا في الانستا وكتبت تحتها "سنبتسم دوما رغم م في قلوبنا من هموم لم يكن الحزن شبيهـا لنا يوما ولن يكون🌹❤️"
وشالت شنطة يد وباليد التانية مسكت نظاراتها ومفتاح العربية واتحركت برة الشقة ركبت عربيتها واتحركت لي مطعم فخم جدا،،بمجرد دخولها كمية من الناس اتعرفت عليها وادوها التحية بادلتهم التحية وهي مبتسمة 🌹
دخلت المطعم وطلبت فطور ومعاهو عصير وفتحت الواتباد وبقت تقرا في رواية💜
بعد مسافة قفلت التلفون ولبست الفريم وطلعت من المطعم،،اتجولت بعربيتا مسافة واخر حاجة وقفت في منتزه ودخلت قعدت في مقاعد قريبة من النوافير 💜كانت بتحب الطبيعة شديد💕بقت تتامل المنظر حولها اتنهدت بي راحة وشغلت موسيقى هادية بتلفونا وواصلت قراية الروايات🌹
..................................................................................
بعد اجتماع دام اكتر من ساعتين اتنهد بي راحة وهو بيطلع من غرفة الاجتماعات والابتسامة مالية وشو وغمازتو باينة بي وضوح❤️اتجاوز الموظفات زي كل مرة واتوجه ع مكتبو شال تلفونو واتصل لي صحبو
ايهم:اها ي باشا الامور كيف؟!
وائل:كلو تمام حجزت الصالة وظبطت باقي الامور م فاضل كتير م تشيل هم اها الاجتماع كان كيف؟!
ايهم:معقولة من متين ونحنا بنخسر؟!
وائل:لالا جامد يصحبي جايي عليك😂
ايهم:تعال في المطعم الجنب الشركة عازمك غداء
وائل:ظابط مسافة السكة بس
طلع من الشركة ووصل المطعم بعد مسافة وائل جا داخل
ايهم:عارف اني تعبتك معاي بي عرس ادم بس استحملني شوية كمان😂
وائل:اهبل انت يود؟!ادم اخوي زي م هو اخوك
ايهم:عارف بشغلا ليك بس😂
طلبو اكل وبقو بيتونسو واثناء الونسة وائل كان ماسك تلفونو :عان اسيل ناشرة شنو ع الانستا انا عامل ليها فلووو 🌹
ايهم مسك منو التلفون وعاين لي صورتا وقرا الكلام وابتسم:امم شخصية تستحق الاهتمام💕
وائل:عارف عارف د ذوقك بتحب البت القوية والعندها شخصية دايما😂🌚
ايهم:بطل رغي واكل اكلك
وائل:م عارف ياخ بس البت دي كلاما وشخصيتا مبهرين
ايهم:كانك وقعت ليها🌚
وائل:لا ي بني ادم شخصيتا عاجباني بس🙄
خلصو اكل وونسة واتوجهو ع الشركة
...................................................................................................
قاعدة وبتقلب عيونا بي ملل شادن:ارح نكسر حنك الكورس دة🙄
ماجد;كانك كنتي عايزة تحسمي الفارغة وتجتهدي؟!
شادن:غيرت رايي صحيان بدري دا م بنجح معاي
مزن:النصيحة والله الشغل دة م بينفع😂
زياد:بطلي كلام القونات دة🌚
مزن:قدام. اصلي😂
ماجد:اقنع منها تاني
شادن:كلام القونات مالو؟ !
هي ومزن في لحظة وحدة:نار الضلع😂❤️
ماجد:هوي يلا فاضل اقل من 5 دقايق والحصة تبدا
اتحركو من الكافتيريا واتوجهو ع الفصول المخصصة ليهم
ماجد وزياد اتوجهو ع فصول هندسية ومزن وشادن احياء🌹
...................................................
...................
جميـلة هي الحياة حين تفكر في كل شئ بايجابية مطلقة 🌹"ليـن
قاعدة في محل شغلها وماسكة تلفونا بتبحث عن اعراض المرض لقت انو في اخر مرحلة ممكن تفقد الوعي وم تصحى تاني،،اتنهدت بألم بعدها ابتسمت وقالت في نفسها انو اياما قربت تنتهي في الدنيا فلازم تعيش اخر ايام مبسوطة وم تزعل نفسها قاطع سرحانها صوت زميلتا في الشغل : لين يبت سرحانة وين كدة؟!
لين بابتسامة :ولا شي ي صفاء
صفاء:متاكدة انتي ليك فترة م تمام؟
وقبل ترد عليها حست بالم في صدرها غمضت عيونها مسافة وحاولت تتجاهلو بس كل م ليهو كان بزيد
صفاء:لين ي بت في شنو ؟!
فتحت عيونها بصعوبة واشرت ليها ع شنطة اليد :ناوليني منها الحبوب
صفاء وهي بتمدهم ليها:لين فهميني في شنو؟!!
اخدت الحبوب منها وبلعتهم وبعد شوية فتحت عيونا وكان ظاهر عليها الارهاق : م في شي
صفاء:كيف يعني م في شي ؟
بعد اصرار من صفاء لين حكت ليها
صفاء بصدمةوهي بتحاول تكتم دموعا:كيف تعملي في نفسك كدة كيف قادرة تتحملي؟!
لين:اوعك تبكي ي بت الكاتبو ربنا هو الحيكون❤️
...................................................
عبد الحميد:لا لسه هي م جات بس م باقي ليها كتير خلال الاسبوع دة حتجي بالكتير
..... :طيب كويس جدا
عبد الحميد:في رايك الموضوع حيتم؟
.....:باذن الله متفائل جدا للحكاية دي
عبد الحميد :وانا كمان ان شاء الله ❤️
خت التلفون ع المكتب وابتسم وهو بتذكر في بتو وحركاتا❤️
جاهو داخل محمد:ربنا يديم الانبساطة ي حاج 😂❤️
عبد الحميد:امييين 😂
محمد:م حتحكي لينا حتعمل شنو عشان اسيل تستقر هنا؟
عبد الحميد ;هانت خلاص كل حاجة في وقتها حلوة 🌹
.........................................................
