بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
........
ايهم بيحكي:
كنت مبسوط بشوفتها وهي قدامي بي ضحكها وهظارها مع البنات ❤️فرحت جدا لانها هي الكوت لي جلابيتي كان نفسي اقول ليها ابقي معاي واهتمي بتفاصيلي ع طول❤️كنت مبسوط جدا لحد م ابوي وعمي عبد الحميد خربو كل حاجة 💔الكل كان مستغرب بعد م سمع جملة ابوي"عايزين ايهم واسيل يتزوجو"عيني وقعت عليها كانت مستغربة ومتضايقة في نفس الوقت 💔،،انا بحبها وعايزها تكون معاي بس م بالطريقة دي ،،نفسي اعرسها وانا معترف ليها بحبي ومتاكد انها بتحبني💔الكل كان ساكت فجاة هي قالت وصوتها مخنوق
اسيل:بتهظرو صح زواج شنو ؟
عبد الحميد:ابدا ي بتي ودي م مواضيع يهظرو فيها نحنا م حنفرض راينا عليكم بس نفسنا نفرح بيكم
حسن:طبعا م حنغصبكم ي اولادي بس انتو حاولو ادو نفسكم فرصة
اميرة:يوم المنا يوم تبقي مرة ولدي ❤️
عارف انها م حتقدر تتكلم وم حتقدر تصغر ابوها باي تصرف ،،اتضايقت لاني شفتها زعلانة بالطريقة دي واتاكدت من انها م بتحبني💔م نفسي اغصبا علي ابدا بس اهلنا ختونا في حتة ضيقة اخر حاجة ابوي قال اخدو راحتكم وفكرو ..بعدها كلهم طلعو وهي طلعت من غير م تعاين لي حتى واضح انها كرهتني من قبل م اقدر اخليها تحبني كويس💔م اتكلمت مع زول ودخلت غرفتي كنت متضايق وخايف من اني اخسرها في نفس الوقت 💔
بعد صراع طويل مع نفسي لبست وطلعت من غير م اعرف انا ماشي ع وين فضلت لافي مسافة لحد م وائل ضرب لي
وائل:يباشا انت وين خلينا نتكلم
ايهم:لافي ساي م عارف امشي وين
وائل:تعال نشرب قهوة جنب النيل وم تشيل هم كلو بيتحل ❤️
اتحركت ع وائل وفعلا قعدنا نشرب قهوة
وائل:صح الموضوع جاط بس م تضايق حتترتب تاني باذن الله
ايهم:وريني كيف بس؟واضح انها م بتحبني م شايف زعلت كيف لم سمعت الكلام انا م عايز اتزوجها بالطريقة دي ي وائل
وائل:صارح ابوك وقول ليهو انك م عايز تتزوج بالطريقة دي
ايهم:وهي حاقدر اقنعا كيف اني بحبها؟ولو كانت بتحب زول تاني ؟م حاقدر وامشي اسالا اذا بتحب ولا لا تاني خصوصا بعد الحصل
وائل:ي زول حتعدي اصبر بس❤️
...................................................................................
اسيل :
م قدرت اتمالك نفسي لم سمعت كلام ابوي وعمو حسن ،،كيف يعني انا وايهم نتزوج؟كيف اتزوج انسان معتبرني صديقتو؟اي نعم انا بحبو وكل المؤشرات بتقول اني بحبو بس كيف اتزوج انسان م بحبني؟م كان نفسي اعيش تجربة الحب من طرف واحد الا انو ابوي ختاني قدام الامر الواقع ،،مقدرة خوفو علي لاني من زمان بقول ليهم انا م خاتة فكرة العرس في راسي بس ايهم م عندو ذنب انو يتزوج وحدة م بحبها 💔واضح انو برضو م انبسط بموضوع الزواج الفجاة دة ..م عارفة حاعمل شنو وحاتصرف كيف دخلت غرفتي واستسلمت للبكا 💔بكيت من الجوطة البتحصل والكل م اقول انو حياتي اترتبت بترجع وتجوط تاني💔اشتقت لامي ياريت لو كانت عايشة م كنت حاعاني براي💔
سمعت صوت ايمن ومحمد قدام غرفتي مسحت دموعي وعملت فيها نايمة م عندي طاقة لاني اتناقش مع زول وم نفسي اظهر ضعيفة قدامهم ،،عاينو لي واقتنعو اني نايمة وطلعو ،بعدها مسكت تلفوني فتحت النت وياريت لو م فتحتو كان اون لاين بس م رسل لي ولا اتصل زي م بيعمل كل يوم ،،كرهني للدرجة دي ؟بس انا م لي ذنب كان نفسي ارسل ليهو واقول ليهو م مجبور انك تتحمل موضوع الزواج وانا م مجبورة اني اجرب الشعور المؤذي دة ،،تعبت من البكا فمن غير م احس نمت 💔✨
................................................................... ..
شادن:اخر حاجة اتوقعتها انو ابوي يعمل كدة
مزن:من غير قصد جاطو القصة كلها
ماجد:م عارف بس واضح انو الحكاية دي باظت
زياد:والحل طيب ؟
قاطع كلامهم صوت ايهم وهو داخل مع وائل :م في حل ي شباب الموضوع خلاص انتهى حاتصل ليها الصباح واقول ليها الموضوع منتهي حنرفض بس
وائل :م قدرت اقنعو واصلا م عارف حنحلها كيف
شادن:ايهم دقيقة ترفض كيف يعني؟وبعد م ترفض العرس حتقدر وتعترف ليها انك بتحبها كيف تاني؟اهدى وم تخربها زيادة
ايهم:هي اصلا خربت ي شادن
مزن:استنى وشوف رايها هي بالاول
ايهم:واضح انها م عايزاني والا م كانت اتضايقت بالطريقة دي
زياد:احتمال ي ايهم هي حاسة انك م بتحبها علشان كدة اتضايقت
ماجد:اي كلام زياد صح ي ايهم يمكن هي حاسة انك مجبور عليها
ايهم:م حاقدر ابني حياتي ع احتمالات احسن حاجة اني ارفض ويلا تصبحو ع خير
شادن :اوووف كنت مبسوطة ليهم 💔
مزن:كلو لخير اصبري بس❤️
وائل:ربنا يجبرو بخاطرو 💕
............................................................................
عبد الحميد :والله ي حسن م عارف حاسي الاولاد ديل م مبسوطين
حسن:ايهم اصلا م سالني ولا اتكلم معاي في الموضوع
عبد الحميد:طيب احسن حاجة نتكلم معاهم ونوضح ليهم انو نحنا م جابرنهم ع القصة دي
حسن:اي احسن كدة بس كان نفسي افرح بيهم
عبد الحميد:الكاتبو ربنا هو الحيكون
حسن:ونعمة بالله
عبد الحميد طلع من غرفتو ولقى اسيل مجهزة الشاي طلعو قعدو في الحديقة وجوهم محمد وايمن
عبد الحميد:اسيل ي بتي انا م جابرك في حكاية الزواج دي كل القصة اني نفسي افرح بيك لو مع ايهم ولا غيرو مع انو انا نفسي يكون ايهم بس ي بتي في النهاية القرار قرارك وسعادتك اهم ❤️
اسيل:عارفة ي ابوي بس خليني اتفاهم مع ايهم اول ونوريكم قرارنا بعدين
عبد الحميد:طيب بس م تحسي انك مجبورة البريحك اعمليهو💕
اسيل:حاضر ❤️
بجهة حسن:
كلهم كانو ملمومين في الصالة وحسن بيتكلم مع ايهم
حسن:انا ابدا م فارض رايي عليك ي ولدي نفسنا نفرح بيك بس اسيل م حتلقى زيها ولو انت عايز غيرها قول م تجبر نفسك
ايهم:عارف ي ابوي انك م جابرني بس عايز وقت اتكلم مع اسيل اول
حسن:طيب اخد راحتك
............................................................................
اسيل:
بعد م اتكلمت مع ابوي قررت اني لازم اوافق ،،م كنت قادرة استوعب كلامو القالو انو نفسو يفرح بي اذا مع ايهم ولا غيرو ..يعني ممكن يجي يوم واكون فيهو مع زول غير ايهم؟💔مجرد التفكير في الحكاية بخليني اوافق اني اتزوج ايهم حتى لو هو م بحبني..م عارفة اذا دي انانية مني او لا بس م حاقدر اكون مع زول م بحبو ،،افضل اني اكون مع ايهم واتعذب انا ولا اظلم زول تاني بانو يعيش تجربة حب من طرف واحد..وصلت المكتب وانا بفكر في كل الحاجات دي واخر حاجة عملتها اني شلت تلفوني واتصلت لايهم ،،رد لي بعد مسافة
ايهم: اسيل !كيفك
اسيل:بخير حمد لله ممكن نتلاقى؟
ايهم:جدا بس متين؟
اسيل:حاجيكم في الشركة بعد شوية
ايهم: طيب منتظرك
اخدت مسافة وانا بحاول اقنع نفسي اني لازم اعمل كدة وفعلا طلعت ومشيت لي ناس ايهم لم وصلت السكرتيرة قالت لي انو ايهم منتظرني في مكتبو دخلت ولقيتو قاعد لم شافني وقف وسلم علي
اسيل :عايزة اتناقش معاك في موضوع زواجنا الجا فجاة دة وي ريت تفهمني
ايهم:طيب احكي سامعك
اسيل:انا ي ايهم مشكلتي كانت في فكرة العرس من الاساس والارتباط كنت مفتكرة اني حاعيش في كندا طول عمري وحاتصرف زي م عايزة بس واضح انو ابوي م عايز كدة من خوفو علي ختاني قدام الامر الواقع الليلة قال لي نفسو يفرح بس اذا معاك انت ولا مع غيرك يعني انا اذا رفضتك حيزوجوني لغيرك .. ابوي متشدد جدا في حكاية انو م عايز يخليني وحيدة ومصر ع زواجي باي طريقة ومرتاح ليك انت بالذات انا م عندي مانع اني اتزوجك ي ايهم بس دة طبعا اذا انت ذاتك م عندك مانع انت صحبي شديد وم نفسي اخسرك وسواء الموضوع دة تم او لا حتفضل صحبي اما اذا انت في وحدة في حياتك فصارح ابوك وارفض الموضوع واكيد حيفهمك
ايهم:دقيقة هسة انتي م عندك مانع انو نتزوج؟
اسيل:لا ي ايهم م عندي احتمال تشوفني انانية في قراري بس انا م نفسي اتجبر اتزوج انسان م بعرفو واحاول اتاقلم معاهو من جديد وانا عارفة اني م حاقدر تقدر تقول فضلت اني اتزوج صديقي بدل م اتزوج انسان م بحبو وم حيقدر يفهمني وانت اذا عندك مانع كون صريح معاي صح نحنا اصحاب؟
ايهم:وانا زيك ي اسيل م كنت مفكر في الموضوع لحد م اهلنا فتحوهو وانا برضو م عندي مانع وم تفتكري انك انانية ابدا الموضوع متبادل وانا برضو احسن اني اتزوج صحبتي ي اسيل من اني اتزوج غيرها❤️
اسيل:طيب ي سيدي حلو جدا شكرا ليك بالجد❤️
ايهم:مافي داعي للرسميات خلينا زي م كنا
اسيل:وهو كذلك ❤️✔️
...........................................................................
ايهم :
طلعت من البيت وانا مقرر اني اتصل لاسيل واقول ليها افضل حل اننا نرفض م كنت حاقدر اقابلا واقول ليها الكلام وش لي وش لاني متاكد تماما م عندي شجاعة اقول ليها الكلام دة وانا بعاين في عيونا 💔بس هي سبقتني وضربت فضلت بعاين للاسم مسافة وانا بحاول اتمالك نفسي واسمع قرارها بالرفض ،،اتفاجئت لم قالت عايزة تقابلني ،،فضلت منتظر وانا جواي فضول اسمع هي عايزة تقول شنو..بعد م اتكلمت معاها ارتحت شوية هي رافضة الزواج كفكرة م رافضاني كشخص ✔️اهون علي بكتير من انها تكون رافضاني او بتحب غيري..صح هي معتبراني كصديق بس افضل من انها تتزوج غيري او انا اتزوج غيرا،،قلت ليها اني موافق وافضل اني اتزوج صديقتي بدل اتزوج غيرا م قدرت اقول ليها اني م بقدر اكون مع غيرك❤️م قدرت اعبر عن كل الجواي لانو فعلا دة م الوقت المناسب م عايزة تحس بالذنب او ترفض فكرة الزواج لاني بحبها وهي م قادرة تعتبرني غير صديق ،،اهون على قلبي انها تكون معاي وم تحبني من اني اشوفا مع زول تاني 💔بعد م اسيل طلعت مشيت لوائل وحكيت ليهو قال لي بداية كويسة اصلا الحب بجي بعد الزواج 😂❤️رجعت البيت وكلمتهم انو نحنا موافقين ابوي وامي فرحو جدا اصلا هم بحبوها شديد❤️اتلمينا كلنا كالعادة في الحديقة وكلهم كانو فرحانين 💕
شادن:حتى لو عاملين فيها انكم صحاب م مشكلة حتقدر تعترف ليها بعد العرس ❤️
مزن:اييي احسن من انو تكون مع غيرك
ماجد:انبسطت شديد لانها م رفضت
زياد:كلو لخير يباشا الجايي احلى❤️
وائل:اصلا ايهم دة م بترفض يخوانا😂❤️
كنت بضحك وانا متاكد انهم عايزين يخففو علي اي نعم انو هي حاجة صعبة انك تكون بتحب انسان م بحبك بس طالما اسيل م في زول في حياتها حاحاول اخليها تحبني❤️
.............................................................................
اسيل :
رجعت البيت وانا بفكر في كلامي مع ايهم ،،واضح من كلامو انو م في واحدة في حياتو كان نفسي اقول ليهو صعب علي جدا اني اتزوج غيرك بس م قدرت💔كنت مفتكرة اني حاكون انانية بس خفف علي جدا لم قال لي انو هو زيي رافض العرس وتقريبا دة السبب الخلا ابوي وابوهو ياخدو الخطوة دي ،،م عارفة حياتنا حتمشي كيف وهل مع الزمن ايهم حيحبني او حنفضل صحاب بس ،،بعد م انا رجعت بمسافة ابوي ومحمد جو داخلين وبعدهم بشوية جا ايمن طلعت و كلمتهم انو انا وايهم موافقين،،كلهم انبسطو وكان ظاهر ع وشهم❤️
عبد الحميد:ربنا يخليك ويسعدك دايما ي بتي❤️
فرحت بشوفة ابوي مبسوط كدة وكانو مطمن علي جدا مع ايهم ..محمد قال لي اخترتي احسن زول مبروك ليكم ❤️ايمن كان بيضحك وقال لي كبرنا وبقينا حنعرس خلاص؟😂مبروك حبيبتي وايهم احسن منو مافي❤️دخلت غرفتي واتصلت لي لين وصفاء وحكيت ليهم وكذلك هم انبسطو وقالو اننا جايين مع بعض ❤️م قدرت احكي ليهم التفاصيل اكتفيت بس بانو ايهم وانا حنتزوج،،بالليل وانا قاعدة في غرفتي بقرا في كتاب وماسكة كباية القهوة ابوي ناداني لم نزلت قال لي خطوبتكم حتكون بكرة ❤️🌹
لها بقيـة💕
