"من يريدك حتما يعرف كيفية الوصول اليك ،،يعرف كيف يحتل تفكيرك ويشغل حيزا من ذلك العضو الذي ينبض بايسرگ ❤️"وزي م قال مصطفانا"اصلي لامن ادور اجيك بجيك لا بتعجزني المسافة لا بقيف بيناتنا عارض 💛🔥" كانت نايمة صحت عاينت للساعة لقتها 8 وشوية دخلت الحمام اتدوشت وغيرت طلعت لقت ايهم في المطبخ اسيل:صباح الخير ❤️ ايهم:صباح الورد والورد انت❤️🌹 اسيل:مم حسنا اعتقد انني ازهرت لاني بجانبك🙂❤️ ايهم:فصلت انا المرة دي😂 اسيل:شفت كيف م براك بتعرف تقول كلام حلو 😂 ايهم وهو بضحك :طيب النسكافيه هناك اشربيهو وانا حاجهز الفطور اسيل:وانت بتعرف تجهز يعني؟ ايهم:حاجات بسيطة حاعمل بيض بالخضار واندومي وعندك جبنة وزيتون في التلاجة ختيهم والغدا عليك😂 اسيل:لالا تمام م عندك مشكلة 😂 رصو الفطور في الحديقة برة وقعدو اسيل:اتصلت لي احمد ؟ ايهم:لا لسه بس حاتصل ليهو بعدين اسيل:طيب تمام وع فكرة ايدك طااعمة البيض حلو😂❤️ ايهم:خبرات قليلة بس لا يستهان بها😂❤️ خلصو اكل ولمو الصفرة اسيل وقفت غسلت العدة وايهم رتبا وطلع قعد في الصالة وكان ماسك تلفونو اسيل:انا داخلة غرفتي عايزة اقرا كتاب ❤️ ايهم:طيب تمام اسيل دخلت الغرفة وكانت بتقرا شوية وتسرح شوية في حياتا هي وايهم اما ايهم كان بتكلم مع وائل وادم بالواتس بعدها بقى يتفرج ع صورو هو واسيل في الحديقة قصا وحدة كانو فيها ماسكين ايدين بعض ختاها استوري في الواتس وكتب عليها "ايدي في ايدك نغني وننثر الافراح درر💛✨"بعدها بقا يتبسم ودخل غرفتو وبقا يتصفح الفيس ،،عند اسيل قرت مسافة بعدها دخلت الواتس وبقت تتونس مع لين وصفاء وهبة وسالت هبة من ناس شادن وعرفت انهم نازلين امتحانات ،،بعدها بقت تقلب في الاستوري لقت الاستوري بتاع ايهم ابتسمت وردت عليهو "والربيع يسكن جوارنا والسنابل تملا دارنا والرياحين والمطر 🌻💛" ،،بعدها رجعت تتونس مع البنات .. ــــــــــــــــــــــــــــــــــــــــــــــــــــــ سوسن:ي بتي اخبار اسيل شنو؟ لين :كويسة والله ي امي هسة كنت قعد اتكلم معاها سوسن:سلمي لي عليها وقولي ليها خالتك اشتاقت ليك ❤️ لين:حاضر ي امي بعدها دخلت غرفتها لقت صفاء مرسلة ليها :اتصلي لي لم تفضي شالت التلفون واتصلت ليها لين:ها ي قلبي احكي صفاء :مم م عارفة انا ملخبطة 🙂 لين:بسم الله في شنو؟ صفاء:لين حتى انا م عارفة اللهم ملخبطة وم عارفة احكي ليك كيف لين: عايني قومي تعالي لي طيب بدل الجوطة دي صفاء:تعالي انتي ياخ لين:انتي المعاك عربية م انا🌚 صفاء:هسة لو كنتي اتعلمتي السواقة كنتي اشتريتي ليك عربية بدل قاعدة كدة لين:اظبط موضوع دكان ابوي اصلا قربت اخلص بعدها افكر اشتري عربية صفاء:طيب حاجيك بعد مسافة وصلت ودخلت لي لين في غرفتها لين:اها ي بت الحاصل شنو صفاء وهي لافة في الغرفة;م عارفة هل انا بحبو ؟يارب اخر واحد اتوقعت اني حافكر فيهو لين:وضحي اكتر صفاء:مم محمد لين;محمد الواحد دة؟ صفاء:اي اخر فترة بقى متواصل معاي دايما وكم مرة عزمني برا الشركة مع انو لسه بغيظني ويعمل حركات بس اخر فترة بقيت متعلقة بيهو جدا وليهو يومين م دخل الواتس فبقيت منتظرة اني اتكلم معاهو م عارفة اذا د حب ولا انا اتعلقت بيهو ساي لين:والله وشكلك وقعتي ي قصيرة😂 صفاء وهي بتفنها بالمخدة:اخخ ي حليلك ي اسيل هسة كان وقفتي معاي لين:خلاص بهظر 😂والله ي زولتي شكلك بتحبيهو بس ابردي م تتعمقي لو هو م اعترف ليك صفاء:انتي اولاد عبد الحميد ديل ليه حلوين كدة😂😭❤️ لين:ممم م عارفة😂❤️ ــــــــــــــــــــــــــــــــــــــــــــــــــــــــــــــــــــــــ قاعدين في الحديقة الخلفية وبقرو الفيزياء مع بعض ماجد: علمي دة موادو معاطة جدا زياد:شيل الصبر ي صحبي مجبورين😂 شادن:والله يخوانا معليش بس عايزة مساحة اسكلب فيها،،وبعلي عديل وبعليييي مزن:غلبني يخوانا😂 سمعو صوت ضحك وراهم اتلفتو لقو هبة وادم شايلين في ايديهم كبابي عصير ادم:ي شباب روقو شوية هبة:اشربو العصير دة واخدو راحة وارجعو واصلو ادم:وايهم دة عايز يتكلم معاكم ماجد:اتصل ليهو طوالي بدل البل دة ادم بقا يضحك ورسل لايهم في الواتس حاتصل ليك فيديو وفعلا اتصل ليهو ايهم:ابو الشباب ازيك ادم:فل الفل والله هاك الشباب ديل قاعدين يتزهجو ساي من القراية😂 شادن اول وحدة استلمت التلفون شادن:ايهم ي ايهم م كنت متوقعة اني حاشتاق ليك كدة🥲❤️ ايهم:حبيبتي والله انا زاتي اشتقت ليكم😂❤️ جات اسيل وبقو يتكلمو معاهم ماجد;القراية دي صعبة والله زياد:لو م الكواريك دا بتاع نسوان كنت كوركت ليكم 😂 مزن:والله انا بتخنق عديل لم اشوف الكتب قدامي😭 شادن:بتمسكني رجافة وبجيني شلل 🥲💔 ايهم وبضحك :لالا والله حالتكم صعبة😂بس بتتجازف❤️ اسيل: لم تزهجو رفهو عن نفسكم وارجعو تاني وبرضو شدو حيلكم حتعبرو باذن الله بطلو خوف😂❤️ قفلو من ايهم واسيل ورجعو يشرحو تاني❤️ ..... ....... ..... # "يارب انا وصحباتي نجيب نسب عالية❤️❤️" ــــــــــــــــــــــــــــــــــــــــــــــــــــــــــــــــــــــــ عند ايهم واسيل بعد قفلو من ناس ادم ..اسيل بقت تتفرج ع التلفزيون وايهم كان في الكنبة الجنبها ماسك تلفونو بعدها ابتسم ورفع راسو ايهم:طبعا انتي عارفة تمامة الاغنية الرديتي عليها "والحبيبة تغني لينا لا هموم تسكن دروبنا ولا يلاقينا الخطر ❤️" اسيل:اي عارفة ❤️ ايهم:طيب رايك شنو تغني لي؟ اسيل :مم نغني سوا.. ايهم: تمام ي ستي❤️ ايهم دخل جاب الجيتار وطلعو قعدو في الحديقة اسيل كانت بتعزف وتغني مشتاق شديد وحياة عينيك ..وايهم كان بصور فيها فيديو ❤️ اسيل بعد خلصت; حتعزف انت وانا حاجيب عصاية السيلفي ونتصور ايهم :طيب تمام اسيل دخلت غرفتها وفضلت تفتش لحد م لقتا وطلعت وصلت الحديقة لقت ايهم واقف ومديها ضهرو وواضح انو بتكلم بالتلفون ايهم: تمام والله ي روان انتي كيفك؟،،حتى انا اشتقت ليك ي ستي الحاصل شنو اسيل فضلت واقفة محلها لحد م ايهم انتبه ليها وكان ودع روان وفصل الخط ايهم: اسيل!!روان بتسلم عليك ع فكرة اسيل:اا الله يسلمها ايهم مسك الجيتار وبقا بغني واسيل بتصور وهي ساكتة،،بعد مسافة اسيل:ايهم انا مصدعة داخلة انوم ايهم: بسم الله فجاة كدة اديك بندول؟ اسيل:لالا حانوم وابقى كويسة خلتو في الحديقة ودخلت غرفتها بي لسان اسيل: دخلت غرفتي وقفلت الباب من جوة م كان نفسي يجي ويلقاني منهارة بالطريقة دي ،،م قدرت اوقف دموعي فضلت ابكي م عارفة انا ببكي ع شنو ولا شنو ،،ببكي ع علاقتي مع ايهم الم عارفة نهايتا حتكون شنو ولا لاني م عايزاهو يتكلم مع روان دي تاني انا بت وبفهم نظرات البنات وروان نظراتها لايهم كلها حب💔او ببكي لاني م عندي حق اني اقول ليهو انا بغير ببكي لانو الغيرة قتلتني وم قدرت اعبر عنها💔مسحت دموعي وطلعت دفتري من الدرج اصلا الكتابة هي الحاجة الوحيدة البهرب ليها من كل الجوطة دي ،،بديت اكتب ومع كل حرف دموعي خانتني ونزلت "غرباء نحن ع الرغم من قربنا في الموقع ذلك القرب كان مجازيا وجغرافيا فقط اما عاطفيا فنحن ابعد م يكون 💔مختلفون بقدر م بيننا من انسجام ..يكمن ذلك الاختلاف في انني احببتك جدا وانت لم تكلف نفسك عناء التفكير بي حتى ،،اتعلم شيئا؟ لطالما كنت قوية بمفردي كنت اوقن حتما بان المحبين ضعفاء وها انت تثبت لي مدى ضعفي💔 انا التي لم يهزني ويبكيني شئ سوى فقدي لوالدتي دمرتني وابكتني رؤيتك وانت تحادثها معبرا عن شوقك لها💔" بعد م بكيت مسافة دخلت الحمام وغسلت وشي ،،فتحت باب الغرفة وطلعت المطبخ علشان اعمل قهوة .. ــــــــــــــــــــــــــــــــــــــــــــــــــــــــــــــــــــــــ بجهة ناس شادن مزن كانت بايتة معاها نزلو شربو الشاي وركبو الترحيل مع ماجد وزياد شادن:احساس انو اول امتحان في تالت 😂 مزن:لم نجي نمتحن شهادة حنتبلا اكتر من كدة علشان كدة خلينا ريلاكس زياد:وهو كذلك😂 ماجد:الله يجيب امتحان الشهادة ونخلص من المعط دة ياخ شادن:هيي بالمناسبة ي ماجد وزياد امس ادم قال انو وائل حيجي في البيت بعدين وعايزكم تجو برضو🌚 زياد;ليه في حاجة؟ شادن:انا زاتي م عارفة والله ومنتظرة بعدين دة يجي 😂 ماجد:تمام لحد بعدين بنجي مزن: والظابط انو بكرة مافي امتحان 😂💛 شادن:اي اي😂 الترحيل وقف قدام المدرسة ومزن وشادن نزلو وماجد وزياد اتحركو ع مدرستهم .. ــــــــــــــــــــــــــــــــــــــــــــــــــــــــــــــــــــــــ عند اسيل: صحت الصباح صلت ونامت تاني ،،بعد مسافة قامت ع صوت المنبه دخلت غسلت وشها ومشت علشان تشيل التلفون بتاعا من الدرج لفت انتباها نوت ملونة ملصقة ع الدفتر بتاعا مكتوب عليها "ي المحطات الحنينة القصرت مشوار سفرنا ♡❤️.."ضيقت حواجبا باستغراب وفتحت الباب لقت ورقة تانية مكتوب عليها "اصلو غير عينيك وحاتك مافي للافراح معاني..💛 " اسيل : دة شنو !! واتحركت ع المطبخ لقت ايهم مافي وفي ورقة تانية مكتوب عليها "في عيونك ضجة الشوق والهواجس ❥" ..بقت تتلفت وتنادي ;ايههم انت وين؟ طلعت من المطبخ مشت غرفة ايهم لقتو مافي طلعت الصالة ولقت في الطاولة ورقة "علمي عيوني السفر م البسافر في عيونك سكتو بتبقى السلامة 🥀💛".. كانت مستغربة وهي لسه بتنادي في ايهم طلعت بالباب البطلع للحديقة لقت ورقة مكتوب فيها "قدر هواك يجيبني ليك جمع قلوبنا وولفا❤️" كل مرة كانت بتستغرب اكتر لاحظت في ورود مشتتة في الارض بقت ماشة وراهم لحد م وقفت قدام الجلسة بتاعت الحديقة لقت ورقة مكتوب فيها مفتكرة اني م بحبك؟ي ستي محمد وردي قال "انا وين لقيتك لمن اباك❤️"،،وكان في ورقة تانية جنبها مكتوب"اجيك فنان اشد اوتاري واحكيلك حكاية انسان وهب لي سكتك نفسو ورسم صورتك ع حسو وربط ساعد ع المجداف وقال ي انتي ي اغرق💕"،،وقفت مسافة وهي بتحاول تستوعب هل ايهم بيحبها بالجد ؟فضلت تتلفت لحد م سمعت صوت الجيتار جايي من الحديقة الخلفية ،،عاينت للباب البيفصل الحديقة الامامية من الخلفية واتحركت عليهو كان في ورقة مكتوب فيها "عارفة حبيتك ليه؟ "لمحت فيك راحة المشاوير البعيدة ولفحة النسمة الحنينة الجاية من جوف المضيق🌻💛" ،،عيونا كانت مدمعة فتحت الباب ابتسمت لم شافت ايهم ماسك الجيتار وقاعد ،،لم شافا عاين ليها وابتسم وبقى يغني"الا باكر ي حليوة لم اولادنا السمر يبقو افراحنا البنمسح بيها احزان الزمن نمشي في كل الدروب الواسعة ديك والرواكيب الصغيرة تبقى اكبر من مدن ..❤️" خت الجيتار ووقف ع حيلو واتحرك عليها ايهم :مدام ايهم حسن ..ايهم بيحبك شديد❤️ اسيل:ايهم انت متاكد ؟ ايهم وهو بضحك جراها من ايدا وضماها عليهو:وجدا ي شافعة ي بكاية 💛 اسيل وهي بتضربو:انا م بكاية ايهم:والله ؟ زحاها منو وعاين في عيونا;روان منو البتخليك تبكي ؟وانا مافي في قلبي غيرك❤️ اسيل: دقيقة وانت عرفت كيف؟ ايهم:مم خمنت😂 اسيل:ايهم يااخ🙂 ايهم : طيب ي ستي حاحكي ليك ع لسان ايهم: كنت مستغرب من تصرف اسيل وزهجا فجاة ،،قالت انها مصدعة ودخلت وانا الكلام م وقع لي ،،خليتا ع راحتا وطلعت اتمشيت رجعت متاخر ولقيت غرفتا فاتحة ومنورة مشيت عليها لقيتا نايمة وكباية القهوة ع الدرج الجنبها..جيت اشيل الكباية لفت انتباهي الدفتر الاسود الكان مفتوح ومقلوب ع الدرج رفعتو كحب استطلاع لانو شكلو جذبني🖤اتفاجئت بانو في كلام مكتوب ونهايتو قلب مكسور عيني وقعت ع الكلام وقريتو كنت مستغرب جدا يعني معقولة اسيل بتحبني؟ختيت الدفتر وعاينت ليها قلبي وجعني لاني خليتا تبكي بالطريقة دي انا لم قلت لي روان انا زاتي اشتقت ليك كانت مسايرة مني ليها علشان تنجز وتفصل المكالمة كان رد رد عابر بس م كان من قلبي ابدا ،،طلعت من غرفتا وانا بفكر في طريقة اعترف ليها بي حبي ،،ولانها انسانة عميقة وبتحب مصطفى سيد احمد جدا كانت دي الطريقة الانسب علشان اوصل ليها مدى حبي بيها،،كنت عارف انها بتصلي وترجع تنوم وبتضبط المنبه ع الساعة 8 فضلت صاحي بالليل وكتبت الاقتباسات ،،ونمت بعدها وصحيت الصبح صليت وانتظرت قبل 8 بي شوية ومشيت علقتهم ليها ❤️🌹 #....... ............... اسيل:ايهم انا بحبك شديد ع فكرة😭❤️ ايهم:وانا اكتر ي السمحة بتبكي ليه هسة؟م كفاية امس ،،اسف لاني خليتك تبكي م كان قصدي وبعدين مين قال انك م عندك حق تعبري عن غيرتك؟كل الاحقية ليك انتي وبس❤️ اسيل: م تعتذر بس م تتكلم مع روان تاني🙂وبعدين اصلا الحق لي براي🙈❤️ ايهم:مم بتغيري يعني؟انا اصلا م اشتقت ليها رديت ليها ع كلاما بس اسيل:لا بدافع عن ممتلكات قلبي بس❤️ ايهم:وممتلكات قلبك دي م عايزة غيرك❤️..
"ستستجيب الاماني ذات يوم ،،وسياتي من يراك كافيا له ،،وسياتي من يختارك دوما مهما تعددت الخيارات 🥀💛"
لها بقية 💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فستان الخطوبة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
