ــــــــــــــــــــــــــــــــــــــــــــــــــــــــــــــــــــــــ
صفاء قاعدة في المكتب وسرحانة جاتها لين
لين:صفاء الدوام انتهى سرحانة وين انتي
صفاء: لالا مافي حاجة م انتبهت بس
لين: م علي انا الكلام دة لكن نتفاهم بعدين هسة انا طالعة مع ايمن
صفاء:طيب
لين طلعت قدام صفاء وصفاء لمت حاجاتها وطلعت ،،اتحركت ع عربيتها بس وقفها صوت من وراها
محمد:صفاء ممكن دقيقة
صفاء اتلفتت وهي متوترة: ايوة اتفضل ي محمد
محمد: عازمك غدا ارح معاي ونتفاهم في الطريق
صفاء: ليه بس مافي داعي
محمد; انتي لسه زعلانة مني ؟
صفاء: ابدا ي محمد انا اصلا م زعلت كنت زهجانة شوية واسفة لاني اتكلمت بالطريقة دي
محمد:م مشكلة بس اقبلي العزومة ويلا
صفاء:طيب تمام
طلعت ركبت مع محمد وبعد مسافة وصلو مطعم ونزلو ،،طلبو واثناء م الطلب يوصل
محمد;متاكدة انك م زعلانة
صفاء: ابدا ي محمد م زعلانة انا الغلطت اصلا
محمد:بس انا م قصدي الموضوع دة
صفاء بعدم فهم : ااا وطيب قصدك شنو؟
محمد:اسف لاني خليتك تتعودي علي واختفيت فجاة مثلا 😉
صفاء فركت ايدينا بي توتر :اا مين قال ليك انو الموضوع مزعلني عادي دي حياتك ي محمد وانا م لي دخل
محمد:متاكدة؟
صفاء: اا اي بس انت ليه بتقول كدة
محمد:لاني سمعت كلامك مع لين ،،صفاء م في داعي تخبي علي وزي م انتي اتعودتي علي حتى انا اتعودت عليك اخر فترة كنت برجع مرهق وم كان عندي زمن للميديا وكدة بس برضو كنت بفكر فيك ،،صفاء انا بحبك تتزوجيني؟❤️
صفاء:ااا انت بتقول شنو ؟
محمد وهو بضحك:م تتوتري عادي انا بحبك وحاكون فارس احلامك الاتمنيتهو بس انتي وافقي
صفاء ابتسمت وقالت ليهو:مم موافقة ❤️
محمد:بتحبيني ولا موافقة ساي؟🙂
صفاء:غياظ طبعا بحبك ❤️
محمد ابتسم ع تصرفا وهي خجلت
محمد:تمام استعدي عرسنا حيكون مع ايمن ولين
صفاء:شنووو؟ديل عرسهم حيتحدد بعد اسيل وايهم يجو يعني قريب شديد
محمد:واحلى حاجة انو قريب
صفاء:محمد خليني استوعب اول
محمد:م تخافي كل حاجة حتكون جاهزة
عند لين وايمن :
لين;حيكون اعترف ليها ياربي حتوافق؟
ايمن:لين بطلي نقة واكلي 😂
لين:م عارفة متوترة ياخ صفاء دي عنيدة وخايفاها ترفض فكرة انو عرسنا يكون سوا حتقول الموضوع حصل سريع
ايمن:م تخافي لو بتحبو حتوافق وانا متاكد انها م حترفض ممكن ي قلبي تاكلي وتبطلي التوتر دة؟
لين ابتسمت : حاضر ❤️
ايمن:يحضر ليك الخير حبيبي❤️بالمناسبة عملتي شنو في موضوع العربية؟
لين:لسه م فكرت فيها ياداب خلصت لي ابوي من موضوع البقالة وكدة وم فتشت في موضوع العربية دة
ايمن:تمام موضوع العربية خليهو علي
لين:ايمن انا وريتك انو انا الحادفع قروشا
ايمن:تمام م اختلفنا مع انو انا وانتي واحد لكن انتي راسك قوي ،،المهم انا حاعلمك السواقة اول حتى نمشي ونختار ليك وحدة
لين:انت بتجي متاخر من العيادة وحتكون مرهق وم فاضي
ايمن:افضى علشانك عادي م مشكلة، ❤️
لين:ربنا م يحرمني منك ❤️🌹
خلصو وايمن وصل لين لي بيتها واتحرك ع العيادة
لين دخلت وسلمت ع امها ودخلت غرفتها
"اخر فترة لين عملت تجديد لي البيت وغيرت من الديكور وبقا حلو شديد ،،ووسعت لي ابوهو دكانو وعملت ليهو سوبر ماركت ابو لين❤️"
دخلت غرفتها وقبل م تغير تلفونا ضرب رفعتو وردت بي سرعة لم لقتها صفاء
صفاء:كنتي عارفة صح؟
لين:اي المهم عملتي شنو؟
صفاء:وافقت طبعا😂❤️
لين:حينا البورة صعبة 😂
صفاء:بعيدا عن البورة محمد م بيترفض ،،جاب لي ورد وشوكلت راقي شديد الود دة ❤️
لين:هالله هالله عبرتي والله😂
قفلت من صفاء وغيرت هدوما وطلعت للغدا مع امها وابوها
لين:عندي ليكم خبر حلو
عبد الله:بشري ي بتي
لين:صفاء عرسها حيكون معاي❤️
سوسن:ماشاء الله والعريس منو
لين:محمد اخو ايمن
عبد الله:كويس والله اولاد عبد الحميد ديل رجال ومافيهم كلمة ربنا يسعدكم ي بتي
لين:اميين ي ابوي بي وجودكم ❤️
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ماسكة التلفون وجنبها ايهم بيتكلمو فيديو كول مع وائل
اسيل:قلت لي خطوبة عديل وحركات
وائل:اها انجزو ووروني اعمل شنو ؟
ايهم:والله فكرة الخطوبة دي ظابطة لو انت متاكد انو مافي زول في حياتا وانها عايزاك
وائل: م عارف حاسي انها ممكن تكون عايزاني
اسيل:طيب خلي الحكاية دي لي شادن ومزن يتكلمو مع ريم ويعرفو منها اذا عندها زول في راسا ولا لا
ايهم:خليهم يعزموها في البيت بي مناسبة انو هبة حامل وكدة وهم نجيضات حيعرفو يتصرفو 😂
وائل:انا بحبكم ياخ م عارف من غيركم حاعمل شنو
ايهم حضن اسيل عليهو:حبني انا م عندي مشكلة لكن اسيل م في داعي تحبها😂
وائل صفر ليهم:في ناس كدة اعترفت 😂❤️
ايهم:اي ي باشا
وائل:حركات الغيرة دي م علي واسيل صحبتي قبل م تعرسا😉
اسيل:اي اي
ايهم وهو بنكش ليها شعرها:اي في عينك
وائل:خلي سولا في حالا ي ايهم
ايهم:وبتدلع مرتي كمان؟بت عمتي م حنديك ليها اصلا انا م موافق بيك😒
وائل :وانت تقدر م توافق بي اقطع وشك يلا
قفلو من وائل وهم بضحكو
اسيل كانت ماسكة تلفونها وايهم جنبها كانت بتتصفح الفيس لفت انتباها فستان عنابي حلو شديد مع جزمة كعب اوف وايت وشنطة ميك اب وروج عنابي بدرجات متفاوتة وكلهم ماك 💜
ايهم:سرحتي وين؟
اسيل:اا ولا حاجة فستان عجبني والطلبيات من السودان
ايهم:اا طييب نفسي في عصير فراولة بالحليب 🥲
اسيل:طيب قايمة م تتمسكن لي😂
اسيل دخلت المطبخ وخلطت العصير عملت فيهو مكعبات تلج وكبت منو في كبايتين شالتهم وطلعت لي ايهم في الصالة
ايهم:تسلمي لي انتي❤️
اسيل: اصلا عارفاك م بتقدر بدوني😌
ايهم وهو بقرصا من انفها:للاسف مابقدر 😂❤️
اسيل :ايههم انت غياظ ع فكرة الحركة دي حارة🙂
ايهم :خلاص ي قلبي معليش
اسيل:كل مرة بتقول كدة وبترجع تعملا 😒
ايهم:خلاص اسسسف اها الليلة نطلع وين؟
اسيل:ولا محل نقعد ونحضر فيلم ❤️
ايهم:تمام انا حاظبط الفيلم
اسيل:وانا حاعمل فشار
ــــــــــــــــــــــــــــــــــــــــــــــــــــــــــــــــــــــــ
قاعدين في الصالة ومنتظرين ريم تجي
هبة:وحنعرف كيف اذا هي بتحب وائل ولا لا
مزن:م حنسالا من وائل في حد نفسو
شادن:اي كفاية نعرف اذا في زول في حياتا ولا مافي
هبة:طيب تمام
اثناء م قاعدين جرس الباب ضرب مزن فتحتو وشادن وهبة طلعو القهوة جات ريم داخلة وسلمت عليهم وباركت لي هبة
ريم:شادن ومزن عاملين كيف مع تالت؟
مزن:وبعلي اسكتي بس الحمد لله غايتو
شادن:بلل والله لكن الله كريم
هبة:من اول امتحان اتجرسو كدة للشهادة حيموتو شكلهم😂
ريم وهي بتضحك :ربنا يساعدكم
مزن:انا عايزة اعرس لانو القراية دي م شبهي
هبة وشادن بقو يضحكو لانو فهمو مزن عايزة تدخل سيرة العرس
ريم:عرس شنو ي بت ركزي في قرايتك اول😂
شادن:هسة انتي لو جاك عريس م بتوافقي
ريم:اول حاجة اليجيني منو😂 وبعدين لحد م اخلص جامعة الباقي ملحوق
هبة: ليه اليجيك منو حلاتك والف من يتمناك❤️
ريم:تسلمي حبيبة
شادن:يعني انتي م مرتبطة 🌚
ريم:لالا
مزن;ولا في زول في حياتك؟
ريم:ابدا والله م مفكرة في المواضيع دي😂
شادن:واعية ي بت عمتي
مزن:كلها سنة وتتخرجي من الجامعة اتلحلي والعريس اليجيك اقبلي بيهو
ريم:لمن يجي اول 😂
هبة: البنات ديل القراية طالعة في راسهم م تركزي
اتونسو مسافة وبعدها ريم طلعت ومزن وشادن قدموها ورجعو اصلا بيتهم م بعيد شديد
اول م دخلو البيت
هبة:لالا عجيبات😂
شادن: احححم شفتي كيف
مزن:نحن لا نقهر والله
شادن:ارح نتفاوض مع وائل 😂
مزن:ارح ارح
دخلو غرفة شادن وشادن فتحت تلفونا واتصلو لي وائل
وائل:اها الحصل شنو؟
شادن;م بالسرعة دي ي باشا
وائل:كيف يعني
مزن:نتفاوض بالاول
وائل:ي الله تصبرني
شادن:اها نبدا ولا عندك مانع
وائل :عايزين شنو؟
شادن:تعزمنا في مطعم بعد المدرسة وتجي تسوقنا انت روتين الترحيل دة ممل
مزن;وجيب لي شيبس دوريتوس عليك الله نفسي فيهو
شادن:وانا عايزة باونتي
وائل:فاتحين نفسكم شديد 🙂
مزن:م تنسى ح تحتاج لينا كتير لي قدام
شادن;وكلو بي تمنو ي باشا
وائل:تمام تمام يلا قولي
شادن:مبدئيا كدة ما عندها زول ونتم كلامنا بكرة
وائل:بتاعات مصالح بس امري لله
قفلو من وائل وقعدو يقرو
ــــــــــــــــــــــــــــــــــــــــــــــــــــــــــــــــــــــــ
قاعدين قدام اللابتوب وكل واحد ماسك صحن الفشار بتاعو
اسيل: رعب ي ايهم ؟ الله يصبرني عليك
ايهم:ياخ لاقاني وعجبني ولا انتي بتخافي؟
اسيل:لا م بخاف بس م اتوقعت يكون رعب
ايهم; تمام احضري معاي دة وبعدين بشوف ليك واحد تاني
اسيل:تمام
فضلو يحضرو وكان في لقطات مخيفة ودمى بتتحرك بطريقة غريبة
اسيل:ايهم البتاع دة م ظابط
ايهم:خفتي نبطلو؟
اسيل ختت راسها في كتف ايهم:يعني م كتير لا خلاص نواصل
فضلو يحضرو مسافة لحد م ايهم لقا اسيل نامت في كتفو قفل اللابتوب وشال اسيل دخل الغرفة وختاها في السرير
طفا الانوار ورقد جنبها بعد مسافة اسيل كانت بتهلوس بي كلام م مفهوم
ايهم:اسيل حبيبي في شنو
فتح النور ولقاها بتهزي بي كلام م مفهوم ومقوسة حواجبا بانزعاج
ايهم:اسيل اسيل فتحي ورشاها بي موية من الكباية الجنبو
فتحت عيونا ومسكت في التشيرت بتاع ايهم:انا خايفة 💔
ايهم ضماها عليهو:انا هنا جنبك مافي حاجة ❤️
كان متضايق لانو خلاها تحضر الفيلم ،،خت ايدو ع راسا وحصنا وفضل يقرا ليها اية الكرسي لحد م نامت ..باسا ع راسا وضماها عليهو ونام 🌻💛
ــــــــــــــــــــــــــــــــــــــــــــــــــــــــــــــــــــــــ
هبة:ادم ادم قوم
ادم:اها ي هبة في شنو؟
هبة:نفسي في كيكة شكلاتة من يد اسيل
ادم:واسيل نجيبا من وين هسة
هبة:م عارفة ياخ
ادم:حبيبي الله يرضى عليك نومي ناس اسيل زاتهم قربو يجو حتعملا ليك
هبة:م علي عايزاها هسة بس
ادم وهو بيمسح وشو بي ايدو :طيب ارح المطبخ نعملا
مشو المطبخ نص الليل وفضلو يعملوها سوا😂ادم نام في الصفرة لحد م الكيكة طلعت هبة طلعتها وقطعتها وشالت منها في صحن ودخلت الباقي التلاجة
هبة:ادم حبيبي قوم يلا
ادم:خلاص؟
هبة: ايي ومدت ليهو قطعة منها اكلا ودخلو ادم نام وهبة مسكت الصحن وواصلت اكل😂❤️
الصباح صحت لقت ادم نايم دخلت الحمام غيرت وطلعت صحت ادم ،،شالت كيكة الشكلاتة ونزلت تحت شربت الشاي مع اميرة وحسن وشادن ❤️
شادن:ي الله الكيكة رهيبة
جاهم صوت ادم :عملناها نص الليلة صحتني وقالت نفسها في كيكة من يد اسيل🙂
كلهم قعدو يضحكو
حسن:طوالي تحجز وتوديها لاسيل هناك😂
ادم:والله الا كدة ي ابوي
اميرة: اي حاجة نفسها فيها اعملا ليها
هبة:سمعت؟
ادم:لالا😒
شادن:هبة الليلة م شغالة؟
هبة:لالا الليلة البت المعاي شغالة انا م حامشي
شادن:تمام اصلا الليلة دوامنا قصير حاجي بدري
هبة:حلو
ادم طلع الشغل وشادن ركبت التحريل واتحركو ع الباقين
ــــــــــــــــــــــــــــــــــــــــــــــــــــــــــــــــــــــــ
اسيل صحت الصباح لقت ايهم مافي دخلت استحمت وغيرت اتوجهت ع المطبخ م لقت ايهم فجاة جاها صوتو:مرتي الحلوة صباح الخير ❤️
اسيل ابتسمت وعاينت ليهو:صباح النور ي قلبي
اتحرك عليها ومسك ايدا :ارح نشرب الشاي برة
طلعو وقعدو في الحديقة وشربو الشاي
ايهم:ي خوافة امس خفتي
اسيل:م خوافة بس مرات بهلوس باللقطات الشفتها
ايهم وهو بقرصا من خدها:معليش ي قلبي م حاخليك تحضري رعب تاني
اسيل: انا م خوافة ع فكرة
ايهم:حتى ولو 🌚
بعد م خلصو من الشاي :
ايهم:نتمشى؟
اسيل:ارح
قامت ومسكت ايهم من ايدو مسكت العرسان ديك واتحركو😂
المنطقة كانت زراعية وكلها اشجار
ايهم:اسيييل
اسيل:ايييا
ايهم:ايدي وجعتني فكيني 😂
اسيل:كويس ي ايهم غلطانة انا البمسكك زاتو
فكتو واتحركت مسافة منو وهو بناديها ابت تقيف لحد م جرا ولحقا
ايهم:اسيل ياخ بهظر معاك
اسيل:انت اصلا غياظ وعواليق
ايهم جراها من يدها ووقفا قدامو :معليش ي قلبي خلاص
وقبل م تتكلم فكا لي كعكتا وجرا منها 😂
اسيل:ايهههاااااام
قامت جارية وراهو ورجلها اتلوت :اخخ رجلي
ايهم وقف وجاها راجع:اسيل انتي كويسة رجلك مالا؟
قعد في الارض علشان يشوف رجلها بس هي لزتو ورمتو ع الارض ونكشت ليهو شعرو وقامت جارية
ايهم:كذابة ومكارة شديد انتي
اسيل:انت البديت وم انا البخلي حقي😝
ايهم قام وفضل جاري وراها
اسيل:كفاية انا تعبت
ايهم جراها من يدها وقرصا من خدودة:انا بحبك شديد ي بت عبد الحميد 💛
اسيل:وانا بحبك ي ود حسن 🌻💛
"الحياة العاقلة والروتينية مملة للغاية فابحث عمن يشاركك جنونك ويضفي علي الحياة بعض من المتعة ❤️🔥"
لها بقيـة 💕
