بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
... ..... ........... .........................
متلمين كلهم حول السفرة وبياكلو بعد م الشغالة جهزت ليهم العشاء
عبد الحميد:اشتقت لي اسيل وطبخها
ايمن:اي والله ي ابوي انا زاتي اشتقت ليها خليها تجي بعد كدة
محمد:اخر مرة اتكلمت معاها في الموضوع دا قالت انها م ناوية تجي هسه
عبد الحميد:اسيل عنيدة ولو خليتها ع راحتها م حتجي اصلا حافكر في طريقة اجيبا واخليها تستقر هنا وم ترجع تاني
محمد:ناوي ع شنو ي حاج😂
ايمن:ابوك تفتيحة م تخاف مدام خت الموضوع في راسو اعتبر اسيل جات خلاص😂💔
عبد الحميد: استنو وشوفو😉
خلصو اكل وونسة و بعدها كل واحد اتوجه ع غرفتو
............. .............................. .............................
"اعتدت ع الالم حتى بات شعور الراحة يشعرني بالغرابة" اسيـل
ع غيـر عادتها صحت من غير كوابيس ،،نامت بارتياح وعمق دخلت الحمام وقفت تحت الدش والافكار بتتضارب في راسها يمكن من التعب نامت بعمق وم قدرت تصحى تاني؟او لانها وبعد مدة طويلة قررت انها تطلع وتلف وتغير جو لي نفسها كانت بتسال نفسها هل انا السبب في البحصل لي دة وفي الكآبة الانا فيها دي؟انا البراي حابسة نفسي وممشية حياتي ع نمط واحد من الشقة للشركة والعكس؟!قطعت دوامة افكارها واتوضت وطلعت لبست اسدال الصلاة انتهت من الصلاة ومسكت مصحف صغير باللون الزهري💕وقعدت تقرا ولاول مرة دعت لي امها من غير دموع❤️ عملت روتينها اليومي من الرياضة للنسكافيه ،،بعد مسافة وهي واقفة قدام المراية وبتعاين لي نفسها كانت لابسة بنطلون بني غامق وقميص اوف وايت شك وجاكيت بني وجزمة فلات اوف وايت وشعرها كعكعة فوضوية ولبست ساعة بنيه اخر حاجة عملتها رشت من عطرها وشالت شنطة اللابتوب ومفتاح العربية واتحركت ع الشركة بي ملامح هادية جدا ❤️🌹
وصلت مكتبها وطلعت اللاب وكانت بتستعد للاجتماع البعد كم ساعة
...... ............ ................ .............. .............
اتنهد وهو بيرفع فنجان القهوة ويعاين لي صحبو بي برود
وائل:بتعاين لي كدة مالك م مقتنع؟!
ايهم:ولو كان كلامك صح م بيهمني كتير🙄
وائل:انت عارف روان دي من زمن الجامعة معجبة بيك وانت عامل فيها تقيل
ايهم:انت عارف علاقاتي كلها كانت عابرة وهي كوحدة ضمن الشلة م فكرت فيها🌚
وائل:لالا عاقل يصحبي😂وبعدين روان دي زاتها مايعة وبتاعت حركات انا وريتك عشان احذرك منها لاني م حاسمح ليك ترتبط بيها ابدا
ايهم:انت وشادن م بتريدوها شايفكم😂
وائل:لانها جد كدة م بتتراد😂💔
ايهم: طيب ي باشا قوم ورانا شغل كتير
............. ............... ....................... .................
نزلت وهي لابسة بنطلون رمادي وطونك لحمي واسبورت رمادي مسكت شعرها بي مشبك وشالت تلفونا وطلعت قعدت شربت الشاي مع امها
اميرة:بطلو الحوامة الكتيرة دي وشوفو ليكم كورسات انتو نازلين 3
شادن:اممم طيب طيب ي ماما🌚
جاها اتصال من مزن ودعت امها وطلعت لقت ماجد سايق عربية وجنبو زياد ومزن ورا فتحت الباب الورا وركبت جنب مزن سلمت عليهم كلهم واتحركو
شادن:حبيتتت الموضوع الجديد دة😂❤️
مزن:نفس الشعور😂
زياد:كتغيير روتين بس حترجعو تاني للعجلات وبتاع😂🌚
ماجد:اي احسن م نتعود
مزن:تتعودو شنو اصلا كلها شهرين وننزل مدارس
شادن:اسكتي انتي كمان لاحقة امي🐸
زياد:خلاص بطلو وصلنا
ماجد وقف العربية في الباركن ونزلو اتوجهو ع الباب الرئيسي برة كان في شكل كافيتريا ظريفة للطلبات السريعة ومن جوة كلو زراعة وفي محل مخصص لالعاب الاطفال❤️🌹
اتوجهو للمقاعد المبنية في شكل جلسات مفرقة وعليها مساند شادن ومزن قعدو وماجد وزياد مشو يطلبو حاجة للاكل 💕
...................... .................................. .............................
"من اصعب التجارب التي يمكن ان تخوضها ان تتصنع السعادة وانت في قمة حزنك ان تتصنع القوة وانت في عز هشاشتك ..ان تتصنع اللامبالاة وانت اقل شئ بامكانه كسرك💔"لين
صحت الصباح كالعادة ادت فرضها ودعت ربها يديها القوة ،،كانت لابسة اسكيرت اسود وقميص اسود بي رمادي وشبط لحمي وحجبت طرحتها البي نفس لون الشبط ،،حاولت تبتسم قبل تطلع ع امها وابوها❤️🌹
لين:صباح الخير😊
عبدالله وسوسن:صباح النور💕
سوسن:الليلة شكلك احسن
لين:اي الحمد لله💜
قعدت وشربت معاهم الشاي بعدها استاذنت واتحركت ع شغلها وابوها اتحرك ع دكانو❤️
.......................................................................
كانت واقفة في غرفة الاجتماعات قدام شاشة العرض وبتشرح في كيفية تنفيذ الفكرة، كان الاجتمااع مع وفد جايي من امريكا وقدرت اسيل بي ذكاها انها تقنع الوفد الاشاد بي براعتها رغم سنها الصغير ❤️🌹
طلعت من غرفة الاجتماعات وهي راضية عن نفسها تمام الرضى كات مبسوطة ورايقة شديد💕
دخلت مكتبها واتوجهت ع وحدة من الكنبات قعدت واتكات عليها بتعب بعد شوية سمعت صوت باب المكتب وهو بيضرب
اسيل:تفضل
جاها صوت هاندا:انسة اسيل المتحدث الرسمي باسم الوفد يبلغك بانه في المساء سيتم اقامة حفل ضخم جدا اعلانا للشراكة التي تمت بيننا
اسيل: امم حسنا هاندا انا متعبة جدا ساعود الى المنزل اخبري كل الموظفين بشان الحفل وانا ساتابع معك امر التجهيزات
هاندا:حسنا
شالت مفاتيح العربية واتوجهت ع الشقة كانت تعبانة بي سبب الاجتماع الدام لاكتر من 3 ساعات بس برضها كانت مبسوطة لانها قدرت تنجح 🖤
اترمت ع السرير بي تعب بعد ما اخدت حمام دافي ولبست بجامة مريحة ونامت بهدوء🌹
.................................................................................................
اصوات صراخ وضحك ماليه المكان كانو في قسم الالعاب وراكبين العربات الصغيرة وهم بيضحكو باعلى صوت
ماجد:بطلو حركات الشفع دي وانزلو
زياد:خليهم ديل لسه شفع😂
مزن وهي بتمد ليهم لسانا:م طلبنا رايكم
شادن:الموضوع م عندو علاقة بشفع ولا لا بس الحاجة دي ممتعة شديد😆❤️
ماجد:طيب خلاص دي اللفة الرابعة من قبيل
شادن:عايزننا ننزل يميجو؟!🌚
ماجد:اي🙄
شادن عاينت لي مزن وقالو بصوت واحد: تركبو معانا حننزل🐸
ماجد:بتهظرو صح
شادن:هئه منفسكم تجربو؟!
زياد:لا م نفسنا
مزن:خليكم منتظرين طيب نحنا م نفسنا ننزل وعاينت لشادن وبقو يضحكو😂
بعد اصرار منهم كل واحد منهم ركب عربية وبقو يلعبو معاهم ويضحكو😆💕
نزلو من العربات لاقاهم نظام دكان صغير جوة المنتزه اشترو بوشار ورجعو للقعدات تاني ،،اتونسو مسافة وقضو يوم ظريف بعدها اتحركو ع بيوتهم❤️🌹
لهـا بقـيـة💕
