......................................................................................................
قاعدة في غرفتها وماسكة تلفونا بتقلب في الفيس..زهجت من قعدة البيت اخر فترة.. شالت تلفونها واتصلت لصفاء
لين:ي بت انا زهجت يخ
صفاء:بسم الله روقي خلاص كلها كم يوم وتنتهي اجازتك
لين;ممم طيب خلاص
صفاء:اهلك حكو ليك بموضوع شغلك في شركة ناس اسيل صح؟
لين:اي بس م اتناقشت مع اسيل لسه
صفاء:خليها تفضى من موضوع العرس دة واتفاهمو
فضلو يتونسو مسافة بعدها طلعت وقعدت مع اهلها 💕
.......................................................................................................
ملمومين في الغرفة كلهم واسيل بتمكيج فيهم .. بعد خلصو مشو يلبسو واسيل بدت تمكيج في نفسها ..عملت شعرها ضفرة من قدام ومسكت الورا بمشبك بعدها قامت ولبست...بعد خلصت نزلت ولقت البنات منتظرنها
..مزن وشادن كانو لابسين طونكات عنابية مع بناطلين جينز وعاملين شعرهم بوڤ❤️وريم كانت لابسة فستان رمادي وخاتة الطرحة في نص راسها .. اسيل نزلت وكانت لابسة فستان كبدي مع الجسم مع جزمة كعب باللون الاسود🖤شادن قالت ليها مزة مافي كلام😭❤️مزن قالت ليها الكبدي والتسريحة يفوزو والله❤️❤️!!ريم عاينت ليهم وضحكت وقالت:يلا بعد السماحة دي كلها خلونا نتصور🙈❤️وقفو واتصورو كتير اميرة جات قالت ليهم بيسحروكم 😂❤️بعدها الشباب طلعو واتوزعو في العربات ..اسيل كانت سايقة البنات معاها ..وايهم وايمن ساقو حسن واميرة..وائل كان سايق جزء من شلة الجامعة ومعاهو روان..وادم ومحمد ومعاهم جزء من صحابهم..وصلو صالة حفلات وقدامها حديقة صغيرة وظريفة شديد❤️🌹نزلو ودخلو والحفلة كانت
اوفر نايت بايمان الشريف كانت ظابطة جدا و اسيل كانت اتعودت ع الوضع فبقت ترقص مع البنات❤️بعدها كان في فنان تاني وكان في فاصل اسيل طلعت وقعدت في الحديقة البرة ❤️كانت مغمضة عيونا ومتكية ع الكنبة فجاة سمعت صوت ايهم بقول ليها اسيل؟انتي كويسة!فتحت عيونها وعاينت ليهو وقالت:اي حبيت اشم هوا بس❤️قال ليها طيب يلا الفنان التاني حيبدا وقفت ع حيلها ودخلت معاهو🌹❤️
اسيل بتحكي:
كنت مستمتعة بمنظر الحديقة والنسمة الحلوة الجاية منها❤️غمضت عيوني كردة فعل ،،وانا مغمضة جاني صوتو فتحت ولقيتو قدامي كان لابس بنطلون جينز وبودي ابيض شك ومعاهو جاكيت واسبورت باللون الرمادي..تسريحة شعرو كالعادة لفوق وريحة عطرو المميزة جدا❤️م عارفة انا اول مرة اركز في تفاصيل زول للدرجة دي ،،م كنت بدي اهتمام لزول ابدا بس م عارفة ليه ايهم غير ليه مركزة ع كل حاجة بتخصو حتى ريحة عطرو كانت سابقاهو وعرفتو بيها❤️كل العارفاهو انو مختلف وجدا كمان🌻💛
ايهم:
كانت حلوة شديد وهي مغمضة عيونها ونصف ابتسامة مرسومة ع وشها❤️اصلا هي جميلة في كل حالاتا ،،كانت لابسة فستان حلو عليها جدا بس ايدينو كانت شبه شفافة م عارف حسيت بشنو ولا قادر احدد ماهية شعوري بس اتضايقت من تفصيلة الفستان جدا وم عارف ليه ،،ابتسمت وانا بعاين ليها كان واضح انها مستمتعة بس م قدرت امشي من غير م اتكلم معاها..كان نفسي اسمع صوتها واشوف عيونها ❤️عارف اني بقيت غريب جدا اخر فترة وحتى انا مستغرب من نفسي ،،دخلنا الحفلة وانا م كنت بفوت فرصة اني اشوفها فيها،،كانت مختلفة تماما عن الشخصية الجات اول يوم،،كانت بتضحك وترقص مع البنات وهي مبسوطة وحقيقي ي بخت البنات بيها❤️🌹
بعد الحفلة خلصت رجعو البيت بعد م اتعشو في الحديقة القدام الصالة❤️وصلو تعبانين جدا فكل واحد رقد نام 🌹تاني يوم الصباح كان العقد❤️صحو بدري جهزو البيت وبخروهو ..كان في طباخ استلم موضوع الاكل والباقين مشو يجهزو،،اسيل كانت لابسة بنطلون واسع لحمي ومعاهو قميص شك بالاسود وجزمة فلات سوداء🖤وعملت شعرها في شكل كعكه نازلة لتحت وطلعت خصل بقدام،،نزلت ومعاها البنات وفجاة سمعو صوت الطلق والزغاريد❤️🔥مشت باركت لاميرة واميرة حضنتها شديد وقالت ليها عقبالك ي بتي ❤️بعدها طلعت برة لقت حسن وابوها باركت لحسن وسلمت ع ابوها ،،اثناء م واقفة معاهم سمعو اصوات طلق تاني والشباب شغالين ابشر ي عريس🌹مشت باركت لادم وايهم كان معاهو باركت ليهو برضو ..ايمن قال ليها عقبال م نبارك ليك ضحكت وقالت ليهو انتو اول انا هينة😂محمد ضماها عليهو وقال ليها اساسا نحنا م بنديك لزول😂❤️❤️
ايمن:
الاجواء كانت جميلة جدا وصوت الطلق والزغاريد هو المسموع،،في وسط الصخب دة والجو الفرايحي دة اتذكرتها م عارف ليه،،خجلها ابتسامتها الحلوة❤️معاينتا للارض لم اتكلم معاها،،حتى لم اي زول قال لي عقبال ليك كانت هي بتجي في بالي❤️بالرغم من غرابة الشعور الحاسي بيهو بس متاكد انو لين م كانت مجرد مريضة بالنسبة لي🌹❤️
ايهم:
فرحة ادم كانت باينة ع وشو وم قادر يخبيها💛احساس انو حب حياتو بقت حقتو خلاص😂❤️كنت حاسس بيهو شوية وحيطير من الفرح ،،احساس انو زولك البتحبو يبقى من نصيبك احساس حلو وانجاز عظيم جدا❤️🔥،،فرحة ادم خلتني اتمنى اني اجرب الاحساس دة ..بس منو الحتكون نصيبي وانا اساسا م بحب ولا في وحدة في حياتي؟اثناء م واقفين جات وباركت لينا ،،انا بحب اللون الاسود شديد وحبيتو اكتر عليها🖤كالعادة كانت حلوة بس كان ناقصة الحجاب وتبقى احلى بكتير ❤️لم محمد قال ليها نحنا م بنديك لزول م عارف الاحساس الجاني دة شنو بس متاكد انو كلامو م عجبني ابدا !!
كانت بتضحك وهي واقفة مع اخوانا 💛بيعاملوها وكانها اميرتهم🌻💛 وفعلا هي تستاهل انها تتعامل زي الاميرات ..كل حاجة فيها مختلفة بتميل للبساطة جدا بس برضو ملفتة للنظر ❤️م بتتعمق في المكياج ابدا وبتكتفي بحاجات هادية بس برضو جميلة شديد بطريقة مؤذية لقلبي ❤️كل م اشوفا م بعرف البحصل بس بحس انو قلبي بيفارقني وبمشي ليها هي هي وبس❤️🌹
اسيل بتحكي:
اول مرة اجرب احس بفرحة اللمة والاعراس ،،كانت حاجة مختلفة وحلوة شديد ..فرحة الاهل والزغاريد والدعوات الحلوة❤️تشغيلة الصحاب والصفافير الطالعة من الشباب😂❤️الجو كان حلو شديد ..كنا كلنا ملمومين في الصالة لم ادم شال تلفونو واتصل لحبيبتو والي بقت مرتو خلاص"هبة"بارك ليها عقدهم وسط تشغيلات صحابو،،كانت عيونو بتلمع بي حب وهو بتكلم معاها،،اخر حاجة قالا ليها انتي احلى هبة من ربنا لي❤️🌹اصوات الصفافير بقت عالية جدا والبقول اللهم اوعدنا 😂😭عيني وقعت ع ايهم وهو بصفر وبقول لادم م اتعرفنا ي اخوي بقيت حساس ياخ😂ادم ضحك وقال ليهو نشوفك انت بعد تعرس حتعمل شنو،،ضحك وحك راسو باستهبال وقال ليهو الله يجيبا البتخليني اتغزل فيها كدة😂❤️ايهم دا شخصيتو ملفتة كدا تحسي بيهو عاقل وبتاع حركات في نفس الوقت،،كان جميل جدا بالجلابية مع انو كلهم كانو لابسين جلاليب بس هو كان مختلف وكانت لايقة عليهو اكتر 💛🌻
الكل اصر انو عايزين ايهم يغني بالجيتار بعد العقد وقبل تبدا تجهيزات الزفاف اتلمينا كلنا كشباب وبدا يغني الفطن الوسيم❤️وكالعادة سرحت مع صوتو وجمالو ،،كان بغني وهو مبتسم وغمازتو باينة❤️كان جميل جدا واتمنيت انو الغنية م تخلص💕
بعد غنا والكل بقو يصفرو ليهو طلعنا وفطرنا ومن التعب دخلنا نمنا ،،صحينا ومع جوطة الغدا وبتاع بعدها طلعنا ع الكوافير ..كويت شعري وم كنت راسمة فالبنات اصرو اني اعمل شكل خفيف ع يدي،،مع المغرب انتهينا من شعرنا والمكياج وكان فاضل نلبس الفساتين بس❤️🌹
لها بقيـة 💕
