"جميل ان تجد من يحتويك دوما ..ان تجد من يعتبر سعادتك امرا حتميا يجب عليه تنفيذه❤️🖇️"
ادم واقف قدام المرايا وبصلح في بدلتو اتلفت لقاها وراهو ماسكة العطر في يدها ،،قربت منو وعملت ليهو العطر وشالت الساعة ولبستا ليهو ❤️عاينت ليهو وقالت كالعادة حلو جدا وبتلخبطني بي سماحتك دي❤️ابتسم وهو بنكش ليها شعرها وقال وكالعادة انتي جميلة شديد وخاطفة قلبي😉❤️قالت ليهو ادم ياخ ستين مرة قلت ليك م تنكش لي شعري دة 🙂جراها عليهو ونكشو ليها زيادة وقال ليها وانا قلت ليك اكتر من مرة حافضل انكشو ليك😂❤️ضربتو في كتفو وقالت ليهو اطلع خلاص الطيارة م تفوتك،،وقبل م يطلع وقفو واتصورو مع بعض كتير ،،اخر حاجة ضماها عليهو وباسا في راسا وقال ليها خلي بالك من نفسك ي السمحة❤️قالت ليهو وانت كمان وخلص شغلك سريع وتعال،،قال ليها باذن الله حاجي قبل العرس بي يومين كدة ،،نزلو تحت سلم على اهلو وطلع مع ايهم علشان يتحركو ع المطار،،بعدها هبة قعدت مع اميرة وكانو بشربو في القهوة
اميرة:اجهزي انتي وخلي السواق يوصلك لاسيل بعد كدة انا حافضل عشان اجهز هنا سوسن قالت حتفضل مع اسيل وليلى الليلة حتجيني هنا
هبة:طيب ي خالتو انا بقعد معاها كم يوم وبجيك تاني
اميرة:اي م مشكلة خليك معاها بتكون فاقدة امها هي زاتا حاولو م تخلوها تحس انها براها
هبة:طيب ان شاء الله
بعدها هبة قامت جهزت نفسها علشان تمشي لاسيل..
ــــــــــــــــــــــــــــــــــــــــــــــــــــــــــــــــــــــــــــــ
عند اسيل:
صحت الصباح كالعادة استحمت وصلت وفضلت صاحية لحد م ناس ابوها صحو ،،جهزت الشاي وقعدت معاهم بعد م طلعو دخلت غرفتها ومشت ع المكتبة شالت كتاب وبدت تقرا فيهو ،،بعد مسافة باب الغرفة اتفتح وجاها صوت هبة : م اشتقتي لي🌚
اسيل اتلفتت عليها وهي بتضحك: م لحقت اشتاق ليك ي انسانة😂
هبة:عواليق حاتجاوز وم حارد عليك 🙂
اسيل:بهظر بهظر تعالي😂
هبة:اصلا جاية عايزة اغير
دخلت الغرفة وفتحت الدولاب وشالت ملابسها ودخلت الحمام بعد مسافة طلعت ورقدت في السرير وقالت لاسيل: بطلي قراية الكتب الايام دي م توجعي عيونك السمحات ديل😂❤️
اسيل: طولت م قريت ،،اها ادم سافر ؟
هبة:ي حليلو ياخ🥲اي طلع كدة،وانا جيتك بي هنا
اسيل:كنتي تسافري معاهو طيب ي هبلة😂
هبة:كلها اسبوعين وحيكون مشغول افضل اقعد معاك فيهم ي زولة
اسيل:منوراني كالعادة ارح ننزل تحت نفسي في اندومي🥲❤️
هبة: ورح ي زولة
نزلو وهبة دخلت المطبخ وبدت تعمل فيها واسيل طلعت في المصطبة وبقت تهز بي رجولا 😂❤️
هبة:اسيل
اسيل: اييااا
هبة:بطلي امور الشفع دي 😂عايزة اسألك انتي السبب الخلاك توافقي بايهم شنو ع حسب كلام خالتو اميرة انو ابوك كان بقول انك م عايزة ترجعي السودان وم حابة فكرة الزواج
اسيل: مم حقيقي اصلا م كان نفسي اجي راجعة بس ابوي كان مصر ف ايهم اكتر انسان ممكن يكون مناسب حاسة كدة
هبة: ايهم زاتو زيك كدة كانو بقنعو فيهو انو يعرس مع ادم بس رفض شكلو القدر داسيكم لبعض واصلا انتو حلوين سوا❤️
اسيل: ي حبيبي باقي حلاوتك انتي وادم😉❤️
هبة: بخجل🙈
بعدها شالو الاندومي وطلعو الصالة وبقو ياكلو فجاة جرس الباب ضرب وهبة طلعت فتحتو وكانو صفاء ولين
سلمو عليها ودخلو سلمو ع اسيل
لين وصفاء: سولا ي سولا
اسيل: حبيباتي 😂❤️
قعدو كلهم ياكلو ويتونسو
هبة:هي انتي الليلة ماخدة ريست ولا شنو ؟ قومي ارح نعمل ليك ماسك ونسرح ليك شعرك الفاكاهو دة
اسيل: انا م صدقت انو الليلة مافي موضوع الدخان والحركات دي خليني م عايزة
صفاء: انتي ي بت متخلفة؟
لين:م محتاجة سؤال واضح انها متخلفة🙂
هبة:م تشتغلو بيها وارح
ساقوها غرفتها عملو ليها ماسك ولين سرحت ليها شعرا وقضو يوم ظريف❤️
اسيل:لين حركات النسايب دي خليها م تقعدي لحد ناس ايمن يجو ويوصلكم هو عادي
لين:لا ياخ م بقعد لحد م يجو عارفاني بخجل واموري بتجوط😂وبعدين امي مشت لخالتو اميرة والبيت فاضي وابوي حيجي للغدا وبتاع
اسيل:طيب ارح نوصلكم
هبة: وانتي ماشة وين؟
اسيل:معاكم وحاسوق انا 🙂
صفاء: م قادرة عليك كم مرة نقول ليك المحبوسة م بتطلع م بتفهمي؟
اسيل: مافي زول حيشوفني م حانزل من العربية وارح ياخ
طلعو ركبو واسيل وهبة بملابس،البيت😂وصلو صفاء وبيت لين كان مسافة منها ،،وصلوها ولفو بالعربية مسافة بعدها اسيل قالت لهبة :نفسي في ايسكريم
هبة:وحننزل بي منظرنا دة ؟
اسيل:م عارفة ياخ بس نفسي فيهو في محل قريب لشركة ناس ايهم اضرب ليهو؟
هبة:قولي عايزة تشوفيهو بس مافي ليك 🌚
اسيل;لا ياخ بس نفسي فيهو خلص حاضرب لي وائل
وائل:حقت ايهم 🌚❤️
اسيل:غياظ😂عان انت في الشركة ؟
وائل:اي ليه جايانا؟
اسيل:هئه تعال لينا جنب محل الايسكريم القريب للشركة
وائل: عازماني؟
اسيل:وائل بطل رغي وتعال ياخ
اتحركو ووائل لحقهم لقاهم واقفين بالعربية
وائل رجع اتصل لاسيل:شنو هو واقفين بعربيتكم كدة
اسيل:م بنقدر ننزل😂
وائل:انتي ومنو وليه م تنزلو 🌚
اسيل:معاي هبة ولابسين ملابس بيت 😂 وبطل كلام كتير جيب لينا اتنين كاكاو وكراميل🤎
وائل:عواليق انتو سمح حاجيبهم😂
اشترا ليهم ومدا ليهم بشباك العربية
اسيل:اخخ شكرا ياخ😂❤️
وائل:حاكلم ليك ادم ي هبة وانتي ايهم تاخدو ليكم علقة ظابطة عشان م تتحاومو تاني😂
هبة:دة كلو من اسيل دي
بعدها وائل رجع الشركة وهم رجعو البيت وهم بيضحكو
هبة:مجنونة انتي والله تاني م بسمع كلامك😂
اسيل :م افتكرت اني حاشتهي ايسكريم في الطريق😂😭
هبة:وارح ننوم ي زولة انا نعسانة
وفعلا طلعو نامو واستمرت الايام وهبة قاعدة مع اسيل ومرات بتمشي لي ناس اميرة لحد م فضل للعرس اسبوعين اهل اسيل البرة جو والبيت بقا زحمة شديد ف اسيل طلعت الطابق الفوق ومعاها هبة وصفاء ولين وشادن ومزن كان بجوها مرات ❤️
ــــــــــــــــــــــــــــــــــــــــــــــــــــ
#تسريع احداث 🔮💙
فاضل اسبوع للعرس وفي الاسبوع دة كان حنة اسيل وايهم ❤️حنات ايهم كانت من بداية الاسبوع لحد يوم التلاتاء وحنة اسيل كانت الاربعاء والخميس يجهزو للعرس والعقد حيكون الجمعة❤️ هبة ايام الحنات كانت مع ناس ايهم..
يوم التلاتاء اخر حنة لايهم:
وائل:ادم دة شوية ويصل انا حامشي اجيبو من المطار
ايهم:طيب انا حافضل مع الشباب هنا
وائل طلع ع المطار وبعد مسافة رجع ومعاهو ادم ،،دخل سلم ع امو وابوهو بعدها اتحرك ع الشباب
ادم:اووو عريسنا
ايهم:الاخو نورت والله😂❤️
سلم عليهم وبعدها طلع شقتو لقى هبة بتبخر في البيت من شافتو وقفت وهي رافعة المبخر في وشها لحد م اتخنفت 😂ادم مشا عليها ومسك المبخر منها : مالك مخلوعة؟
هبة:انت الجابك شنو!
ادم جراها عليهو ونكش ليها شعرا تاني:يعني م عايزاني اجي؟
هبة: اددددم غياظ دة 🥲
ادم:ي زولة مالك مرتي وانا حر فيها
هبة: كانك كنت حتجي بكرة؟
ادم:اشتقت ليك وقلت اجي الليلة ❤️
هبة:ممم وانا زاتي اشتقت ليك وقرصتو من خدودو
ادم:هبة م شافع انا
هبة:لم تبطل تنكش لي شعري حابطل اقرصك😉
ادم: طيب تعالي اوريك الحاجات الجبتها ليك ❤️
هبة وهي بتحضنو:راجلي السمح دة 🙈❤️
ادم:بكاااشة دي ارح ارح😂❤️
فتح ليها الشنطة الفيها حاجاتا وفضلت تتفرج عليهم ❤️
ادم: انتي عارفة ايهم مبسوط من الزواج دة جدا مع انو طول عمرو رافض للفكرة 💕
هبة:وحتى اسيل مرتاحة للموضوع متفاهمين شديد احتمال لانهم اتصاحبو قبل فكرة الزواج
ادم وهو بضمها عليهو :ممم زينا كدة يعني؟❤️
هبة:ممم حاجة بالشكل دة❤️
وقت الحنة بالعصر كدة ادم لبس على الله بيج ،،وهبة لبست فستان كبدي وشوز بيج وختت طرحة بيجية في نص راسا ونزلت مع ادم 💕
ايهم كان لابس ع الله اسود ووائل ع الله ع رمادي كدة..شادن لبست فستان اصفر غامق تحت الركبة بشوية وشوز اسود ومزن لبست فستان مسترضى افتح من بتاع شادن وشوز اغمق من درجة الفستان بشوية ،،زياد وماجد كانو لابسين ع الله لونها اسود برضو 🖤ريم جات بعد بداية الحفلة وكانت لابسة فستان كحلي بي طوبي💙بدو الحفلة وكانو مهججين وبرقصو ❤️
عند اسيل:
اسيل:يعني م حتسوقوني معاكم🙂
لين:اسيل الله كم؟م بتفهمي انتي من متين العروس بتحضر حنة راجلا
اسيل;م علي م تخلوني براي
صفاء:معليش ارقدي نومي لحد م نجي
لين:وبعدين بكرة حنتك انتي حتنبسطي م تزعلي😂❤️
اسيل:زحو مني بس 🙂💔
لين وصفاء لبسو اسكريتات سود ولين شكت معاهو قميص بيج وصفاء قميص عنابي فاتح جهزو وطلعو مع ايمن ومحمد🖤
اول م وصلو الحفلة لقو شلة ايهم جات وروان متحكرة جنب ايهم ووائل وبترقص😂صفاء لكزت لين :البت العواليق دي الجابها شنو
لين:بري نقول شنو بس خليها م علينا
دخلو وقعدو في كراسي وايمن ومحمد دخلو لي ايهم وبقو يرقصو معاهو،،صفاء رسلت لي اسيل في الواتس ;روان مستلمة راجلك ووائل وترقص ساي😂
لين قالت ليها ياخ م كان تقولي ليها كدة😂
صفااء:نسيت الكاميرا في البيت والا كنت وثقت الاحداث صورة وصوت بس م حنك بصور ليها بالتلفون😂
لين:م قادرة عليك😂
فضلو يضحكو لحد م ريم جات ساقتهم لي ناس شادن ومزن وربوها تمام😂
اسيل اول م قرت الرسالة فضلت لافة في الغرفة :قاعد يرقص معاها وفاتح نفسو كويس ي ايهم كويس
القعدة غلبتا فلبست ليها عباية ونقاب لانو محذرنها تطلع من غير نقاب اتسحبت ونزلت للطابق الارضي وطلعت من الباب الخلفي اصلا موقفة عربيتها هناك ركبت عربيتها وهي بتفكر تمشي الحفلة بس اكيد حيعرفوها 😂فضلت لافة مسافة نزلت في سوبر ماركت وم خلت شيبس لافي وم اشترتو ،،واشترت كذا شكلاتة واندومي وفضلت لافة وهي مغيوظة 😂اخر حاجة وقفت قدام البحر وهي راكبة في العربية :كلهم هناك وخلوني براي دة شنو دة يخ
قاطع كلاما مع نفسها صوت اشعارات الواتس ولقت ايهم مرسل ليها صور الحنة وهو متصور مع اصحاب الجامعة ومع الباقين فضلت تعاين لصورتو وشغالة هو ليه حلو كدة ،،بعدها بقت تتمتم بي زهج وقالت ليهو حلو استمتعو وقفلت النت ،،نزلت واشترت ايسكريم ورجعت ركبت عربيتا وفضلت لافة لحد بعد المغرب كدة الحفلة كان خلصت وناس لين وصلو وم لقو اسيل
ايمن اتصل ليها بس تلفونا م دخل معاهو اتصل لايهم وقال ليهو:ايهم عندك فكرة اسيل دي مشت وين؟
ايهم:لا مافي في البيت؟
وقبل يتم كلامو اسيل وقفت بالعربية ونزلت وهي شايلة الاكياس ورافعة النقاب وبتاكل في الشيبس بي مزاج😂❤️
ايمن: هدي ليها المجنونة جات ي ايهم الله يعينك
ايهم:ما فاهم في شنو؟
ايمن:شكلها زهجت وطلعت لفت هدي ليها قدامي تاكل في الشيبس وواقفة
جاهم صوت اسيل القالت:كلكم مبسوطين وتتراقصو عايزني اقعد ليكم ساي🙄
ايهم قال لايمن:قول ليها نتفاهم بعدين وقفل
ايمن:سجمك الليلة بطلقوك قبل العقد
اسيل:م فارقة😂
جراها من يدها وخت ايدو في كتفها وقال ليها ارح قدامي دخلو بالباب الخلفي وطلعو لاقاهم محمد;دي كانت وين دي ؟
ايمن:لافة احساس زهجت وبتاع😂
محمد:في وحدة حنتها بكرة بتطلع تحوم 😂
اسيل:اسكتو مني مش كلكم خليتوني براي🙂
فضلو يضحكو عليها ولين وصفاء طلعو معاها الطابق الفوق
لين:قاعدة تبالغي اصلي م بسالك🌚
صفاء:كويس انها لبست النقاب وم طلعت لينا بي بنطلون😂
اسيل:ي زولة م عايزة كلام معاكم
صفاء:امسكي صورت ليك الحفلة م تزعلي ومدت ليها التلفون
شالتو وبقت تتفرج ولاحظت لي روان واقفة مع ايهم وجنبهم وائل :روان دي لايوقة كدة ليه؟
لين:غيرة وحركات🙈😂
صفاء:اي اي 😂
اسيل: عايزة اندومي اعملوها لي🥲
لين بقت تضحك وشالتها ونزلو هي وصفاء يعملوها واسيل فتحت الواتس لقت ايهم خاتي صور الحنة استوري وفي وحدة منهم روان واقفة جنبو طلعت من الواتس وختت التلفون لقت ايهم متصل ليها ردت بعد مسافة
ايهم:الحوامة
اسيل:مم خير؟
ايهم:بتحومي لحد المغرب كدة براك؟ وبعدين في وحدة عرسها بعد كم يوم بتطلع؟
اسيل:كلكم فرحانين وترقصو وانا اقعد براي يعني؟
ايهم:ي ستي معلش غلطانين،،بس م تطلعي براك ولو نفسك في حاجة كلميني انا
اسيل: اصلا غلطانين🙂
ايهم:والله فايتك جمال الاجواء هنا واللمة 😂
اسيل: استمتع ي باشا بس بكرة يومي😉❤️
ايهم:اخخ نسيت بس برضو اللمة فاتتك😂
اسيل:ماشة اكل اندومي انا يلا ارجع لي لماتك وقفلت الخط
نزلت لي لين وصفاء وقعدو ياكلو سوا بعدها طلعو الغرفة لقت ايهم مرسل ليها مسج: بتقفلي فيني انا؟معليش عازرك مغيوظة وكدة 😂فضلت تتأفأف وقفلت التلفون ونامت
تاني يوم الصباح صحت وشربت الشاي والبنات شغالين يعملو ليها ماسكات العصر ساقوها واتحركو ع الكوافير
م رسمت بس ظبطت شعرها وعملت ميك اب خفيف ..كانت لابسة فستان كبدي سادة من تحت منفوش وجايي عليها حلو شديد،،وجزمة كعب اوف وايت لبست سلسل الفضة والدبلة والمحبس الجابهم ليها ايهم ❤️فكت شعرها ولبست تاج فضي وكانت رهيبة شديد
لين:اقيفي احصنك الليلة بسحروك لينا❤️
صفاء :ارح وانا حاصور
لين بقت تحصن في اسيل وصفاء شايلة الكاميرا بتصور فيهم ❤️بعد مسافة ايمن وقف ليهم قدام الكوافير من دخل حضنها وقال ليها اتحصني
صفاء:سبقناك وحصناها😂❤️
كلهم بقو يضحكو ايمن ساق اسيل من يدها ركبت قدام ولين وصفاء ورا ،،وصلو بيتهم ولقو محمد وابوها في الباب الاتنين حضنوها وقالو ليها ربنا يحفظك❤️
دخلت غرفتها ومعاها البنات لحد م الحفلة بدت هبة جاتهم طالعة :وبعلي من سماحتك ي اسيل ماشاء الله ❤️
اسيل:تسلمي حبيبة ❤️
هبة:ارح ننزل بعد كدة
ساقو،اسيل ونزلو جوها وائل وماجد وزياد سلمو عليها ماجد:اسيل السمحة❤️😂
وائل:ايهم م يسمعك ي زول
زياد:انت بس م تقول ليهو 😂
بقو يضحكو وساقو اسيل لقت شادن ومزن رابنها ويرقصو ساي من شافو اسيل بقو يزغردو وجو عليها 😂❤️
كلهم عملو دائرة وخلو اسيل في نصهم ترقص معاهم ❤️
ريم:الحفلة ظابطة جدا
وائل:شديد ذكريني بعدين نمغرز ايهم😂
ريم:قدام 😂
شادن:انتو عارفين الحفلة حلوة ليه؟علشان روان مافي وفجاة بقت تزغرد😂❤️
كلهم قعدو يضحكو عليها
ايمن اتلفت ع صفاء:كفاية تصوير ي بت تعالي ارقصي مع البنات ديل😂
صفاء:توثيق الاحداث دة اهم شي 😂❤️
محمد مشا عليها وشال الكاميرا:قصيرة وم لاحقة حاجة امشي ارقصي ساي
صفاء:كويس ي محمد كرهتني بقصيرة دي من لم اشتغلت معاكم😂
محمد:م لانك قصيرة بالجد😂
حمرت ليهو ومشت ترقص،،وفي النهاية كلهم رقصو سوا واتصورو مع اسيل كتير❤️
بعد الحفلة اسيل طلعت غرفتها وغيرت الفستان لقت ايهم مرسل ليها:وائل اتسدا ليك على فكرة ومغرزني تمام😂
اسيل:تستاهل
ايهم :مرسل لي الصور وغاتي وشك م عايز يوريني
اسيل:مافي داعي 😂
ايهم:يا زولة انا رسلت ليك م علي ترسلي لي
فضلو يتعولقو واخر حاجة رسلتهم ليهو قال ليها:اول حاجة اتحصنتي؟
اسيل وهي بتضحك:اي😂
ايهم: لالا الحمد لله كالعادة حلوة شديد م محتاجة كلام❤️
يوم الخميس عدا والكل بجهز للعرس وايهم م اتكلم مع اسيل ابدا بالليل البنات كانو مع اسيل
اسيل:يعني خلاص بكرة حاكون متزوجة؟
لين:اي اي😂
صفاء: م تتوتري ونومي لانو بكرة من الصباح حنمشي الكوافير
وفعلا الصباح فطرو بدري وطلعو ع الكوافير ،،ابتدو ليها بالحنة وقبل م يخلصو تلفون اسيل ضرب وكان ايهم لين فتحت الخط وفتحت الاسبيكر جاهم صوت ايهم وهو بقول;مبارك علينا ي السمحة وربنا يقدرني واسعدك دايما ❤️"
"ها هو الضوء الذي في اخر النفق جاء ع هيأتك تماما لتضئ عتمتي ❤️"
لها بقية💕
