...........................................................................................
" عادت الابتسامة تغزو وجهي من جديد..انا الان بافضل حال💕"لين
صحت الصباح وهي مبسوطة جدا ع غير عادتها❤️الفرحة المرة دي كانت طالعة من قلبها❤️صحت جهزت الشاي وقعدت تشرب مع اهلها،،بعدها طلعت ع الشركة اتلاقت مع صفاء وقررت تاخد اجازة من الشغل ،،كانت قاعدة في كرسيها وسرحانة فجاة اتذكرت خجلها وطريقة ايمن اللطيفة في الكلام ❤️كانت بتبتسم بين لحظة والتانية،،وم سلمت من تشغيلات صفاء الكانت بتقول ليها الشاغل بالك يتهنى بيهو😂❤️،،قاطع تشغيلات صفاء لي لين تلفون لين وهو بضرب رفعتو وكانت اسيل❤️🌹
...........................................................................................
عند اسيل :
صحت الصباح كالعادة ادت فرضها🌹واتلمو هي وابوها واخوانا بيشربو في الشاي❤️بعد م كل واحد اتوجه ع شغلو دخلت غرفة بتاعت موسيقى وبقت ترقص زومبا🖤🔥،،خلصت رقيص دخلت الحمام اخدت شور وغيرت بعدها مسكت تلفونها واتصلت لي لين
اسيل:الحلو ازيك❤️
لين:تمام والله حبيبة وانتي؟
اسيل:بخير والله ..اها الحصل شنو
لين:لالا كلو تمام قدرت احكي ليهم
اسيل:طيب حلو خليك جاهزة وم تخافي💕
اتونست معاها مسافة وقفلت ،،وبعدها رجعت لكتابها وبقت تواصل قراية
كانت شغوفة بالروايات والكتب جدا ❤️اثناء م بتقرا وقفت في حوار دار بين شخصيتين ماهر وهشام في الرواية وكان هشام بيسأل ماهر انو الحب شعور عظيم وانو الدين مقصر في ناحية الحب وم اتكلم بتوسع في موضوع الحب،،ضيقت حواجبا باستغراب من السؤال بس واصلت عشان تعرف جواب ماهر الكان باين من كلامو انو حكيم جدا ،،كان اول رد ليهو انو الاصل في الاشياء الاباحة لا الحرمة ،،بمعنى انو الحاجة اذا م ذكرت في الدين بمعنى انها حرام فهي حلال،،وذكر بعدها الاية في سورة يسوف"قد شغفها حبا"ووضح انو الدين وقف ضد الحب دة لانو سلفا امرأة العزيز متزوجة،،فالدين يقف ضد الحب لم الحب يكون ضد العفة وم بيكون ضد الحب لانو مجرد شعور❤️🌹
كترت الاسئلة من قبل هشام وكان ماهر بيجاوب عليهو بصدر رحب ،،هشام كان شايف انو الدين قصر في ناحية الحب لانو الاياات الجات كلها كانت خفية وم اتناول الحب كموضوع في حد ذاته،،كان جواب ماهر عليهو انو الدين م قران بس انما في سنة وفي اقوال فقهاء استدل من السنة بحديث النبي "عليه الصلاة والسلام" لم ير للمتحابين مثل النكاح"،،ومن الصحابة استدل بقصة بين اتنين عفراء وعروة كانت بيناتهم علاقة حب بس كان لاهلهم دور في انو يفرقوهم ف سيدنا عمر لما سمع بالقصة قال "لو ادركت عروة وعفراء لجمعت بينهما❤️" اندمجت في القراية وكانت مبسوطة جدا ،،مبسوطة لانها عرفت حاجات عن الحب م كانت عارفاها وعرفت قدر ايه دين الاسلام رحيم بالعباد وبالجد انه دين يسر🌹❤️
من خلال الرواية دي نظرتا اتغيرت اتجاه الحب،،حست قدر شنو هو احساس جميل وحلو بس لم نحافظ عليهو طاهر من غير م نلوثو بحاجات بتندرج تحت مسمى الحب وهي م عندها علاقة بالحب من الاساس✨حست بالتعب فوقفت قراية واتوجهت للمطبخ عملت بيض بالخضار وهي بتدندن بكلمات من اغنية مصطفى سيد احمد 'الا باكر ي حليوة لم اولادنا السمر يبقو افراحنا البنمسح بيها احزان الزمن ❤️نمشي في كل الدروب الواسعة ديك والرواكيب الصغيرة تبقى اكبر من مدن❤️🌹' لانها كانت بتميل للخواطر جدا كانت بتعرف اقتباسات من اغاني مصطفى سيد احمد الكانت بتقابلا في شكل خواطر وكانت دايما بتحس بانو كان فنان عميق جدا🌻💛
................................................................................................
قاعدين في الغرفة وعاملين ماسكات في وشوشهم وبيتونسو
شادن:احساس انو يكون في عرس دا حاجة جميلة ياخ😂
مزن:جدا جدا متحمسة للهجيج بعدين😂✨
شادن:وانا زاتي والله
مزن:حنكوي شعرنا متين؟
شادن: هسة انا تعبانة ياخ ننوم وبعدين نعمل
مزن:طيب اصلا انا نعسانة
اثناء م بيتكلمو تلفون مزن ضرب وكان ماجد
ماجد: وين انتو؟
مزن :في غرفة شادن ليه؟
ماجد:فاتحين نفسكم وراقدين ونحنا شغالين بهنا🌞💔
مزن:شغالين شنو لو م لافين في السوق🌚
شادن فتحت الاسبيكر وبقت تتكلم:وعايزنا نعمل شنو يعني 🙄
ماجد; تقومو تشتغلو 😂
مزن;اه وين ياااا نحن عايزين ننوم زاتو بعد كدة
شادن:انت شكلك قاطع موضوع زياد وين؟!
ماجد:عند الحلاق وزياد بيحلق😂
مزن:جد كدة قاطع موضوع يلا قد بلاي😂💦
ماجد:كويس يعواليق نتلاقى بعدين😂
قفلو من ماجد ورقدو نامو💕
...............................................................................................
صوت ضحكات الشباب مالي المكان والتشغيلات والصفافير❤️كانت الاجواء فرايحية جدا والكل بيشاغل في ادم بي عبارات يا عريس ❤️وعبرت والله😂وفي منهم الكان بقول ليهو اتدبست غايتو😂❤️،،ملمومين كلهم في الصالون وائل وايهم وادم ومعاهم ماجد وزياد وشلة من اصحاب ادم والباقين ..الكل طلب من ايهم انو يغني ليهم فطلع الجيتار،وبدا يعزف
غنى ليهم ي جميل ي سادة حبك جنني زيادة🌻💛،،واستمر يغني ليهم ،،لحد م في النهاية كلهم بقو يغنو:صحبي عريس المولى يحرسو وانا حالف ارقص في عرسو😂❤️✔️
فضلو يشغلوها لادم وهم بضحكو❤️🔥
...................................................................................................
قاعدة في غرفتها بتلم في حاجاتها عشان تمشي المستشفى،،وبرة صفاء منتظراها مع اهلها💕،،طلعت من غرفتها وهي شايلة شنطة صغيرة سلمت ع امها وابوها في راسهم وطلعت مع صفاء..العملية كانت تاني يوم الصباح بدري فكان لازم تبيت في المستشفى ..
صفاء:ها جاهزة ؟
لين: اي❤️
صفاء:اسيل حتجينا هناك ؟
لين:اي هسة كنت بتكلم معاها قالت حتجينا في المستشفى
صفاء:طيب تمام
............................................................................
واقفة في الصالة مع ابوها واخوانا وهم لابسين الجلاليب وبتتصور معاهم💛
عبد الحميد: كان نفسي تمشي معانا الليلة بس حصل خير❤️سوقي براحة وسلمي ع صحبتك وقولي ليها حمد لله ع سلامتها💕
اسيل:م مشكلة ي ابوي حاحضر العرس😂✔️
محمد: اوعي تطفي ليهم عروستهم بس😂💔
ايمن:اي مافي داعي للعرس زاتو😂
اسيل: طلاسين يخ بس م حنك 😂
اخوانا طلعو ع الحفلة وهي دخلت تلبس ،،بعد مسافة طلعت وهي لابسة فستان رمادي سادة ومعاهو جزمة كبدية وعملت شعرها في شكل ضنب حصان مرفوع لفوق واتوجهت ع المستشفى🌹وصلت واتصلت ع لين وعرفت انهم وصلو قبلها عرفت منهم رقم الغرفة ومشت عليهم🖤
دخلت لقتهم قاعدين كالعادة سلمت عليهم بطريقة حلوة جدا❤️
اسيل:النفسيات كيف؟!
لين:عال العال
صفاء:واضح واضح😂❤️
اسيل:حلو جدا يلا قومو نطلع
لين: نمشي وين؟
اسيل:نلف حبتين م حنقعد كدة ساي اصلا ناس البيت مشو حفلة وايمن معاهم فحياخد زمن لحد م يجينا هنا
لين:وليه م مشيتي معاهم ي بت
اسيل:بطلي عولاق اساسا انا م بعرف الناس المشو ليهم
صفاء:طيب يلا نطلع
طلعو من المستشفى وكلهم ركبو في عربية اسيل ❤️
.....................................................................................
صوت الزغاريد عالي جدا ❤️وريحة البخور فايحة،،طلعت من غرفتها ومعاها مزن كانت شادن لابسة فستان بترولي غامق ومنفوش من تحت وقصير شوية ومعاهو جزمة كعب بيج،،ونفس الفستان كانت لابساهو مزن باللون الكبدي والجزمة برضو بيج كانو عاملين ميك اب خفيف وفاكين شعرهم ❤️طلعو الحديقة برة لقو الناس كلها ملمومة،،والنسوان بتزغرد وادم وايهم ووائل لابسين السرتي😂❤️ اول حفلة كانت في حديقة البيت بالطريقة التقليدية ❤️الحنة والدلوكة ❤️حسن اشر لي ناس شادن ومشو عليهو ،،عرفهم ع عبد الحميد واولادو
حسن:بالجد ي عبد الحميد اسيل وين صح قلت انها جات؟
عبد الحميد: كانت جاية بس عندها ظروف كدة حتجي في العرس ان شاء الله
بعدها مزن وشادن اتحركو ع ناس ماجد وزياد
مزن:دا ابو،اسيل يعني؟
شادن:اي هو صاحب ابوي كان نفسي اشوفا ياخ
مزن:وانا زاتي
بعدها الحفلة بدت كانت بي حرم النور ..غنت ليهم الدلوكة حارة جمر في عريسنا جبت شكر ..الخ ايهم واصحابو و اصحاب ادم رقصو فيها بالسيوف ❤️والنسوان والبنات كانو برقصو وبزغردو❤️✨
في نهاية الحفلة غنت ليهم العريس عيار الدهب 💛..بعد خلصت الحفلة البنات قعدو يحننو الشباب ،،شادن ومزن حننو ادم وايهم ووائل ورفضو يحننو زياد وماجد😂بعد شكل وعولاق حتى قعدو وحننوهم❤️كانت الحفلة جميلة جدا وكلهم كانو مبسوطين❤️✔️
..................................................................................
وقفو في محل ايسكريم ونزلو كل وحدة اختارت نكهتا بعدها اتحركو ع البحر ❤️كانو شايلين معاهم شيبس ومشروبات غازية قعدو في المقاعد المطلة ع البحر وبقو يتونسو🌹
صفاء:انتي ظريفة جدا ي اسيل حبيتك❤️✨
اسيل:وانا كمان والله حبيتك❤️🌹
لين:لسه زي م انتي بتدخلي القلب سرعة💕
فضلو يتونسو مسافة بعدها رجعو المستشفى❤️🌹
لهـا بقية💕
