................................................................................
احيانا يكون الطريق الوحيد لسعادتك وراحة بالك هو التاقلم مع مشاكلك والاعتياد عليها..ان لا تبالي لما يحدث معك وتفوض امرك لخالقك فهو القادر ع تبديل عسرك يسرآ💕"لين
رجعت من الشغل والابتسامة مالية وشها،،وشايلة في ايدها اكياس كتيرة ،،دخلت البيت وهي فرحانة وبتنادي ي امي ي امي وينك❤️
سوسن:بسم الله مالك انا في المطبخ
ختت الاكياس في الكنبة واتوجهت ع المطبخ
لين:ازيك ي ستهم؟!❤️
سوسن:بخير بشوفتك فرحانة كدة😍
لين مسكت امها من يدها وطلعت برة طلعت ليها من الكيس توب وشبشب بيت❤️
سوسن:دا شنو ي بتي متعبة نفسك مالك؟!
لين:تعب شنو ي امي م تقولي كدة وبعدين بابا لسه م جا من الدكان؟!
سوسن:لا لا لسه
لين:طيب حانزل اناديهو عشان نتغدا مع بعض😊
صلحت طرحتها في راسها وطلعت واتوجهت ع ابوها في دكانو
لين:السلام عليكم❤️
عبد الله:بتي السمحة وعليكم السلام
لين:كفاية شغل ي حاج ارح البيت نحنا جعانين😂
عبدالله: حاضر ارح😂
مسكت ابوها من يدو واتوجهو ع البيت💜
اول م وصلو طلعت ليهو جلابية ومعاها عطر ❤️🌹
عبد الله:تسلمي ي بتي بس م كان في داعي
لين:ليه بس وانا عندي منو غيركم بعدين المدير ادانا راتب شهرين لانو نجح في وحدة من الاتفاقيات المهمة بالنسبة ليهو💕
رصت الاكل مع امها وبقو ياكلو ويتونسو،،نست المها كلو وهي شايفة فرحت امها وابوها بي انها رجعت طبيعية زي زمان واصرت انها م حتضعف وتستسلم تاني والكاتبو الله حيكون❤️🌹
خلصو الغدا دخلت اخدت ليها حمام وغيرت بي بجامة وصلت العصر وقعدت تدعي وهي مبتسمة❤️🌹طلعت لقت امها عملت الشاي شربت وبعدها لمت العدة غسلتها ودخلت غرفتها طلعت دفترها وكتبت عليهو"اول الطرق للسعادة هي ان توقن جيدا ان كل الصعاب التي توضع امامك م هي الا اختبارات من الله..تجاوزها بالصبر وسيكرمك الله بطيب صبرك فرحا💕"
.................................................................... ......
متلمين كلهم في الحديقة وبيتونسو
حسن:ادم جاي بعد كم يوم نبدا نجهز للعرس بعد كدة
ايهم:اي ي ابوي م تخاف انا ووائل بدينا نجهز
ايهم:تمام ربنا يديكم العافية❤️
عاين لي امو وابتسم
ايهم:عارفك بتفكري في شنو ي امي😂
شادن:العرس العرس😂
اميرة:اها وفيها شنو غلطانة يعني؟!سبب واحد يمنعك تعرس مع اخوك مافي
قام من مقعدو واتوجه ع امو باس راسها وضماها عليهو: ي حبيبتي المانع الوحيد انو انا م لاقي الانسانة المناسبة
حسن:بطل كذب وزح من مرتي😒
شادن: ايهم زح من مرتو قال ليك😂
حسن وهو بقرص شادن القاعدة جنبو:اسكتي ي لميضة😂
شادن وهي بتمسك اضانا :اخخخ قاسي ي حاج😃
ايهم وهو بضم امو زيادة: امي وانا حر فيها😉بعدين كذبت في شنو😂
حسن:الحكاية م انك م لاقي الانسانة المناسبة انت رافض فكرة العرس من اساسا عاجباك الصياعة الانت فيها دي😒
اميرة:اي ي ايهم ابوك كلامو صح لو ع البنات انا ممكن اختار ليك وحدة مناسبة
ايهم:لالا ي امي لم ابقى ع الموضوع دة
شادن:قول انك عارف بي قباحتك دي م في وحدة بتوافق بيك
ايهم:قلتي شنو؟!
شادن وهي بتقوم بحركة بطيئة من جنب ابوها :مافي وحدة حتقبل بواحد مسيخ وشين زيك كدة 😝وفكت الجري😂وايهم قام جاري بوراها: استني الليلة بس لسانك دا بقصو ليك
اميرة اتنهدت وهي بتضحك من حركات اولادا الطفولية وعاينت لي حسن الكان ميت من الضحك:اي اضحك اصلا هم شايلين جنهم دا منك😂
حسن :عارف عارف 😂
اميرة: وايهم دا حنعمل ليهو شنو؟!
حسن:خلي الموضوع دا علي
ايهم جرا ورا شادن لحد م مسكا وجضما:اخخ شافعة لميضة🐸
شادن وهي بتمد يدها وتقرصو في ايدو :انا م شافعة 😒
ايهم:اخخخ يدك زي العقرب 😑
شادن:م في زول قال ليك اهبشني ومدت ليهو لسانا وقامت جارية ع ناس ابوها
جرت واترمت في حضن ابوها وغمزت لي ايهم الكان بعاين ليها بغيظ 😂
.............................................................................................
واقفة قدام المرايا وهي لابسة فستان اسود طويل من ورا ومن قدام فوق من نهاية ساقها بشوية،،اكمامو طويلة وشبه شفافة من الدانتيل ،،مع جزمة كعب باللون الاحمر القاتم ..وفردت شعرها وجابتو بالجنبة 🖤🌹
ركبت العربية الكان فيها السواق واتوجهت ع الشركة،،اول م وصلت لقت الصحافة مالية الدنيا والكاميرات اتوجهت عليها🖤اكتفت بالابتسام وواصلت مشي لحد م دخلت،،كان كل حاجة منظمة زي م خططت ليها وكل اعضاء شركة قاعدين في كراسي حول الطاولة المكتوب عليها اسم مديرهم 🌹،،وعملاء التوزيع لافين ع الناس وبيشوفو طلباتهم،،استقبلها التيم بتاعا وع راسهم هاندا واتوجهو ع الوفد الامريكي ،،اتبادلو التحايا وواصلو كلام حول الشغل، ،بعد مسافة اسيل اتوجهت للطاولة بتاعتا وقعدت وكان معاها التيم بتاعا لحد م المتحدث باسم الوفد اتكلم وقال: يسعدنا اعلان شراكتنا مع شركة الانسة اسيل ع الرغم من صغر سنها الا انها ادارية ناجحة بل متميزة جدا💕
اسيل اتوجهت من مقعدا واستلمت منو عقد الاتفاق وصافحتو والصحافة كانت بتصور في كل لحظة💕
لحد م اسيل بدت تتكلم عن الشغل والاتفاق وبدت تتكلم عن مسيرتها المهنية واضافت انو صغر السن م عائق ابدا اذا كانت الاهداف والقدرات موجودة وختمت كلامها بـ "نحن من نصنع لانفسنا مكانا في القمة عندما نوقن حتما بان القاع لا يناسبنا❤️🌹"
الحفلة خلصت وسط تصوير الصحافة والتصفيق الحار لاسيل واعجاب الصحفيين وحتى مدراء الشركات بشخصيتها وكلاما الموزون جدا❣️
رجعت لشقتها ورفعت تلفونا عاينت للساعة كانت ماشة ع عشرة ونسبة لفرق الوقت بينها وبين ناس ابوها الساعة عندهم حتكون قريبة ل 3 صباحا قررت تنوم وتتصل ليهم الصباح 🌹❤️
وفعلا غيرت ملابسها وغطت في نوم عميق💕
.....................................................................................
قاعد في غرفتو فجاة جاهو تلفون من واحد من اصحابو اتونس معاهو وقفل منو وهو مبسوط 🌹
نزل تحت لقى اولادو في الصالة
عبد الحميد: صباح الخير❤️
ردو عليهو بي صباح النور💕
ايمن:م شفت ي حاج الجرائد والميديا كلها بتتحاكى بي اسيل وذكاءها😂❤️
عبد الحميد رفع الجريدة ولقى من ضمن العناوين الرئيسية"الادارية اسيل عبد الحميد تاخذ لقب الادارية المتميزة رغم صغر سنها من قبل الوفد الامريكي "وتحت كانت صورتها في الحفل ومقال مكتوب عنها وعن سيرتها المهنية ❤️🌹
عبد الحميد:فخور بها جدا طول عمرها كانت واعية 💕
محمد:حقيقة اسيل شخصيتها واعية ورزينة جدا
عبد الحميد: خلاص بعد كدة لقيت طريقة تجيبا وتستقر هنا
محمد:كيف؟
ايمن:حتجي بي رضاها؟!
عبد الحميد:كيف دي خلوها لوقتها وبي رضاها دي حتجي بي رضاها والطريقة يمكن م تعجبا بس حتتعود❤️
.........................................................................
صحت من النوم دخلت ادوشت وصلت ودعت لي امها كالعادة❤️كانت مبسوطة شديد وازدادت بسطتها لم فتحت النت ولقت الرسايل من اخوانها وبيهنوها ع انجازها ❤️فتحت النت ولقت الصور بتطاقش وقرت المقال المكتوب عنها 🌹كل التعليقات كانت بوزتيف جدا والغالبية العظمى بيثنو عليها وع جملة "نحن من نصنع لانفسنا مكان في القمة عندما نوقن حتما بان القاع لا يناسبنا❤️🔥"ابتسمت ومسكت التلفون الساعة كانت 5 وشوية اتصلت ع ابوها جاها صوتو:سولا ي سولا
اسيل:بابا ي بابا 😂❤️
عبد الحميد:فخور بيك جدا وتستاهلي كل خير💕
اتكلمت مع محمد وعرفت انو ايمن في عيادتو بعدها ابوها رجع واتكلم معاها
عبد الحميد:ها م كفاية انجازات كدة وتجينا اشتقنا ليك؟
اسيل:انا زاتي مشتاقة ليكم اديني كم يوم اجهز اموري واجي ع طول
عبد الحميد:تمام 💕
قفلت منهم واتصلت لايمن
ايمن:الادارية المتميزة😂❤️
اسيل:الطبيب المعجزة😂
ايمن:مبروكات حبيبتي ❤️
اسيل:الله يبارك فيك 💕
واصلت ونستها مع اخوها لحد م استادن منها لانو كان عندو عملية زراعة قلب مستعجلة
قفلت من اخوها وقررت الليلة تحتفل بنفسها بعد م ادت كل الشركة يوم اجازة 🌹❤️
.......................................................................................
قاعد مع صحبو في الكافتيريا وبيشربو قهوة كعادتهم 🌹❤️
ايهم:شايف اسيل عبد الحميد دي الكل بيشكر فيها التايم لاين كلو سيرتها
وائل:دي بت عبد الحميد زميل ابوك صح؟!
ايهم:اي تقريبا
وائل:شكلها انسانة فاهمة جدا ومالية مركزها حضرت اللقطة الهي بتتكلم فيها ظاهر عليها واثقة من نفسها شديد
ايهم:فعلا بتخليك غصبا عنك تنجذب ليها وتسمع كلامها شخصيتها مقنعة وقوية جدا
وائل:وذوقها لبق جدا في الكلام واخر عبارة قالتها بقت التريند المتداول حاليا😂
ايهم:ي زوول اخر جملة دي كسرت الدنيا😂
واصلو ونستهم واتحركو ع المكتب
......................................................................................
قاعدة مع اصحابا في كافيه في اخر الشارع الرئيسي ماسكة النسكافيه بيد وباليد التانية تلفونها
مزن:قال ليك اسيل دي عاملة شغل جامد جدا
شادن:مع اني م لي في شغل الاعمال دة بس حبيت البت دي جدا ودخلت المجال دة في نفسي😂❤️🌹
ماجد:حقيقة يعني ظاهر عليها واعية وكلامها موزون
زياد:فعلا عقلها كبير جدا
مزن:طيب نحنا عشان ننجح زيها ونحجز لنفسنا مكان في القمة زي م قالت احسن نشوف كورس يلمنا😂
شادن:جد كدة كفاية صياعة ورمتلة خلونا نحسم الفارغة دي ونجتهد
ماجد:قلتو كدة؟!ادونا كم يوم انا وزياد حنفتش لي كورس يكون كويس
اتفقو ع كدة وكل واحد رجع بيتو
لهــا بقيــة 💕
