وائل واقف قدام المدرسة لمح ماجد وزياد جايين عليهو
ماجد: عملوها فيك البنات😂
زياد:انت لم تطلب مساعدة تطلبها منهم هم
وائل:غلطان والله ندموني زاتو
جاهم صوت شادن :المحظوظ البسمع قطيعتو😒
مزن:انت ي وائل م ضربناك ع يدك نحنا
شادن:وانتو غلطانين نحنا زاتو العايزين نسوقكم معانا
ماجد:خلاص بطلو ردح
وائل:ارح اركبو خلاص
زياد:اي عليك الله لو وقفنا لي بكرة م حيخلصو
ركبو العربية واتحركو ع المطعم وائل عزمهم بيتزا وعصير جوافة
وائل:اها احكو
مزن;الحاجات وين؟
وائل:حاشتريها ليكم في الطريق بطلو نقة
شادن:تمام تمام المهم العرفنا منها انها لا مرتبطة لا في زول في حياتا وحتى فكرة العرس دي شايلاها من بالا لحد م تخلص جامعة
مزن: يعني امور الحب والحركات دي م عندها العريس اليجيها لو مواصفاتو نفعت معاها كان بها
شادن:ايي بس اصلا ريم انسانة هادية وعاقلة والحركات دي م بتنفع معاها
ماجد: هادية وعاقلة وتدوها لي وائل😂
زياد:صراحة ظلمتوها😂
وائل:هسه انا مالي خلقة واخلاق والف من تتمناني😒
ماجد:مشكلتك مجنون حبتين والبت عاقلة
زياد:حيخربا في يومين م مشكلة
وائل:اصلا لازم تقلل من نسبة تعقلا حبتين علشان تتماشى معاي
شادن: بعد كدة يبقى انت تمشي تتقدم ليها والراي رايها هي
مزن:وزي م قلت خطوبة بس
وائل:اي باذن الله
خلصو من الاكل وطلعو ووائل اشترا ليهم حاجاتهم ووصلهم بيوتهم ..مزن نزلت مع شادن في بيتهم علشان يقرو الاحياء مع بعض دخلو غرفة شادن غيرو وشالو الاكياس ونزلو لي هبة وفضلو ياكلو ويتونسو ولقو هبة عاملة بسبوسة مكرملة
شادن:حتتوحمي على الحلويات بس ؟
هبة:دي البدايات بس 😂بعدها طلعو ينومو شوية ويصحو يقرو
ــــــــــــــــــــــــــــــــــــــــــــــــــــــــــــــــــــــــ
لين وصفاء داخلين ع الشركة وقفهم صوت محمد : مرت اخوي ومرتي السمحة 😂❤️
لين بقت تضحك وعاينت ليهو:انا م سمحة يعني ي محمد؟ كويس
محمد:لا ياخ العفو بس انتي يتغزل فيك ايمن براهو😂
لين:اي اصلا الغزل م حلو من غيرو
صفاء:هالله هالله كلام والله
لين:هي يلا زحي لي انا ماشة المكتب
اتحركت وخلتهم واقفين
محمد:سنفورتي الحلوة😂❤️
صفاء:هسه دي شتيمة ولا مدح م فهمت
محمد: ولا واحد غزل 😂
صفاء: طريقتك م عحبتني🙂
محد:زعلانة ليه هسة حلاتك وانتي قصيرونة كدة ع فكرة ❤️
صفاء:شكرا 😂
محمد:ارح الكافتريا عايز اتكلم معاك
دخلو الكافتريا وطلبو قهوة
محمد:اتكلمتي مع اهلك في الموضوع؟
صفاء: اي ومبدئيا كدة م عندهم مانع
محمد:طيب حلو
ــــــــــــــــــــــــــــــــــــــــــــــــــــــــــــــــــــــــ
لافين في المولات وبيشترو هدايا للكل
ايهم:انا تعبت من اللف كفاية نرجع
اسيل:تمام اصلا كدة كفاية
ايهم:نفطر برة وبعدها نرجع
اسيل:طيب يلا
دخلو الاكياس في العربية واتحركو ع مطعم ظريف في طرف البحر
ايهم:استعدي اخر يومين حتكون ارهب ايام تقضيها في كندا
اسيل:ليه حنعمل شنو اكتر من كدة م نحنا كل يوم في محل
ايهم:مفاجأة وغمز ليها
اسيل: وانا متحمسة علشان اعرف المفاجأة دي❤️
فطرو برة ورجعو شقتهم
اسيل: م اشتقت للشغل؟
ايهم:انا معاك واشتاق لي حاجة تانية؟ابقى اهبل والله😂❤️
اسيل:قلبي حيقيف بسببك يوم ☹️❤️
ايهم:بعد الشر ي قلبي يومي قبل يومك ي رب
اسيل:ايهم بطل تقول كدة ..انا م بحب سيرة الفراق ابدا
قامت من جنبو وطلعت الحديقة الخلفية كان فيها نظام جلسات قعدت في وحدة من الكراسي وغمضت عيونا
جاها صوت ايهم: اسيل في شنو هسة؟
فحت عيونا وكان فيها شوية دموع : ولا شي ي ايهم
ايهم قعد جنبها وختا راسها في كتفو :لو م حكيتي لي حتحكي لي منو ؟
اتنهدت ومسحت دموعا الكانت حتنزل رفعت راسها من كتفو وقالت :بعد موت امي كنت انطوائية شوية انعزلت عن الناس وعن صحباتي وسافرت كندا ع طول كل همي كان الشغل وبس لحد م قابلت لين الكانت صحبتي من زمان واتعودت عليها هي وصفاء ،،وبعدها وعاينت في عيون ايهم وابتسمت:قابلتك انت ،،اتعودت ع عيلتك و عليك شديد ❤️وانا انسانة بتخاف بتخاف الحاجات البتحبها تروح منها💔
ايهم مسك وشها بين ايدينو :ي قلبي حارجع واقول ليك سنة الحياة كدة،،بطلي الخوف وبطلي تعيشي نفسك في هاجس انا هنا معاك وكل البتحبيهم معاك عيشي اللحظة ي اسيل وبطلي خوف انا معاك والله حبيبي معاك دايما❤️
مسحت دموعا وحضنت ايهم
اسيل :م تخليني في يوم لاني م بقدر بدونك
ايهم:مهما خطواتي بعدت عنك اتاكدي انو نهايتا ليك انتي وبس❤️
اسيل:انت احلا حاجة حصلت معاي
ايهم:وانتي كل الحاجات الحلوة ❤️
رفع راسها وعاين ليها :رايك شنو نلعب شوية؟
اسيل :كيف؟
ايهم:استني
دخل جوا وبعد مسافة جا طالع وهو شايل مسدسات كبيرة مليانة موية
اسيل وقفت ع حيلها :وديل لقيتهم وين؟
ايهم:قبيل لم اشترينا العاب لولد ادم الم معروف ولد ولا بت دة عجبوني وشلتهم لينا😂
اسيل :مجنون انت ع فكرة بس عجبتني
رما ليها مسدس وقال:يلا يلا خلي الكلام
فضلو يرشو بعض وهم جارين وبضحكو واسيل كل م ترش ايهم تنطط وتصفق 😂
ايهم:رشي في حتة غير شعري ي غتيتة
اسيل:لا عاجبني وهو مبلول كدة
ايهم:طيب استني
قام جاري وراها ورشاها في شعرها
اسيل:كويس ي ايهم
فضلو يتجارو وهم بضحكو اخر حاجة ايهم فتح تلفونو وبقو يتصورو 😂❤️
ــــــــــــــــــــــــــــــــــــــــــــــــــــــــــــــــــــــــ
قاعدين في حديقة بيتهم وقدامهم كبابي القهوة
عبد الحميد:سامعكم انا احكو
ايمن: سيد الموضوع الاساسي محمد خليهو يتكلم
محمد:والله ي حاج انا قررت اتزوج مع ايمن
عبد الحميد:ابشر ي ولدي كلام حلو وعروستك جاهزة؟
محمد:اي وانت بتعرفا كويس
عبد الحميد: ودي منو؟
محمد:صفاء صحبة لين
عبد الحميد:زين م اخترتو ي اولادي ربنا يتم على خير ويسعدكم ❤️
محمد وايمن :اميين ي رب
عبد الحميد:م حددتو العرس يكون متين؟
ايمن: لسه والله منتظرين اسيل تجي ونحدد
عبد الحميد:طيب باذن الله
ايمن: انت م كلمت اسيل ؟
محمد:لا لسه قلت كلها يومين وتجي واكلما بالمرة
ايمن;انا اشتقت ليها ارح نتصل ليها
فتح تلفونو واتصل ليها كول فيديو بالايمو ردت عليهو في نفس اللحظة
اسيل:ايموووني قسما بالله اشتقت ليك❤️
ايمن:كتير ي كلبه😂❤️
محمد:بتشتاقي لي ايمن بس؟
عبد الحميد: نحنا جادعانا في الرف البت دي😂
اسيل:وانا اقدر؟اشتقت ليكم شديد ياخ
عبد الحميد:قربتو تجو انتي كيف وايهم كيفو؟
اسيل: تمامين والله انتو اخباركم؟
عبد الحميد:بخير ي بتي الحمد لله
ايمن:وعندنا ليك خبر حلو
اسيل:ها قول
محمد:انا حاعرس
اسيل:ي الله احلا خبر والله والعروس منو؟
ايمن;حتفرحي اكتر لمن تعرفي😂
اسيل:اتحمست اني اعرف
محمد:صفاء
اسيل:وبعلي فرحت جدا والله ربنا يهنيكم❤️
محمد:امين حبيبتي ❤️
اسيل:م حددتو العرس متين؟
عبد الحميد:لالا الشباب ديل منتظرنك
اسيل:حررم بحبكم😂❤️
محمد:ونحنا نقدر نحددو واسيل مافي
ايمن:عيب علينا والله 😂
اسيل:الله يخليكم لي بس❤️
اتونسو معاها مسافة بعدها قفلو منها
ــــــــــــــــــــــــــــــــــــــــــــــــــــــــــــــــــــــــ
عند اسيل بعد م قفلت من اهلها طلعت الصالة وشغلت ليها فيلم وانتظرت ايهم لحد م جا داخل وهو شايل اكياس في ايدو
اسيل: دة شنو وانت طلعت وم فهمتني حاجة
ايهم:حاجات حنحتاج ليها بكرة لم نطلع ووريتك انها مفاجأة❤️
اسيل: طيب تمام
ايهم:كانك مبسوطة من حاجة ولا فرحانة ساي ؟
اسيل:ظاهر ع وشي يعني
ايهم خت الحاجات وجا قعد جنبها:اي ظاهر يلا احكي
اسيل ابتسمت وقالت ليهو:متذكر الثنائي القلت ليك لو ظبطت حتعرفهم؟
ايهم: اي وجا وقت اني اعرفهم ؟
اسيل:ايوة ❤️
ايهم:وديل منو ؟
اسيل:محمد وصفاء❤️
ايهم:حلو شديد فرحت ليهم ياخ
اسيل:عرسهم حيكون مع ايمن ولين
ايهم:كلام حلو شديد ربنا يسعدهم ❤️
اسيل:امين يا رب
ايهم:انا حامشي ادخل الحاجات دي الغرفة
اسيل اتشعلقت في ضهرو يلا خلينا نمشي😂❤️
ايهم:حيجيني غضروف بس امري لله😂
اسيل وهي بتنكش ليهو شعرو: امشي وبطل كلام كتير
وصلو الغرفة ونزلا
ايهم:اخخ تقيلة 🙂
اسيل: شكرا😒
ايهم :خلاص م تكشري لي
نزل شنطتين بتاعات ضهر وفتح الاكياس ودخل منهم تشيرتات واردية ،،والشنطة التانية دخل فيها بناطلين وفنايل لي اسيل
اسيل: انا م فاهمة دي شنو الهدوم دي ونحنا ماشين وين؟
ايهم:حتعرفي بكرة وغير كدة م تحاولي معاي😉❤️
ــــــــــــــــــــــــــــــــــــــــــــــــــــــــــــــــــــــــ
عند وائل :
كلم اهلو بموضوع ريم وانو عايز يخطبا وم كان عندهم مانع ..اتحرك ع الشركة وهو مبسوط جدا ،،دخل مكتب ادم وقعد في الكرسي القدامو
ادم:خير ي استاذ وائل فرحنا معاك
وائل:والله يا باش مهندس ادم خلاص عايز امشي اتقدم لبت عمتكم المصون😂❤️
ادم:مبروك مقدما ياخ ،،ناوي تمشي متين؟
وائل:بكرة بالكتير
ادم:سريع كدة ،،ربنا يسهل ان شاء الله
وائل: ان شاء الله
ادم:كلمت ايهم؟
وائل:هو عارف الموضوع بس م عارف اني ماشي بكرة لكن حاكلمو
ادم: تمام ي باشا ربنا يتم ع خير ❤️
عدا اليوم في الشركة ومع زمن طلوع ناس شادن من المدرسة اتحرك عليهم لقاهم منتظرين قدام البوابة
شادن: خير م وريتنا عايزنا في شنو؟
وائل:اركبو وبفهمكم في الطريق ،،ماجد وزياد مشو؟
مزن:اي الترحيل جا قبل شوية
وائل:تمام يلا اركبو
اتحركو وفي الطريق وائل قال:عايزكم تساعدوني في اني اختار هدية حلوة لي ريم ❤️
شادن:ظابط بس انت حتمشي تتقدم ليها متين؟
وائل:بكرة
مزن: طيب حلو شديد❤️
وصلو السوق ومزن وشادن جهزو ليهو قفة فرح ظابطة وركبو علشان يتحركو ع البيت
شادن:انا نازلة مع مزن وعندي فكرة انو بكرة لم تمشي تتقدم ريم تكون معانا في البيت ونحنا حنديها خلفية عن الموضوع
وائل:طيب حلو ولو اقتنعت حنلبس دبل تاني يوم
مزن:اي كدة ظابط
وصلهم البيت واتحرك ع بيتو وفي الطريق رسل لي ايهم :انا حامشي اتقدم لي ريم بكرة
ــــــــــــــــــــــــــــــــــــــــــــــــــــــــــــــــــــــــ
اسيل:حنمشي وين؟
ايهم: دي المرة الكم تسألي من صحينا؟
اسيل:عايزة اعرف علشان احدد البس شنو
ايهم:ختيت ليك هدومك في السرير ادخلي البسي وانا حامشي الحمام التاني
اسيل: طيب ي ايهم مشيت
ايهم: فضولية شديد ياخ😂المهم قربنا يلا امشي
اسيل:نننن غياظ
دخلت الغرفة لقت ايهم مطلع ليها بنطلون قطني اسود ومعاهو قميص رمادي باكمام طويلة واسبورت نايك رمادي ،،دخلت استحمت وغيرت ووقفت في المراية عملت شعرها جمايكتين شالت شنطة الضهر ولبستها زي م طلب منها ايهم وشالت تلفونا في ايدها وطلعت لقت ايهم لابس شورت اسود وتشيرت رمادي ومعاهو شبط بيت اسود وشايل الشنطة فضهرو وماسك كاميرا في ايدو
اسيل:نفسي افهم حنمشي وين بي ملابسنا وشنطنا دي
ايهم ;ارح شوية وتفهمي
طلعو من البيت واسيل استغربت لانهم م ركبو العربية فضلو ماشين لحد م وقفو قدام البحر ايهم وقف واتكلم مع راجل كدة بعدها جاها راجع
ايهم:ارح
اسيل;وين ؟
ايهم :طالعين رحلة بالمركب
اسيل:ي الله حلو شديد❤️
ايهم ابتسم ومد ليها ايدو :يلا
مسكت في ايد ايهم وطلعو ركبو المركب ايهم كان بيجدف واسيل مسكت الكاميرا وبقت تصور:ي الله ي ايهم المنظر رهيب شديد😭❤️
ايهم:كنت متاكد انك حتفرحي ،،حلوة وانتي بتضحكي كدة خليك فرحانة ع طول ❤️
اسيل:ايهم انا بحبك شديد ياخ
ايهم:وانا اكتر ي مدام❤️
فضلو يتصورو ويضحكو لحد م اسيل سالت ;وحنرجع متين؟
ايهم: م راجعين ع الضفة التانية في جزيرة جميلة شديد والناس بتاجر مراكب علشان تصل ليها هي م بعيدة ربع ساعة كدة ونصل ❤️
اسيل:اتحمست جدا❤️
بعد مسافة وصلو ونزلو من المركب ،،المحل كان كلو اشجار وورود وواضح انها منطقة سياحية و كان في زي منتجع فيهو منازل خشبية صغيرة ع مسافة من بعضها ،،ايهم واسيل دخلو وحجزو ليهم بيت ودخلو ،،كان عبارة عن صالة صغيرة فيها كنبتين كبار وحمام ومطبخ💕الديكور كان حلو وبسيط لانو البيوت دي بتااجر من قبل السياح البجو زيارة للمنطقة ،،ايهم اترمى في وحدة من الكنبات وقال :نرتاح شوية ونطلع نلف بعدين
اسيل:طيب تمام
ايهم :بالنسبة للفطور في سندوتشات كرسبي في الشنطة لحد م نطلع ونعرف الكافتريا بوين
بعد م فطرو طلعو ولفو شوية في المنتجع وعرفو محل الكافيه والكافتريا ورجعو تعبانين وكل واحد نام صحو العصر اتغدو وجهزو علشان يطلعو ايهم كان ماسك تلفونو وقال لاسيل:وائل ماشي يتقدم لي ريم بكرة
اسيل: الاعراس حتكتر الفترات الجاية ربنا يتم ليهم ع خير ❤️
ايهم :امين يارب دقيقة اتصل لي وائل
ايهم:ابو الشباب ربنا يتم ليك ع خير واخيرا حنشوفك عريس😂
وائل:اي والله بس بت عمتك م تقوم ترفضني😂
ايهم:معقولة ياخ ربنا يسهل ان شاء الله
قفل من وائل وطلعو هو واسيل يتمشو ومعظم السياح كانو لافين وبصورو ❤️
ــــــــــــــــــــــــــــــــــــــــــــــــــــــــــــــــــــــــ
ادم ووائل واهلو اتحركو ع بيت ناس ريم ،،وفي نفس الوقت ريم كانت مع ناس شادن في بيتهم
شادن:ريم هسة لو جاك عريس م بتوافقي
ريم: لا انا عايزة اقرا طبعا وفاضل لي سنة كاملة في الجامعة
مزن:ولو العريس م كان مستعجل وحينتظرك
ريم:يبقى ع حسب العريس
هبة:ولو العريس خلقة واخلاق وم بتفوت😉
ريم:ي جماعة وترتوني في شنو؟
شادن:وائل اتقدم ليك
ريم:شنو؟
مزن:ي بت م سمعتي وائل اتقدم ليك
ريم: وائل الواحد دة ؟
هبة:ي بت انتي جنيتي اي وائل الواحد😂
ريم:كذابين كيف ومتين؟
شادن:الاخت شكلها واقعة 😂حاليا هم في بيتكم
ريم:وبعلي وائل عديل☹️❤️
مزن:دي الحالة اننا بنقول عليك عاقلة 😂
ريم:بس وائل دة اصلا عاجبني،من زمان🙈
هبة:اشششي😂
ريم:خلاص م تخجلوني
شادن:يعني العروس وافقت
مزن:بكرة حيكون تلبيس،الدبل ❤️
ريم:كذابين
مزن:والله وائل مستعجل ي بتنا😂❤️
فضلو يشاغلو في ريم ،،وكلمو وائل انها موافقة وحددو الخطوبة تكون تاني يوم ..🌻💛
"نحن نقع في حب من يرى وجودنا استثنائيا ،،من لا نهون عليه ومن يعرف كيفية انتشالنا من احزاننا بمهارة 📌❤️"
لها بقيـة💕
