"ها نحن ذا نتجمل بصبر ايملي ♡،،ننسى حزننا شوقا لغد افضل كما فعلت ريمي♡،،نخطئ اهدافنا دوما لكننا نقف من جديد ونعيد الكرة تماما كابطال الكرة ♡،،كنا نختار الامل دائما عسانا نجد النور في اخر انفاق حياتنا المظلمة 🖤🔥"
صحت ع صوت ايهم وهو بقول ليها اسيل اصحي وصلنا ،،نزلت وخلصو اجراءات المطار المغرب كان قرب شديد والجو كان رهيب❤️اول م طلعو ع المطار لقو في اتنين منتظرنهم سلمو ع ايهم وسلموه مفاتيح العربية ورفعو الشنط واتحركو وايهم اتحرك وراهم
اسيل:ديل منو ونحنا حنمشي وين؟
ايهم:معارف واحد صحبي وحنمشي الشقة الاجرناها
اسيل:افتكرت حننزل في فندق او كدة
ايهم:عارف انك بتحبي الطبيعة وانا كذلك ي ستي فخلينا نستمتع شوية قبل نبدا موضوع الشغل وكدة
اسيل:طيب تمام
بعد مسافة وصلو قدام شقة صغيرة قدامها حديقة جميلة جدا ،،اسيل اتلفتت ع ايهم : المكان واضح انو رهيب❤️
ايهم:في النهاية م ارهب منك 😉
اسيل:حافتري انا بحركاتك دي😂
ايهم:يحق ليك انك تفتري اساسا
نزلو وهم بضحكو الشباب فتحو الشقة وادو ايهم المفتاح ودخلو معاهم الشنط واتحركو ،،لفو مسافة في الشقة بعدها اسيل دخلت غيرت ملابسها بي بنطلون قطني اسود وفنيلة سوداء باكمام طويلة فيها كتابة بالاصفر لمت شعرها بي مشبك وطلعت لايهم:انا جعانة حامشي اشوف حاجة اجهزا وانت ادخل غير
ايهم:طيب حلو
دخلت المطبخ وبدت تعمل بيتزا بالجبنة والزيتون
ايهم جا طالع من الحمام لقاها واقفة وبتعمل جا طلع ليها في المصطبة وقال :حناكل بيتزا اتحمست انا جعان شديد😂
اسيل:امشي شغل الفرن طيب لحد م اخلص
ايهم:ي زولة ابيت م بعمل
اسيل:ايهم ياخ قوم 😂
ايهم:طيب قمت
ايهم مشا شغل الفرن واسيل دخلت البيتزا في الفرن قعدو في كراسي في المطبخ وانتظروها لحد م تطلع
ايهم:حنمشي متين ونلاقي احمد بموضوع الشغل؟
اسيل:اتناقش مع احمد واوريهو انو نحنا جينا وكدة وبعدها نحدد يوم
ايهم:هاتي رقمو انا حاتفاهم معاهو م ضروري تتكلمي انتي معاهو
اسيل باستغراب;تمام
ومدت ليهو تلفونا شال منو الرقم
بعد مسافة طلعو البيتزا وقعدو اكلو وكل واحد دخل غرفتو اسيل رتبت ملابسها ورقدت في السرير وهي بتفكر ايهم ليه عمل كدة وليه م عايز انها تتكلم مع احمد هل لانو بحبها او كاي زوج م عايز زوجتو تتكلم مع غيرو تاني قالت في نفسها اصلا لو بحبك كان اعترف ليك م اهو اتزوجنا وانتهينا 🙂
عند ايهم كان برضو بفكر يعترف ليها كيف ومتين ،،متين حيقدر يقول ليها م تتكلمي مع زول غيري لاني جد بغير💔 تعب من التفكير وع طول نام
ــــــــــــــــــــــــــــــــــــــــــــــــــــــ
قاعدين في المكتب وبتونسو
لين: ي حليلا اسيل ياخ اشتقت ليها
صفاء:وانا كمان والله خليها ترتاح يومين ونكرها بالتلفونات😂
جاهم صوت محمد: مرة اخوي والقصيرة اشتقتو لي اسيل برضو؟
صفاء حمرت ليهو: محمد بنختلف والله🙂
لين:بطلو مناقرة واي اشتقنا ليها شديد
محمد:البيت بايخ من غيرا اتعودنا ع وجودها فيهو 💔
صفاء:حترجع يخ بطلو نفسنة
محمد:بالمناسبة ي لين ايمن اتصل لي وطلب اذن انو يسوقك معاهو 😂
لين:يسوقني وين؟
محمد: والله م عارف بس طلب اذن انو تطلعي معاهو وتقريبا حيكون قرب يصل هنا
قبل م يخلص كلامو تلفون لين ضرب وكان ايمن وقال ليها انزلي لي انا جنب الشركة
صفاء:ايامك والله استمتعي😂
لين:بطلي حركات 😂
صفاء:انا لي الله بس
لين طلعت وصفاء قعدت تواصل في شغلها
محمد:م نفسك تاخدي اذن وتطلعي انتي كمان ي قصيرة؟😂
صفاء:محمد بطل تقول الكلمة دي وبعدين اخد اذن علشان اطلع وين
محمد:تطلعي معاي🌚
صفاء:بالجد؟
محمد: اي زهجت من الروتين اليومي والشغل نطلع نلف بالعربية شوية؟
صفاء: تمام يلا
طلعو هي ومحمد ومشو مطعم قريب للشركة طلبو عصير وفضلو يتونسو
محمد:والله ي قصيرة طلعتي ظريفة
صفاء:انت الطلعت بتعرف تتونس ي غياظ😂
محمد:هسة انتي قاعدة بايرة كدة ليه وصحباتك وحدة عرسوها والتانية قربت تعرس
صفاء: م لقيت الزول الانا عايزاهو اعمل شنو يعني😂
محمد:وانتي عايزة زول يكون كيف؟
صفاء:م عارفة بس عايزة زول يحبني شديد ويعرف يحتويني دايما ويكون مجنون وحياتنا تكون كلها ضحك لاني م بحب الزول الجادي دايما😂💔
محمد:ظاهر انك م بتحبي الجدية اساسا😂
عند لين وايمن
ايمن:ها قلتي شنو؟
لين:انت مستعجل ليه
ايمن:مستعجل عشان عايزك تكوني معاي وقدام عيوني كفاية فترة الخطوبة دي ❤️
لين:وانا عايزة اكون معاك بس اول حاجة زي م وريتك عايزة اوسع لي ابوي دكانو واظبط كم حاجة في البيت والايام دي جارية ورا المواضيع دي فاول حاجة خلي اسيل تجي وبعدها نفتح موضوع العرس 💛
ايمن:حاضر ي قلبي م وراي حاجة غير اني استناك🌹
لين:ايمن انت حلو شديد ع فكرة☹️❤️
ايمن:باقي حلاوتك ي استاذة😉❤️
لين:ياخ بخجل 🙈
ايمن: الخجل لايق عليك💛
ــــــــــــــــــــــــــــــــــــــــــــــــــــــــــــــــــــــــ
واقفة قدام المرايا وبتعمل في ميك اب لحد م جراها من يدها ووقفها قداو وهو بعاين ليها
ادم: اخخ انتي ليه حلوة كدة ❤️
هبة:باقي حلاوتك ي قلبي😉❤️
ادم:نفسي انكش ليك شعرك🙂
هبة;والله ي ادم ببكي ليك انا تعبت من حركاتك دي🥲
ادم: خلاص ي شينة م تكشري😂❤️
هبة:زح طيب خليني الف طرحتي
زحت منو ولفت الطرحة وشالت شنطتها
ادم:مشينا؟
هبة:م ممكن امشي براي؟
ادم:لا م ممكن السواق بجي برجعك بعدين وهسة ارح معاي اول يوم ليك في الشغل وعايز اوصلك بنفسي😉❤️
مسكا من يدها ونزلو بعد مسافة وقفو قدام صيدلية ،،ادم نزل مع هبة والمحل كان جاهز بس هبة تبدا شغل طوالي
ادم وهو بقرصا من خدودا:موفقة حبيبتي❤️
هبة:وانت كمان يباش مهندس ادم❤️
ضحك وودعا واتحرك ع عربيتو
هبة بدت شغل وكانت متحمسة شديد ،،شالت تلفونا وبقت تتصور ورسلتهم لاسيل:عارفاك م داخلة بس الليلة اول يوم شغل لي❤️
ــــــــــــــــــــــــــــــــــــــــــــــــــــــ
عند اسيل
صحت الصبح وصلت ودخلت الحمام غيرت بي بنطلون جينز وتشيرت كبدي عملت شعرها جمايكتين ونزلت المطبخ جهزت الشاي وكيكة الشكلاتة 🤎دخلت غرفة ايهم لقتو بصلي
طلعت جابت الشاي في الصالة وفتحت الشاشة وبقت تتفرج لحد م ايهم جا طالع
ايهم: صباح الخير 💕
اسيل:ي صباح النور ❤️
ايهم:كيكة الشكلاتة ومن يد اسيل اكيد حيكون صباح النور 😂❤️
اسيل:تعال اقعد ي باشا قلت ليك حافتري انا😂
ايهم:قلت ليك من حقك والله😉
قعدو بيشربو الشاي وايهم قال لاسيل :بعد الشاي اجهزي علشان حنطلع
اسيل:طيب تمام
بعد خلصو كل واحد دخل يجهز
اسيل لبست اسكيرت زيتي فيهو فيونكة من قدام وشكت معاهو تي شيرت ابيض نصم كم كانت لابسة سلسل الفضة ولبست اسبورت ابيض❤️خلت شعرها جمايكتين وعملت ميك اب خفيف ونزلت لايهم لقتو لابس بنطلون جينز وقميص كحلي واسبورت ابيض❤️
ايهم: حيفتكروني طالع احنك معاك م راجلك😂❤️
اسيل: م مشكلة نحنك برضو😂
ايهم:هو انا لاقي ومدا ليها ايدو مسكت يدو وطلعو ع العربية❤️
اسيل;حنمشي وين ؟
ايهم:حدائق بوتشارت
اسيل:ي الله حلو❤️
بعد مسافة وصلو وايهم مسك ايد اسيل ودخلو الحديقة مع بعض❤️
الحديقة كانت جميلة شديد فضلو لافين فيها وهم ماسكين ايدين بعض وم خلو صورة م اتصوروها❤️كان في ممر وسط زهور ونباتات كتيرة وجسر ممدود فوق الزهور ايهم واسيل كانو ماشين فيهو وبعاينو للنباتات تحت :
اسيل:انا مبسوطة جدا المكان رهيب وهادي🌻💛
ايهم:وانا مبسوط بيك❤️
اسيل:شعور متبادل😉❤️
قعدو في وحدة من المقاعد وبتفرجو ع الجو الجميل والسياح ماشين وجايين
ايهم: اسيل عايز اسألك
اسيل:اسأل
ايهم:انتي مبسوطة معاي؟عارف انو الزواج م كان ضمن اولوياتك واتفرض عليك انتي قبلتي علشان انا ايهم ولا علشان ابوك ؟
اسيل انتهدت وهي بتعاين لايهم;انت عارف ابوي م كان حيجبرني بالمعنى الحرفي ،،انا الزواج كنت رافضاهو كفكرة وتقدر تقول قبلت الفكرة لانك انت اتختيت كخيار ضمنها وم اعتقد اني حالاقي احسن من ايهم حسن❤️+بالنسبة لاني مبسوطة فانا مبسوطة جدا 🌹❤️
ايهم:ودايما حتكوني مبسوطة باذن الله
اسيل:اقدر اوجه ليك نفس السؤال؟!
ايهم:مم تقدري تقول انا كنت شايل الفكرة من راسي تماما ولم لقيت العروس حتكون انتي م قدرت افوت الفرصة الصراحة،،في زول بيرفض انو يقعد مع وحدة حلوة زيك؟😂❤️
اسيل: بقيت بخجل انا😂❤️
ايهم: اصلو الجميل طبعو الخجل😉❤️
ــــــــــــــــــــــــــــــــــــــــــــــــــــــ
ادم:شنو ي وائل لاقي ايهم مافي عايز تتهرب😂
وائل:ي باشا انت مالك بتاع حركات كدة😂💔
ادم:وريني عايز تمشي وين قبل الدوام ينتهي بي ساعة 😉
وائل: لم الموضوع يظبط حتعرف ويلا لي بعدين😂
ساق عربيتو وهو بتبسم الطريق كلو وشغال يقول:ايهم لو كان في كان معطوني هو وادم 😂
بعد مسافة وقف قدام جامعتها واتكا ع العربية فضل شغال بي تلفونو لحد م شافا طالعة مع صحباتها انتبهت ليهو ودعت صحباتا واتوجهت عليه
ريم:وائل ؟بتعمل شنو هنا ؟
وائل:جيت ماري بي هنا وحبيت اوصلك
ريم:مم طيب ظريف
ركبت معاهو واثناء م هم في الطريق
ريم:م اتكلمت مع ايهم واسيل من مشو؟
وائل:غانجين والله مافي زول عبرنا😂
ريم:ايامهم والله😂❤️
اتونسو مسافة بعدها وائل رجع البيت دخل غرفتو وفضل يفكر فيها شال تلفونو ورسل لايهم في الواتس :ي بني ادم كفاية غنج وحركات اظهر عايزك في موضوع
ــــــــــــــــــــــــــــــــــــــــــــــــــــــــــــــــــــــــ
بجهة ناس ايهم:
طلعو من الحديقة وفطرو في مطعم ظريف ،،ايهم وقف العربية في الباركن وفضلو انهم يتمشو ،،ايهم مشا وغير شرايحهم وبعدها رجعو الشقة ،،اسيل فتحت الواتس ولسه كانت مسجلة بالرقم القديم شافت صور هبة وردت عليها;قمراية حبيبتي موفقة❤️
بعدها ايهم شاف رسالة وائل واتصل ليهو
ايهم:اشتقت ليك عديل والله😂
وائل: بقيت غناج وسافهنا😂
ايهم;الواحد م يغير جو يعني😂بعدين احكي موضوع شنو دة
وائل:خطفت قلبي
ايهم:لا دقيقة تطورات والله دي منو دي ؟
وائل:ريم بت عمك❤️
ايهم:بتهظر والله
وائل:ابدا جادي كل الجدية
ايهم:من متين خطفت قلبك كدة
وائل:من ايام عرسكم وبعدين اديني اسيل م في زول حيفهمني غيرا😂
ايهم:انت كدة قاعد تتغزل في مرتي وبت عمي م بنديك ليها🙂
وائل:بطل حركات واديني ليها
ايهم طلع لقا اسيل في الصالة وماسكة تلفونها اداها التلفون وقال ليها د وائل
وائل:حقت ايهم شنو لكن الجفا دة😂❤️
اسيل:وائل ي وائل جفا شنو كمان هو نحنا نقدر😂❤️
وائل:لالا نهاي 😂انا قاعد احب
اسيل ابتسمت;م اتوقعت بالسرعة دي بس دي منو ؟
وائل:معناها انتي عارفة البت 🌚
اسيل:ممم خمنت بس برضو قول😂
وائل:ريم❤️
اسيل:كنت متاكدة 😉❤️
وائل:طول عمرك ذكية 😂❤️
بعد قفلو من وائل ايهم قال لاسيل:وانتي كيف عرفتي ؟
اسيل:باين من حركاتو وهظارو معاها ركزت معاهم في الحفلة 😂❤️
ايهم:لالا شفيفة وبتفهمي😂
اسيل:واحتمال يكون في ثنائي تاني قريب🌻💛
ايهم:ديل منو؟
اسيل:م واثقة تماما بس احتمال ولو ظبط حتعرفهم 😂❤️
"كانت ك سينشي تماما تفهم حب الاخرين من نظراتهم الا امام عينيه كان يصيبها الغباء المفرط 🙂💛"
لها بقـية 💕
