.......... ........................ ................................ ......................... ......................
واقفة في المطار وبتعاين من جهة للتانية ،،فجاة عيونها وقعت ع اخوانها من غير م تحس دموعا نزلو كانت بتبكي وبتضحك في نفس الوقت❤️،،قامت جارية عليهم وارتمت في حضنهم ،،رغم كبرها ونضجها وشخصيتها العاقلة احيانا الا انها كانت من جواها طفلة ومعظم تصرفاتا طفولية💜،،اخوانا لم شافو دموعا حاولو يهدوها
ايمن:شنو يا من بدايتا كدة😂
محمد:ارفعي راسك دة خلينا نعاين لوشك دة مشتاقين ليك والله😂❤️
زحت منهم ومسحت دموعا باطراف اصابعا
اسيل:انتو لسه في حركاتكم دي؟
ايمن:ياتو حركات؟🌚
اسيل وهي بتضربو في كتفو:مستهبلين زي م انتو من زمان😂
ايمن وهو بيضمها عليهو:اخوان منو عشان م نطلع مستهبلين؟😂
اسيل:نننن غياظ🌚
طلعو من المطار وهم بيشاغلو في بعض واسيل كانت بتعاين حوليها والفرحة باينة في عيونها❤️
ركبو العربية واتحركو ع البيت،،وطول الطريق اسيل بتعاين بالشباك وتبتسم💕
محمد:مبسوطة شديد شايفك❤️
اسيل:جدا والله
ايمن:نحنا المبسوطين بيك ي جميل☹️❤️
اسيل:حبايبي انتو اصلا😂❤️
محمد: ابوي حاليا في الشركة انا اتهربت منو 😂اوصلي البيت وارتاحي ونحنا حوالي الساعة 4 ونص او خمسة كدة حنرجع البيت
اسيل:طيب تمام❤️✔️
وصلوها البيت ونزلو معاها حاجاتها وكل واحد اتحرك ع شغلو
دخلت غرفتها لقتها مرتبة زي م هي خلتا بالضبط كل حاجة في مكانها وحتى مكتبتها الصغيرة البي طرف لسه زي م هي❤️🌹
اول حاجة عملتها انها اتدوشت وغيرت ملابسها بي بنطلون قطني ابيض وتي شيرت نص ردن باللون الاصفر الغامق💛خلت شعرها مفكوك ونزلت المطبخ ،،لقت الشغالة نضفت البيت وعايزة تطبخ ،،سلمت عليها بطريقة حلوة وهي مبتسمة
اسيل:م تطبخي حاجة ع الغدا انا حارتاح شوية واجي اعمل الاكل❤️
:طيب ي بتي الله يديك العافية❤️
ابتسمت ليها وطلعت علي غرفتها ونامت من غير م تحس❤️🌹
.................................................................................................................
شادن:انا زهجت من لف السوق الكتير دا يخ😑
مزن:وزياد وماجد زاتهم زهجو😂
شادن:المشكلة العرس قرب ونحنا جهزنا فساتين الحنة بس🌞💔
مزن:نفتش لينا قصة حلوة من النت ونشيل القماش ونمشي نفصلهم قبل الوقت يجي
شادن:الا كدة
مزن:دقيقة اشوف كان عندي قروباات بنزلو فيها موديلات
بقو يفتشو في الصور لحد م اتفقو ع القصة الحيعملوها
مزن:اها نضرب لي ناس ماجد يجونا الصباح؟!
شادن:لا نمشي برانا🌚
مزن:ي زولة احسن هم زاتو زهجو من لفنا الكتير دة
شادن:اي احسن ومنو نختار ع راحتنا وم نرتبط بزول
مزن:ظابط اصلا انا بايتة معاك😃
شادن:هوي تبيتي وين قومي ارجعي بيتكم🌞
مزن:جابت ليها طرد كمان ؟!اتلمي يبت هوي
وخلتا ونزلت تحت بقت بتتونس مع حسن واميرة وايهم جا داخل
مزن:م شفتي ي خالتو بتك طردتني🙂
اميرة:ي بتي شادن دي م تشتغلي بيها
شادن:دي شنو الحركات دي ي حجة😀
حسن:بطلي عمايلك دي مزن تقعد وانتي تطلعي طوالي لو م عاجبك😂
ايهم:في شنو عاملين غلبة ليه😂
مزن:دي اختك دي بتطرد فيني🌞
ايهم:عيب عليها والله😂
شادن:انت اسكت🌚💦
مزن:اها لسه عندك نية انك تطرديني؟!🤓
شادن:للاسف النية قاعدة بس م باليد حيلة لم ابقى اعمل بيت م حاخليك تدخليهو اساسا😂
مزن;حقيرة🌞💦
ايهم:البنات وامورهم🙄
شادن:حركات ماجد وزياد دي م تعملا لينا😀
مزن: حال الاولاد كلهم يبتي😂
ايهم:لانكم بالجد بتاعات امور😂
شادن:م علينا المهم ادم جاي متين؟!
ايهم:يومين تلاتة كدة
شادن:تمام
ايهم:جهزتو اموركم ولا لسه؟!
شادن:م فاضل كتير
اميرة:حاولو اخلصو بكرة قبل الزمن يضايقكم
مزن:اي ان شاء الله
......... .... ..................... .......................... .................... ...................... ...................
"مؤمنة جدا بمقولة ان الله اذا احب عبدا ابتلاه..لذا لا اعتراض ع حكمه فرب الخير لا يأتي الا بالخير❤️🌹" ليـن
كانت في غرفتها ومعاها امها
لين:ي امي الله يخليك افهميني
سوسن:افهم شنو؟وريني سبب رفضك انتي ي لين عشان اقدر افهمك
لين:كدة ي امي م عندي رغبة اني اتزوج
سوسن:ليه؟في زول في حياتك مثلا!!
لين:زول منو بس ي امي يخ من متين انا بخبي عنك حاجة
سوسن:غايتو ي بتي م عارفة اقول ليك شنو البريحك بس
لين وهي بتبوس راس امها:ربنا يخليك لينا❤️
سوسن :ويعقلك ي بتي
ضحكت بعد امها طلعت ومسكت تلفونا لقت صفاء مرسلة ليها وبقت تدردش معاها
كانت مرتاحة جدا وموكلة امورها لربها وكل م صفاء تحاول تقنعا تكلم اهلها كانت بتقول ليها:الكاتبه ربنا هو الحيكون❤️🌹
......................................................................................................
لافين في السوق ليهم قريب الساعتين مشو محل التفصيل واتفقو ع القصة وموعد التسليم وطلعو يطقمو الشباشب وشوية اكسسوارات
مزن:نحنا لم نعرس حنعمل شنو طيب ؟
شادن:حتلفي اضعاف اللف دة 😂
مزن:انا جعانة 🙂
شادن:وانا كمان والله ارح نمشي ناكل في اي حتة ونطلب ترحال ونرجع
دخلو اقرب مطعم لاقاهم واثناء م هم بياكلو تلفون شادن ضرب
مزن:ماجد تاني صح؟!
شادن:اي ياهو دي المرة الرابعة يضرب من الصباح🌞
مزن:انا بتاعي صامت استني اطلعو ..هيي يهناية انا زاتي ضاربين لي😂😭
شادن:الليلة البل مرسل لي رسالة عادية
مزن:وكاتب شنو؟!
شادن:ردي ع الزفت دا انتي ومزن
وقبل م تكمل كلامها رجع اتصل
مزن:هوي ردي م ناقصين نحنا
شادن:اا الوو
ماجد:وين انتو؟!
شادن:اااا ممم في في السوق😐
ماجد:والله؟!ورجعتو ولا لسه؟
شادن:لسه في المطعم بنفطر وحنطلب ترحال
ماجد:ياتو مطعم؟
وصفت ليهو المحل
ماجد:استنو محلكم ي شادن وم تتحركو وقفل في وشها
شادن:والليلة 🙂
مزن:قال شنو؟!
شادن: خليكم فمحلكم وم تتحركو🌞💔
مزن:ووووبببب الليلة حيزفنا زفة
بعد ربع ساعة كان ماجد وزياد واقفين ليهم قدام المطعم طلعو وركبو معاهم وم في زول اتكلم مع التاني
مزن وهي بتهمس لشادن:ديل زعلانين بالجد؟
شادن:شكلهم🌞
مزن:هيييي
شادن:م نفسكم تتكلمو معانا
ماجد:وانتو خليتو حاجة تتقال؟!
زياد:حركتكم بايخة جدا ع فكرة
شادن:م قصدنا نحنا بس م حبينا نتعبكم
مزن:خصوصا بعد امس يعني براكم شفتو موضوعنا طويل جدا
زياد:من البداية كان اتفاقنا اننا حنمشي مع بعض الاتغير شنو؟!
ماجد:كنتو كلمونا ع الاقل انكم ماشين كان احسن من المهزلة العملتوها دي
مزن وشادن عاينو لبعض وسكتو
وصلو مزن واخر حاجة وصلو شادن من غير م زول منهم يتكلم
شادن دخلت غرفتها واتصلت لمزن
مزن:ها م قالو ليك حاجة تاني؟!
شادن:لا 🌞
مزن :ها والحل حنستمر بالبياخة دي كدة؟
شادن:م عارفة نصالحهم بكرة بعد الكورس😂
مزن:لالا جامد ❤️✔️
.......................... ................................................................................
فتحت عيونها وعاينت للمكان الهي فيهو ابتسمت براحة لم لقت نفسها في غرفتها💕،،سحبت تلفونها من الدرج الجنبها وعاينت للساعة كانت 3 الا،،اتوجهت ع الحمام وغسلت وشها رفعت شعرها ضنب حصان ونزلت المطبخ وقفت مسافة وهي بتفكر تعمل ليهم شنو !! بعدها قررت تعمل بيتزا وتعمل معاها كبسة وتجهز اي نوع من التحلية ،،جهزت عجينة البيتزا وبعدها بدت تعمل في الكبسة ،،حوالي الساعة 4 ونص كانت الكبسة خلصت وطلعت البيتزا من الفرن ودخلت كيكة الشوكلاتة العملتها❤️🌹
جهزت كل حاجة ودخلت الكيكة التلاجة بعدها طلعت الغرفة وكانت منتظراهم يجو،،بعد مسافة اتصل ليها ايمن
ايمن:سولا انا جايي ع البيت قربت اصل وناس ابوي شوية وحيجو
اسيل:تمام منتظراكم💛
لها بقيـة💕
