.....................................................
"منتصف الاشياء دائما مميت..ان ترغب ولا ترغب ان تعتاد على شئ وتخاف منه في آّنِ واحد ..ان تتصنع القوة حينا وحينا اخر تشعر بالضعف ..انا كنت هكذا دوما احب عزلتي جدا وفي نفس الوقت يخيفني شعور الوحدة،،اتصنع القوة لكني ابكي وحدي في الخفاء..هذا الشعور مميت حقا💔"اسيـل
فتحت الدش عليها وهي سرحانة وعيونها لونها متغير وحتى انفها احمر بي سبب دموعا ..م حصل يوم نامت وهي مرتاحة دايما بتشوف كوابيس وبتحلم بي امها وبينتهي الكابوس بي بكاها 💔،،خلصت حمامها وطلعت صلت م كان عندها طاقة انها تمشي للجيم بتاعا لانها كانت تعبانة بي سبب نومها الم كان منتظم، ،قعدت قرت شوية قران وهي لابسة عباية الصلاة،،بعدها طلعت المطبخ وعملت لي نفسها قهوة بي حليب وطلعت البلكونة،،الساعة كانت ماشة ع 5 ص الشوارع هادية والجو ظريف،،قررت انها تتمشى طالما م عندها نفس انها تتريض دخلت غرفتها وطلعت بنطلون كحلي وقميص ابيض مخطط بالكحلي فيهو طاقية لبست الطاقية في راسا وشالت تلفونها والهاند فري وطلعت 💕
....................................................
" يؤلمني حقا انني لا استطيع البوح حتى لاقرب الناس إلي،،هل انا افعل الصواب ؟!حقا لا اعلم ان كان قراري صائبا ام لا لكن يبقى الكتمان هو الحل الوحيد✨"لين
كانت قاعدة في الكرسي قدام مكتب المدير بتشتغل شغلها ك "سكرتيرة" رغم انو شهادتا وقدراتها بتستاهل انها تشتغل في منصب اعلى من كدة بس بي سبب الحوجة وافقت ع الشغل دا💔،،كانت قاعدة وفجاة حست بي نفسها بضايقا شديد وحست بي الم في صدرها،،كانت بتشيل نفسها بي صعوبة وملامح وشها انكمشت من الالم ..استمر الالم لي فترة وبعدها بدا يقل تدريجيا..شالت باقة الموية الكانت قدامها وشربت منها،،وبعدها بقت تمسح في دموعا البدت تنزل💔
...........................
...........................
واقف قدام المراية وهو لابس بنطلون جينز وبودي باللون الابيض فوق ليها جكت بدلة باللون الكبدي واسبورت ابيض انتهى من تسريحة شعرو المعتادة بعدها مد يدو ع العطر كلمسات اخيرة وقبل م يطلع لبس ساعتو السوداء وعاين لنفسو في المراية بي ابتسامة خلت غمازتو تظهر بشكل ملحوظ💕
طلع من غرفتو واتوجه لي غرفة اختو فتح الباب بي حركة بطيئة وحاول يكتم ضحكتو من منظرا كاتت راقدة ع بطنها وجادعة كل رجل في اتجاه وفاكة شعرها الكان مغطي وشها😂قرب ع سريرا وشال المنبه ختاهو ليها في اضانا وشغلو 😂قامت مخلوعة وبقت تصرخ وهو بقى يضحك
شادن:ايهههم والله م اخليك 😠
ايهم وهو جاري في السلم:البادي اظلم في زول قال ليك ألعبي معاي
بقت تتمتم بي زهج ودخلت الحمام
اما ايهم ركب عربيتو واتحرك ع الشركة اول م وصل الشركة اتلاقو هو وائل كل واحد نزل من عربيتو ومشى باتجاه التاني
وائل:اوووو حبيبنا
ايهم:ابو الشباب كيفك بعد سهرة امس😂
وائل:والله م كنت قايل انو حنجي الشركة زاتو
ايهم:لو م المنبه م كنت فكرت اصحى زاتو
واصلو ونستهم ودخلو الشركة واتوجهو ع مكتبهم
.....................................................
عند اسيل:
طلعت من العمارة الفيها شقتها فضلت ماشة زي ربع ساعة وصلت حديقة عامة قعدت في وحدة من الكنبات وشغلت موسيقى بي تلفونها،،وبقت بتتصفح الميديا بي ملل بعدها نشرت بوست في الفيس "تجبرنا الظروف على ان نكبر رغما عنا م يكبرنا حقا ليس العمر وانما الظروف!!"
عاينت للساعة كانت 5 ونص فكرت تتصل بي ابوها ونسبة لي فرق الوقت بين كندا والسودان الساعة عندهم حتكون تقريبا 10 وفعلا شالت التلفون واتصلت لي ابوها
اسيل:بابا صباح الخير💕
عبد الحميد:صباح شنو ي بت نحنا خلاص حنفطر بعد كدة
اسيل بضحكة:دايما بتنسى الفرق في الوقت نحنا ياداب هنا 5 ونص
عبد الحميد:اي فعلا في فرق في الزمن .اها بتعملي شنو؟!
اسيل:ولا شي طلعت اتمشى شوية بس
عبد الحميد:رايك شنو تجي راجعة السودان شوية نحنا زاتنا اشتقنا ليك
اسيل:مممم حاليا م بقدر وانا كمان مشتاقة ليكم بس شوية كدة وحاجي
عبد الحميد :طيب ي بتي اليريحك❤️
عبد الحمبد بعد م قفل من اسيل محمد جاهو في المكتب
محمد:كنت بتتكلم مع اسيل شكلك
عبد الحميد:اي ياها اسيل.. م عارف حاسي بيها وحيدة وزهجانة براها هناك
محمد:طيب خليها تجي هنا فترة
عبد الحميد:عرضت عليها بس قالت تاخد وقت وحتجي
محمد:طيب نخليها ع راحتها انت عارف اسيل عنيدة وم حتسمع كلام زول وان شا الله حتقتنع براها وحتجي
عبد الحميد:ان شا الله
.................................................
اسيل بعد خلصت المكالمة مع ابوها قامت رجعت الشقة بتاعتا وبعد مسافة كانت واقفة قدام المراية كانت لابسة اسكيرت اسود تحت الركبة بشوية ومعاهو قميص ابيض شك وفوق ليهو جكت كحلي غامق وجزمة كعب بنفس لون الجكت وفكت شعرها وجابت جزو منو بي قدام واتعطرت وشالت تلفونا ومفتاح عربيتا ونزلت ..وصلت الشركة ونفس الروتين اتبادلت التحية مع الموظفين ودخلت مكتبا وبدت تراجع في الملفات القدامها قطعت شغلها ورفعت راسها من الملفات لم هاندا جاتها داخلة: انسة اسيل توجد مشكلة
اسيل:ماذا حصل؟!
هاندا:السيد ياسر الذي اتى عن طريق والدك كان اليوم هو اليرم المحدد لسداد القرض ولكنه رفض التسديد
اسيل:هل حقا رفض؟!
هاندا:اجل
اسيل:حسنا انا ساتصرف اخبري الامن ان يجهزو سيارتي ودعي المحاسب يلحق بي بملف السيد ياسر
لمت الملفات الكانت قدامها وطلعت لقت العربية جاهزة والمحاسب جا ومعاهو الملف واتحركو ع شركة ياسر واول م وصلو اسيل طلبت من المحاسب يقعد في العربية ولم تتصل ليهو يطلع ليها في مكتب ياسر نزلت من العربية ودخلت الشركة
السكرتيرة: ي انسة هل لديك موعد؟!
اسيل م اشتغلت بيها كتير ولزت مكتب ياسر ودخلت
ياسر لم شافا ابتسم واشر للسكرتيرة انها تطلع
ياسر:اوووو اسيل بي حالا 😉
اسيل رفعت حواجبا بي ملل وقعدت في الكرسي: ممكن افهم ليه م عايز تسدد ديونك؟!
ياسر:كنتي مفروض تكوني اذكى من كدة
اسيل:قصدك؟!
ياسر:قصدي انو انا لم جيت من طرف ابوك م خليتيني اوقع ع وصل امانة او اي حاجة بالشكل دا ف بالتالي ي اسيل م عندك اثباات انو انتي عايزة مني قروش
اسيل بي ضحكة:متاكد؟!
ياسر:انتي شكلك بتنسي كتير م متذكرة حتى انك م خليتيني اوقع لا ع وصل امانة ولا حتى شيك
اسيل م ابدت اي ردة فعل بس شالت تلفونها واتصلت بالمحاسب :دقايق ونتفاهم ي استاذ ي ياسر
فجاة باب المكتب اتفتح وكان المحاسب اسيل عاينت ليهو بي ابتسامة ومسكت الملف من يدو وياسر م كان فاهم حاجة
اسيل:صح انا م خليتك توقع ع وصل امانة ولا حتى شيك بس شكلك انت البتنسى وم بتركز حتى وصل الاستلام الوقعت عليهو مكتوب عليهو انك حتسدد خلال المهلة المحددة ومع الفايدة كمان
ياسر بي صدمة:كييف؟!
اسيل عاينت ليهو بي ثقة:م انا البيتلعب معاي بالطريقة دي
وعاينت للمحاسب:احسب للسيد ياسر الديون التي عليه وطلعت من المكتب بعد مسافة جا وراها المحاسب وهو شايل المبلغ واتحركو ع الشركة
.....................................................
في شركة ناس ايهم كانو هو وائل بيراجعو في ملفات مهمة فضلو اكتر من ساعتين بعدها قاطع صمتهم وائل
وائل:شغل الاعمال دا متعب شديد😑
ايهم:شديد والله انا هسة مصدع ارح الكافتريا عايز قهوة
اتحركو ع الكافتريا وطلبو قهوة وبقو يتونسو
وائل:وسام رسلت لي وقالت الشباب عاملين طلعة بالليل
ايهم:الليلة م حاقدر وم تنسى انو عندنا ساعتين زيادة الليلة عشان نخطط للمشروع الدخلنا فيهو دا
وائل:حتى انا م اظن امشي قلت لي وسام حاوريك بعدين اذا حنجي وبعدين هي قالت انها بتتصل ليك وانت م رديت عليها
ايهم:تلفوني كان صامت 🌚
خلصو قهوتهم وطلعو ع شغلهم
................................................
كالعادة كانت راكبة عجلتا بس المرة دي غيرت المكان الماشة ليهو وصلت كافيه فاتح في الشارع الرئيسي وقفت عجلتها جنب عجلات اصحابا ودخلت
ميجو:كالعادة ي شادو بتجي اخر وحدة😏
شادن:طالما انت متعود بتنق مالك🙄
مزن:بقولو صباح الخير اول😂
شادن وهي بتضربا في راسها:الساعة قربت ل 11 صباح شنو تاني
زياد:وانت المنومك للساعة دي شنو😹
شادن:ايهم قطع لي نومتي ورجعت واصلت😂
ميجو:لسه م طلبنا نحنا ها تشربو شنو؟!
شادن:كالعادة نسكافيه بي حليب
طلبو وقعدو يتونسو بعدها مشو محل الايسكريم وكل واحد اختار نكهتو
...........................................
رجعت البيت وباين ع ملامحها التعب لقت ابوها وامها قاعدين قالت ليهم السلام عليكم وكانت متوجهة ع غرفتا بس ابوها ناداها
عبد الله:لين ي بتي انتي الايام دي مالك؟!
لين:اااا ولا شي ي ابوي
سوسن:لي كم يوم كل م اسالا ياهو نفس جوابا دا
لين:لانو بالجد م في حاجة
عبد الله:ي بتي شنو م في حاجة صحتك ماشة في النازل وباين عليك تعبانة
لين:ضغط الشغل بس ي ابوي
"لين 21 سنة" خريجة محاسبة ابوها عبد الله عندو دكان صغير في الحلة وامها ربة منزل "حنتعرف عليها اكتر لي قدام
...............................................
اسيل بعد م خلصت من الشغل رجعت لي شقتها المكان الوحيد البتظهر فيهو ع حقيقتا والمحل الوحيد البتقدر تبكي فيهو من غير م تتصنع انها قوية دخلت غرفتها غيرت ملابسا ولبست بجامة رياضية واتوجهت ع الجيم بتاعا طلعت ع الة المشي وبعدها عملت كذا رياضة لحد م تعبت دخلت اخدت ليها شور واتوجهت ع المطبخ وعملت لي نفسها بيتزا وعصير فراولة بي حليب قعدت في الصالة وشغلت الشاشة وبقت تاكل وتقلب في القنوات بعد خلصت اكل حيلها كان مهدود فطوالي دخلت غرفتها واستسلمت للنوم💛
لها بقيـة💕
