❤️ تزوجت_ابنة_عرشي ❤️

01

الحلقه 1
Riz zilia ❣️

هزت روحها بشوي لبست الحايك متاعها . حطت كحل في عينيها .. لبست خلخالها غطت وجهها و وقفت في نص بيتها . تو الفاس طاح في الراس معندها ما تعمل .... كبست على يديها .. رجليها خانوها مش منجمة لا تعمل خطوة لقدام ولا ترجع خطوة لور .... تسمع في البارود والخيالة لتحت ... تسمع في زغاريط النساوين ... وتسمع في دقات قلبها لي تمنات ياقف وتهزها الموت في اللحظة هاذي قبل ما تخلف بوعدها لحبيبها وروح قلبها زياد .. علاش المكتوب فرقهم ...علاش مجاش ومحاربش على جالها ..مش كان يقول نحرق الدنيا على جالك ..شبيه تو مفماش خبر منو ....تعرف لي قصتهم شبه مستحيلة. .. بحكم العداوة لي بين العيلتين ... أما هي كانت مستعدة تتحدى الأعراف على جال زياد ... أما هو لتو ما عمل حتى شي ....
. تسمع في صوت حثلة من برى مع خبطة العكاز ... عرفت لي بوها طالع ليها ... غمضت عينيها و استسلمت لواقعها ... الكلهم فرحانين باش يزفوها عروس ..... أما هي باش تتزف لقبرها ...
نزلت دمعة من عينيها .. وقت دخل بوها ...سي عمار و ما ادراك ... راجل وكبير العرش ... و كلمتو متصيرش إثنين ... . خبط عكازو على الأرض و يد وحدة حطها ورا ظهرو ..
اليوم باش نخرج نوارة داري و صغيرة بيتي .. باش تكون من اليوم تحت جناح راجلك ..باش طيعو و تصونو ... و لو على الموت تلاقي روحك قبلو . باش تكون بنت عمار كيف ما ربيتك باش ترفعلي راسي في العرش . كيف ما عملو خواتك .. تلفت للباب و حلو على طولو .. و هز يدو طلعها لحافة الباب ...و هكا خرجت اريناس تحت جناح بوها عروس .. تلفتت ليه شدت يدو باستها و خلات دمعتها نازلة عليها ...و تلفتت للدروج نازلة و رنة خلخالها سابقتها .