❤️ تزوجت_ابنة_عرشي ❤️

35

35

قاعدة في الأرض .. دموعها سبالة ..محبوش ياقفو ...
يمكن تو وين فهمت لي حس بيه اسد .. . وقت عرف بعلاقتها.. بزياد ... تو وين فهمت شمعناها تتعرض لاخيانة من اقرب الناس ليك ... أما لا ... مش عذر .. وقت غلطت مع زياد .. هي مكانش تربطها علاقة باسد ...
حتى وكانت متسمية عليه ...هي عمرها سمحت لزياد يلمسها ... ..
أما أسد خانها ... خانها وهي مرتو .. خانها مع مرى أخرى ... علاش زعمة حب ينتقم منها ... حب يذوقها من نفس الكاس ... أما هو بعملتو كسرها و عفس على انوثتها .
هزت روحها و دخلت للدوش .. عملت دوش فماش ما تهدي اعصابها . خممت وخممت معندها ما تعمل ..في العرش اذا الراجل غلط ..لمرا تخلص وتتحمل ومتنجم تشتكي لحتى حد .. لانو الكلمة وحيدة لي يقولوها تحمل ومتخربش دارك .... خلي عاد كان تطلق أو تنوي تطلب الطلاق . باش يقيمو عليها الحد و تتنفى من العرش . للزريبة باش تولي خديمة . تقوم بلبهايم . و تخدم في الأرض ..
خرجت من الدوش لبست جبة حمرة. .. لمت شعرها كعكة .. و خرجت من البيت .. لقات الدار كالم الظاهر خرجو .. نزلت لتحت .... لقات يسر تنقي في الروز ..
يسر: اختي لاباس ..
اريناس: منعرفش يسر والله لا نعرف إذا اني بخير أو لا ..
يسر: وسع بالك أختي ... أحكي مع راجلك وافهم منو الموضوع ..
اريناس: يسر تنجم تروح تحطلهم لعشا لحقيقة منجمش نقابلهم بحالتي هاذي .. وإذا سالوك خبرهم لي أنا تعبت شوي ورقدت ..
يسر: باهي اختي ربي يقدملك لي فيه الخير