❤️ تزوجت_ابنة_عرشي ❤️

34

34

حلت الباب دخلت .. وعلى تلفيتتها تجيها صدمة كبيرة ...حست شكون صب عليها سطل ماء بارد .... حست الدم جمد في عروقها ... يمكن في هاذ الدنيا تتقبل كل شي ....كان شي واحد ...و هو الخيانة ...أو انك تحس روحك طرف ثالث في العلاقة ...
الدموع تجمعت في عينيها و لسانها ثقال ......
كان واقف في وسط الكوجينة.... و طفلة معنقتو و تبوس فيه ... ...
اريناس: .. ش... شنية لي قاعد يصير هوني .. ...
أسد : ..ا اريناس ... .. أدخل لبيتنا تو نفهمك ... .
اريناس : بدات تصرخ ... شكوني هاذي ... شنية تعمل في داري ...
جرى ليها باش يسكتها ...
اريناس: متمسنيش... رد بالك تحط كسرتك عليا تسمع فيا ... .
وكيلك ربي علي خليتني نعيشو ... برد قلبك .. رتحت وقت جبت وحدة مسخة تبوس فيها في نص داري ..
سمرة: شكون لي مسخة يا لالة ..
تلفت لسمرة خبطها بكف لين طاحت في الارض الدم سال من فمها ...
أسد : حسابي معاك مخلصش ... .
تلفت يلقى اريناس ..جرات لبيتها سكرت الباب على روحها ...
أسد : اريناس .. حل الباب خنفهمك ... لي صار مش كيما ريتو ..
يسمع فيها تبكي بالصوت و تكسر في البيت ..
أسد: اريناس حل الباب احسن ما نهدو عليك ..
جات يسر وقت سمعت الحس ..
شفما خويا اسد ... شصاير .. و على تلفيتتها رات سمرة من بعيد تضحك ... فهمت الموضوع ..
خويا أسد ...اريناس مش باش تفهمك تو .. خليني معاها و وقت تهدى احكي معاها ..
بعد زوج خطوات و سند ظهرو للحيط ... شمازال باش يتعدى على راسو ..