❤️ تزوجت_ابنة_عرشي ❤️

04

الحلقه 4

قاعد يطلع عليها ... عينيها لكبار ..لي مكحلين .. يقطرو بالدموع ... كان في بالو دموع فرحة ودموع أنها خرجت من دار بوها . شفافها لمبوزين ... خدودها المليانين ..لبستها العربي ملحفة شاوية ... مينكرش أنو فيه شي تحرك ..مينكرش أنو أعجب بيها وتنهد .. صحيح ما خذاهاش عن حب .... أما علقليلة طلعت ما احلاها ..يمكن أجمل مرا يقابلها في حياتو .. أما تربيتها فهو يعرف عمو شيسوى ...
على عكسها هي لي ما كانتش تشوف فيه ... تو هي واقفة قدامو .. أما ما شافتش أسد .. هي قاعدة تشوف في زياد ..لحظات تعداو عليها وهي راسمة حلمة مزيانة . أنو ليوم عرسها هي و زياد فاقت من سرحتها كيف ايدو لمست ايدها .. حست نار لسعتها ... وقتها رجعت للواقع متاعها ...لي مقابلها اسد .. أسد ولد عمها ..و راجلها...
شدلها ايدها وحطلها فيها مفتاح الدار متاعهم .. وتلفت لامو .. لي كانت الضحكة مرسومه على وجها ..
امي إنا طالع تو ..... تسحقشي حاجة ...
برا ولدي ربي يهنيك و يفرحك .وريييييي ... أما مطولش على مريتك .
هزلها براسو وطلع كلمة مطولش على مريتك ... هزت اريناس لسابع سماء ودفشتها لسابع أرض ... اللحظة هاذي مجاتش لبالها من قبل .....يعني باش يتسكر عليهم باب واحد ...باش يطالب بحقو ... شنيا باش تعمل ... شنيا باش تقول ... زعمة باش تخليه ياخذ حقو.. لا أكيد لا هي وعدت زياد...بدنها ما يكون كان ليه ... تصدرت نص الحوش ....جهامة من غير روح .. النساوين يشطحو ويغنو أما هي في دنيا اخرى .... تعداو ساعات وبدا العرس يفض .. لي روح لدارو ولي لاهي يفرز في غراض العرس ... .. لحظات وتشوف في أسد داخل من الباب .. يديه مكتفهم ورا ظهرو ... عملها براسو بمعنى ايجا .. كبست على روبتها و قامت بالسيف. ..هو يمشي وهي تلحق فيه .... كان حاسس بيها مش قد بعضها .. كان حاسس بيها متوترة .. أما ميسالش تو يتعودو على بعض .. حل الباب وبعدلها .. طلع في عينيها لي كانو طافيين .. عينيها لي يترجمو كان القهرة والحزن ..... تعدات هي لولة ولحق هوو وراها وسكر الباب ... وتو بالحق صارو تحت سقف واحد .