❤️ تزوجت_ابنة_عرشي ❤️

26

26

دخلت للدار .... وقفت وسط الحوش ... الحوش لي خرجت منو ...وهي متمنية الموت .... الحوش لي كان لازم تخرج منو فرحانة ... الدار لي كان لازم تودعها وهي رافعة راسها ....خرجت منها بذنب كبير ... ذنب مش بالساهل تسامح روحها عليه ......
تنهدت ودخلت للدار ... لقات نجمة و أمها .. وأختها بلقيس .... في الكوجينة يطيبو ويصنفو ....
صباح الخير امي ...
تلاحت عليها تعنق وتبوس .... اريناس هي نوارة الدار و اقرب وحدة منهم الكل ..... سلمت على أختها و على نجمة بي تسأل فيها بعينيها ......... غمضت عينيها طمن فيها ...
فاطمة: وينهو مولى بيتك يا بنتي ... خي مجاش معاك ...
اريناس: لا أمي لحقيقة أسد كان جاي .. أما عيطولو من الخدمة منجمش يخلي الرجال تستنى .. قال تو مبعد يتعدى ...
فاطمة: مبعد:؟؟؟ علاش بنتي مكش باش تبقى هوني
اريناس: وآلله اسد مخلانيش أمي ..قال وقت نكمل خدمتي نتعدى نهزك كهو ...
فاطمة: ميسالش بنتي ... المهم نشبعو من شوفتك ...مزال الأيام كاينين تو ترجع ..
بلقيس: وه امي..داخلة تحقيق على البنت ... تي خليها تقعد و تقلع ملايتها ...
نجمة: هههههههههههه ايجا اريناس ايجا عيش أختي نحي دبشك لفوق و ننزلو نكملو لباقي من لفطور .. الرجال قريب يجيو ...
طلعو مع بعض ....دخلو لبيت اريناس بكري ...
نجمة: طمني شصار ... شعمل معاك ..
اريناس: معمل شي .. خرجني من البيت تو هو يرقد وحدو وأنا وحدي ... يتجنب فيا نتلاقاه كان بالصدفة ... و قت نشوفو يسمعني لكلام ..
نجمة: ميسالش أختي ...حتى لي تعدى عليه مش ساهل ..تعطيلو شوية وقت ... و أنت اكبس روحك باش تكسب راجلك ...
اريناس: مفهمتش ؟؟؟.
نجمة .. اسمعني انت لا.....
فاطمة : تي وينكم منين طلعتو معرفتوش تنزلو . هيا نجمة . اريناس ......
باهي امي هنا جايين ...