❤️ تزوجت_ابنة_عرشي ❤️

19

19
.

نزل لعندها وين كانت ... يديه داخل مكتوبو ...راسو لفوق كيف العادة .... كانت تكنس في لرض .. كل وين تهبط ...داريارها يبرز مع الجبة المهزوزة ... حس بدنو تكبس وتكهرب ... حس دم يدفق بسرعة في عروقو ... حمحم وقرب خطوة ..
أسد: شتعمل انت
اريناس: فجعتني ..وقتاش نزلت من فوق ..
أسد: جاوب ...
اريناس : قاعدة نلم في الحوصة لبنات تعبو
أسد: شنية لبسة لي لابستها ..
اريناس: مافهمتش ....؟؟
أسد: برى للدار و اللبس هذا معادش نحب نشوفو عليك
اريناس : علاش اسد ... شبيه لبسي ... قعد يقرب منها وهي تبعد هو يقرب وهي تبعد ... الخوف بدا يتسلل لقلبها ... نظرتو هاذي تعرفها بلقدا .. لين تحصرت في الباب ...
اريناس: شتعمل أسد ..تو يشوفنا حد ...
أسد:........
عدى يديه على خصرها يمشي فيهم بفيانة ... منو قاعد يتعرف على الشعور لي أول مرة يعيشو و منو يلعب على اعصابها ... ... يمشي فيهم لين لحق وين الجبة مكبوسة .. فكها و تحلت ... تنهدت اريناس من الستراس ... رجع خطوة لور .جبد المفتاح .. حل الباب و تكلم ... المرة الجاية ترد بالك ...الحوش مش متاعك وحدك ...فما لي يدخل و فما لي يخرج انتبه للبستك و فعالك..
قال كلامو ودخل مخليها وراه تندب على حظها الزفت مخها شصورلها وقت كان يلمس فيها و توضيحاتو تو ... تنهدت بقلة حيلة ..ودخلت وراه ...طفات الضوء و مشات لبيتها .