❤️ تزوجت_ابنة_عرشي ❤️

13

13

واقف مصدوم ... كان متوقع أنها تكون مشات .... او أنها هربت لصاحبها .... كان يتوقع أنو تتخلى على كل شيء وتمشي .... أما نتوقعش انو يلقاها مزالها في دار .. خي لهاذ الدرجة وجها صحيح .... لهاذ الدرجة ... معندهاش قدر ... انو قدر و الطفلة طلعت مصوحبة و بكل صحة رقعة ... دافع على صاحبها قدام راجلها ...
تبسم بمسخرة ....و قرب ...
أسد: صحة وبالشفا بابا ...
علي: اقعد تفطر ...
أسد: سبقتكم أنا فطرت قبلكم .. .
لالة ودعة: الله أحد على بنتي .... ماكلتها بنينة .. أنشأ الله يحلي يامكم يا رب ....
أسد: صحة أمي .... أنا باش نغير دبشي ونطلع عندي شغل .. يمكن نطول
لالة ودعة: وه شنيا هالخدمة صباح عرسك يا ولدي. .. مزال باش يجو نساوين مبعد قصعة مرتك ...شنيا باش يقولو
علي: شنية يا مرا ..باش تربط لولد في دار ... خليه يخدم على روحو ... مرتو هوني مش هاربة ... حد ما هو باش ياخذها منو وقت يجي يشبع بعرسو ...
طلعو في نص عينين بعض كلمة مرتو حد ما هو باش ياخذها ..حركت برشا مواجع فيهم ... هي الندم ياكل فيها ..و هو الحقد عاميلو على قلبو .... . هزلهم براسو و مشى لجيهة دارو مخليها تبع فيه بعينيها ..لين دخل .....وقتها نغزتها عجوزتها ....
شبيك مزالك واقفة برى تبع راجلك ...
اريناس: أما ... فطوركم .
لالة ودعة: شيهمك فيه لفطور الحمدلله خير ربي موجود ...قوم لراجلك يا بنتي .. لمرا بلاصتها جنب راجلها ... الراجل يحب لمرا لي تتلهى بيه ... تقربلو شيحب ....و تبعد من طريقو شيكره .... يلزمك تكسب راجلك .... نعرف لي ولدي صعيب و واعر .... نعرف لي هو ميعرفش يتعامل مع لمرا .... أما قلبو حنين برشا .... أنت حاول تكسب قلبو ....و باش تعيش لاباس بيك ... و تو اقلب منظرك منحبش نراك لين يجو نساوين.
تبسمت معاها و مشات لحقتو ... دخلت للدار و قفت قدام بيتها مترددة مبعد خذات نفس و دخلت. ...