❤️ تزوجت_ابنة_عرشي ❤️

32

32
.

طول القعدة عينو عليها .. كفاش تحكي كفاش تفدلك مع خواتها .... ضحكتها لي معبية الدار .. الجو لي عاملتو اول مرة يعرفها عن قريب كيف هك ..
أما لي لاحظو زادة انو فما حاجة بينها و بين محمد ... لانو طول القعدة ما احكاوش ..ول اكدلو أنو وقت محمد طلع هي لحقتو ..
تحجج انو يحب يطلع يحكي مع محمد و لحقها ...
كان واقف من بعيد من أول لحديث يسمع لكلامهم ... او نقولو يسمع لاعترافات الحب متاعها .. كفاش تحكي بيديها و دافع على روحها ...مع كل كلمة تقولها كان يحس في روحو تطلع معاها ... مع كل كلمة نحبو ..كان يحس في سكين تدغر في قلبو ... . أما وقت شاف محمد باش يضربها ..من غير ما يحس ..تنطر جا بيناتهم ...
شد يد محمد وكبس عليها ...
أسد: شنية لي صاير هوني ...
محمد: مشكلة بين اخوات ..ولد العم
أسد: كانت اختك .... أما تو هي مرتي ... ولي باش يقيسها معناها قاسني و باش يلقاني في وجهو .... يومت العرس وقت ريت زروقية بدنها ... فهمت انك هزيت عليها يدك و محكيتش ... أما تو آخر مرة تعملها ولد عمي ... مرتي كيف تغلط معاك أنا نحاسبها ..
محمد: لي بيني وبينها اكبر من عركة خوات ..
أسد: لي بينكم غلطتها مع زياد نعرف ... أما آخر مرة تهز يدك عليها ..
قال كلامو وتلفت ليها ... برى البس باش نمشيو لدارنا ... وانا باش نسلم على بوك ..
هزتلو راسها بمعنى ايه ودخلت وراه ... ودعو عايلتها و هزها مروحين للدار ...
طول الثنية ساكتين حاولت تحكي معاه أما هو كان هادي .. كلمة منطقش بيها
اريناس .. اسد لي صار بيني و بين محمد...
اسد : سكر فمك منحبش نسمع صوتك .. لكلام وقت نوصلو للدار ..
لفتت وجها للبلار وخنست ...