❤️ تزوجت_ابنة_عرشي ❤️

29

29

تمشي وتجي في الييت ... الطريق حرقتها ... تاكل في ظوافرها ..النار خارجة من عينيها ...لا مش سمرة لي تفلت الخيط من يدها ... مش سمرة لي تسمح في حقها .... شكونها مرتو ...شكون لي خذات ملكها ... اي أسد بالنسبة ليها ملكها وخط أحمر ... مستحيل تفلتو من يدها و... حتى و عرس هي مهيش باش ...تسكت .... باش تعمل كل شي و تاخذو.... حتى لو كلفها تقتل مرتو ...
عدات يدها على شعرها قريب طيرو ... حلت باب البيت متاعها ..
سمرة : يسر ... يا يسر ... ايجا هوني
يسر: تفضل اختي سمرة.
سمرة: منيش اختك .. اولا باش تتعلم تقولي لالة سمرة .. ... و تو منيش فاضية نعلمك ... كفاش تحكي ...
حل فمك و خبرني ... كفاش صار العرس ... و شكونو هاللفعة لي قربت على أسد ...
يسر: العرس ليه سنين .. أسد و اريناس مسميين على بعضهم من وقت كان صغار ....وتو جمعوهم مع بعض كهو ... شي آخر متسالنيش عليه ... أنا هوني تربيت وكبرت وكليت ملحهم .. هذاك علاش باش نخبرك .. متفكرش انك سيدة عليا ولا تحلم ناديلك لالة ... و بالنسبة لاسد ومرتو ... حتى لو جربت ألف مرة مكش باش تفرق بينهم ..لانو الحب شاعل من عيونهم ...
سمرة: هزت يدها و عطات كف ليسر ... باش ندمك يا تافهة ..باش نوريك شمعناها توقف في وجهي ...
يسر : لمزية عاملة وجه لالة ودعة باش نعديهالك ... أما مرة اخرى ايدك نكسرهالك يا لفعة. ..
...
شنية رايكم في الشخصية لجديدة لي طلعت ❤️