❤️ تزوجت_ابنة_عرشي ❤️

36

36

يسر خرجت ....و هي . دخلت للكوجينة ..حطت القهوة طيب .. و من جيهة حطت لفطور .. يطيب صبت قهوتها في الكأس.. و قعدت طل على الجنينة لي من ورا الدار .. حلت الطاقة ..لمطر تصب خفيفة ... قطرات يدخلو تتلمس فيهم بيديها .. .. تسمع في صوت قطوسة جاية من الجنينة ... حطت شال فوق راسها وطلعت الجنينة ...تبع في الصوت ... لقات قطوسة صغيرة تحت سطل تخبات من الشتاء.. سخفتها كفاش متكمشة وتقطر ... .. هزتها بين يديها ودخلتها معاها للدار ... دخلتها للدوش عبت بانيو بماء دافي و دوشتهلها .. نشفتها ...وهبطتها معاها .. حطتلها حليب في صحن ... و حطتلها طرف لحم ني على جنب .. وقعدت تتونس بيها ... شوي ودفات القطة هذيك و بدات تلعب بين رجليها مرة تطلع في حجرها ...مرة تهبط للرض ..
قعدت تحكي معاها .. و تشكيلها .ودموع على خدها منجمتش تتحكم فيهم .. كل وين تمسحهم يزيدو ينزلو اكثر .. .. فاقت على روحها شقاعدة تعمل ... شبيك اريناس ..تو نورمال قاعدة تحكي مع قطوسة .. سامحني يا روحي من دخلتك بديت ننفخلك في قلبك ..
طفات علفطور ..و حطت كل شي فوق الطابلة ...
طلعت على الساعة .. لقاتها قريب صلاة العشاء ..تو تعرفو باش يصلي ويروح .. هزت دبوزة الماء .. و هزت القطوسة طلعة لبيتها وسكرت الباب . حطت القطوسة فلرض .. و تعدات للدوش توضات لبست ثوب الصلاة .. وبدات تصلي.. حياتنا وقت تتخرب .. نعرف لي بعدنا على طريق ربي .. الطريق الوحيد لي إذا تبعناه منخافو من حتى شي ... ربي سبحانو كاتبلنا رزقنا و راسملنا طريقنا .. إحنا يلزم نرضاو بالمكتوب ونحمدو ربي على نعمتو و على امتحاناتو لينا زادة .. لأنو ميسكر باب .. لين يحلو بدالو عشرة ...احنا يلزمنا نعرفو نختارو ... و نامنو بقضاء الله وقدره.