❤️ تزوجت_ابنة_عرشي ❤️

10

10

قعدت مصدومة منو ومن حالتو ..لا يزي فجعها بتكسار لحوايج ....لا يزي سؤالو لي مكانتش مستنيتو ..
هزت عينيها فيه .. تكذب كان تقول ما خافتش ... تكذب كان تقول ما تفجعتش منو ....... أما يمكن هاذي هي الفرصة لي باش تحارب فيها على جال حبها ....
أسد: نكلم فيك ... حل فمك ..شكونو لي بايتة تحلم بيه ..
اريناس : راجل لي حرمتني أنت منو ...
أسد: عاود شقلت ... كأني ما سمعتش مليح ..
اريناس : قامت من بلاصتها . تعارك في شعرها .. لا أنت سمعتني ولد عمي ... سمعني مليح . الكلكم قررتو حياتي.. من صغرتي قررتو اسمي قررتو وين نقرى. .و وين تحبس قرايتي قررتو شنلبس وين نمشي و وين نجي... و في الآخر قررتو اني نعرس بواحد منعرف عليه كأن أسمو . متربطني بيه كان صلة الدم. بالمقابل حرمتوني من الراجل لي حبيتو ... الراجل لي حليت عينيا فيه ... الراجل لي مستعد يخسر روحو على جالي .. أي أنا حبيت زياد العامري ..وليد عرش العامري ..لي حتى تار الدم موقفش و مفرقش بينا ... أما جيت أنت فرقت بيني وبينو ....و تو هاك عرفت لحقيقة ... اعمل لي تحب عليه منيش خايفة..
واقف يسمع ليها مش مصدق لي قاعدة تحكي فيه ... حكمتو هيستيريا متاع ضحك ... يضحك بالصوت .. من الصدمة يمكن .. أو يمكن على حالتها لي تسخف ... يضحك لين وجعتو كرشو ....حالتو خلاتها تتفجع كثر ... ردة فعلو مش نورمال ... فجأة قرب منها و طرقها بكف ..لين طاحت في الارض ..... مزالها ما استوعبتش رجع هزها و زادها كف و اثنين و أكثر لين معادش فيها ... حصرها مع الحيط و تكلم ...
أسد: لا وطلعت تعرف تحب يا بنت عرش الشاوي .. .. أما خليني نخبرك حاجة ... زياد متاعك راجل معرس و بصغارو .. وحتى مرتو بنت عمو... يعني كان يضرها يعرف روحو يموت هذاك علاش مكنش باش يأخذك ... الله أعلم شحاجتو بيك ..... حاجة أخرى مبارح في السهرية باركلي بعود ... و فرس عربي أصيل زادا ... الحاجة الثالثة أدعي لبوك ليل ونهار لأني مقتلتكش على جالو كهو .. و آخر حاجة تلم دبشك و تخرج من بيتي ... أنا فضلة الناس متبقاش عندي ... و من ليوم مرحبا بيك في جهنم ... يا ..... بنت عمي .