❤️ تزوجت_ابنة_عرشي ❤️

31

31
تعدات عشوية حلوة بين العم و ولادو الكل دايرين بيه ... طبعا محمد ما حكى ولا كلمة مع اختو .... . و أسد مغابش عليه هاذ الشي .. كان متابع كل شي بعينيه .. .. قام محمد طلع للحوش يحب يعمل سيقارو .....
تحججت اريناس بالكوجينة و لحقت محمد ..تحب تحكي معاه و تطلب السماح منو ... ..
حطت شال فوق كتافها وطلعت .. كان عاطيها بظهرو ينفخ في سيقارو ...
اريناس: محمد ..نجم نحكي معاك خويا....
محمد: قتلك كلمة خويا منحبش نزيد نسمعها منك ..ولي يربطني بيك انك مرت ولد عمي ..
اريناس: الدم عمرو ما يرجع ماء ياخويا ... باش نبقى اختك الصغيرة دلولتك .. أنا غلطت يا خويا غلطت .. والإنسان مش معصوم من الغلط .. أنا مكنتش ممكن نعمل عملة كيف هك ..أما قلبي هو لي داني لهاذ الواد ..نعرف لي مطلعتش قد ثقتكم فيا ..نعرف لي منستهلش نوقف حذاك ونطلب السماح .. انت اقرب واحد ليا من خواتنا الكل ...تتذكر من وقت كنا صغار كنت نجيك ونحكيلك كل شي يصير معايا.. أما هاذي المرة منجمتش نحكي منجمتش نخبرك نقلك هاني شبيني يا خويا..
أنا زياد عرفتو في عرس اختو لمياء ..وقتها رحت أنا و أمي .. اما وقت كنت في العرس فتت بالغلط لبيت كان فيها هو .. وقتها اعتذرت و طلعت وأنا ميتة بحشمتي .. بعدها ايامات بعثلي مع نورية لي تبيع دبش .. وقت جات قاتلي حاجتو بيك .. وقتها مخي صورلي أنو فما قضية التار لي بينا و بينهم ديت نورية و رحت نقابلو ... أما هو خبرني لي اهل عرشهم يحكيو على التار لي بيناتنا وانو قربت ذكرى موت خوه و ولاد عمو ...وهما يخططو ياخذو تارهم من جديد ... وقتها ترعبت مشيت روحت .. بعدها بايامات قابلتو مرة أخرى ...ولقيت روحي حبيتو و تعلقت بيه .. قنعني انو يعرس بيا باش تار الدم يحبس ..وانو الحل الوحيد انو نجيبو صغار ...هكا العرش معادش يحوس على الدم .. افهمني يا خويا ... لي صار مش بيدي بي صار .قلبي لي قرو ..حبيتو كيف ما أنت حبيت نجمة ..
على كلمتها هز يدو باش يضربها ..
تقارن فيا بلمسخ هذاك .. حل فمك ...
رجعت خطوة لور وغطات وجها تستنى في الكف ...