❤️ تزوجت_ابنة_عرشي ❤️

23

23

قامت ودعة مخر شوي ... صباح الخير يا بناويت .. وينكم اعملولي قهوة خنفيق شوي ... الظاهر دواء لقلب باش يموتني بدل ما يرتحني ... يسر يا يسر ... خي مرت أسد فاقت ولا مزال
يسر: فاقت من بكري يا لالة... وهي لي حطت لفطور ..أما مريتهاش وين مشات ..
فيروز: من شوي ريتها عند لفرس هي و أسد يا خالتي ... تحب ناديهالك
ودعة: لالا خليها ..
يسر ايجا هوني يا بنتي ... وأنت فيروز ...برى للسطح انشر الصوف باش نغزلوها اليوم نعملو بيها فرش جديد ...هيا تراه حركو يديكم ...
يسر: تفضل يا لالة .. حاجتك بحاجة
ودعة: اقعد ... واسمعلي مليح شباش نحكي .. تو أنت اعقل وحدة في لبنات ونعرف نجم نعمل عليك ... باش نحكي معاهم مبعد باش تروح تسكن عند أسد ليامات هاذو ... نحبك تنسنسلي عليهم كفاش عايشين ...من غير ما يحس عليك ... ما تعمل شي اخدم خدمتك وعينك عليهم
يسر: باهي يا لالة كيف ما تحب .. صحيتك ...وتو امشي لخدمتك ..
شوي وقت و دخل اسد .. عينيه تلعب على الحوش يلوج عليها ... اما ريحتها فمفاش ... قرب من امو باسها ... و مشى ريح حذاها ... اقعد تفطر ولدي ... خي شبيك أنت عرست وانت دودة ولدتلك في رجليك منجمتش تريح نهارين مع مرتك ..
شبيها مرتي ...اشتكاتلك من حاجة ...
لا أما قاعدة نشوف بعيني ... لاباس ماو ..
اي لاباس امي الحمدلله .. هيا تو خنمشي نبدل دبشي نطلع نخدم ..
وين عندك تمشي .. ليوم مرتك ترزف لدار بوها وأنت باش تاخذها
وين عندها تمشي ماو عندها يومين منين جات ..
سكر فمك هذم العادات مكش باش تبدلهم ...و برى حظر روحك ..