17
تعدى الوقت ولحق وقت لفطور .. جهزت روحها و لبست روب سامبل بلون .. حطت سلسال فضة .و خلخالها لي ما تتخلاش عليه ....جهزت الطاولة ....و خرجت لحماتها خبرتها لي كل شي جاهز ... طبعا نفسها في الطياب يشهي ... تعدات عشوية حلوة بين ضحك وتفدليك لكبارات متجمعين درا شنية يخططو ... ولبناويت مارجين اريناس باش تحكيلهم على العرس ... .
ليليا: قلي اريناس ... كفاش العرس ...يعني شنية لي تغير عندك
فيروز: وه شنية باش يتغير ..ماو كانت صبية صارت مرا
هههههههههههه يهلكك يا فيروز على كلامك ..
أحلام: قلي كفاش لقيتو راجلك .. حنين .. أما خذيت وشفت يا اريناس .. راجلك كيف نلوج عليه باشمعة مثماش كيفو ..
ليليا: قلي ... يقولو لي ليلة الدخلة . صعيبة و الدم تقولش ذبحت دجاجة
فيروز: ..لا ذبحت علوش خير.... قداشك بهيمة ...هذاك علاش لتو معرستش
اريناس: يزيتوش تو يا بنات .... عيب راهو لي تحكيو فيه ...وقت تعرسو كل وحدة تعيش مكتوبها .. ..
ليليا: .. ريتوها كفاش عاملتلنا الطفلة الحشمانة ... مش علينا بنتي تتذكرشي وقت عرست بنت الطاهر أنت بحد ذاتك خليتها تحكي ...
اريناس: ما يقدر عليكم كان ربي ... باهي باش نحكيلكم ...راجلي مزيان برشا... طويل و خدمو مخدوم تقولش عليه يعمل رياضة ... لحيتو يا ربي باش تهبلني ..و ريحتو .. حتى ملمس يديه يحرقني...ويطيرني يخليني نجنح ... كيف نشوف مع عينيه نحسهم يجذبو فيا ليه .... أما في نفس الوقت صعيب طبعو ..والكلمة ميحبش يعاودها ...
فيروز: يعني كيف يقلك اطلع فوق الفرش ميعاودهاش مرتين ..
طرشقو كلهم بالضحك ....حتى هو كاتم ضحكتو بالسيف .. كان يسمع ليهم من اول لحديث بالصدف ة .. حمحم باش يوقفو ركاكة .. و هما تنطرو كلهم من الحشمة .. حتى هي وجها رجع أحمر ... قامت من بلاصتها و حلت الباب لقاتو هو ... تمنات الأرض تبلعها ..و هو مركزش معاها ..
أنت تقرأ
❤️ تزوجت_ابنة_عرشي ❤️
Storie d'amore❤️ #تزوجت_ابنة_عرشي ❤️ #منقووووووولة عسلامة لبنات الكل ... انشاء الله تكونو بخير وعلى خير ❤️ رجعتلكم بكرونيك جديدة.. هي قصة حقيقيةنتمنى تعجبكم 😍 .. الكاتبة Riz Zilia فهي تزوجت ابنة عرشي 💔😓 . قاعدة ضامة ساقيها لصدرها ... تطلع على الطاقة لي بد...
