37
قاعدة فوق الطاولة . تبسيمة على فمها و تلعب بطرف محرمتها ..... رجل فوق رجل مش محترمة حتى حد .. تو هي بدات تلعب في لعبتها ..و لي راتو ليوم خلاها تزيد تطغى ...اريناس فريسة سهلة بالنسبة ليها. و في سع ما راح تفرقهم ... الظاهر خدمتها ساهلة .. مش باش تتعذب معاها ...أما المشكلة كفاش باش تخلي أسد يرضى بيها .. بالنسبة ليها باش تاخذو بأي طريقة .. مهما يصير .. ..
جات ودعة من بيتها . بعد ما صلات لعشاء .. .وقفت تطلع عليها .. بنت اختها وتعرفهها مليح ..مهيش باش تبقى عاقلة . و وراها مشاكل . يلزم ودعة تحذر اريناس منها ..
(مخرة يا ودعة العقرب بخت سمها)
ودعة: اعدل قعدتك ..ماكش في قهوة يا سمرة .
سمرة: وه خالتي سمحني . ما انتبهتش ..
ودعة : مرة أخرى تنتبه ..
شنية سبابها الفرحة لي على شفافك ..
سمرة: شنيا نحب أكثر خالتي ..ماني معاكم و وسطكم تتصوروش قداش كنت متوحشتكم ..
ودعة: لا واضح قداكش متوحشتنا ... الظاهر لمدينة نساتك العادات با بنتي
سمرة : علاش خالتي شعملت ...
ودعة: لبلاصة هذيكا متاع الكنة شبيك متصدرة غادي
سمرة: شبيني خالتي ولا ميشرفكش نصير كنتك صحيح بنت مدينة و عرشي مش كيف عرشكم .. أما بنت أصل ومفصل ..
فيروز: لا واضح اصلك ..
سمرة قلت شي ؟؟!
ودعة: لا بنتي مقلت شي ... أما مكنش لشكون ولدي معرس بمرتو ...والثاني صغير عليك
سمرة: وآلله دنيا مكتوب يا خالتي . متدريش شنيا مخبيتلنا ليام ..
أنت تقرأ
❤️ تزوجت_ابنة_عرشي ❤️
Любовные романы❤️ #تزوجت_ابنة_عرشي ❤️ #منقووووووولة عسلامة لبنات الكل ... انشاء الله تكونو بخير وعلى خير ❤️ رجعتلكم بكرونيك جديدة.. هي قصة حقيقيةنتمنى تعجبكم 😍 .. الكاتبة Riz Zilia فهي تزوجت ابنة عرشي 💔😓 . قاعدة ضامة ساقيها لصدرها ... تطلع على الطاقة لي بد...
