❤️ تزوجت_ابنة_عرشي ❤️

20

20

قاعدة عند راسو على حافة الفرش تمدلو في دواه يشربو ...
علي : والله حاسس روحي تعبت على قبل...و الدواء هذا معادش ينفع ... الظاهر لعمر باش يخلص يا مرى ..
ودعة: بعيد الشر عليك .. أنشأ الله يديمك ربي فوق روسنو وتشوف احفادك ...
علي: هههههههههههه ماو عندي احفاد ولا نسيت ولاد بناتك
ودعة: نعرف .... أما تشوف ولاد أسد أنشأ الله ..
علي: ريتهم لبناويت متاعك ... محظروش عرس خوهم ...
ودعة: شعندهم يعملو ..العرس جا على غفلة قررتوه في جمعة ...و لبناويت معرسين بعيد ... أما قالو باش يجو وقت يتفاضاو رجالاتهم و يجيبوهم .
علي : أنشأ الله ربي يهنيهم كهو ...
لالة ودعة: سي علي نجم نخبرك حاجة
علي: احكي يا مرا .احكي
لالة ودعة : مش شايف انو أسد نهار بطولو هارب من مريتو .... مع انو عداو عرسهم أما تحسهم غراب على بعض
علي : تو يتعودو ..تخافش كيف ما تعودنا إحنا
ودعة: نعرف أما أنا قلت خنمشوي لدار الجبل لينا برشى مرحناش ....و هكك يكونو تحت عيني وأسد معندو وين يهرب
علي: يقوى عليكم ربي .... يا مرا اجبد روحك من لولاد خليهم تو يتوانسو ببعض. يحبو بعض ..
ودعة: تي معندي ما نعمل قلت خنخرجو للجبل و لبناويت يتنفسو شوي من تعب العرس .. و منطولوش ... نبقاو جمعة كهو و نجيو ... حتى اذا تحب نخبرو دار سي عمار و هكا نمشيو الكل ..
علي: لا تو يجو لولاد ..و الدار متهزش تنساش عدنا نساوين ... ولا نسيت الحرمة يا مرا ...
ودعة: باهي ما إحنا نمشيو ..
علي : باهي اطفي الضوء تو و غدوة نشوف ...