❤️ تزوجت_ابنة_عرشي ❤️

14

14

كان ماشي جاي في البيت ....مخو تحرق ..مش متحمل وجودها في دار لتو ....و في نفس الوقت مش منجم يحل فمو لانو باش يسيل الدم اكيد .... حاسس روحو مربط و.... هو هكك و هي دخلت ..... عطاها بظهرو ميحبش يراها ....
أسد: مش قتلك منحبش نراك في داري
اريناس: كيف متحبش تراني .. انت هزني لبابا وخبرو علي صار
أسد: ههههلا و بكل صحة رقعة مزالك تحكي ....
اريناس: لي نحكي فيه مش غالط ... عمرك ريت حد مشى للموت بساقيه؟؟؟ مدامك مديتنيش أنت أنا منيش باش نمشي ...
تلفتلها عينيه جمر .... قاعد يشوف في صحة وجها .... و في نفس الوقت يشوف في ملامحها لي مبينة منفوخة من ظرب لي كلاتو مبارح .... تعدات بجنبو للدريسينغ ... تتعامل معاه بكل هدوء .... الشي لي قاعد يعصب فيه ... جبدتلو دبش نظيف و منشفة حطتهم على جنب ... هاو حوايجك كان تحب تعمل دوش ..و لفطور ربع ساعة ويكون حاظر بين ما لبست أنت ..
شدها من يدها وجبدها بقوة لين تخبطت في الحيط .. خرجت اه من فمها من لوجيعة لي حستها ...
أسد: شقاعدة تحاول تعمل. .. لا تكون صدقت روحك لي أنت مرتي ... تهنى انت ميشرفنيش حتى تكون خدامة عندي ... أما لي مربطلي يديا عمي و بابا ... أما متفرحش وتلعب بحظك برشا ... في اي لحظة نتقلب عليك و نوريك شمعناها تتبهلل عليا ... و تو تخرج من البيت هاذي معادش نحب نراك فيها وكان تحط ساقيك هوني نقسمهملك ...تسمع فيا .. سيبها و نطر المنشفة دخل للدوش مخليها وراه تندب على عملتها وتضرب في روحها بلكفوف .... انك تلوم غيرك باش تخفف ثقل على صدرك ساهل برشا ... أما انك تلوم روحك فهذا يخليك تتعذب و من غير سلاك ...
هزت روحها بشوي مشات للكوجينة حطت لفطور و حلت شبابك الدار تتهوى ... و قعدت فوق الطاولة .. تتفرج على الجنينة لي من الجهة التالية لدارهم ... لين سمعتو نزل .. وقفت باش تحطلو لفطور ... أما هو ما قيمهاش حسبها كانها مش موجودة ... هز دبوزة الماء شرب و هز مفاتح كرهبتو وخرج ....