❤️ تزوجت_ابنة_عرشي ❤️

25

25..

طول الثنية ساكتين .... كانت سارحة من بلار كرهبتو ... مخها ماشي لبعيد .....تخمم في حياتها كفاش تقلبت ... ندم لي قاعدة تحس فيه قاعد يقتل فيها ... علاش مفاقتش من قبل ... علاش مترتجعتش على غلطتها من اول الطريق .. هي خانت عشيرتها ..خانت تربيتها ...خانت بوها و خواتها ... خانت أمها. و أهم شي خانت راجلها .... نزلت دمعة من عينيها ... مسحتها قبل ما يشوفها. أما هو فكان مرة على مرة يسرق نظرة منها . و بالطبيعة مغابتش عليه الدمعة لي نزلت ... ومخو في ساع ما صورلو أنو قاعدة تبكي على زياد .... وقت لحقو جات باش تنزل ...تعدى من جنبهم زياد ...و تبسيمة خبث على وجهو ... كانت لاهية مع القضيات لي في يدها مشافاتوش أصلا .. أما أسد .. فحس بركان تفجر في قلبو .... شدها من خصرها لزها ليه ... استغربت من عملتو .. هزت عينيها تشوف فيه تحاول تفهم شنية قاعد يدور في مخو ... .. أما منجمت تشوف كان النقمة. .ويمكن حتى الكره ... حل باب الحوش دخلها ... و وقف ..
أسد: شوف كان عمي في دار أو لولاد نشوفهم
اريناس: علاش مكش باش تدخل معايا ...
أسد؛ منيش باش ندخل و...
اريناس: أما عيب شنية باش نقول لأمي كيف تسأل عليك ...
قرب منها علخر لين عاد يتنفس في وجها .... أنت آخر وحدة ممكن تحكي على العيب .... و حل عينك نلقاك قدام الشباك ولا يطلع صوتك .... باش ندمك ... و تو عندك ساعتين في يدك نرجع نهزك ..
اريناس: كفاش ساعتين مش قتلي لعشية .. .
أسد: كلمة وحدة منعاودهاش تخلينيش نرجعك منين جيت تو ...
باهي أسد كيف ما تحب ... هزت روحها و دخلت ... أما هو فخرج لخدمتو يركح شوي أمور لين يلحق الوقت ...
قاعد في كرهبتو ..يخمم مش عارف وين باش توصل هالمسرحية.... وين باش يلحق هالكذب ..... .. مش فاهم مشاعرو .. مش فاهم شنية هالشعور لجديد لي قاعد يعيش فيه .... تو هو في مد و جزر ... شي داخلو يجذبو ليها و يقربو ...و شي آخر يقلو أبعد وأقطع الخيط .... عدى يديه على شعرو ... و نزل من الكرهبة .. أحسن حاجة يفرغ غشو في الخدمة تو....