❤️ تزوجت_ابنة_عرشي ❤️

06

6

أسد: شنيا البقعة الزرقاء لي في رقبتك ؟؟.
شنيا حكاية لبكى والدموع لي من وقت هزبتك وأنت بيهم .. ..
شهقت وقت تذكرت البقعة الزرقاء ..... كفاش نسات تغطيها ....كفاش نسات أنها تعمللها حساب .. حتى لو هي مكانتش راضية عليها ... .
فلاش باك : ..
الليل طاح ..وهي لبست .و وقفت طل تستنى فيهم يرقدو باش تنجم تطلع تشوف حبيب روحها زياد من وقت سمع انو خطبتها تحددت طلب يشوفها .. هزت روحها و طلعت بالسرقة ... من غير ما يحس بيها حد ....هي وقت حبت حبت بروحها وقلبها ... حتى ذرة خوف أنهم يشدوها مفماش ... .. وصلت الاسطبل متاع الفرس ....و دخلت لتخشوشة متعودين يتلاقو فيها ..... تعدى شوي وقت و وصل زياد ...
من غير ما يحكي معاها .. خذاها في حضنو ... يشمشم في ريحتها ...يحب يعبي بيها داخلو ...
اريناس: شبيك طولت عليا زياد... توحشتك راني ..
زياد: يا روحي كان تشوف أنا قداشني متوحشك ..
اريناس: امانك زياد ...قلي لي أنت مكش باش تسلم فيا . قلي لي انت باش تمنع العرس ..ومتخلي حتى حد يأخذني منك ..
زياد: ششششش اهدى يا روحي .. كان لزم نخطفك وحتى حد ما ينجم يلقانا .. أما أنت وعدني ..وعدني متسلمش و تحارب على جالنا ..
اريناس .. نو.... شصاير هوني ..
تلفتو ثنيناتهم مفجوعين للصوت .. صدمة اريناس وقت رات خوها محمد واقف قدامها تمنات الأرض تنشق وتبلعها ...
قربت منو تبوس في يديه و ساقيه ... ..
امانك محمد ... عيش خويا خليني نفسرلك .... ..
هز يدو لي فيها السلاح و ظربها على رقبتها طاحت في الارض .
هز سلاحو في وجه زياد. ..
تشهد على روحك يا كلب ...
وقفت اريناس وجات بيناتهم .... امانك محمد بجاه ربي و... إذا قتلتو التار باش يرجع والدم باش يسيل مرة أخرى ... عيش خويا ... .
محمد: انت تسكر فمك معادش تقول عيش خويا .. معادش نحبك تقول خويا ... أنت من الليلة ميتة بالنسبة ليا.. شدها من شعرها وسحبها معاه وتلفت لزياد ...
حسابي معاك مخلصش ...ادعي انو حتى حد ما يعرف بالخمج متاعكم ..
هزها معاه لدارو وشدها يضرب ويسوط ... يضرب ويعاود أما شي نارو محبتش تطفى ... لين دخلت نجمة مرتو تفك في اريناس ...
يا محمد ... وسع بالك أستغفر مولاك .. اختك راهي مهما غلطت .. باش تقتلها .... ربي ميرضاش ...
محمد: اسمعني نجمة ... الطفلة هاذي باش تبقى هوني .. و يا ويلك حد يسمع لي صار والله لما نطلقك ...
نجمة: تهنى حتى حد ماو باش يسمع .. ..
طلع محمد ..الجاج لكحل داير بيه .... أما اريناس فخلاها بين يدين نجمة داوي فيها ... كانت جهامة بلا روح ..