❤️ تزوجت_ابنة_عرشي ❤️

11

11

قال كلامو و دخل للدريسينغ لبس بالزربة ....و طلع قبل ما يفيق حد و يمرجو بالأسئلة ... هز كرهبتو و حرق الطريق للجبل .. مش عارف وين يمشي ولا شلازم يعمل .. مخو باش يتحرق يعني تو هي مرتو ..عرضو و شرفو ... .. و هو ولد عرش يعني قضية كيف هاذي قضية دم ... يعني إذا مقتلهاش هو عمو باش يقتلها أول ما ترجع للدار .... يعني هو طردها من شوي تو تكون ماشية للدار ... . مش منجم لا يقرب لا يبعد... مش منجم يهضم لي عملتو ...و في نفس الوقت مش ساخي بيها يقتلوها ... حبس الكرهبة على جنب و حط راسو على الفولون .. يحاول يطفي النار لي تحرق في مخو ....
... .....
كانت ملوحة في الأرض كيف ما خلاها ... الدم نازل من فمها و خشمها بعد لكفوف لي كلاتهم ... يعني ..تو هي رايحة للموت على جال شخص ما يستهلش ... تذكرت وقت لي هد عليهم محمد كفاش هي لي واجهت خوها أما هو اكتفى انو يتفرج و يهرب ... قداشها غبية ..... كفاش ما خممتش ...كفاش ما انتبهتش عليه .... لا و فوقها وقفت في وجه أسد ... و حطت من قيمتو ... تو خسرت راجلها..خسرت اهلها .. خسرت ولد عمها ...و عن قريب باش تخسر حياتها ...هذا الكل لأنها صدقت كلام واحد .. كيف زياد ... هي هكك ملوحة في الأرض و الباب اندق ..
وقفت بالسيف ... و حلت ... لقاتها نجمة .... شهقت مرة وحدة كيف شافت حالتها ...
نجمة: وه يا ربي وه شعملت يا طفلة ... علاش عمل فيك هك ... خي مش وصيتك تحط عقلك في راسك. .. شعملت يا اريناس ... اللطف با ربي ..
شدتها قعدتها على حافة السرير .. البيت كانوا صايرة فيها حرب ... .. قعدت عند رجليها وبدات تحكي ...
نجمة: اريناس ...شوف عندي عيش اختي ...شعملت احكيلي شصار ... كنت رايحة لداركم وقت تعدى عليا أسد بالكرهبة.. حالتو معجبتنيش قلبي نغزني .. هذاك علاش جيت نشوفك ..احكيلي عيش اختي ...
بدات تحكيلها في لي صار الكل ... من لبارح .. لين لقاتها تو ..
نجمة: يكب سعدك ... يهلكك على عملتك .. يا ربي شباش يصير تو
اريناس: ههه شباش يصير ... باش يعلنو فرمان موتي و يلوحوني من الهضبة .. كهو
نجمة: اششش مزالك تهدر وتحل في فمك ... شخصو راجلك اه ... خذيت راجل و سيد الرجال زين و وهرة ... كان على الرجلة عندو ... كان على الهيبة عندو ... كان على الزين مفماش اشب منو ... كان على لفلوس ... متاكلهاش النار .. اه اعمل عقلك ... كان بالحق حب يقتلك راهو قتلك من بكري ... تو قوم لم البيت ... و أعمل دوش و البس لبسة صبوحيتك ....و أعمل مكياج درق بيه زروقية بدنك ..لين يرجع راجلك ونشوفو شباش يصير .. تو يلزمني نخرج ..امانك اريناس أعمل عقلك متخليش الدم يسيل ..