❤️ تزوجت_ابنة_عرشي ❤️

38

38

نيمت لولاد في بيتهم ... و جات تتكعبر ..كرشها خارجة تو عندها 8 شهور و هي حبلة .. جابت القفة متاع الصوف.. و قعدت حذاه في الفرش ..تنسج تعمل تريكوات بيبي ..
نجمة: عزيزي شوف ليوم جات نورية التاجرة .. وأمك شراتلي الصوف باش نحضرو دبش والبيبي .. أنا احساسي انها بنت .. وانشاء الله تجينا بنت . بعد معتز و أيهم .. أما شباش نسموها .
محمد: لي من عند ربي مرحبا بيه ..يهم الخلقة التامة ..
نجمة: أنشأ الله عزيزي .. شوف لأني منعرفش شنيا في كرشي .. شريت لون صفر و أبيض . يجي علثنين كان طفلة أو طفل .
محمد : يعطيك الصحة ..متعبش روحك ..مبقاش على زيادتك .
نجمة : كل شي في يد ربي ... أما محمد نحب نطلب منك حاجة ..
محمد: اشكي ..
انت تعرف النفاس عدنا روح تكون معلقة في السماء ... كان رجعت هاني باش نربي صغاري و نحطك في عينيا كيف ما تعرفني ...أما كان ربي خذا امانتو .. متخليش صغاري يحسو باليتم .. نحبك تعرس بيسر .. يسر بنية مزيانة برشا .. و قلبها ابيض و حنين ..نعرف لي هي باش تربي صغاري كيف امهم بي ولدتهم ..
محمد: شنيا لكلام هذا يا مرا .. سبق الخير ..تو تولد كيف ما ولدت ايهم و معتز وتقوم بخير أنشأ الله .
نجمة: أنشأ الله محمد أنشأ الله .. أما هاذي وصيتي ليك . ..
محمد: نجمة انت واعية شقاعدة تطلب مني ... اني ندخل مرا اخرى لفرشي من غيرك .. الظاهر لحبالة تعبتك ... برى عيشخ مريتي طفي الضوء و ايجا نرقدو ...هيا تراه ..