❤️ تزوجت_ابنة_عرشي ❤️

47

47

خرجت مبروكة من البيت متاع نجمة... وه شبيه هذا ينوح ... خي شبيك با ولدي لا تكون مش عاجبتك لبنية ..
محمد: مرتي يا خالتي مبروكة .. شبيها
مبروكة:صار انت تبكي على جال مرتك .. والله عشنا وشفنا .. برى لمرتك هايكا وين راقدة ...من غير ما تفيقها سلم عليها وخليها ترتاح تعبت ..
باسها من راسها .. ودخل لنجمة لي وجها كان اصفر ... شفاها بيض كيف الثلج .. قعد عند رأسها .. يبوس و يعاود من جبينها ..
نجمة: م ..محمد ... ر ريت مخليتكش
محمد: الحمدلله يا روحي ... الحمدلله ..
نجمة: وينها بنتنا ..
محمد: عند امي متخافش هي بخير ..
نجمة : سميها .. مياسين ... باش تلمع أكثر مني ..
( مياسين معناه النجمة شديدة اللمعان)
محمد: ارتاح انت تو ... و الصغار باش نحطهم في عينيا لين تقوم بخير ..
اما في الأول يلزمني .. نلوج على راجل..
نجمة: ما فهمتش ..
محمد: ماك حبيت تعرس ليسر .. هاني بش نلوجلها على راجل مليح ..ونعرسلها بيه .. باش مرة أخرى معادش تقول عرس مرى غيري ..
ضحكت معاه .. و قرب شفافها ..
باستو من يدو و هو طلع يحمد في ربي... مشى لامو هز بنتو اذنلها في وذنها ..و سماها مياسين .. رجعها لامو .. و طلع باش يطمن بوه ..
على طلعتو تلاقى باريناس في الباب .. أسد وقف يطلع عليهم كانت خائفة انو يطردها ..أما هو فتح يديه ليها و هي مكانتش من العاكسين . جرات لحضنو .. بقاو مدة هكك ..
اريناس : نجمة؟؟
تهنى هي بخير ... تبسمت معاه ودخلت تجري ...أما هو فسلم على اسد لي باركلو ..ومشاو لدار بوه