❤️ تزوجت_ابنة_عرشي ❤️

39

39

من وقت خرج لعشية و هو يتذكر فلي صار ... يتذكره في خزرتها ليه .. يتذكر في دموع لي راهم في عينيها ...وقت لقاتو مع سمرة .. قداش كره روحو وكره الموقف لي تحط فيه .. .. وين يقول تو نصلح بشوي .. يبعدو أكثر ...
شنيا باش يقولها .. كفاش باش يفسرلها لي صار .... و هو كل شئ تعدى قدام عينيها ..
شنيا باش يكون موقفها ... زعمة صايي حكمت عليه ... زعمة تكون خبرت لي في دار بلي صار ...
لا كان خبرتهم راو بوه لوج عليه و قتلو تو ..... يمكن هي خبات .. كيف ما هو خبى لي عرفو على علاقتها بزياد ... أما علاقتها بزياد كانت قبل ما يتخطبو... يعني هي ما خاناتوش ... أما هو شعمل قدام عينيها و في نص دارها و مع مرا غيرها ..
عدى يديه على لحيتو ...حرك راسو ينفض في الأفكار .. و تعدى لكرهبتو ...ديمارا ديريكسيون للدار .. دخل لقى الضوء متاع الحوش طافي ... الظاهر كلهم رقدو ... اطمن أنو مفما حتى حد سمع بلي صار ....
دخل لدارو و شعل الضوء ... حسها مكنش .. الظاهر دخلت لبيتها .. دخل للكوجينة باش يشرب .. لقاها محظرتلو عشاه ... كل خير كيف العادة عمرها ما خلاتو بلا فطور ...حتى في حالتها هذيكا ..و حظرتلو .. نحى فاست حطها فوق الكرسي .. و طلع . يلزم يحكي معاها ... يلزم يخبرها لي صار .. صحيح مفماش حب بينهمه ... او نقولو مهمش شالقين بلي يحبو بعض ... أما هي مرتو .و يلزمو يفسرلها لي صار. . لحق لباب البيت .. خذا نفس ودق الباب .

حلقات الليلة ❤️ شرايكم فيهم ... ملتقانا غدا باذن الله .