❤️ تزوجت_ابنة_عرشي ❤️

22

22

قامت الصباح بكري ... أصلا مرقدتش كلامو وجعها ليل كامل تستنى الضوء يطلع باش تهرب لدار عمها تلتي روحها مع لبنات ... وقت إذن الصبح توضت صلت في بيتها و هبطت للكوجينة ... حضرتلو فطورو باش وقت يرجع من المسجد يلقاه حاظر ....لبست جبة مستورة ... حطت فولار على راسها و مشات لبيت عمها ... حظرتلهم لفطور كيف العادة ... دخل عمها أول واحد من المسجد ... شدتو ريحة القهوة لي عبات الحوش ... مشى لبلاصتو .. لين جاتو ...
صباح الخير بابا ...
صباح الخير بنتي .. شبيك مبكرة ليوم ...
حبيت نحطلك لفطور ..نعرف لي أمي تاعبة من العرس حبيت نريحها شوي ..
يرضى عليك يا بنتي ... ها قلي هاك لولد كفاش يعامل فيك .. إذا مقلقك قلي نشدلو وذنو
لا وه بابا أسد ولد متربي الحمدلله أنا لي يخاف ربي مرتاحة من جيهتو .. الحمدلله يعامل فيا بالباهي ...
اسمعني عيش بنتي ...نعرف لي مزالك صغيرة .. ومريت شي من الدنيا ... انت صون راجلك و رتحو .... واعمل واجبك ... أما إذا هو ما حمدش النعمة .. تجي لعندي وتحكيلي وانا ناخذلك حقك ..انت بنتي وأمانة خويا ..
قامت باستو من راسو .. قلبها عصر عليها شحال كرهت روحها شحال نقمت على عملتها .. يعني تو هي كانت باش تضرهم ..هالناس الطيبة .. هزت روحها و طلبت تمشي تحط تبن للفرس ... أما هي تحب تهرب تبكي براحتها .... دخلت للفرس وقعدت في لرض تبكي بالشهقة ...من غير شي قلبها معبي ....
كان ورا الباب من وقت دخل بوه سمع كلامهم الكل و تو هو فاهم سباب دموعها .. أما مينجمش يواسيها ... يمكن وقت رى شوكتها مكسورة برد قلبو شوي ... قرب منها ..
أسد: قوم ...
قامت ملرض مسحت دموعها رأسها مهبطتو. .
اريناس : سمحني جيت نمد تبن للفرس
أسد: مش شغلك .. من اليوم متطلعش من الباب ... وتو اتحرك ... هزتلو راسها ومشات تجري ...طاحت فولارتها منها وهو هزها قربها لخشمو يشم فيها ..